(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Aydın Bağırov
Sabahımızı məhv edən AFFA və klublar

Sabahımızı məhv edən AFFA və klublar

Hamımız AZAL-ın üstünə düşmüşük. Dani Kintananın zədələnməsi ilə bütün mətbuat bu klubu az qala ölkə futbolunun bəlalarının səbəbkarı elan etməyə tələsir. Haqlıyıqmı? Qismən hə. Amma yalnız qismən.

“AZAL Arena” nəinki Premyer Liqa matçlarını, ümumiyyətlə, heç bir yarışı qəbul etmək üçün hazır deyil. Bu idman qurğusunun süni qazonunun istismar müddəti çoxdan bitib. Rəhbərlik nəinki onu yeniləmək üçün heç bir iş görmür, hətta mətbuata açıqlama verməyə də həvəsli deyil. Bütün günü gənclər və idman nazirliyində kreslosunu qucaqlayaraq oturan vitse-prezident Fikrət Hüseynov telefon zənglərinə cavab vermir, baş məşqçi Tərlan Əhmədov “maaş verməyə pul tapa bilmirik” deyir, qışda əsaslı təmir aparılacağını vəd etmiş mətbuat xidməti isə indi də apreli gözləməyi məsləhət görür.

Əslində, mətbuatın yazdığının bu klubun sahibi olan Cahangir Əsgərova isti-soyuğu yoxdu. Aviabiletlərin qiyməti ilə bağlı ölkə rəhbərliyi ilə hesablaşmayan, öz xanlığında hakimi-mütləq olan birisinin 5-6 nəfərin etirazına görə əlini cibinə atacağı inandırıcı deyil. Ona görə də “AZAL Arena”nın təmir ediləcəyi, daha neçə futbolçunun karyerasını məhv etməyəcəyi ilə bağlı nağıllara inanmayın. Əsgərov da belə hay-küydə maraqlıdı. O, gözləyir ki, AFFA hansısa yollarla onun üçün stadion təmir etdirsin.

Qazonun ən keyfiyyətsizinə sahib olan AZAL rəhbərliyinin əlində bəhanə də var. Axı, “Zirə”, “Sumqayıt”, “İnter” də rəqiblərini süni örtüklü meydanda qəbul edir. Hələ “Kəpəz”in oynadığı Gəncə stadionu daha pis vəziyyətdədi – bəlkə də buranın ot örtüyü “AZAL Arena”yla müqayisədə daha acınacaqlı durumdadı. Elitaya gələcəyi gözlənilən “Səbail”, eləcə də olimpiya komplekslərinin meydanlarına sığınan digər divizion klubları da eyni vəziyyətdədi.

O zaman 8 komandalı çempionatda 5 iştirakçının eyni problemi varkən təkcə AZAL-ı gözümçıxdıya salmaq nə dərəcədə ədalətlidi? Hə, Şüvəlandak meydan ən bərbad durumda olanıdı, lakin digərləri də oxşar vəziyyətdə deyilmi?

Milli komandalarda milliləşdirmə prosesi, xaricdə Azərbaycana bağlılığı olan futbolçuların axtarışı uzun illər davam edəcək. Çünki istəsək də, sağlam gənc nəsil yetişdirə bilmərik. Bütün klubların aşağı yaş qruplarından olan komandaları süni örtüklü meydanlarda məşq edir. “Neftçi”nin bəzi komandaları klubun Bakıxanovdakı bazasında çox az sayda məşq keçir, “Qəbələ”nin 14 yaşdan yuxarı kollektivləri növbəlilik prinsipi ilə təbii örtüklü yaşıl qazon görür.

Vəssalam. Ölkənin qalan bütün uşaq komandaları süni örtüklü meydanlarda hazırlaşır, AFFA-nın təşkil etdiyi uşaq liqalarının bütün oyunları belə meydanlarda keçirilir. İndi siz deyin: sabah üçün sağlam, istedadlı gənclərimizin yetişməsi mümkündümü?

Dani Kintananın zədəsi göz önündə oldu, ulduz futbolçu olduğu üçün itkisi diqqət çəkdi, söz-söhbət yaratdı. Halbuki futbolumuzun sabahı sayılan bütün gənclər süni meydanlarda şikəst böyüyür, onların karyerası başlamamış bitirir. Süni qazonlar zədə mənbəyidi və burada hazırlaşanların heç biri fəsadlardan qaça bilməz. “Zirə”dən qaçan Tatonu yada salın: legioner aşıq şəkildə belə qazonlarda oynamağın karyerasını məhv edəcəyini deyərək, böyük pullardan imtina edib, qaçdı.

