(+994) 050 626 86 70
(+994) 055 673 68 09
(+994) 070 534 65 52

qaynar xətt

İlkin Fikrətoğlu
Elnur Məmmədli
Fariz Nəcəfov: "Haqsızlığı ört-basdır etməyə çalışan adama salam verməyəcəm"

Fariz Nəcəfov: "Haqsızlığı ört-basdır etməyə çalışan adama salam verməyəcəm"

“Qəbələ”nin vitse-prezidenti Fariz Nəcəfov bu gün keçirilən AFFA Klublar Komitəsinin iclasından sonra jurnalistlərə müsahibə verib. Futbolinfo.az saytının əməkdaşının da suallarını cavablandıran klub rəsmisi daha çox hakim səhvlərindən danışıb.

- “Qarabağ” rəsmisi Asif Əsgərovla qızğın müzakirə aparırdınız. Nədən danışırdınız?
- Keçmiş oyunları müzakirə edirdik. Bəzi matçlarda olan mübahisəli epizodlarla bağlı fikir mübadiləsi aparırdıq. Bilirik ki, bizi “Qarabağ”la qarşıda gərgin oyun gözləyir. Çox maraqlı görüş olacaq. İnanıram ki, mübarizə yalnız iki komanda arasında gedəcək.
 
- Klublar Komitəsinin gündəliyinə ölkə futbolunda o qədər də vacib olmayan məsələlər salınıb...
- Sözün açığı, iclasda hansı məsələlərin müzakirə olunması Klublar Komitəsinin sədri tərəfindən qeydə alınır. İstənilən klub hansısa məsələni təklif edə bilir. Bu, bizim 2017-ci ildə ilk görüşümüz idi. Ola bilər ki, az məsələ müzakirəyə çıxarılmışdı. Ancaq önəmli olduğunu düşünürəm. Bir neçə il öncə də “Neftçi” klubu əvəzedicilərin əsas komandadan bir gün sonra oynamasını müzakirəyə çıxarsa da, həmin vaxt qəbul olunmamışdı. Biz yenidən bu məsələni PFL və aidiyyəti qurumlara təklif etdik. Gündəlikdə qeyd edilməyən başqa məsələlər də oldu.
 
- “Qəbələ”ni ən çox narahat edən amillərdən biri də Premyer Liqanın 4 klubunun süni meydanda oynamağıdı. Yəqin razılaşarsız, bu amil çempionluğa oynayan komanda üçün heç də yaxşı hal deyil...
- Bəli. Ötən il “Qəbələ” klubu tərəfindən bu məsələ gündəmə gətirilmişdi. Aidiyyəti qurumları da günahlandırmıram. Çünki klublarda vəziyyət başqa cürdü. Çünki bu, klubların üzərinə düşən işdi. AFFA onlara yalnız dəstək ola bilər. Amma meydançalar həddən artıq bərbad gündədi. “Kəpəz” – “Qarabağ” matçını televiziyadan izlədim. Ora hansısa ucqar kənd meydançasından da betərdi. Orda futbol oynanılmaz. Ona görə bunu qabartmıram ki, fevralın 28-də “Kəpəz”lə səfərdə qarşılaşacağıq. Oynayacağıq ki, söz-söhbət olmasın. Gəncə azarkeşlərinə böyük hörmətim var. Onlar Azərbaycanın ən yaxşı klub azarkeşlərindən biridi. Onları futbolsuz qoymaq olmaz. Amma orada futbol oynamağı dayandırmaq lazımdı ki, azarkeşlər də meydançanın düzəldilməsi üçün tələb etsinlər. Klub olaraq biz də dəstək verə bilərik. Belə ki, keyfiyyətli ot hazırlayan yaxşı mütəxəssislər təklif edə bilərik. O cür regionda meydança olmalıdı. Meydança olmayan yerdə futbol yoxdu. Həmçinin, AZAL-ın, “Zirə”nin meydançası bərbad vəziyyətdədi.  

