(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
HESABAT: Uşaq futbolunda yeyilən milyonlar

HESABAT: Uşaq futbolunda yeyilən milyonlar

 
Uşaq və Gənclər Futbolunun inkişafı üçün nəzərdə tutulan xərclər də ildən-ilə artır. Ötən illə müqayisədə daha 400 min çoxalan büdcə 2016-da 2 115 780 manata çatıb. Nəticə, görülən işin verdiyi xeyir - ortada heç nə yoxdu, AFFA bir ucdan xərcləyir. Halbuki həmin pulun yarısına ideal şəkildə yarış keçirmək olar. Hər həftə 12-13 yaşlı uşaqları Gəncədən Lənkərana, Qazaxdan Qusara daşımaqla, buna xərc çəkməklə futbolu inkişaf etdirmirlər. Uşaq futbolunda tərəqqiyə nail olmağın daha münasib yolları var. O zaman həm xərclər azalar, həm də uşaqlar yol əziyyətindən, dərsdən yayınmaqdan qurtulub itirdikləri vaxtı məşqə sərf edərlər. Uşaq liqalarında əksər komandalar həftə ərzində bircə dəfə də məşq etmədən, yalnız oyuna çıxırlar.
 
Uşaq komandalarına sərf olunan vəsait də göstəriləndən çoxdu. Hakimlərin, hakim-inspektorların qonorarının başqa ad altında göstərildiyini nəzərə alsaq, bu vəsaitin sərf olunma istiqamətləri çox maraqlıdı. Havaya sovrulan böyük pulların qarşılığında heç bir nəticə yoxdu, almaniyalı türklərə, dağıstanlılara, başqa ölkələrdə yetişən həmyerlilərimizə möhtacıq. Halbuki 2 milyona nələr etmək olmaz ki?
 
Həm də bu proses 10 ildən çoxdu davam edir. Bu illər ərzində uşaq futboluna 40 milyona yaxın vəsait ayrılıb. İş düzgün qurulsaydı, dövlət proqramının qəbul olunduğu 2005-ci ildən ötən 12 il ərzində minlərlə istedad üzə çıxarmaq olardı. Həmin vaxt 10-12 yaşı olan uşaqlar indi milli komandamızın əsasını təşkil etməliydi. Amma bu gün milli komandalarımızda ya milliləşənlər oynayır, ya Hafiz Məmmədovun sayəsində yetişən “Bakı”nın 60-a yaxın yetirməsi, ya da Heydərovların zəhməti sayəsində tərbiyə alan Qəbələ akademiyasının yetirmələri.
 
AFFA-nın rəsmi hesabatında oyunları təşkili üçün 450 337 manatın xərcləndiyi qeyd olunur. Bunun açması kimi klublarımızın avrokubok oyunlarına təyinat alan UEFA nümayəndələrinin, hakim və hakim-inspektorların qarşılanması xərcləri də daxildi.
 
Doğrusu, bu xərclərin də detallı açıqlamasına ehtiyac var. Söhbət hansı oyunlardan gedir? Bakıdakı Avropa çempionatı da bura daxildimi? Hesabatın sonrakı hissəndən aydın olur ki – YOX. Əlavə hansı oyunlar təşkil edilib? U-17-lərin qitə birinciliyinin təşkili xərcləri də daxildisə, lap əla, daxil deyilsə, 2015-dən nə dəyişib ki, xərclər belə azalıb? Son iki ildə eyni klublarımız aşağı-yuxarı eyni sayda oyuna çıxıblar, ölkəmizə də eyni sayda UEFA nümayəndəsi, hakim və hakim-inspektor gəlib. O zaman maraqlıdı: niyə 2016-da bu xərclər 450, bir il öncə 919 min manat "tutub". Ötən il yarım milyona yaxın əlavə vəsaiti kim yeyib? Axı, dəyişən yalnız illərdi.
 
Həm də AFFA iz azdırmasın. Qitə kuboklarının oyunlarına ezam olunan bütün şəxslərin, hətta yerli assosiasiyanın da xərclərini UEFA çəkir. Ona görə də bu xərcləri AFFA-nın büdcəsinə salmaq ağ yalandı. Zəhmət olmasa, 450 minin hansı məqsədlə sərf edildiyini açıqlasınlar.
 
Aviabilet və hotel, nəqliyyat, kommunal və rabitə xərcləri, daşınmaz əmlak və icarə haqqı, təhsil üçün xərclər - bunlarda ciddi dəyişiklik yoxdu. Baxmayaraq ki, 1,5 milyon manatın xərcləndiyi bu bölmələrdən də ixtisar üçün detallar tapmaq olar. Çünki aviabiletlər, nəqliyyat xidmətləri üçün xərclənən pulları fərqli şirkətlərlə daha ucuz təşkil etmək mümkündü. "Bakcell"in AFFA əməkdaşlarını pulsuz telefon danışığı ilə təmin etdiyini də unutmayaq. AFFA-da isə bu işlər monopoliyadadı və rəhbərliyə yaxın qurumlarla, faiz qaytaranlarla iş görülür, daha sərfəli olana üstünlük verilmir. Zəhmət olmasa, assosiasiya kimlərlə əməkdaşlıq etdiyini rəsmən açıqlasın, biz də daha ucuz variantları təqdim edək, dövlətin pulunun ciblərə necə axdığını isbat edək. Məsələn, AFFA-ya yaxın insanların obyektlərinə xərclənən 201 min manatlıq icarə haqqını bazar şərtləri ilə daha da yığcam etmək olardı.
 
