(+994) 050 626 86 70
(+994) 055 673 68 09
(+994) 070 534 65 52

qaynar xətt

Topaz Premyer Liqasında mövsümə yekun vurulur

Topaz Premyer Liqasında mövsümə yekun vurulur

Bu gün Topaz Premyer Liqasında 2016/17 mövsümünə yekun vurulacaq. Futbolinfo.az xəbər verir ki, 28-ci turun qarşılaşmaları eyni gündə keçiriləcək.

Son turun üç matçı eyni saatda start götürəcək. “Kəpəz” “İnter”i, “Sumqayıt” “Qəbələ”ni, AZAL “Zirə”ni qəbul edəcək. Mövsümün qapanış matçında isə “Neftçi” ilə “Qarabağ” qarşılaşacaq.

Maraq üçün qeyd edək ki, son tur yalnız avrokuboklarda təmsil edəcək 4-cü komandanın adına aydınlıq gətirmək baxımından önəm kəsb edir. Mövsümün son turu “Qarabağ”, “Qəbələ” və “İnter”lə birlikdə qitə kuboklarında oynayacaq sonuncu komandanı müəyyənləşdirməlidi. Digər bütün suallara isə əvvəlki turlarda tam aydınlıq gəlib.
 
Avrokuboklara sonuncu vəsiqənin isə cəmi iki iddiaçısı qalıb. Bunlar “Zirə” və “Kəpəz”di. Taleyi öz əlində olan “Zirə” 3 xallıq üstünlüyü əldən verməmək üçün AZAL-la paytaxt derbisində ən azı heç-heçə etməlidi. “Zirə” uduzmasa, Gəncədəki oyunun nəticəsindən asılı olmayaraq, Avropaya getmək imkanı qazanacaq. “Kəpəz” isə özü qələbə üçün mübarizə aparmaqla yanaşı, AZAL-a da azarkeşlik edəcək. Bu il qələbə nə olduğunu bilməyən “təyyarəçilər” inandırıcı görünməyəni reallaşdırıb qalib gəlsə, gəncəlilərin də qələbəsi hesablara nəzər salmaq zərurəti yaradacaq.

Topaz Premyer Liqası
28-ci tur

29 aprel (şənbə)

AZAL - “Zirə”

Hakimlər: Əliyar Ağayev, Zeynal Zeynalov, Rza Məmmədov, Ramil Diniyev.
AFFA nümayəndəsi: Rauf Əmirov.
Hakim-inspektor: Əhmədağa Cabbarov.
Bakı. “AZAL Arena”, 16:00.

Avropa Liqasına sonuncu vəsiqəyə əsas namizəd “Zirə” səfərdə AZAL-la qarşılaşacaq. Ötən mövsümün gümüş mükafatçısı çempionatın aşkar autsayderi ilə görüşdə aşkar favorit sayılır. Ayxan Abbasovun komandasına səfərdə hətta heç-heçə də bəs edəcək. Lakin qələbəyə həsrət Tərlan Əhmədovun komandası sürprizə imza atsa, o zaman zirəlilərin avrokuboklara vəsiqə qazanması sual altına düşə bilər.

AZAL bu rəqibi ilə evdəki hər oyunda 1 qol vurub və uduzmayıb. Son 5 qarşılaşmada hər iki komanda qol vurub. AZAL son 5 matçda qalib gəlməyib. Əvvəlki 7 oyundan yalnız birində "təyyarəçilər" 3 xala seviniblər. Cəmi iki görüş heç-heçə bitdiyi halda, qalan 4 oyunda zirəlilər qələbəni bayram ediblər. Top fərqində də "Zirə" müəyyən üstünlüyə malikdi.

Elə cari mövsüm keçirilmiş oyunlarda da AZAL "Zirə"yə ciddi müqavimət göstərə bilməyib. Birinci dövrədə "Zirə" doğma meydanda inamlı qələbə qazanmışdı. Gerhard Proqni dubla imza atmışdısa, Elvin Məmmədov penaltidən fərqlənmişdi. David Canelidze AZAL-ı yalnız təsəlli qolu ilə sevindirə bilmişdi. İkinci dövrədə Şüvəlanda tərəflər meydanı hərəyə 1 qol və 1 xalla tərk etmişdilər. Sezar Meza Kolli ilk yarıda zirəliləri penaltidən vurduğu qolla hesabda önə keçirsə də, yenə David Canelidze AZAL-ın düşərgəsində qol sevinci yaşatmışdı. Üçüncü dövrədəki görüşdə isə "Zirə" Sezar Meza Kollinin dublu ilə vacib qələbəyə sevinmişdi. Həmin oyunda AZAL sadəcə, Rəşad Abdullayev vurduğu qolla təsəlli tapa bilmişdi.