- “Qəbələ” – “Qarabağ” oyunu ətrafında böyük ajiotaj yaranıb və əsas müzakirə mövzusu hakimlikdi. Həmin matçı əcnəbi hakimin idarə etməsi ilə bağlı bir təklifiniz varmı?
- “Qəbələ” 2010-cu ildən iddialı çıxış etməyə başlayıb. Həmin gündən bəri bir azərbaycanlı kimi utanmışam deməyə ki, xarici mütəxəssislər cəlb olunsun. Çünki xaricdən mütəxəssis gətirilməsini istəməklə demək istəyirik ki, Azərbaycanda ədaləti qoruya bilən adam yoxdu. Mən bunu deməyə utanıram. Qoy bu fikri formalaşdıranlar, bizi buna məcbur edənlər utansınlar. Mən də istəyirəm ki, hər oyunda haqq-ədalət olsun. Amma belə şəraitdə başqa variant haqda düşünməyə məcbur olursan. Söhbət təkcə “Qəbələ” – “Qarabağ” görüşündən getmir. Başqa komandaların görüşlərində də eyni şeylər baş verir. “Neftçi” ilə matçda ofsayddan qol vurduq, lehimizə qərar verildi. Amma istəmirəm. Həmin hakim kim idisə, sağ olsun. Amma belə səhv eləməsin. Ondansa, Fariz Yusifov Ruslan Abışovun ikinci sarısını verərdi. Bu olardı ədalətli. Nə “Neftçi” inciyərdi, nə də biz narazı qalardıq. 10 nəfərə qarşı qələbə qazanardıq və ya uduzardıq, bu öz işimizdi. Həmçinin, “Zirə” ilə axırıncı görüşdə. Yan xətt hakimi Zeynal Zeynalov dəfələrlə bizim oyunlarımızda qərəzli qərarlar verib. “Qarabağ” – “Qəbələ” görüşündə Rəşad Sadiqova qırmızı vərəqə verdirib, əleyhimizə ofsayddan qollar vurulub. “Zirə” ilə görüşdə də həm sarı vərəqə verdirdi, həm də qapımıza ofsayddan qol vurdurdu. Özü də düz xəttin üstündə idi, çox yaxşı da görürdü.

- Bütün klublar hakimlərdən gileylənirlər. Bu səhvlər nədən qaynaqlanır?
- Bu məsələyə birmənalı yanaşmaq olmur. Əlimdə bir sübut olsaydı, axıra qədər gedərdim. Klublar Komitəsində də bu məsələni açıq-aydın şəkildə dedim. Baxmayaraq ki, bəzi klublar AFFA tərəfindən idarə olunurlar. Qeyri-normal haldı. Amma AFFA-nı da başa düşürəm. Klublar ortada qalmamaq üçün AFFA bu dəstəyi verir. Onlarsız futbolumuz olmaz. Amma hər şeyin son nöqtəsi var. Haqqı deməyə bilərsən. İclasda dedim ki, haqsızlığı ört-basdır etməyə çalışan adama salam verməyəcəm.
 
- Ötən iclasda AFFA Hakimlər Komitəsinin sədr vəzifəsinə təcrübəli mütəxəssisin dəvəti müzakirə olunmuşdu. Bu məsələ gündəmdə qalırmı?
- Mənə elə gəlir ki, hakimliyi həddən artıq müzakirə edirik. Klub olaraq bu barədə danışmağımız düzgün deyil. Amma bir şeyi deyə bilərəm ki, məsələ o vaxt pik həddə çatır ki, hamının qərəz kimi gördüyü bir epizodla bağlı Hakimlər Komitəsinin rəhbəri, ona yaxın adamlar, hakim-inspektorlar tam əksini deyirlər.
 