"Cross Culture", "Elit Məşq" və "Futbol Bakcell ilə" layihələrinə 2016-da 300 min manat xərclənib. 2015-də "Elit Məşq" və "Futbol Bakcell ilə" layihələrinə 350 min xərcləyən AFFA indi sayı artırıb, məbləği azaldıb. Halbuki heç bir effekti, ölkə futbolunun inkişafı baxımından əhəmiyyəti olmayan bu layihələrə görə, ümumiyyətlə, xərcə düşülməməlidi. AFFA-da bircə başıpapaqlı çıxıb bu layihələrin xeyrini izah edə bilsəydi, məmnun olardıq.
 
(davamı olacaq)
 
VÜSAL MAHMUDOV

 
tarix: 25-03-2017 01:01


 
Xəbər lenti
16.12.2017

18:00   Nazarov yenə fərqləndi, komandası qələbəni əldən verdi

16:37   “Neftçi”nin göndərəcəyi oyunçuların siyahısı

16:36   Fransa klubu baş məşqçisini qovdu

15:28   FİFA İspaniyanı DÇ-dən qovmaqla hədələdi

14:36   “Qəbələ”nin qış hazırlıq planı açıqlandı

13:59   “Qəbələ”də yeni müqavilə

13:42   “Kəpəz”də baş məşqçi istefaları

13:39   “Neftçi” legioneri ilə yolları ayırdı

13:16   Yubiley təxirə salındı - qərarı İcraiyyə Komitəsi verəcək

13:02   Adil Şükürov Türkiyə millisi və “Traktorsazi” rəhbərliyi ilə görüşdü

12:01   BOM-da təqdimat - FOTOLAR

11:46   “eTopaz”da günün canlı oyunları

11:22   “TOPAZ”DA BU GÜN

11:08   Nazim Süleymanov yenidən “Alaniya”da

10:05   Ziya Əzizov oynamadı, komandası uduzdu

02:08   “Monako” “Sent-Etyen”i 4 cavabsız qolla yendi - VİDEO

01:56   La Liqada 16-cı tura qolsuz start - VİDEO

01:30   “Borussiya”dan inamlı qələbə - VİDEO

15.12.2017

23:35  Ölkə kubokunda böyük sensasiya - FOTOLAR

23:07  “Qəbələ” yarımfinala belə yüksəldi - FOTOLAR

22:25  “Qarabağ” kubokdan belə kənarlaşdırıldı - VİDEO

21:59  “Qarabağ”ın məğlubiyyəti, yoxsa “Sumqayıt”ın qələbəsi?

21:55  Qurban Qurbanov: “Futbolçuların üzərinə çox getmədim”

21:40  “Bundan sonra kubok daha maraqlı olacaq"

21:36  “Büdcəmizdə qırmızı işıq yanır”

21:10  Azərbaycan Kuboku: Yarımfinalçılar müəyyənləşdi

20:55  “Sumqayıt” “Qarabağ”ı kubokdan kənarlaşdırdı

19:03  “Qəbələ” “Səbail” səddini belə keçdi - VİDEO

18:50  “Səbail” üç legionerini yola salır

18:27  Samir Əliyev: “Belə rəqiblərlə eyni səviyyədə mübarizə aparmağa hazır deyilik”

18:09  Roman Qriqorçuk: “Tətilə xoş hisslərlə gedirik”

17:35  Türkiyə klubu Popoviçlə yollarını ayırdı

17:00  Pro kursunun 5-ci modulu başa çatdı - FOTOLAR

16:12  MOİK 3 futbolçunu transferə çıxardı

15:51  “Zirə”nin qış hazırlıq planı açıqlandı

15:25  “Zirə”də ilk rəsmi ayrılıq

15:10  “Neftçi”nin hazırlıq planı rəsmən açıqlandı

14:55  Region Liqası: 1-ci turun təqvimi açıqlandı

14:29  Rəşad Sadıqov Françesko Totti ilə bir arada - FOTO

14:01  Riad Rəfiyevin futbol imperiyası

13:07  Millimizin Dubaya gedəcək heyəti açıqlandı

12:52  “Keşlə” yubanmamalıdı!

12:44  “Azərbaycan çempionatında çəkindiyim hücumçu yoxdu”

12:30  “Kəpəz”in qış hazırlıq planı müəyyənləşdi

12:24  Döyüşlə qazanılan qələbə

11:45  UEFA-dan məktub gəldi: Gəncədəki feyr-pley nümunəsinə görə

11:25  “Neftçi” kapitansız qaldı

11:04  “eTopaz”da günün canlı oyunları

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az