Statistika: 7 oyun, +1, =2, -4, top fərqi 7-12.

1-ci dövrə: 1:3
2-ci dövrə: 1:1
3-cü dövrə: 1:2

“Kəpəz” - “İnter”

Hakimlər: Rəhim Həsənov, Vüqar Bayramov, Azər Əsgərov, Ramil Əhmədov.
AFFA nümayəndəsi: Abas Hüseynov.
Hakim-inspektor: Füzuli Nəcəfov.
Gəncə şəhər stadionu, 16:00.

Avrokuboklara vəsiqə qazanmaq şansını saxlayan “Kəpəz” doğma meydanda “İnter”lə üz-üzə gələcək. Gəncə təmsilçisi AZAL-la qarşılaşacaq "Zirə"nin məğlubiyyətini arzulamaqla yanaşı, mütləq qələbə qazanmağa çalışacaq. Paytaxt klubu üçün isə Gəncədəki görüşün hansısa əhəmiyyəti yoxdu. Bu üzdən hətta Zaur Svanadzenin səfər matçında ehtiyat qüvvənin xidmətindən yararlanması da mümkündü.

Bu rəqibinə sonuncu dəfə 6 il 7 ay əvvəl qalib gələn “Kəpəz” 12 matçdır qələbə qazana bilmir. Gəncə təmsilçisinin son 3 ev oyununda heç-heçə qeydə alınıb. Ümumiyyətlə, əvvəlki 25 oyundan 15-də bakılılar qalib gəlibsə, yalnız 4 oyunda "Kəpəz" 3 xalı bayram edib. 6 qarşılaşmada da tərəflər meydandan bərabərliklə ayrılıblar. Top fərqində də paytaxt klubunun üstünlüyü diqqət çəkir.

Bu mövsüm baş tutan oyunlara gəlincə, birinci dövrədə Bakıda keçirilmiş görüşdə qapılara 4 qol vurulsa da, qalib müəyyənləşməmişdi. Adrian Skarlatakenin hesabı açdığı həmin görüşdə Tural Axundovun penaltidən vurduğu qol qonaqların ilk yarını bərabərliklə bitirməsinə şərait yaratmışdısa, fasilədən sonra Julien Ebah hətta gəncəliləri hesabda önə keçirmişdi. Yalnız Ruslan Abışovun 90-cı dəqiqədə vurduğu qol "İnter"i məğlubiyyətdən xilas etmişdi. İkinci dövrədə Gəncədə baş tutan qarşılaşmada qapılara qol vurulmamışdı. Üçüncü dövrədəki oyunda isə "İnter" rəqibini darmadağın etmişdi. Oyunda hesabı Gəncə təmsilçisinin kapitanı Tural Axundov açsa da, Nizami Hacıyev, Fuad Bayramov, Abbas Hüseynov və Rauf Əliyev bakılıların əzmkar və inamlı qələbəsini rəsmiləşdirmişdi. Yeri gəlmişkən, həmin oyunu da bu gün keçiriləcək matça təyinat alan Rəhim Həsənov idadə etmişdi. 

Statistika: 25 oyun, +4, =6, -15, top fərqi 22-47.

1-ci dövrə: 2:2
2-ci dövrə: 0:0
3-cü dövrə: 1:4

“Sumqayıt” - “Qəbələ”

Hakimlər: İnqilab Məmmədov, İsgəndər Əliyev, Elşad Abdullayev, Rauf Cabbarov.
AFFA nümayəndəsi: Əsgər Əmirəliyev.
Hakim-inspektor: Murad Məmmədov.
Sumqayıt. “Kapital Bank Arena”, 16:00.

Gümüş medalları özü üçün təmin etmiş “Qəbələ” səfərdə “Sumqayıt”la qarşılaşacaq. Bu görüş Roman Qriqorçukun komandası üçün formal xarakter daşısa da, sumqayıtlılar üçün müəyyən önəmi var. Məsələ burasındadı ki, Samir Abasovun çalışdırdığı komanda mövsümü 5-ci pillədə bitirmək şansına malikdi. Sumqayıtlılar "Kəpəz"in "İnter"lə oyunda qələbə qazanmamasına ümid bəsləmək şərtilə, "Qəbələ"yə qalib gəlməyə çalışacaqlar.

Amma “Sumqayıt” 14 oyundur bu rəqiblə görüşlərdə qələbə qazanmır. Son iki qarşılaşmada qollu heç-heçə qeydə alınıb. “Qəbələ” bütün matçlarda qol vurub. Əvvəlki 19 oyundan yalnız birində "Sumqayıt" 3 xalı bayram edib. Beş dəfə heç-heçə qeydə alınıbsa, 13 matçda da qəbələlilər qələbəyə sevinən tərəf olublar. Top fərqində də bölgə təmsilçisi daha üstündü.