- Belə bir fikir gəzir ki, “Qəbələ” çempion olmasa, büdcəsi azalacaq və klub rəsmiləri bu səbəbdən hakim səhvlərindən geniş danışırlar. Bu nə dərəcədə doğrudu?
- Biz ardıcıl iki mövsümdü Avroliqada uğurlu çıxış edirik. Klub prezidenti Tale Heydərov da, mən də deyirik ki, bizim ən birinci vəzifəmiz ölkəmizi xaricdə uğurlu təmsil etməkdi. Ölkə çempionu olmaya bilərik. İstər zəif olaq, istərsə də kənar amillər təsir etsin. Biz ölkəmizi xaricdə uğurlu təmsil etməyə çalışırıq. Amma siz deyən məsələ barədə bir söhbət olmayıb, klub prezidenti də belə bir söz deməyib.

ELMAR ABDULLA-ZADƏ


 
tarix: 15-02-2017 13:20


 
Xəbər lenti
30.03.2017

12:45   Fatih Terimdən Dəniz Yılmaz açıqlaması

12:30   "Arsenal" onu 50 milyona satmağa razılıq verdi

12:15   "Real": "Pikenin cavabı aprelin 23-də veriləcək"

12:00   "Barselona" satdığı futbolçunu geri qaytarır

09:00   “Qəbələ” “İnter”ə, “Neftçi” “Qarabağ”a qarşı - YENİLƏNİR

00:30   Azərbaycan Kubokunda yarımfinal həyəcanı

00:10   Azərbaycan Moldovanı belə darmadağın etdi - FOTOLAR

00:05   "Azərbaycan millisinin güclü olduğunu bilirdik"

00:01   Biro Jade: "Onlar yorğun olduqlarını, ayaqlarını hiss etmədiklərini deyirdilər"

29.03.2017

21:00  Yığmamızın futbolçusu rəsmən “Bursaspor”da!

20:00  Millimiz 7 qol vurub, 6-na sevindi

19:00  "Sumqayıt" "Neftçi" ilə oyuna hazırlığı davam etdirir

18:00  Tural Axundov: “Uğurlu çıxışımızın ardını gətirmək istəyirik”

17:40  “Azərbaycanlı futbolçular çox vaxt karyeraları ilə bağlı düzgün qərar qəbul etmirlər”

17:20  İqor Ponomaryov: “Neftçi” mənim gəncliyimdi”

17:00  Yarımfinal oyunları üçün hakim təyinatları açıqlandı

16:05  "Azərbaycan yığmasının qapanacağını öncədən bilirdik"

15:25  Şevçenko: “Həyatımdakı bütün ilklər Azərbaycanla bağlıdı”

14:55  Allahverdiyevin kadrları "Kəpəz"dən uzaqlaşdırılır - ÖZƏL

14:45  Hakim qolu 40 saniyəyə qeydə aldı - VİDEO

14:20  "Neftçi" "Qarabağ"a qarşı - VİDEOANONS

14:00  Qriqorçuk: "Ranyeri ilə Yardimi məmnuniyyətlə kofe içməyə dəvət edərdim"

13:29  Almeyda "Neftçi" ilə matçı buraxa bilər

13:21  Qətər dünya çempionatı ilə bağlı Azərbaycana müraciət edib

13:17  Elxan Məmmədov yalan danışırmış

13:10  Sabiq "Neftçi"lilərdən yubiley təbriki-3 - VİDEO

13:00  Dadaşov millimizdən imtina edə bilər

12:50  Millimizin rəqibləri Rusiya və Portuqaliyaya uduzdu

12:40  Messiyə gözlənilən cəza: 4 oyun və 10 min frank!

12:30  “Evdəkilər əlimdən bezmişdi” - Qurban Qurbanovun oğlu

12:20  Nazarov: "Azərbaycan millisi doğru yoldadı"

12:10  “Neftçi” – “Qarabağ” matçının biletləri satışda

12:00  "TOPAZ"DA BU GÜN

11:50  Millimiz bu gün Moldova ilə yoxlama oyunu keçirəcək

11:40  Meksika yığması 3 xalı tək qolla qazandı - VİDEO

11:30  Panama və ABŞ yığmaları bərabərə qaldı - VİDEO

11:20  Kolumbiya səfərdə qalib gəldi - VİDEO

11:10  Çili - Venesuela matçında 4 qol - VİDEO

11:00  Peru Uruqvayı məğlub yola saldı - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az