(+994) 050 626 86 70
(+994) 055 673 68 09
(+994) 070 534 65 52

qaynar xətt

İlkin Fikrətoğlu
Elnur Məmmədli
“İnter”in xilası üçün umulan güzəşt

“İnter”in xilası üçün umulan güzəşt

Şirin açıqlamalara, ümidverici vədlərə aldanmayın: “İnter”in taleyi hələ də müəmmalı olaraq qalır. Belə getsə, Bakı klubu nəinki avrokuboklarda çıxış edə bilməyəcək, hətta ümumiyyətlə, tarixin yaddaşına köçəcək.
 
İlk baxışdan hər şey yaxşıdı. “İnter” bürünc medalı mövsümün bitiminə 3 tur qalmışdan təmin edib və Avropa Liqasına vəsiqəni rəsmiləşdirib. Yəni, idman meyarlarına görə hansısa problem yoxdu. Lakin iş ondadı ki, klub maliyyə məsələləri üzündən qitə yarışlarına qatılmaq icazəsi verən lisenziya ala bilməyəcək.
 
“İnter”in ötən maliyyə ili üçün hər hansı borcu yoxdu, digər lisenziya tələblərini yerinə yetirmək üçün də ciddi əngəl qalmayıb. Amma məhz maddi problem – bank təminatının alınması müşkül məsələdi. Vəziyyət o qədər qəlizdi ki, heç kim kluba yaxın durmur.
 
Əsas problem klubun kredit borclarıdı. “İnter Arena”nın Beynəlxalq Bankda girov olması klubu himayəyə götürmək istəyən sponsorları qaçaq salan səbəbdi. Klub rəhbərliyi vaxtilə bir çox problemlərin həlli üçün bu idman qurğusunu bankda 33 milyon manat qarşılığında girov qoyub. İndi kluba sahib çıxmaq istəyən ilk öncə həmin borcları bağlamalıdı, əks halda, stadion bankın əmlakı olaraq qalacaq.
 
Klub vaxtilə məhz Beynəlxalq Bankın himayəsində olduğundan qəribə vəziyyət yaranıb. Belə çıxır ki, ovaxtkı rəhbərlik komandaya vəsait ayırarkən ehtiyat tədbiri görürmüş. Yəni ki, “İnter”ə xərclənən vəsait yalnız kredit kimi verilirmiş.
 
İndi AFFA qışdan bəri himayəsinə götürdüyü klubu bu şəkildə yaşatmaq istəmir. Belə olan halda istər-istəməz həmin krediti bağlamaq yeni rəhbərliyin öhdəsinə düşəcək. Bu vəsait isə ödənilməsi çətin məbləğdi.
 
Artıq bıçaq sümüyə dayanıb. “İnter”in yaşaması həmin 33 milyondan asılıdı. Ya klubu himayəyə götürəcək potensial sponsor o borcu ödəməli, ya da bank həmin puldan imtina etməlidi. Əks halda, nəinki avrokubokda bu komandanı görməyəcəyik, hətta klub da fəaliyyətini dayandırmalı olacaq. O zaman “İnter Arena” Beynəlxalq Bankın əmlakına çevriləcək və ondan istədiyi kimi yararlanacaq.
 
Vəziyyətin çıxılmaz olduğunu görən AFFA indi dövlətdən güzəşt umur. Qurum rəhbərliyi hansısa təzyiq vasitələri ilə bankın krediti silməsinə və ya borcu dövlət vəsaiti hesabına bağlamağa çalışır. Qurtuluş yolu yalnız bundadı. Problem yüksək səviyyədə həllini tapmazsa, növbəti mövsümdə “İnter”i görməyəcəyik.
 