Bu mövsüm baş tutan görüşlərə gəlincə, birinci dövrədə Qəbələdə keçirilən oyunda Baqali Dabonun son dəqiqələrdə vurduğu iki qol "Sumqayıt" üzərində inamlı qələbə üçün yetərli olmuşdu. İkinci dövrədə Sumqayıtdakı oyunda qapılara 4 qol vurulsa da, qalib müəyyənləşməmişdi. Yusif Nəbiyev meydan sahiblərini hesabda önə keçirsə də, Rəşad Eyubov və Filip Ozobiçin vurduğu qollar "Sumqayıt"ın məğlub duruma düşməsinə səbəb olmuşdu. Yalnız Amil Yunanovun 90+4-cü dəqiqədə penaltidən vurduğu qol sumqayıtlılara vacib 1 xal qazandırmışdı. Elə Qəbələdə baş tutan son oyunda da tərəflər qalibi müəyyənləşdirə bilməmişdi. Məhəmməd Qurbanov qonaqları hesabda önə keçirdiyi halda, Vitali Vernidub cavab qolunu vurmuşdu.

Statistika: 19 oyun, +1, =5, -13, top fərqi 14-37.

1-ci dövrə: 0:2
2-ci dövrə: 2:2
3-cü dövrə: 1:1

“Neftçi” - “Qarabağ”

Hakimlər: Ömər Paşayev, Akif Əmirəli, Elman Musayev, Orxan Məmmədov.
AFFA nümayəndəsi: Ramiz Mustafayev.
Hakim-inspektor: Asim Xudiyev.
Bakı. “Bakcell Arena”, 17:00.

Nəhayət, mövsümün qapanış matçında Azərbaycanın iki ən köklü və bütün milli çempionatlarında çıxış etmiş komandası - “Neftçi” ilə “Qarabağ” qarşılaşacaq. Bu oyun hər iki komanda üçün formal xarakter daşıyır. Bu üzdən də tərəflər meydana yalnız imic xatirinə çıxacaqlar.

“Qarabağ” 5 oyundur əzəli rəqibinə uduzmur. Son 5 matçda ən azı 2 qol vurulub. Tərəflər arasında indiyə qədər 67 oyun keçirilib ki, onların 18-də "Neftçi", 24-də isə "Qarabağ" qalib gəlib. Bu komandaların oyunlarında daha çox heç-heçə qeydə alınıb - 25 dəfə! Top fərqində də Ağdam təmsilçisinin üstünlüyü var.

Bu mövsüm "Qarabağ" "Neftçi" üçün arzuolunmaz rəqiblərdən olub. Birinci dövrədə Qurban Qurbanovun yetirmələrinin bakılıları darmadağın etdiyi oyunda hesabı Jayronun avtoqolu açmışdı. Mahir Mədətovla Əlhərbi Əl Jadeyui isə fərqi daha da artırmışdı. İkinci dövrədə Rahid Əmirquliyevin hesabı açdığı oyunda Jayro yenə "Qarabağ"ı avtoqolla sevindirmişdi. Yalnız üçüncü dövrədəki son oyunda Cavid İmamverdiyev hesabı açdığı halda, Dino Ndlovu penalti qolu ilə Ağdam klubunu məğlubiyyətdən xilas etmişdi.

Statistika: 67 oyun, +18, =25, -24, top fərqi 61-70.

1-ci dövrə: 0:3
2-ci dövrə: 0:2
3-cü dövrə: 1:1


 
tarix: 29-04-2017 00:20


 
Xəbər lenti
23.08.2017

19:35   "Atletiko"nun hakimi söyən futbolçusu cəzalandı

18:47   "Qəbələ" Koreyaya yollanır

17:50   Runi milli karyerasını başa vurdu

17:29   "Kəpəz"in legionerlərinin son durumuna aydınlıq gəldi

16:40   Almaniya klubundan İngiltərə təmsilçisinə

16:21   Azərbaycanın 21-ci pillə perspektivi

15:34   Portuqaliya millisinin üzvü Moskva "Lokomotiv"ində

15:16   “Qarabağ” ONun arzusunda

15:07   “Qəbələ”də üçüncü itki

14:55   Millimizin Norveç və San Marino ilə oyunlarına 25 futbolçu çağırıldı

14:26   Türkiyə kubokunda kuryoz olay: telefonla danışan polis meydana girdi - VİDEO

