(+994) 050 626 86 70
(+994) 055 673 68 09
(+994) 070 534 65 52

qaynar xətt

İlkin Fikrətoğlu
Elnur Məmmədli
Serjinyo: “Bu oyun bizim üçün finala bərabərdi”

Serjinyo: “Bu oyun bizim üçün finala bərabərdi”

Topaz Premyer Liqasının 26-cı turu çərçivəsində Gəncədə “Qəbələ” üzərində qazanılan 2:0 hesablı qələbədə Serjinyonun da əməyi az olmadı. Futbolinfo.az xəbər verir ki, “sarı-göylər”in yarımmüdafiəçisi oyunu ilə komandanın üç xal qazanmasında mühüm rol oynadı. 

Klub saytına açıqlama verən Serjinyo bu matç ilə bağlı fikirlərini bölüşüb: “Əla matç alındı. Oyuna yaxşı başlamışdıq, üstünlük də bizim tərəfimizdə idi. Ancaq ilk 20 dəqiqədən sonra rəqib fəallaşdı və oyunu balanslaşdırdı. Bu üzdən meydanda bərabər səviyyəli oyun getdi. İkinci hissədə isə biz çox güclü idik. Motivasiyamız super idi. Yaxşı oynadıq və çoxlu qol imkanları yaratdıq. Ədalətli olaraq da, matçı qalib başa vurduq”.

Kosta oyunun sonlarına doğru əvəzlənsə də, bu daha çox hesabın qorunmasına hesablanmış addım idi. Yarımmüdafiəçi meydanda olduğu 82 dəqiqə ərzində hücum xəttində möhtəşəm oyun sərgilədi, komanda yoldaşlarını ötürmələr ilə təmin edib, hətta epizodların birində özü də fərqlənməyə yaxın oldu. Amma zərbəsi tirə tuş gəldi. Bir sözlə, Karneyro bəlkə də cari mövsümdə ən yaxşı oyununu keçirdi: “Şübhəsiz ki, bu oyun mənim çempionatda ən yaxşı matçım idi. Düşünürəm ki, hamı kimi mən də yaxşı çıxış etdim. Təbii ki, kiminsə yaxşı oynaması yox, ən vacib olanı komandanın qələbə qazanması idi. İndiki vəziyyətdə isə ən önəmlisi “Kəpəz”in qalib gəlməklə məqsədinə doğru irəliləməsidir”.

Serjinyo oyun boyu komandanı dəstəkləyən azarkeşlər haqda da danışıb: “Stadionda super atmosfer vardı. İkinci hissə fantastik idi, oyunumuzla azarkeşləri ayağa qaldırmışdıq. Onlar bir-birinin ardınca təhlükəli vəziyyətlər izləyirdilər və yerlərində sakit oturmağa macal tapmırdılar. Gəncədə oynamaq həmişə əladır. Azarkeşlər bizə güc və inam bəxş edir, bu isə oyunumuza çox kömək olur. Fanatlar xüsusən də, “Qəbələ” ilə matçda super idilər.  Atmosfer Portuqaliyadakı böyük oyunların, məsələn, “Benfika” – “Porto” qarşılaşmaları səviyyəsində idi”.

“Kəpəz”in qarşısında duran əsas vəzifə ötən mövsümkü uğuru təkrarlayıb Avropa Liqasına vəsiqə qazanmaqdır. Portuqaliyalı futbolçu hələ mübarizənin irəli olduğunu söyləyib: “Nəzəri olaraq şanslarımız var, ancaq indi hər şey tək bizdən asılı deyil! Hazırda ən önəmlisi AZAL-la görüşdür. Bu oyun bizim üçün final matçına bərabərdir. Qalib gəlməliyik, görüşün necə keçəcəyini bilmirik. Lakin biz ora qələbəni düşünərək yollanacağıq və bunun üçün də əlimizdən gələni edəcəyik. Mən bunu komanda yoldaşlarımın adından da deyə bilərəm”.


 
tarix: 19-04-2017 16:00


 
Xəbər lenti
25.06.2017

00:45   Topaz Premyer Liqasında yay bazarığı - YENİLƏNİR

00:30   Oliç də karyerasını başa vurdu

00:15   “Zirə” Qabriel Mateylə müqavilə imzaladı

24.06.2017

23:30  "Qarabağ" - ÇSKA matçında 7 qol - VİDEO

21:55  "Qarabağ" ÇSKA-ya böyük hesabla uduzdu

21:40  Portuqaliya 4 qolla qalib gəldi - VİDEO

21:20  Səmədovun Meksikaya vurduğu qol yetərli olmadı - VİDEO

21:00  Portuqaliya və Meksika növbəti mərhələdə!

20:00  "Qəbələ"nin daha üç rəqibi müəyyənləşdi

19:00  "Qəbələ"ni seçdiyim üçün özümü olduqca xoşbəxt hiss edirəm"

18:00  "Skenderbeu" çempionluq titulundan məhrum edildi

17:00  "Qəbələ"nin yeni transferi - VİDEO

16:00  Mendi rəsmən "Bordo"da

15:00  "Portu"dan Premyer Liqa klubuna

14:00  Sabiq "Real"lı karyerasını başa vurdu

13:30  "Qəbələ" Hollandiya klubundan müdafiəçi transfer etdi

12:30  “TOPAZ”DA BU GÜN

11:00  "Qarabağ"ın ÇSKA ilə matç öncəsi son məşqi - VİDEO

10:30  Anton Kanibolotski rəsmən "Qarabağ"da!

10:00  Millimizin sabiq üzvü Türkiyə klubunda

09:00  Premyer Liqa klubunu Çin komandasına dəyişdi

01:00  Messi ötən mövsümün ən yaxşısı seçildi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az