(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
“Xəzər Lənkəran”ın geri dönməsi mümkünsüzdü”

“Xəzər Lənkəran”ın geri dönməsi mümkünsüzdü”

Futbolinfo.az sizi "Xəzər Lənkəran"ın vitse-prezidenti Tuyqun Nadirovun müsahibəsi ilə tanış edir:

- "Palmali" Şirkətlər Qrupunun prezidenti Mübariz Mənsimov bu yaxında Türkiyə mediasına geniş müsahibə verib. Lakin açıqlamalarda "Xəzər Lənkəran" barədə bir söz deyilmir. Fəxri prezidentin klubun durumuna və taleyinə münasibəti necədi?
- Premyer Liqada çıxış etdiyi dövrdə olduğu kimi, "Xəzər Lənkəran" indi də Mübariz bəyin diqqət mərkəzindədi. İşlərinin çoxluğuna rəğmən, fəxri prezident mütəmadi olaraq klubun aşağı yaş qruplarının fəaliyyəti və infrastrukturun durumu barədə maraqlanır, təqdim olunan hesabatlarla tanış olur. O, eyni zamanda ölkədə klub futbolunun mövcud durumu barədə çox ətraflı məlumata malikdi. Böyük ehtimalla, növbəti sualınız klubun əsas komandasının fəaliyyətinin bərpası ilə bağlı olacaq. Ona görə, sizi qabaqlayaraq qeyd edim ki, klub futbolu və çempionat bu durumda olduğu müddətdə əsas komandanın bərpası mümkünsüzdü.

- Söhbət hansı durumdan gedir? Sizə maneə yaradan amillər hansılardı?
- Əslində, bu barədə futbol ictimaiyyətində, mətbuatda və azarkeşlər arasında çoxlu müzakirələr gedib. Çempionatda cəmi səkkiz komanda mübarizə aparır. Bu klublardan yalnız "Qarabağ" və "Qəbələ" müstəqil və peşəkar klub idarəçiliyinə malikdilər. Bunun nəticəsi olaraq, məhz bu iki klub ölkə futbolunu Avropa kuboklarında layiqincə təmsil edir. Çempionatın özü də faktiki olaraq bu iki komanda arasında mübarizədən ibarətdir. Qalan klublar isə eyni mənbədən maliyyələşir. Özü də dövlət vəsaiti hesabına. Futbol klublarını sahibkarlar, biznes adamları maliyyələşdirməlidi. Dövlət vəsaiti isə təhsilə, səhiyyəyə, sosial layihələrə, bir sözlə əhaliyə ayrılmalıdı. Dövlətin hesabına bu qədər klubda yerli və əcnəbi futbolçuların əmək haqqının ödənilməsi və nəticədə bu klubların heç bir ciddi nəticə əldə etməməsi onu göstərir ki, bu qədər vəsaiti sadəcə, görüntü üçün, rəqabət təəssüratı yaratmağa xərcləyirlər. Belə bir şəraitdə Avropada mübarizə aparmaq qabiliyyətində olan komandaları yaşada bildikləri üçün adını çəkdiyim hər iki klubun rəhbərlərinə alqış düşür. Lakin, bizim mövqeyimiz odu ki, belə bir çempionatda, bölgə futbolunun inkişafına əngəl olan bir mühitdə "Xəzər Lənkəran"ın əsas komandasının fəaliyyətinin bərpası qeyri-mümkündü.

