(+994) 050 626 86 70
(+994) 055 673 68 09
(+994) 070 534 65 52

qaynar xətt

Ramazanovsuz “İnter”də nə dəyişəcək?

Ramazanovsuz “İnter”də nə dəyişəcək?

Topaz Premyer Liqasının problemləri başdan aşır. Çempionatda cəmi 8 komanda oynasa da, yerli futbolçu qıtlığı baş alıb gedir. Büdcən nə qədər olursa olsun, keyfiyyətli yerli oyunçularının sayı məhduddursa, iddialı kluba çevrilməyin mümkünsüzdü. 

Ölkə klubları içində taca sahib olmaq uğrunda mübarizə iki komanda arasında gedirsə, onları təqib edənlər sırasında birincilik “İnter”ə məxsusdu. Ən azından qış fasiləsinədək belə bir mənzərə yaranmışdı. Komandanın “Qarabağ”la keçirdiyi 2 oyunda 4 xal toplaması da sıradan bir hadisə deyil. Futbolçuların da günü-gündən biri-birlərinin nəfəsini daha yaxşı hiss etməyə başladığını nəzərə alsaq, “bankirlər”dən mövsümün ikinci yarısında daha böyük nailiyyətlər gözləməyə dəyərdi.

Lakin fasilənin yaranması ilə Zaur Svanadzenin yetirmələri meşə ceyranlarını xatırlatmağa başladı. “Aslanlar” isə şikara çıxmışdılar. Kimisi Səlahət Ağayevin, kimisi Ruslan Abışovun ovuna çıxmışdı. Ancaq tilova salınan bircə Ağabala Ramazanov oldu...

Necə buraxıldı, niyə getdi, mənəvi dəyərlər hansı plana düşdü – bütün bu sualların cavabı artıq bəlağət elminə aiddi. Düşündürücü sual isə birdi: Ramazanovun gedişi “İnter”ə hansı dərəcədə təsir göstərəcək?

Ağabalanın müdafiə olunmaqla qəti yoldaşlığı yoxdu. Sürətli reydləri ilə rəqiblərinin başağrısına çevrilən vingerin fərdi ustalığı Rauf Əliyev üçün də göydəndüşmə olurdu. Çünki belədə Ramazanov bir neçə müdafiəçinin diqqətini üzərinə çəkir, mərkəz hücumçusu üçün isə boş zonalar yaranırdı. 

“İnter”in sıralarına nəzər salaq. Sol cinahda oynaya biləcək bir neçə oyunçunun adını çəkə bilərik. Pərdis Fərcad Azad, Samir Zərgərov, Mirsahib Abbasov kimi futbolçular vakant yerə namizəd kimi göstərilə bilər.

Adlarını sadaladığımız futbolçulardan Ağabalaya qismən bənzər üslubda iranəsilli Pərdis oynayır. Bu da başadüşüləndi - axı, o, hücumçudu. Digər iki futbolçuya gəlincə, onların ətalətli futbol oynadıqlarını söyləyə bilərik. Xüsusilə, 23 yaşlı Mirsahibin parlayacağını gözləyənlər hələ ki, böyüməyən oyunçunu seyr edirlər. Zərgərova gəlincə, ölkənin ortabab futbolçularından biridi. Ümumi ansablı pozmayacaq, fərdi ustalıq baxımından göydən ulduz tutmasa da, əzmkarlığı ilə bir çox futbolçulara örnək olar. 

Deməli, Svanadze rəqiblərinə uyğun olaraq, müzakirəyə çıxardığımız mövqeyə kifayət qədər futbolçu arasında seçim aparacaq. Əlbəttə, Ramazanov adlarını sadaladıqlarımızla müqayisədə daha kreativ idi. Lakin gürcü mütəxəssisin yaylıq çəkib ağlamağa vaxtı yoxdu. Komandasının oyun dəst-xəttinə Ağabalanın gedişi təsir göstərəcək. İndi hücum xəttində Rauf Əliyevin üzərinə daha böyük yük düşəcək. Ancaq sözün həqiqi mənasında kollektiv futbol oynayan “bankirlər” üçün bir oyunçunun gedişi (lap elə liderlərindən birinin) ölümcül zərbə olmayacaq.

CEYHUN ƏLİYEV


 
tarix: 11-01-2017 17:30


 
Xəbər lenti
26.09.2017

01:27   La Liqada 6-cı tura darmadağınla yekun vuruldu - VİDEO

01:20   “Arsenal”dan inamlı qələbə - VİDEO

00:37   “Sumqayıt” “Səbail” üçün hazırlığa Cavidsiz başladı

00:10   Super Liqada 6-cı tura yekun vuruldu

25.09.2017

22:34  Araz Abdullayevin klubu liderliyini qorudu

21:35  “Yuventus”un prezidenti 1 illik futboldan uzaqlaşdırıldı

21:06  La Liqa klubunda yeni baş məşqçi

20:37  “Qəbələ” “Neftçi”yə 7 qolla qalib gəldi

19:36  “Qarabağ”dan azarkeşlərə müraciət

19:05  “Qarabağ” - “Roma” oyunu ilə bağlı polisdən xəbərdarlıq

18:30  “Qarabağ” – “Roma” matçı üçün pulsuz nəqliyyat

18:14  “Roma” Bakıya bu heyətlə gəlir

16:55  “Roma”: nə vaxt gəlir, nə vaxt gedir?

16:46  15 faizlik büdcə, lazımsız İcraiyyə Komitəsi və susdurulan Əbilov

16:38  “Qarabağ”la oyunlarda maksimum nəticə əldə etməliyik"

16:15  BOS-da “Qarabağ” - “Roma” matçı öncəsi festival

16:06  "Qəbələ" də olmasa...

15:55  “Prosineçki məni yığmada görmək istəmir” - Dadaşov

15:38  Birinci Divizionda yeni mövsümün püşkatması - FOTOLAR

15:26  “Roma”ya Monika Beluççi, “Qarabağ”a...

15:18  La Liqa klubunun baş məşqçisi qovuldu

15:07  Millimizlə oyun öncəsi Almaniya yığmasında daha bir itki

14:53  UEFA Gəncləq Liqası: “Qarabağ” - “Roma” matçı üçün Fesniç

14:41  UEFA-dan Könül Mehtiyevaya növbəti təyinat

14:26  Öncə Qurbanov, sonra Di Françesko

14:19  Ramin Musayev: “Premyer Liqada 12 komanda iştirak edəcək”

14:04  Birinci Divizionun püşkü atıldı

13:56  Yenə Azərbaycan - İtaliya dueli, yenə Dias

13:45  “Qarabağ” - “Roma” matçında bu topla oynayacaqlar

13:24  Maşallah Əhmədov Əfv Komissiyasına müracət edib

13:16  “Qarabağ” - “Roma” matçının hakimləri açıqlandı

13:06  Konte "Qarabağ"a şans vermədi: Favorit bizik...

12:46  Azərbaycanlı futbolçu üçün yeni baş məşqçi

12:35  Üçüncü səfər sindromu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az