(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
“Şəmkir”dən AFFA-ya etiraz: “Bu qərarı verənlərin bizimlə qərəzi var”

“Şəmkir”dən AFFA-ya etiraz: “Bu qərarı verənlərin bizimlə qərəzi var”

Azərbaycan çempionatının 1-ci divizionu çərçivəsində keçirilən “Şəmkir” – “Şahdağ” oyununda qırmızı vərəqə alan meydan sahiblərinin müdafiəçisi Cəmil Hacıyev bu gün növbəti şoku yaşayıb. Futbolinfo.az xəbər verir ki, AFFA-nın Nizam İntizam Komitəsi arxa xətt oyunçusunu 4 oyunluq cəzalandırıb. Qərarla razılaşmayan Hacıyev rəqibi Sərxan Ağayevi zədələməsini sırf oyun epizodu kimi dəyətləndirib və verilən qərardan şoka düşdüyünü bildirib:

- 4 oyunluq cəzalanmağın nə dərəcədə düzgün qərardı?
- Fikrimcə, bu qərarı verən insanların ya mənə, ya da çıxış etdiyim “Şəmkir” klubuna qarşı şəxsi-qərəzliyi var. Başqa heç nə deyə bilmərəm. Hamı gördü ki, adi oyun epizodu idi. Ümumiyyətlə, referi mənə qırmızı vərəqəni göstərəndə tam əmin idim ki, NİK qərarı ləğv edəcək. 4 oyunluq cəza aldığımı eşidəndə isə dediyim kimi özümə və ya klubuma qarşı şəxsi-qərəzlik hiss etdim. 4 oyunluq haqqım yeyildi.

- Ümumiyyətlə, epizodu necə şərh edərdin? Tam olaraq, nə baş verir?
- Rəqib futbolçuya təmasım oldu. Bu da təbii haldı. Həmin epizodda komanda yoldaşımı sığortalayarkən rəqiblə toqquşdum. Amma hər təmasda kimsə yıxılacaqsa, zədələncəksə, onda hamıya qırmızı vərəqə verək, 4 oyun da cəzalandıraq. Həm də rəqib futbolçunun çəkisi məndən 3 dəfə də azdı. Pis çıxmasın, hər toqquşmada o, məndən bir neçə metr kənara “uçacaq”.  İndi onun çəkisi azdı deyə, mən onu hər dəfə buraxım ki, getsin qol vursun? Bu, nə dərəcədə düzgündü? Mənə elə gəlir ki, həmin epizodda hakim qorxdu. Futbolçunun vəziyyəti pis idi, təcili tibbi yardım maşını ilə aparıldı. Hakim də düşündü ki, mənə qırmızı vərəqə verilməlidi.

- Sənin əlin konkret rəqibin hansı hissəsinə dəydi?
- Əlim bir az zədələnib. Belə başa düşdüm ki, rəqibə əməlli-başlı təmas olub. İlk növbədə bu təmas bilərəkdən olmayıb. Daha sonra mən qərar açıqlanmamışdan əvvəl videoya təkrar-təkrar baxdım. İnanın, orada qırmızı vərəqəlik bir şey görmədim. Mən, müdafiəçiyəm, hücumçunu qarşılamalıyam. Yaranan vəziyyət gülməli də deyil, ağlamalıdı. Mənə qarşı haqsızlıqdı.

- Bundan sonra nə etmək fikrindəsən?
- Artıq cəza verilib. Nə etirazı edə bilərəm? Rəhbərliklə danışacam, ola bilsin, apellyasiya şikayəti verdik. Çünki 4 oyunluq cəza fantastik qərardı. Əgər oyun epizounda görə 4 oyunluq cəza verilirsə, onda belə çıxır ki, əlbəyaxa çıxan futbolçuları ömürlük futboldan uzaqlaşdırmaq lazımdı.

- Ötən mövsümü “Sumqayıt”da keçirdin, yayda “Zirə”yə keçdin. İndi isə “Şəmkir”dəsən. Geriləməyinə səbəb nə oldu?
- Futbolda hərdən elə olur ki, oyunçu özünü yaxşı hiss etmir, ya nəsə alınmır. Sadəcə, “Sumqayıt”da müqaviləm başa çatdı və “Zirə”yə keçəsi oldum. Burada isə hətta yoldaşlıq oyunlarında belə şans verilmədi. Bu məsələ mənim üçün qaranlıq qaldı. İlk dəfə idi ki, həyatımda belə şey görürdüm.

- O zaman komandaya rəhbərlik edən Adil Şükürovla bu haqda söhbətiniz oldumu?
- Bəli, söhbət etdim. O, mənə dedi ki, məşq edib, “artırmaq” lazımdı. Amma fakt budu ki, yoxlama matçlarında 5 dəqiqə belə şans qazana bilmədim. Özümü sınaq görüşlərində şans qazanmayacaq qədər zəif futbolçu saymıram.

ELMAR ABDULLA-ZADƏ


 
tarix: 14-02-2017 17:20


 
Xəbər lenti
17.12.2017

10:06   Araz Abdullayevdən qol ötürməsi - VİDEO

02:19   “Valensiya” uduzdu, “Atletiko” qalib gəldi - VİDEOLAR

02:11   “İnter” ilk məğlubiyyətini aldı, “Napoli” və “Roma” qalib gəldi - VİDEOLAR

01:44   PSJ 3 xalı 4 qolla qazandı - VİDEO

01:26   “Borussiya” və “Bavariya”dan çətin qələbə - VİDEOLAR

00:52   MS “Tottenhem”i böyük hesabla yendi, “Çelsi” və “Arsenal” qalib gəldi - VİDEOLAR

00:30   “Trabzonspor” tək qolla güldü

16.12.2017

23:27  “Real” dünya çempionu oldu - VİDEO

22:55  Dəniz Yılmaz “Bursaspor”a lazım olmadı

21:27  Yunis Hüseynov istədi, “Kəpəz”də yeni məşqçi təyinatları gerçəkləşdi

20:56  Nəsirov ehtiyatda qaldı, komandası qalib gəldi

19:53  Araz Abdullayev oynadı, “Anortosis” qalib gəldi

18:00  Nazarov yenə fərqləndi, komandası qələbəni əldən verdi

16:37  “Neftçi”nin göndərəcəyi oyunçuların siyahısı

16:36  Fransa klubu baş məşqçisini qovdu

15:28  FİFA İspaniyanı DÇ-dən qovmaqla hədələdi

14:36  “Qəbələ”nin qış hazırlıq planı açıqlandı

13:59  “Qəbələ”də yeni müqavilə

13:42  “Kəpəz”də baş məşqçi istefaları

13:39  “Neftçi” legioneri ilə yolları ayırdı

13:16  Yubiley təxirə salındı - qərarı İcraiyyə Komitəsi verəcək

13:02  Adil Şükürov Türkiyə millisi və “Traktorsazi” rəhbərliyi ilə görüşdü

12:01  BOM-da təqdimat - FOTOLAR

11:46  “eTopaz”da günün canlı oyunları

11:22  “TOPAZ”DA BU GÜN

11:08  Nazim Süleymanov yenidən “Alaniya”da

10:05  Ziya Əzizov oynamadı, komandası uduzdu

02:08  “Monako” “Sent-Etyen”i 4 cavabsız qolla yendi - VİDEO

01:56  La Liqada 16-cı tura qolsuz start - VİDEO

01:30  “Borussiya”dan inamlı qələbə - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az