- Axı fəaliyyətini bərpa etməklə "Xəzər Lənkəran" dediyiniz bu durumu yaxşılaşdıra bilər.
- Geridə qalan illər ərzində "Xəzər Lənkəran"ın ölkə futboluna töhfəsi çox böyük olub. Gördüyümüz hər bir işdə ölkə başçısı cənab İlham Əliyevin təsdiq etdiyi futbolun inkişafına, eləcə də regionların sosial-iqtisadi inkişafına dair dövlət proqramlarının müddəalarını rəhbər tutmuşuq. Bilirsiniz ki, futbolda hər hansı nəticə üçün zaman tələb olunur. Bununla belə, on ildən bir qədər artıq müddət ərzində klubu idarə edən Mübariz Mənsimov və Mais Mənsimovun rəhbərlikləri altında ölkə futboluna kifayət qədər töhfə vermişik. Lənkəranda tamamilə yenidən qurulmuş stadion və inşa edilmiş baza kompleksi təkcə "Xəzər Lənkəran" deyil, bütün ölkə futboluna xidmət etmək məqsədi daşıyır. Unutmayaq ki, əsas milli komandanın rəsmi oyunu da, həmçinin qadınlar arasında U-17 Dünya Çempionatı kimi mötəbər yarışın da keçirildiyi yeganə bölgə stadionu məhz bizim arenadı. Ölkə daxilində qazanılması mümkün olan bütün titulları əldə etmişik, "Birlik Kuboku"nun nüfuzu olduğu dövrdə o kuboku ölkəmizə gətirmişik. Fəaliyyətimiz futbolun kütləviləşməsi, hal-hazırda ölkə futbolunda defisit olan azarkeş marağının artması ilə nəticələndi. Bilet satışı, fan-şop, abunə kartları – klubumuzun bu sahələrdə əldə etdiklərini yaxın gələcəkdə hər hansı yerli klubun təkrarlayacağı inandırıcı görünmür. Mən akademiya haqqında da bir neçə söz demək istərdim. Bəziləri "Xəzər Lənkəran"ın heç bir futbolçu yetişdirmədiyi iddiası ilə bizi tənqid hədəfinə çevirməyi düşünür. Amma bu gün ölkə klublarının və millinin şərəfini qoruyan müxtəlif yaşlı oyunçular məhz bizim akademiyada püxtələşib və bütün yaş qruplarından keçməklə peşəkar karyeraya qədəm qoyub. İbrahim Qədirzadə, Yusif Həsənov, Xəqani Sadıqov kimi nümunələr var ki, bu uşaqların hər biri Azərbaycan futbolunun gələcək ulduzu olmağa namizədlərdi. Görünür, bəziləri bizdən 12 il ərzində FIFA-nın "Qızıl top" mükafatına namizəd yetişdirməyimizi istəyir (gülür). Bütün bunlar sizin sualınıza cavabdı. Biz ölkə futboluna çox töhfələr vermişik. Əfsuslar olsun ki, ölkənin futbol təsərrüfatında nöqsanlar mövcuddu ki, klub futbolunun inkişafına əngəl olur.

- Bu nöqsanların nədən ibarət olduğunu düşünürsünüz?
- Baş verənlər onu göstərir ki, idarəçiliyə bir qədər fərqli prizmadan yanaşılmalıdı. Futbol sahəsində bir çox taleyüklü qərarların verildiyi, lakin bu qərarların sonradan dəyişdirildiyi və ya onlara əməl olunmadığının şahidi oluruq. Bu isə futbol idarəçiliyinin effektiv olmadığı mənzərəsini yaradır. Belədə isə, əldə olunan uğurlar da buraxılan nöqsanların kölgəsində qalır. Ən yaxın keçmişdən klublara idman direktorlarının təyini qərarını xatırlamaq olar. Bu qərar çoxlu vəsait hesabına başa gəlsə də, heç bir konkret nəticə vermədi. Və yaxud klublarda idarə heyətlərinin yaradılması barədə qərar. Qərardan bir müddət sonra klublarda müşahidə şuraları yaradıldı ki, idarə heyəti və müşahidə şurası tamamilə fərqli hüquqi anlayışlardı. Həmçinin klubların yüksək büdcəyə malik olduğu dövrlərdə legioner limitinin tətbiqi qərarları da özünü doğrultmadı. Zamanında bütün bu addımlara öz reaksiyamızı bildirmişik, razı olmadığımız məqamları istər mətbuatda, istər görüşlər zamanı qabartmışıq. Bütün bunlar və hazırda futbolun düşdüyü vəziyyət onu sübut edir ki, futbol təsərrüfatının idarə edilməsi ilə hər hansı dövlət qurumunun idarəedilməsi fərqli məsələlərdi.

- Dedikləriniz belə düşünməyə əsas verir ki, ölkə futbolunun idarəedilməsi prinsipləri barədə konkret ideyalarınız var. Ölkə futbolunun idarəçiliyində iştirak etməyi düşünürsünüz?
- Əlbəttə, futbol sahəsinə yaxın bir insan kimi, şəxsən məni mövcud mənzərə qane edə bilməz. Çatışmazlıqların aradan qaldırılması baxımından ölkə futboluna dəstək vernək hər bir futbol rəsmisi üçün böyük şərəf və məsuliyyətdi. Heç bir variantı istisna etmək olmaz. Əlbəttə ki, hər bir addım atılmazdan əvvəl konkret hərəkət planı olmalıdı. Futbolumuzun ümumi problemlərindən biri də elə plansızlıqdı.