Dövlət proqramı çərçivəsində sovrulan milyonlar kimi, AFFA-nın, klubların indiki xərclədikləri də havayı məsrəflərdi. Ozobiçə, Ameydaya, Meza Kolliyə, Xizanişviliyə, Kvirtiyaya, Ebaha, Petrova və neçə-neçə legionerə xərclənən pulları yaşıl ot örtüklü meydanların salınmasına, sağlam gələcək nəslin yetişdirilməsinə sərf etmək lazımdı. AFFA illərdi boş yerə bəslədiyi Bernard Lippertə, yarısını yemək şərtilə, xərclədiyi milyonları da bu istiqamətə sərf etməli, çempionatları süni olmayan meydanlarda keçirməlidi, yoxdusa, salınması üçün iş görməlidi.

“Qəbələ”nin əsas komandasının uğurları himayədarının istehsal etdirdiyi təbii şirələr, “Qarabağ”ın qələbələri sponsorunun xalqa sırınan gündəlik tələbat malları qədər saxtadı. Əsl uğur, əsl qələbə “Mançester Yunayted”də oynayan Henrik Mxitaryan səviyyəli ulduzun yetişməsi, mili komanda üzvlərinin əsl azərbaycanlılar olmasıdı. Ona görə də AZAL yeganə günahkar deyil. Sabahımızı AFFA və klublar əl-ələ verərək məhv edir.

VÜSAL MAHMUDOV


 
tarix: 08-02-2017 14:25


 
Xəbər lenti
16.01.2018

11:41   “Sumqayıt” Divizionun liderinə belə qalib gəldi - VİDEO

11:20   “Zirə” - “Keşlə” matçının məkanı bəlli oldu

11:10   Rəşad Sadıqovun milidə ilk sınağı - YENİLƏNİR

11:00   “eTopaz”da günün canlı oyunları

10:27   Futbolçunu vuran hakim cəzalandı, qərarı ləğv olundu

10:00   “TOPAZ”DA BU GÜN

09:36   Büdcəni aşan komitəyə “qulaqburma”

09:28   AFFA-nın yalanı: hollandlar razılıq verməyibmiş

09:24   Erməni məşqçiyə ömürlük cəza

09:12   Aleksandr İaşvili: “Razılaşmamız rəsmi xarakterli deyildi”

09:07   DÇ-2018-in iştirakçısı İordaniyaya uduzdu

09:00   Diplom sahibinin məsuliyyətsizliyi: AFFA Kosovonu niyə seçdi?

02:25   “Betis”dən çətin qələbə- VİDEO

02:15   MY-dən darmadağın - VİDEO

00:40   “Keşlə” kamerunlu futbolçu ilə müqavilə imzaladı - FOTO

00:35   “Kəpəz”də iki futbolçu ilə bağlı qərar verildi

00:10   Topaz Premyer Liqasında qış bazarlığı - YENİLƏNİR

00:06   Lopes rəsmən “İnter”də - FOTO

15.01.2018

23:25  “Qəbələ” tək məşqlə kifayətləndi

23:19  “Borussiya” İsveçrə millisinin üzvünü transfer etdi

22:39  Millimizin forvardı rəsmən Super Liqa klubunda

20:17  “Xəzər” sabah Antalyaya gedir – İlk rəqib də bəllidi

19:38  “Sumqayıt” liderə qalib gəldi

19:06  Valeh Seyidov ilə qolla başladı

18:55  “Bursaspor” millimizin üzvü ilə yollarını rəsmən ayırdı

17:52  Premyer Liqa klubunda yeni baş məşqçi

17:16  “Qarabağ” yenə Aqollisiz məşq etdi

16:52  Uqo Barqas: “Neftçi”dən ayrılmaq çox çətin idi”

15:58  Ozobiç “Qəbələ”dəki 3 ən gözəl və vacib qolundan danışdı - VİDEO

15:12  “Qarabağ”ın “Kuban”la yoxlama matçının vaxtı açıqlandı

14:59  Kosovo tərəfi xəbərimizi təsdiqlədi 

14:25  Milli komandada yeni baş məşqçi

14:01  Millimizə daha bir futbolçu qoşuldu

13:49  “Bursaspor” və “Kayserispor”dan təkzib: Yalandı!

13:33  “Səbail” Divizion klubuna qalib gəldi

13:15  “Kəpəz” Cənubi Koreya klubu ilə qarşılaşacaq

12:45  Riad Rəfiyevin növbəti oyunu

12:37  Hakim futbolçunu öncə vurdu, sonra meydandan qovdu - VİDEO

12:22  “Qarabağ”ın sabiq forvardı Hollandiya klubunda

12:07  Kosovo ilə matç dəqiqləşdi

11:44  Bu ölkə DÇ-2026-ya ev sahibliyi etmək istəyir

11:31  “Qarabağ” 2,5 milyon dollarlıq hücumçunu istəyir

11:28  Seqoviya “Neftçi”dən getməyə razılaşdı

11:22  Azərbaycan Premyer Liqası mövqeyini itirdi

11:15  Lisandro Lopes “İnter”də

11:00  “eTopaz”da günün canlı oyunları

10:34  Berluskoni “Milan”ın satışından pul “yeyib”?

10:00  “TOPAZ”DA BU GÜN

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az