Təbii ki, dövlət rəhbərliyinin ölkə idmanının inkişafına hesablanan çox jestini görmüşük. Bu səbəbdən “İnter Arena”yla bağlı məsəənin də həlli mümkündü. Lakin bu dəfə yuxarılar məsələni yoluna qoyarkən bir incə məqama diqqət göstərməli və bunun hesabını istəməlidilər. Necə olur ki, 33 milyon manat qarşılığında girov qoyulan qurğu bir neçə il əvvəl kluba cəmi 4 milyona satılmışdı? AFFA balansında olan bu arenanı bu qədər qiymətləndirmişdisə, nəyə görə indi onun dəyəri belə fərqlidi? Deməli, ya AFFA hansısa gizli oyunlara görə qurğunu ucuz satıb, ya da bank rəhbərliyi sahibi olduğu kluba stadionun dəyərindən çox-çox yüksək kredit ayırıb. İstənilən halda ortada yanlış olan məqamlar var. Günahkarları tapmaq çətin olmamalıdı.
 
“İnter”in çətin durumu üzündəndi ki, Avropa Liqasına vəsiqə uğrunda mübarizədə “Sumqayıt”, “Kəpəz” və “Neftçi” hələ də ümidlidi. “Zirə” 4-cü yerin sahibi kimi bu hədəfə yaxındısa, digərləri məhz “bankirlər”in sıradan çıxmasına ümid edir. “İnter” problemini həll etməsə, 8 komandanın mübarizə apardığı Premyer Liqada hətta 5-ci pilləni tutan da qitə yarışlarına qatılacaq.
 
FƏRİD

 
tarix: 12-04-2017 13:47


 
Xəbər lenti
27.06.2017

10:12   Riise də karyerasını başa vurdu

10:03   Topaz Premyer Liqasında yay bazarığı - YENİLƏNİR

09:59   "Real Sosyedad" "Real"ın futbolçusunu heyətinə qatdı

09:45   "Fənərbaxça"nın sabiq üzvü yenidən Türkiyə klubuna qayıtdı

09:34   Burak Yılmaz qovuldu - VİDEO

09:12   Altıntop Almaniya klubu ilə yollarını ayırdı

09:00   Bundesliqa klubunda yeni hücumçu

02:00   “Nürnberq”dən “Qəbələ”yə

26.06.2017

23:30  Məşhur İtaliya klubu satışa çıxarıldı

22:30  "Barsa"nın təmiz qolunu saymayan hakim ən yaxşı oldu - VİDEO

21:00  "Qəbələ"dən Polşa klubuna

20:00  Mourinyonun ailəsində ağır itki

19:30  Sabiq "Qarabağ"lı baş məşqçi oldu

19:00  Millimizin üzvü üçün erməni baş məşqçi

18:30  Sinan Öztürk: "İşlərimiz plan üzrə davam edir"

18:00  Premyer Liqa klubunda yeni baş məşqçi

17:45  "Zirə"nin rəqibi Bakıya 21 futbolçu gətirir

17:30  "Neftçi" hazırlığa start verdi - FOTOLAR

16:30  “İnter” üçün rusiyalılar

16:25  Ev oyunları müftə, səfər matçları barterlə

14:00  "Zirə" rəhbərliyi azarkeşləri də unutmadı

13:50  "Zirə"nin "Differdanj"la matç öncəsi son məşqinin vaxtı bilindi

13:30  "Zirə" - "Differdanj" matçının biletləri satışdadı 

13:20  Boyan Şaranov: "Az oynamaq mənim üçün xoş deyildi"

13:10  Samir Məsimov: "Burada özümü evdəki kimi hiss edirəm"

13:00  Nazarovun komandası 24:0 hesablı qələbəyə sevindi

12:30  "Qarabağ"ın ÇL hazırlığı davam edir - VİDEO

12:00  Kasilyas "Milan"a keçir?

11:30  “TOPAZ”DA BU GÜN

11:00  Mario Balotelli "Nitsa" ilə müqavilə imzaladı

10:00  Bundesliqa klubunda yeni qapıçı

09:05  Samir Məsimov rəsmən “Fakel”də!

09:00  Komandasını elitaya çıxardı, karyerasını başa vurdu

01:15  "Qarabağ" Avstriyadakı 9-cü gününü də tək məşqlə bitirdi

01:00  Ramazan Bayramınız mübarək!

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az