(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Tale Heydərov: "Bütün yükü klub rəhbərliyi öz üzərinə götürə bilməz"

Tale Heydərov: "Bütün yükü klub rəhbərliyi öz üzərinə götürə bilməz"

“Qəbələ”nin prezidenti Tale Heydərov Azərbaycan kubokunun finalında “Qarabağ”la keçirilən qarşılaşmadan sonra jurnalistlərin suallarını cavablandırıb. Futbolinfo.az xəbər verir ki, komandasının çıxışını dəyərləndirən T.Heydərov gələn mövsümlə bağlı planlardan da danışıb.

- “Qəbələ” əvvəlcə çempionluğu, ardından isə ölkə kubokunu son anda əldən verdi. Komandanın çıxışını necə dəyərləndirirsiz?
- Həm çempionatda, həm də ölkə kubokunda gözlədiyimizin minimumunu əldə etdik. Məncə, komandanın çıxışını ümumilikdə normal dəyərləndirmək olar. Ancaq əlbəttə ki, biz daha yaxşı nəticə istəyirdik. Məqsəd çempion olmaq, heç olmasa, kuboku qazanmaq idi. Bu dəfə alınmadı. Çalışacağıq ki, gələn dəfə buna nail olaq.

- Sizcə, nə çatmadı?
- Məncə, “Qarabağ”ın peşəkarlığı, həm çempionatda, həm də ölkə kubokunda sabit oyun göstərməsi böyük rol oynadı. Onlar ən böyük rəqibimiz idilər. Onsuz da əvvəlcədən bilinirdi ki, əsas mübarizə bu iki komanda arasında olacaq. Mənə elə gəlir ki, bizə mane olan ən böyük amil məhz “Qarabağ” oldu. Bizim də çox səhvlərimiz oldu, lazımsız xallar itirdik. Gözləmədiyimiz halda bəzi komandalara xallar verdik.  

- Baş məşqçi Roman Qriqorçukla yola davam edəcəksizmi?
- Bununla bağlı danışmamışıq. Yaxın günlərdə söhbət edəcəyik. Ümid edirəm ki, baş məşqçi ilə işbirliyimiz davam edəcək.

- Komanda gələn mövsüm Avropa Liqasında mübarizə aparacaq. Bununla bağlı hazırlıqlar hansı çərçivədə keçəcək, yeni transferlər olacaqmı?
- Yeni oyunçularla bağlı son qərarı baş məşqçi verəcək. Rəhbərlik olaraq hər cür dəstəyi verəcəyik. Ancaq büdcə ilə bağlı o mənada dəyişiklik ediləcək ki, artım olmayacaq. Bəlkə də, eniş oldu, amma az-çox eyni büdcə ilə davam etmək fikrindəyik. Bir neçə oyunçu almağı da düşünürük.

- Komandanız bu mövsüm avrokuboklardakı iştiraka görə müəyyən məbləğdə gəlir əldə etdi. Həmin pulla superulduz transfer etməyiniz mümkündümü?
- Bizim büdcəmiz və həmin yarışlardan əldə edilən gəlir nəyə imkan verəcəksə, ona uyğun da addım atılacaq.

- Avropa Liqasında hədəfiniz nə olacaq?
- Eyni uğurları davam etdirməyimizi gözləmək asandı. Komandanın qrup mərhələsinə düşməsi gözləntisi hamımızda var. Unutmaq lazım deyil ki, biz ardıcıl iki dəfə bunu bacarmışıq. Bu özü bir rekord idi. Həmin qrup mərhələsinə düşmək üçün yenidən rekorda imza atmalıyıq. Bu özü özlüyündə çox çətin prosesdi. Ancaq qrupa qədər irəliləyə bilsək, çalışacağıq ki, orada keçəndəfəki uğursuzluğu təkrarlamayaq, xallar qazanaq və mümkün olarsa, qrupdan çıxaq.

- Kubokun final matçının Naxçıvanda keçirilməsinə münasibətinizi bilmək maraqlı olardı. Atmosfer necə idi? Havanın isti olmasının futbolçulara bir təsiri oldumu?
- Naxçıvana gəlmək çox xoşdu. Bura mənim ata yurdumdu. Burada azarkeşlərin çox olmasını görmək sevindirici haldı. Meydançanın durumuna gəldikdə, Bakıda daha yaxşı ot örtüyü var idi. Finalı paytaxtda da keçirmək olardı. Ümid edirəm ki, gələn dəfə belə qərarlar məsləhətləşərək və düşünülmüş şəkildə verilər. “Qarabağ” da, “Qəbələ” də Azərbaycan komandasıdı. Futbol azarkeşlər üçündü. Biz möhtəşəm atmosferli oyunun şahidi ola bilərdik. Ümid edirəm ki, gələn il finala kimin yüksəlməyindən asılı olmayaraq, stadion seçimində daha yaxşı düşünülər. Əlbəttə ki, Naxçıvanda yenə oyun keçirmək istərdik. Bununla bağlı heç bir problemimiz yoxdu. Azarkeşləri sevindirmək üçün yoldaşlıq görüşü keçirmək olar. Ancaq kubokun finalı çox vacib oyundu.

