(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Elmir Vəliyev: “Mən bunu komandamız, azarkeşlərimiz üçün hədiyyə hesab edirəm”

Elmir Vəliyev: “Mən bunu komandamız, azarkeşlərimiz üçün hədiyyə hesab edirəm”

“Kəpəz” PFK-nın Müşahidə Şurasının sədri Elmir Vəliyevin klub saytına müsahibəsi:

- Elmir müəllim, daha bir mövsüm arxada qaldı. Əvvəlcə istərdim ki, çempionatın yekunlarını müzakirə edək.
- İlk olaraq onu deyim ki, bu dəfə Premyer Liqada komanda sayı az olsa da, çempionat olduqca maraqlı və gərgin mübarizə şəraitində keçdi. Bəlkə də çoxları belə olacağını gözləmirdi. Həm çempionluq, həm də digər mükafatlar uğrunda yarış həyacanlı, mübarizəli alındı. “Qarabağ” və “Qəbələ”nin qızıl medalları qazanmaq şansı öncədən yüksək qiymətləndirilirdi ki, elə gözlənildiyi kimi də əsas rəqabət sona qədər bu komandalar arasında getdi. Yeri gəlmişkən, hər iki klubu, eləcə də bürünc medallara sahib olan “İnter”i təbrik edirəm, onlara qitə miqyaslı turnirlərdə uğurlar arzulayıram. Həmçinin, dördüncü pillənin sahibi kimi Avropa Liqasına yollanan “Zirə”yə də eyni sözləri ünvanlamaq istəyirəm. Ümid edirəm ki, Azərbaycan komandaları qarşıdakı mövsümdə ölkəmizi Avropada layiqincə təmsil edəcəklər.

- “Kəpəz” haqda nə demək olar?
- Doğma klubumuzun çıxışı göz önündə oldu. “Kəpəz” çempionatda ötən mövsüm olduğu kimi yenə iddialı rəqibləri üçün çətinlik yarada bildi. Komandamız Premyer Liqada ilk 3 yeri tutan klublar ilə başa-baş mübarizə apardı. Gəncədə, doğma meydanda yalnız “Qarabağ”a uduzduq. Digər rəqiblərlə oyunda isə ya qələbə qazandıq, ya da heç-heçə etdik. Təbii ki, bizim də məqsədimiz komandamızın daha uğurlu çıxış etməsi və Avroliqaya vəsiqə qazanması idi. Düşünürəm ki, buna yaxın idik və sona kimi də rəqabət apardıq. Hətta son turda belə vəsiqəni təmin edə bilərdik. Təəssüf ki, alınmadı. Amma ruhdan düşməməliyik.      

- Hansı oyunun nəticələri sizin üçün daha çox yadda qalan oldu?
- Unudulmaz oyunlar çox oldu. Xüsusən də, çempionatın son dövrəsində keçirdiyimiz matçları qeyd etmək olar. “Kəpəz” dördüncü dövrədə olduqca yaxşı mübarizə apardı. Komanda 7 oyundan 6-da qələbəyə sevindi. Gəncədə “Neftçi” və “Qəbələ” üzərində qazanılan qələbələr diqqətimizi daha çox çəkdi. Əvvəldən belə mübarizə aparsaydıq, turnir cədvəlində vəziyyətimiz daha yaxşı olardı. Qış fasiləsindən sonrakı oyunlarda bir çox uğursuzluqlar oldu. Bu da sonda nəticəyə təsirsiz ötüşmədi. Amma bu, idmandı. Hər zaman qələbə, nəticə qazanmaq mümkün olmur. Daha güclü komandalar belə uğursuzluqdan sığortalanmayıb. Ona görə də bunu anlayışla qarşılamaq lazımdır.   

- Gəncə klubu azarkeş sayında liderliyi yenə əldən vermədi. Bu haqda nə demək olar?
- İdman növləri arasında futbolun yeri ayrıdı. Hamımızın da yaxşı bildiyi kimi Gəncədə futbol daha çox sevilir. Şəhər stadionunda tribunalara toplaşan azarkeş sayı digər şəhərlərdə keçirilən oyunlardan qat-qat çoxdur. Bunu açıqlanan statistik göstəricilər də deyir. Bu mövsüm də oyunlarımıza xeyli sayda tamaşaçı gəldi. Futbol azarkeşə görə oynanılır. Əgər bu gün gəncəlilər “Kəpəz”in oyununa maraq göstərib, stadiona gəlirlərsə, deməli, biz məqsədlərimizdən birinə nail olmuşuq. Çünki klub yeni formalaşanda əsas fikirlərimizdən birincisi küskün olan tamaşaçıları tribunalara qaytarmaq idi. Mən azarkeşlərimizə minnətdaram, onlara futbolçulara və məşqçilərə dəstək olurlar, komandanı ruhlandırırlar. “Kəpəz”in əldə etdiyi nəticələrdə fanatların rolu danılmazdır. Bunu heç kim inkar edə bilməz. Azarkeşlərimiz nəinki Gəncədə, hətta səfər matçlarında belə komandanı tək buraxmadılar.

