(+994) 050 626 86 70
(+994) 055 673 68 09
(+994) 070 534 65 52

qaynar xətt

Elxan Məmmədovun Premyer Liqa monopoliyası

Elxan Məmmədovun Premyer Liqa monopoliyası

Ölkə futbolunun bir əldə cəmləşməsi istiqamətində daha bir addım atıldı. AFFA dünən qəbul etdiyi qərarla göstərdi ki, bu bazara kənar adam daxil ola bilməz - öz piştaxtaları, öz alverləri.

AFFA-nın Lisenziya Komissiyasının növbəti iclası və açıqladığı qərarlar sürpriz deyildi. Hər şey əvvəlcədən ölçülüb-bişilmişdi və hansısa təsadüfi komandanın Premyer Liqaya vəsiqə qazanması mümkün deyildi.

İllərdi çempionu elitaya vəsiqə qazanmayan I divizionun mənasız yarış olduğu növbəti dəfə isbatlandı. "Neftçala" kimi "Turan Tovuz" da hasarın o biri üzündə qaldı. Premyer Liqaya isə AFFA-nın özünün yaratdığı, maliyyələşdirdiyi "Səbail" gəldi. AFFA məmurları öz mənafeləri naminə 1 yaşlı kluba qucaq açıb, Azərbaycan futbolunun ənənələrinin ən qocaman daşıyıcılarından olan Tovuzu sıradan çıxardılar.

Bəhanə var - "Turan Tovuz" lisenziya tələblərini yerinə yetirə bilmədi. Razıyam. Bəs, o zaman nəyə görə illərdi dövlətin vəsaiti havaya sovrulur, AFFA bu klubu maliyyələşdirir? Nəticə olmayacaqdısa, bölgə futboluna qayğının göstəricisi olan pilləli inkişaf təmin edilməyəcəkdisə, bu mübarizənin mənası nə idi? Mövsüm boyunca lisenziya tələblərinin yerinə yetirilməsi üçün lazım olan iş görülməyibsə, işə nəzarət olunmayıbsa, buna da kimsə cavab verməlidi axı.

Tovuzlular tələbləri yerinə yetirməyib, bəs, "Səbail" bunu edibmi?

Hamı bilir ki, lisenziya tələbinin əsas müddəası maliyyəylə bağlıdı. Həmin maliyyə yoxdusa, ölkədə iqtisadi durum yaxşı deyilsə, bu, hamıya aid olmalıdı. Nəyə görə AFFA prezidentinin oğlunun klubu üçün bütün yollarda "yaşıl işıq" yanır, ölkənin futbol bulağının qaynadığı Tovuzda yox? Həmin maliyyəni qondarma bir klubdansa, "Turan"a yönəltmək düzgün olmazdımı? Bəlkə Bakı çempionatı təşkil etmək, klubları bir şəhər içində idarə etmək daha rahatdı?

Hamı Premyer Liqada 10 komandanın mübarizə aparacağına ümid edir, bölgə komandalarının sayının artacağını gözləyirdi. Zaqatala və Şəmkirdə də yerli camaat, futbol azarkeşləri xoş xəbərin veriləcəyi günü gözləyirdi. Lakin Lisenziya Komissiyası ssenariyə uyğun işlədi, bölgələrdə futbolun inkişafına rəvac verən yox, monopolistlərin işinə yarayan qərarı verdi. İndiki futbol hakimiyyətinə rayonlarda yetişən istedadlar lazım deyil - onlar Dağıstandan gətiriləcək milliləşənlərdən qazanılacaq milyonlara, qanunsuz biznesə mane ola bilərdi.

Xüsusilə "Şəmkir"lə bağlı durum müəmmadı. Açıqlanan qərardan aydın olur ki, bu klub heç lisenziya üçün müraciət etməyib. Deməli, qərblilərin mətbuata ötürdüyü informasiya blef imiş. "Şəmkir"in prezidenti Elvin Səfərli stadonun əsaslı təmiri ilə bağlı məlumat verərkən sadəcə, AFFA qarşısındakı xidmətlərinin qarşılığını umurmuş. Amma baş katib Elxan Məmmədov ondan müəyyən müddət istifadə etməklə kifayətləndi. Diviziondakı danışılmış oyunlarla bağlı bütün məlumatlar ondan alındı, 10-larla futbolçu cəzalandı, 2 klub yarışlardan qovuldu, əvəzində bu "təmizləmə"yə görə elitafa yer vəd edilən Səfərli aldadıldı.

Qərardan bir bənd: Premyer Liqa yarışlarında iştirak etmək üçün aşağıdakı klublara lisenziya verilməsin - AZAL PFK, “Mil-Muğan” FK, MOİK PFK, “Turan Tovuz” PFK, “Qaradağ Lökbatan” FK, “Zaqatala” FK.

Səbəblər klubların özünə bildirilib və ictimaiyyət üçün məxfi saxlanılır - bu, anlaşılandı. Lakin mənə maraqlıdı, "Səbail" üçün də səbəblər tapmaq olmazdımı? Bu klubun uşaq komandaları yoxdu və Təhsil Nazirliyi tərəfindən maliyyələşdirilən "Vətən"in komandalarını qanadları altına alıblar. Yəni, bu çatışmazlıq hər yaş qrupunda güclü komandaları olan "Turan"ın problemlərindən daha kiçikdimi?