- Çempionluq və ölkə kuboku “Qəbələ” üçün sirli qutuya çevrilib. Böhran dönəmində klubların dağılma prosesinin sürətlənməsini nəzərə alsaq, sizdə ruh düşkünlüyü yaranırmı?
- Ruh düşkünlüyü yaranmır. Səhvlər özümüzdən asılıdısa, burada ruh düşkünlüyü yarana bilməz. Kənardan maneələr olarsa, bu, ruh düşkünlüyü yarada bilər. Klubların fəaliyyətini dayandırması yaxşı hal deyil. Buna görə də, istərdim ki, bunun qarşısının alınması üçün kənardan dəstəklər olsun. Bütün yükü klub rəhbərliyi öz üzərinə götürə bilməz. Kənardan dəstək çox yaxşı olar.

ELMAR ABDULLA-ZADƏ


 
tarix: 05-05-2017 19:25


 
Xəbər lenti
16.12.2017

18:00   Nazarov yenə fərqləndi, komandası qələbəni əldən verdi

16:37   “Neftçi”nin göndərəcəyi oyunçuların siyahısı

16:36   Fransa klubu baş məşqçisini qovdu

15:28   FİFA İspaniyanı DÇ-dən qovmaqla hədələdi

14:36   “Qəbələ”nin qış hazırlıq planı açıqlandı

13:59   “Qəbələ”də yeni müqavilə

13:42   “Kəpəz”də baş məşqçi istefaları

13:39   “Neftçi” legioneri ilə yolları ayırdı

13:16   Yubiley təxirə salındı - qərarı İcraiyyə Komitəsi verəcək

13:02   Adil Şükürov Türkiyə millisi və “Traktorsazi” rəhbərliyi ilə görüşdü

12:01   BOM-da təqdimat - FOTOLAR

11:46   “eTopaz”da günün canlı oyunları

11:22   “TOPAZ”DA BU GÜN

11:08   Nazim Süleymanov yenidən “Alaniya”da

10:05   Ziya Əzizov oynamadı, komandası uduzdu

02:08   “Monako” “Sent-Etyen”i 4 cavabsız qolla yendi - VİDEO

01:56   La Liqada 16-cı tura qolsuz start - VİDEO

01:30   “Borussiya”dan inamlı qələbə - VİDEO

15.12.2017

23:35  Ölkə kubokunda böyük sensasiya - FOTOLAR

23:07  “Qəbələ” yarımfinala belə yüksəldi - FOTOLAR

22:25  “Qarabağ” kubokdan belə kənarlaşdırıldı - VİDEO

21:59  “Qarabağ”ın məğlubiyyəti, yoxsa “Sumqayıt”ın qələbəsi?

21:55  Qurban Qurbanov: “Futbolçuların üzərinə çox getmədim”

21:40  “Bundan sonra kubok daha maraqlı olacaq"

21:36  “Büdcəmizdə qırmızı işıq yanır”

21:10  Azərbaycan Kuboku: Yarımfinalçılar müəyyənləşdi

20:55  “Sumqayıt” “Qarabağ”ı kubokdan kənarlaşdırdı

19:03  “Qəbələ” “Səbail” səddini belə keçdi - VİDEO

18:50  “Səbail” üç legionerini yola salır

18:27  Samir Əliyev: “Belə rəqiblərlə eyni səviyyədə mübarizə aparmağa hazır deyilik”

18:09  Roman Qriqorçuk: “Tətilə xoş hisslərlə gedirik”

17:35  Türkiyə klubu Popoviçlə yollarını ayırdı

17:00  Pro kursunun 5-ci modulu başa çatdı - FOTOLAR

16:12  MOİK 3 futbolçunu transferə çıxardı

15:51  “Zirə”nin qış hazırlıq planı açıqlandı

15:25  “Zirə”də ilk rəsmi ayrılıq

15:10  “Neftçi”nin hazırlıq planı rəsmən açıqlandı

14:55  Region Liqası: 1-ci turun təqvimi açıqlandı

14:29  Rəşad Sadıqov Françesko Totti ilə bir arada - FOTO

14:01  Riad Rəfiyevin futbol imperiyası

13:07  Millimizin Dubaya gedəcək heyəti açıqlandı

12:52  “Keşlə” yubanmamalıdı!

12:44  “Azərbaycan çempionatında çəkindiyim hücumçu yoxdu”

12:30  “Kəpəz”in qış hazırlıq planı müəyyənləşdi

12:24  Döyüşlə qazanılan qələbə

11:45  UEFA-dan məktub gəldi: Gəncədəki feyr-pley nümunəsinə görə

11:25  “Neftçi” kapitansız qaldı

11:04  “eTopaz”da günün canlı oyunları

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az