(+994) 050 626 86 70
(+994) 055 673 68 09
(+994) 070 534 65 52

qaynar xətt

İlkin Fikrətoğlu
Elnur Məmmədli
Çempionluq savaşında 3-cü pərdə: start fitinə 75 saat qalmış

Çempionluq savaşında 3-cü pərdə: start fitinə 75 saat qalmış

Topaz Premyer Liqasının 19-cu turu finiş xəttinə 9 oyunun qalmasını rəsmiləşdirəcək. Ancaq məhz bu turda 3-cü dövrənin bəzəyinə şahidlik etmək mümkün olacaq. Söhbət qızıl medal uğrunda cəngə çıxan “Qəbələ”ylə “Qarabağ” arasında baş tutacaq qarşılaşmadan gedir.

Oyun ətrafında yaranan ajiotaj səbəbsiz deyil. Hətta buna halqalı ajiotaj da demək olar. Komandalar arasında gedən qiyabi mübarizədə, yəni turnir cədvəlində, Ağdam təmsilçisi 3 xallıq üstünlüyə sahibdi. Bu baxımdan Roman Qriqorçukun komandası qalib gəlsə belə, “süvarilər” üçün faciə baş verməyəcək. Ancaq bu, ilk baxışdan bu cür görünür. Çünki finişə doğru getdikdə ən xırda detal ciddi psixoloji təsir mexanizminə çevrilir.

Başqa sözlə, “qırmızı-qaralar” bazar günü baş tutacaq görüşdən 3 xalla ayrılsalar, motivasiya baxımından nəzərəçarpacaq üstünlük əldə edəcəklər. “Qarabağ”ın isə, nə qədər də təcrübəli kollektiv olmasına baxmayaraq, bu məğlubiyyətdən sonrakı turlarda planlaşdırılmayan xallar itirmək ehtimalı yüksələcək.

Əgər turnir cədvəlində son 3 mövsümün çempionu bir addım irəlidədisə, internet resurslarında “Qəbələ” nəzərəçarpacaq üstünlük qazanıb. Hələ bu komandalar arasında ikinci dövrədə baş tutan və Rəhim Həsənovun idarə etdiyi matçdan sonra “Qəbələ” od püskürməyə başlamışdı. Doğrudu, Xaqani Məmmədov “UEFA-nın ən son təlimatlarına uyğun olaraq”, 3-cü dövrədə “qırmızı-qaralar”ın lehinə bir neçə xallıq hədiyyələri təşkil etdi. Ancaq əyalət təmsilçisi bununla da razılaşmayaraq, “bizə bu cür xallar lazım deyil” əks-hücumu ilə Hakimlər Komitəsini növbəti dəfə “nokdaun”a göndərdi.

Son 3 mövsümün bürünc mükafatçısı hər imkan düşdükdə “Qarabağ”ın “bostanına daş atmağı” da unutmur. Doğrudu, “bıçaq sümüyə dirənən” kimi “biz bu komandaya hörmətlə yanaşırıq, onları nəzərdə tutmuruq” deyirlər. Ancaq bu, boğazdan yuxarı deyilən sözlərdi. Həqiqətdə isə klub rəsmiləri də, məşqçi heyəti də, yumşaq desək, çempionu pərdəarxası oyunlarda ittiham edirlər.

Qısası, informasiya, sosial şəbəkə müharibəsində “Qəbələ” aşkar üstünlük qazanıb. “Qarabağ” isə... “Bəyin oğurlanması”nda mərhum Yaşar Nurinin bir ifadəsini xatırlatmaq istəyirik: “Sən söhbətini elə”. Çempion da bu üsluba əl atıb. “Süvarilər” sanki hava buraxmayan şarın içinə giriblər. Nə heç nə eşitmirlər, nə heç kimi görmürlər.

Qarşılaşmanın Qəbələdə baş tutması Qriqorçukun komandası üçün müsbət məqamdı. Bu faktor cüzi də olsa, meydan sahiblərinə üstünlük qazandırır. Hər halda, tribunada yer alan azarkeşlərin böyük əksəriyyəti meydan sahiblərini dəstəkləyəcək.

“Qəbələ”nin qələbəyə oynayacağını proqnozlaşdırmaq üçün elmi dərəcəyə sahib olmağa ehtiyac yoxdu. Elə bu amil Qriqorçukun komandasını tabloya əks tərəfdən baxmağa məcbur edəcək. Yəni, onlar üçün “matçın 15-ci dəqiqəsi gedir” ifadəsi yaramayacaq. Meydan sahibləri “final fitinə 75 dəqiqə qaldı” kimi düşünəcəklər. “Qarabağ” isə əksinə, lövbər salıb, final fitini gözləyə bilər. Axı, ortada olan 3 xallıq üstünlük saxlanılacaq. Biz demirik ki, çempion heç-heçəyə oynayacaq. Ancaq mümkün 3 nəticə variantından “qırmızı-qaralar”ı bir (ancaq qələbə), ağdamlıları isə ikisi (qələbə və ya heç-heçə) qane edəcək.

Hakimlik, taktiki düzülüş, aparıcı fiqurlar, hava şəraiti – bütün bunlar növbəti yazıların mövzusudu. Hələliksə hər iki tərəf intensiv hazırlıqlarını davam etdirir. Start fitinə 75 saat qalmış.

CEYHUN ƏLİYEV


 
tarix: 16-02-2017 13:05


 
Xəbər lenti
25.06.2017

00:45   Topaz Premyer Liqasında yay bazarığı - YENİLƏNİR

00:30   Oliç də karyerasını başa vurdu

00:15   “Zirə” Qabriel Mateylə müqavilə imzaladı

24.06.2017

23:30  "Qarabağ" - ÇSKA matçında 7 qol - VİDEO

21:55  "Qarabağ" ÇSKA-ya böyük hesabla uduzdu

21:40  Portuqaliya 4 qolla qalib gəldi - VİDEO

21:20  Səmədovun Meksikaya vurduğu qol yetərli olmadı - VİDEO

21:00  Portuqaliya və Meksika növbəti mərhələdə!

20:00  "Qəbələ"nin daha üç rəqibi müəyyənləşdi

19:00  "Qəbələ"ni seçdiyim üçün özümü olduqca xoşbəxt hiss edirəm"

18:00  "Skenderbeu" çempionluq titulundan məhrum edildi

17:00  "Qəbələ"nin yeni transferi - VİDEO

16:00  Mendi rəsmən "Bordo"da

15:00  "Portu"dan Premyer Liqa klubuna

14:00  Sabiq "Real"lı karyerasını başa vurdu

13:30  "Qəbələ" Hollandiya klubundan müdafiəçi transfer etdi

12:30  “TOPAZ”DA BU GÜN

11:00  "Qarabağ"ın ÇSKA ilə matç öncəsi son məşqi - VİDEO

10:30  Anton Kanibolotski rəsmən "Qarabağ"da!

10:00  Millimizin sabiq üzvü Türkiyə klubunda

09:00  Premyer Liqa klubunu Çin komandasına dəyişdi

01:00  Messi ötən mövsümün ən yaxşısı seçildi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az