Qəribə vəziyyət yaranıb. İndi Premyer Liqada iştirak edəcək komandaların böyük əksəriyyəti bir ələ baxacaq. "İnter", "Kəpəz", "Sumqayıt", "Neftçi" və "Səbail" birbaşa AFFA xətti ilə maliyyələşəcək. Yalnız "Qarabağ", "Qəbələ" və "Zirə" müstəqil klublardı.

Nonsens isə başqadı. Bu insanların idarəetmə bacarığı son çempionatın turnir cədvəlində əksini tapdı. Belə ki, avrokuboklara bütün vəsiqələri AFFA-ya dəxli olmayan klublar qazandı, onlardan biri olan "İnter" sonradan monopolistlərin əlinə keçdi. Real mənzərə, iş bacarığı budur. Siz deyin: ölkə futbolunun taleyini belə işbilməzlərə tapşırmaq olarmı? Bu klubları maliyyə ilə təmin edən dövlət şirkətidi, bəs, dövlət rəhbərliyi niyə bunun hesabatını istəmir?

Mübariz Mənsimov, Hafiz Məmmədov, Nuru Əliyev və başqa iş adamları məhz indiki AFFA rəhbərliyi tərəfindən küsdürüldü, bunların özünün gördüyü iş isə göz qabağındadı. Qarşıdakı aylarda Gözəl ailəsi, Heydərovlar da incik salınacaq, ölkəmizin imicini şərəflə yüksəldən "Qarabağ"la "Qəbələ" də "Xəzər Lənkəran", "Bakı" və digər klublar kimi sıradan çıxarılacaq. Ondan sonra SOCAR-ın zavod çempionatı səviyyəsinə endiriləcək bir yarışda Elxan Məmmədovun qalstuklu ətrafı milyonlar dağıtmaq, öz ciblərini doldurmaqla məşğul olacaqlar.

Futbola qayğını heç vaxt əsirgəməyən, bu sahənin inkişafı üçün milyonlar ayıran, nəticə görməyən, aldadılan dövlət başbilənlərinin nəhayət, ayılacağına ümid edirik.

FƏRİD


 
tarix: 13-05-2017 10:00


 
Xəbər lenti
22.05.2018

13:47   Tuheli Favr əvəz etdi

13:37   Dağıdılan neft pulları: "Keşlə" yeyinti məhsulları

13:12   Premyer Liqada dövrənin və 2018-ci ilin ən yaxşısı

12:55   Alxasova Polşadan dəvət

12:15   “Sumqayıt”da yarpaq tökümü başladı

12:01   Pelleqrini yenidən Premyer Liqada

11:22   La Liqada yeni klub

11:00   “eTopaz”da günün canlı oyunları

10:31   “Slaviya”dan Muradovsuz qələbə

10:00   “TOPAZ”DA BU GÜN

09:37   “Volfsburq” Bundesliqada qaldı

09:00   Çempionun hüzurunda

01:13   U-11 Liqasının qalibi bəlli oldu

00:50   “Qarabağ”a çempionluq kuboku təqdim olundu - FOTOLAR

00:35   “Qəbələ” gümüş, “Neftçi” bürünc medallarına qovuşdu - FOTOLAR

00:09   Baqali Dabo: “Çempionluğu seçərdim”

00:01   Ramil Şeydayev: “Harada oynayacağımı hələ bilmirəm”

21.05.2018

23:43  Topaz Premyer Liqasının bombardiri mükafatını aldı - FOTOLAR

23:42  Tərlan Əhmədov: “İstənilən qərarı normal qarşılayacam”

23:10  Riçard Almeyda: “Bəzən nəyisə dəyişmək lazım gəlir”

23:01  “Qarabağ”ın prezidenti: “Büdcə əvvəlki kimi olmayacaq”

22:40  Premyer Liqanın qalibləri mükafatlandırıldı - VİDEO

22:01  Cavid Hüseynov: “Ani qığılcım baş verdi”

21:44  Mövsümün son matçında 1 qol - VİDEO

20:56  Mövsümün son matçında “Qarabağ” qalib gəldi

20:35  Qurban Qurbanov milliyə 27 futbolçu çağırdı

20:19  Mövsümün son matçında insident

18:55  “Keşlə” ölkə çempionu oldu

18:46  “Sumqayıt”da 2 illik yeni müqavilə

18:32  Super Liqada daha bir baş məşqçi istefası

18:06  Milli karyerasını bitirdi - DÇ-yə aparılmadığı üçün

17:00  Argentina mundiala bu heyətlə gedir

16:35  Yuri Maksimov daha bir il “Keşlə”də!

16:17  İspaniya millisin DÇ-2018 üçün yekun heyəti açıqlandı

15:58  Futbolçu mükafatlandırma mərasimində pərt oldu - VİDEO

14:52  Baharın 17-ci anı

14:44  İsgəndər Cavadov Gəncəyə niyə gedib?

14:38  Gəncə futbolunun xilası naminə

14:34  La Liqanın ən yaxşı qapıçısı seçildi

14:05  Baş məşqçilərin final üçün ortaq istəyi

13:53  MY Azərbaycan çempionu oldu - VİDEO

13:47  Dario Federikonun “sarğı” xahişi

13:35  Topaz Premyer Liqasında hakim debütü

13:27  İsgəndər Cavadov: “Kəpəz” Premyer Liqada qala bilər”

13:21  “Səbail” iki legionerlə yollarını ayırır

13:17  5-ci dəfə “Qızıl buts”u qazandı

13:13  Rəfiyevli “Sumqayıt” bu aqibətlə üzləşməliydi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az