- “Xəzər Lənkəran”ın hazırkı fəaliyyəti barədə nə deyə bilərsiniz? Yeni mövsümdə hər hansı yeniliklər olacaqmı?
- Geridə qalan mövsümdə üç yaş qrupu ilə ölkə birinciliklərində mübarizə apardıq. U-17 qrupumuz mövsümü turnir cədvəlinin ortasında bitirdi. Perspektivli uşaqların digər klublara keçidinə şərait yaratdığımızı nəzərə alsaq, bu qrupun nəticələrini yaxşı hesab etmək olar. U-13 və U-14 qruplarımız isə adəti üzrə final mərhələsinə vəsiqə qazana bildilər. Növbəti mövsüm də ən azından bu tərkibdə yarışlarda iştirak edəcəyik. Qrupların sayı artırıla da bilər. Belə olan halda əvvəlcədən məlumat verəcəyik ki, arzu edən uşaqlar baxışlarda iştirak etsin. Bundan əlavə, stadion və mövcud infrastrukturun qorunması və təyinatı üzrə istifadə edilməsi istiqamətində daim çalışırıq. “Xəzər Lənkəran” bu gün də bölgədə uşaq və yeniyetmələrin futbolla, həmçinin bütün əhalinin idmanla məşğul olmasına zəmin yaradır. Bu işləri gördüyümüzdən qürur duyuruq. “Xəzər Lənkəran” muzeyi də fəaliyyətini davam etdirir, müxtəlif rayonlardan olan məktəblilər tez-tez buranı ziyarət edir. Bir sözlə, “Xəzər Lənkəran” fəaliyyətini davam etdirir. “Palmali” kimi şirkətin klubun arxasında olması isə gələcəyə nikbin baxmağa əsas verir. Qafqazinfo


 
tarix: 15-05-2017 11:15


 
Xəbər lenti
16.12.2017

18:00   Nazarov yenə fərqləndi, komandası qələbəni əldən verdi

16:37   “Neftçi”nin göndərəcəyi oyunçuların siyahısı

16:36   Fransa klubu baş məşqçisini qovdu

15:28   FİFA İspaniyanı DÇ-dən qovmaqla hədələdi

14:36   “Qəbələ”nin qış hazırlıq planı açıqlandı

13:59   “Qəbələ”də yeni müqavilə

13:42   “Kəpəz”də baş məşqçi istefaları

13:39   “Neftçi” legioneri ilə yolları ayırdı

13:16   Yubiley təxirə salındı - qərarı İcraiyyə Komitəsi verəcək

13:02   Adil Şükürov Türkiyə millisi və “Traktorsazi” rəhbərliyi ilə görüşdü

12:01   BOM-da təqdimat - FOTOLAR

11:46   “eTopaz”da günün canlı oyunları

11:22   “TOPAZ”DA BU GÜN

11:08   Nazim Süleymanov yenidən “Alaniya”da

10:05   Ziya Əzizov oynamadı, komandası uduzdu

02:08   “Monako” “Sent-Etyen”i 4 cavabsız qolla yendi - VİDEO

01:56   La Liqada 16-cı tura qolsuz start - VİDEO

01:30   “Borussiya”dan inamlı qələbə - VİDEO

15.12.2017

23:35  Ölkə kubokunda böyük sensasiya - FOTOLAR

23:07  “Qəbələ” yarımfinala belə yüksəldi - FOTOLAR

22:25  “Qarabağ” kubokdan belə kənarlaşdırıldı - VİDEO

21:59  “Qarabağ”ın məğlubiyyəti, yoxsa “Sumqayıt”ın qələbəsi?

21:55  Qurban Qurbanov: “Futbolçuların üzərinə çox getmədim”

21:40  “Bundan sonra kubok daha maraqlı olacaq"

21:36  “Büdcəmizdə qırmızı işıq yanır”

21:10  Azərbaycan Kuboku: Yarımfinalçılar müəyyənləşdi

20:55  “Sumqayıt” “Qarabağ”ı kubokdan kənarlaşdırdı

19:03  “Qəbələ” “Səbail” səddini belə keçdi - VİDEO

18:50  “Səbail” üç legionerini yola salır

18:27  Samir Əliyev: “Belə rəqiblərlə eyni səviyyədə mübarizə aparmağa hazır deyilik”

18:09  Roman Qriqorçuk: “Tətilə xoş hisslərlə gedirik”

17:35  Türkiyə klubu Popoviçlə yollarını ayırdı

17:00  Pro kursunun 5-ci modulu başa çatdı - FOTOLAR

16:12  MOİK 3 futbolçunu transferə çıxardı

15:51  “Zirə”nin qış hazırlıq planı açıqlandı

15:25  “Zirə”də ilk rəsmi ayrılıq

15:10  “Neftçi”nin hazırlıq planı rəsmən açıqlandı

14:55  Region Liqası: 1-ci turun təqvimi açıqlandı

14:29  Rəşad Sadıqov Françesko Totti ilə bir arada - FOTO

14:01  Riad Rəfiyevin futbol imperiyası

13:07  Millimizin Dubaya gedəcək heyəti açıqlandı

12:52  “Keşlə” yubanmamalıdı!

12:44  “Azərbaycan çempionatında çəkindiyim hücumçu yoxdu”

12:30  “Kəpəz”in qış hazırlıq planı müəyyənləşdi

12:24  Döyüşlə qazanılan qələbə

11:45  UEFA-dan məktub gəldi: Gəncədəki feyr-pley nümunəsinə görə

11:25  “Neftçi” kapitansız qaldı

11:04  “eTopaz”da günün canlı oyunları

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az