- “Kəpəz”in iki futbolçusu İslam Həmrəyliyi Oyunlarında çıxış edəcək U-23 yığmasının tərkibində yer alıb. Bu məqam hamımız üçün sevindiricidir...
- Bəli. Əvvəlcə onu deyim ki, Azərbaycan çoxdan dünyanın idman mərkəzlərindən birinə çevrilib. Ölkəmizdə, paytaxt Bakıda bir-birinin ardınca dünyanın ən mötəbər yarışları keçirilir. Bu, respublikamızın təşkilatçılıq bacarığına olan inamın, etibarın nəticədir. Elə “Bakı-2017” IV İslam Həmrəyliyi Oyunları da bu qəbildəndir. Belə nüfuzlu yarışın Bakıda keçirilməsi qürurvericidir. Yarışda Gəncə idmançılarının, “Kəpəz”in üzvlərinin çıxışı isə bizim üçün lap sevindiricidir. Bizim əsas məqsədlərimizdən biri də ölkə futboluna fayda vermək, ayrı-ayrı yaş qrupları üçün milli komandalara futbolçu yetişdirməkdir. Komandamızın futbolçularının İslamiadada çıxış edəcək heyətdə yer alması əslində gözlənilən idi. Çünki “Kəpəz”in çıxışı səbəbindən oyunçularımız diqqət mərkəzindədirlər. Bir halda ki, yığma məşqçiləri onlara inanıb heyətə dəvət ediblərsə, futbolçular da bəslənən ümidləri doğrultmalıdırlar. Milliyə azarkeşlik edəcəyik.

- Son olaraq qarşıdakı planlar haqda sorusmaq istərdik.
- Gəlin tələsməyək, çempionat yeni başa çatıb. Hələ ki, nəticələr müzakirə olunur. Bununla belə təbii ki, planlarımız var və zamanla bunu açıqlayacağıq. Qarşıda duran ilk vəzifələr haqda deyə bilərəm ki, Gəncə şəhər stadionunun əsas meydançasının ot örtüyü yenilənəcək. Artıq bu haqda qərar verilib və yaxın günlərdə işlərə başlanacaq. Yeni salınacaq qazon ən müasir tələblərə cavab verəcək, ideal durumu ilə seçiləcək. Mən bunu komandamız, azarkeşlərimiz üçün hədiyyə hesab edirəm. Qazonla yanaşı, arenada görülməsi planlaşdırılan digər işlər də var. Tədricən bunları həyata keçirəcəyik. 


 
tarix: 02-05-2017 14:10


 
Xəbər lenti
16.12.2017

18:00   Nazarov yenə fərqləndi, komandası qələbəni əldən verdi

16:37   “Neftçi”nin göndərəcəyi oyunçuların siyahısı

16:36   Fransa klubu baş məşqçisini qovdu

15:28   FİFA İspaniyanı DÇ-dən qovmaqla hədələdi

14:36   “Qəbələ”nin qış hazırlıq planı açıqlandı

13:59   “Qəbələ”də yeni müqavilə

13:42   “Kəpəz”də baş məşqçi istefaları

13:39   “Neftçi” legioneri ilə yolları ayırdı

13:16   Yubiley təxirə salındı - qərarı İcraiyyə Komitəsi verəcək

13:02   Adil Şükürov Türkiyə millisi və “Traktorsazi” rəhbərliyi ilə görüşdü

12:01   BOM-da təqdimat - FOTOLAR

11:46   “eTopaz”da günün canlı oyunları

11:22   “TOPAZ”DA BU GÜN

11:08   Nazim Süleymanov yenidən “Alaniya”da

10:05   Ziya Əzizov oynamadı, komandası uduzdu

02:08   “Monako” “Sent-Etyen”i 4 cavabsız qolla yendi - VİDEO

01:56   La Liqada 16-cı tura qolsuz start - VİDEO

01:30   “Borussiya”dan inamlı qələbə - VİDEO

15.12.2017

23:35  Ölkə kubokunda böyük sensasiya - FOTOLAR

23:07  “Qəbələ” yarımfinala belə yüksəldi - FOTOLAR

22:25  “Qarabağ” kubokdan belə kənarlaşdırıldı - VİDEO

21:59  “Qarabağ”ın məğlubiyyəti, yoxsa “Sumqayıt”ın qələbəsi?

21:55  Qurban Qurbanov: “Futbolçuların üzərinə çox getmədim”

21:40  “Bundan sonra kubok daha maraqlı olacaq"

21:36  “Büdcəmizdə qırmızı işıq yanır”

21:10  Azərbaycan Kuboku: Yarımfinalçılar müəyyənləşdi

20:55  “Sumqayıt” “Qarabağ”ı kubokdan kənarlaşdırdı

19:03  “Qəbələ” “Səbail” səddini belə keçdi - VİDEO

18:50  “Səbail” üç legionerini yola salır

18:27  Samir Əliyev: “Belə rəqiblərlə eyni səviyyədə mübarizə aparmağa hazır deyilik”

18:09  Roman Qriqorçuk: “Tətilə xoş hisslərlə gedirik”

17:35  Türkiyə klubu Popoviçlə yollarını ayırdı

17:00  Pro kursunun 5-ci modulu başa çatdı - FOTOLAR

16:12  MOİK 3 futbolçunu transferə çıxardı

15:51  “Zirə”nin qış hazırlıq planı açıqlandı

15:25  “Zirə”də ilk rəsmi ayrılıq

15:10  “Neftçi”nin hazırlıq planı rəsmən açıqlandı

14:55  Region Liqası: 1-ci turun təqvimi açıqlandı

14:29  Rəşad Sadıqov Françesko Totti ilə bir arada - FOTO

14:01  Riad Rəfiyevin futbol imperiyası

13:07  Millimizin Dubaya gedəcək heyəti açıqlandı

12:52  “Keşlə” yubanmamalıdı!

12:44  “Azərbaycan çempionatında çəkindiyim hücumçu yoxdu”

12:30  “Kəpəz”in qış hazırlıq planı müəyyənləşdi

12:24  Döyüşlə qazanılan qələbə

11:45  UEFA-dan məktub gəldi: Gəncədəki feyr-pley nümunəsinə görə

11:25  “Neftçi” kapitansız qaldı

11:04  “eTopaz”da günün canlı oyunları

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az