14:01   Topaz Premyer Liqasında 3-cü turun oyun cədvəli

13:55   3-cü turun oyun cədvəli bəlli oldu

13:48   “Qarabağ” “Kopenhagen” ilə duelə hazırdı - FOTO

13:33   “Barselona” hakerlərin hücumu qarşısında aciz qaldı - FOTO

13:26   “Marka” yenə “Qarabağ”dan yazdı

13:17   “Bunu “Qarabağ”la oyunda da təkrarlaya bilərik”

13:05   Qazaxıstan yığması Bakıya gələcək

12:59   Axundovla Malıyevin məğlubiyyəti: Rauf Əliyev problemi bitdi

12:51   İspaniyalı futbolçu “Qəbələ”dən ayrılmasının səbəbini açıqladı

12:37   Tahir Gözəl Kopenhagendə batalyon komandiri ilə görüşdü

12:18   Çempionlar Liqasında daha bir ilk gerçəkləşdi

12:06   "Beşiktaş" Bakıya gəlir?

11:43   “TOPAZ”DA BU GÜN

11:34   "Astana" və "Başakşəhər" ÇL-dən getdi, "Napoli" yenə qalib gəldi - VİDEO

11:22   "eTopaz"da günün canlı oyunları

11:00   ÇL-də səbətlər açıqlandı - “Qarabağ” mərhələ adlasa...

10:36   UEFA klub reytinqində bir pillə gerilədik

10:20   ÇL-də qrup mərhələsinə yekun vurulur - YENİLƏNİR

10:10   "Qarabağ" "Kopenhagen" ilə tarixi matça çıxır - YENİLƏNİR

10:01   Millimiz Belarusa məğlub oldu

09:35   "Latsio"dan Premyer Liqa klubuna

09:02   "Barselona"dan Neymara 8,5 milyon avroluq iddia

00:45   "Başakşəhər" sürpriz edə bilmədi

00:07   "Traktorsazi"dən növbəti qələbə

22.08.2017

22:41  "Neftçi” Elşad Əhmədovun rəhbərliyi altında ilk məşqə çıxdı

22:36  "Valensiya"nın oyunçusu rəsmən "İnter"də - FOTO

22:20  Tahir Gözəl: "İnanırıq ki, zəfər bizim yanımızda olacaq"

22:12  Miçel: "Sərfəli nəticə ilə mərhələ keçəcəyimizə inanırıq"

22:00  Qurbanov: "Şansımız var və bundan maksimum istifadə etməyə çalışacağıq"

21:17  "Kopenhagen" "Qarabağ" ilə oyun üçün 18 oyunçu seçdi

20:24  Stole Solbakken: "Qrup mərhələsinə vəsiqə qazanmaq üçün hər şeyi edəcəyik"

20:12  “Qəbələ”dən ayrıldı, Polşa klubu ilə müqavilə imzaladı

18:57  Ramil Şeydayev "Jilina"dan ayrılır

18:33  "eTopaz"da günün canlı oyunları

18:21  “TOPAZ”DA BU GÜN

18:16  "İnter" - "Səbail" matçının da başlama saatı bilindi

18:05  "Zirə" - "Sumqayıt" matçının başlama saatı açıqlandı

17:58  Qurban Qurbanovla 70-ci sınaq

17:28  Millimiz Belarusa qarşı bu heyətlə oynayacaq

17:16  "Kopenhagen" "Qarabağ" ilə oyun öncəsi cəzalandı

16:53  Super Liqa klubunun prezidenti istefa verdi

16:32  “Kəpəz” tarixi derbinin hazırlığına başladı

16:26  Kapitan hələ də fərdi məşq edir

16:18  Bundesliqa klubundan daha bir transfer

15:53  "Milan" yeni "Şevçenko"suna qovuşdu - FOTO

15:45  "Səbail” “Qəbələ”ni də Mərdəkana aparacaq

15:23  "Bursaspor" heyətinə yeni hücumçu cəlb etdi - FOTO

15:02  “Rubin”dən "Hannover"ə - FOTO

14:51  Elxan Abdullayev "Neftçi"ni ifşa etdi: Futbolçulara yemək qənaətlə verilir!

14:38  Lagerbek: "Azərbaycan millisi son 2 ildə 60 pillə irəliləyib"

14:29  “Qarabağ” ÇL-in qrup mərhələsinin bir addımlığındadı”

14:15  Norveç yığması Bakıya bu heyətlə gələcək

14:01  Vitse-prezidentin dayısı Cəbrayıl Cəbrayılov nəyə nəzarət edir?

13:54  "Qarabağ" üçün qələbəsiz gündə daha bir ilk imkanı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az