(+994) 050 626 86 70
(+994) 055 673 68 09
(+994) 070 534 65 52

qaynar xətt

AFFA rəhbərliyi üçün müharibə çağırışı

AFFA rəhbərliyi üçün müharibə çağırışı

Bizim vaxtımızda çətin tapılardı, amma indi övladlarımıza asanlıqla ala bilirik. “Batareya”sını qoşur, sonra da düyməsini basırıq. Eləsi var rəqs edir, eləsi var musiqi səsləndirir. Çin dilində, ingiliscə, rusca danışanı da var. Onlara “danışan kukla” deyirik.
 
***
 
Tarixin yaddaşına köçmüş “Xəzər Lənkəran”ın sabiq vitse-prezidenti Tuyqun Nadirov klubun gələcək taleyi barədə açıqlama verib. “Qafqazinfo”ya danışan klub rəsmisi “ağ-yaşıllar”ın hazırki durumda Premyer Liqaya qayıdışının mümkünsüz olduğunu bildirib.
 
Nadirov bunun səbəblərini belə izah edib: “Klubumuz yenə də Mübariz Mənsimovun diqqət mərkəzindədir. Lakin Azərbaycanda klub futbolu və çempionat bu durumda olduğu müddətdə əsas komandanın bərpası mümkünsüzdür. Əslində, bu barədə futbol ictimaiyyətində, mətbuatda və azarkeşlər arasında çoxlu müzakirələr gedib. Çempionatda cəmi 8 komanda mübarizə aparır. Bu klublardan yalnız "Qarabağ" və "Qəbələ" müstəqil və peşəkar klub idarəçiliyinə malikdilər. Bunun nəticəsi olaraq, məhz bu iki klub ölkə futbolunu Avropa kuboklarında layiqincə təmsil edir. Çempionatın özü də faktiki olaraq bu iki komanda arasında mübarizədən ibarətdir. Qalan klublar isə eyni mənbədən maliyyələşir. Özü də dövlət vəsaiti hesabına. Futbol klublarını sahibkarlar, biznes adamları maliyyələşdirməlidir. Dövlət vəsaiti isə təhsilə, səhiyyəyə, sosial layihələrə, bir sözlə, əhaliyə ayrılmalıdır. Dövlətin hesabına bu qədər klubun yerli və əcnəbi futbolçularının əməyinin ödənilməsi və nəticədə bu klubların heç bir ciddi nəticə əldə etməməsi onu göstərir ki, bu qədər vəsait sadəcə, görüntü üçün rəqabət təəssüratı yaratmağa xərclənir. Belə bir şəraitdə Avropada mübarizə aparmaq qabiliyyətində olan komandaları yaşada bildikləri üçün adını çəkdiyim hər iki klubun rəhbərlərinə alqış düşür. Lakin bizim mövqeyimiz odur ki, belə bir çempionatda, bölgə futbolunun inkişafına əngəl olan bir mühitdə "Xəzər Lənkəran"ın əsas komandasının fəaliyyətinin bərpası qeyri-mümkündür”.
 
Nadirov klublarda yaradılan Müşahidə Şuraları barədə də fikirlərini bildirib: “Klublarda Müşahidə Şuraları yaradıldı ki, idarə heyəti və Müşahidə Şurası tamamilə fərqli hüquqi anlayışlardı. Həmçinin klubların yüksək büdcəyə malik olduğu dövrlərdə legioner limitinin tətbiqi qərarları da özünü doğrultmadı. Zamanında bütün bu addımlara öz reaksiyamızı bildirmişik, razı olmadığımız məqamları istər mətbuatda, istər görüşlər zamanı qabartmışıq. Bütün bunlar və hazırda futbolun düşdüyü vəziyyət onu sübut edir ki, futbol təsərrüfatının idarə edilməsi ilə hər hansı dövlət qurumunun idarəedilməsi fərqli məsələlərdi. Futbol sahəsinə yaxın bir insan kimi, şəxsən məni mövcud mənzərə qane edə bilməz. Çatışmazlıqların aradan qaldırılması baxımından ölkə futboluna dəstək vernək hər bir futbol rəsmisi üçün böyük şərəf və məsuliyyətdir. Heç bir variantı istisna etmək olmaz. Əlbəttə ki, hər bir addım atılmazdan əvvəl konkret hərəkət planı olmalıdır. Futbolumuzun ümumi problemlərindən biri də elə plansızlıqdır”.
 
***
 
Nadirovun dediklərinin böyük qismi həqiqətdi. O, real mənzərəni təsvir edib və sətiraltı ifadələrlə hədəfi də göstərib. Aşkar görünür ki, hədəfdə AFFA, həm də SOCAR rəhbərliyidi.
 
Qəribə olan bu həqiqətlərin indi deyilməsidi. Tuyqun bəy ya birillik fasilə dövründə fikirləşmək üçün kifayət qədər boş vaxt tapıb və reallığı görüb, ya da o vaxt çalıb-çapdığı pullar indi əlinə keçməyincə qəzəbindən belə deyir. Bəlkə də AFFA-nın baş katibi Elxan Məmmədov tərəfindən ələ salındığı günləri – bir günün içində İcraiyyə Komitəsinə üzvlüyə namizəd olub, sonra geri çəkilməsini – indi xatırlayır.
 
Tuyqun bəy düz deyir. Həqiqətən ölkə futbol təsərrüfatında qeyd edilən problemlər var. Amma bütün bunlar “Xəzər Lənkəran” mövcud olanda da var idi. O zaman da ölkə futbolunu eyni adamlar, eyni üsulla idarə edirdilər. Nadirovun gözləri indi açılıbmı?
 
Lənkəranlı azarkeşlər brend idi və bu, cənub bölgəsinin insanlarının təbiətindən irəli gəlirdi, onların futbola sonsuz sevgisi Tuyqun bəyin hansısa xidməti deyildi. İndi onları xatırlatmaq, dövlət başçısının adını çəkmək daldanacaq istəməkdən başqa bir şeyə bənzəmir. Azarkeşlərə, dövlət rəsmilərinə xoş sözlər deyib, tənqid etdiyi adamları hədəf göstərmək taktiki gedişdi. O zaman sual olunur: niyə bütün bunları assosiasiyada daha yüksək vəzifəyə getmək ümidi ilə Klublar Komitəsinə sədr seçilərkən dilə gətirmirdi? O zaman həmin insanlara problemləri üzbəüz demək, həlli üçün çıxış yolları göstərmək lazım idi. Deməyibsə, deməli, bütün qüsurlarda onun da rolu var. Bu gün müxalifətçi imici qazanmağa cəhd etmək gülünc görünür. Bircə il transferlərdən qazana bilməmək, vaqon-vaqon əcnəbini gətirib, yola salmamaq, onlardan faiz tutmamaq Tuyqun bəyi buqədərmi saflaşdırıb?
 
***
 
Əslində, Tuyqun bəyin birdən-birə ortaya çıxması başlayan klan davasının tərkib hissəsi, növbəti mərhələnin başlanğıcıdı. Və Nadirovun dedikləri AFFA rəhbərliyinə elan edilən müharibədə yeni cəbhənin açılmasının anonsudu. Həqiqətən futbolumuzu xilas edəcəksə, xeyirli olsun! Lakin çətin, çünki məqsəd və məram başqa - şəxsi mənafe, biznes maraqlarıdı.
 
Kor deyilik, nələr baş verdiyini görürük. Son günlər sosial şəbəkələrdə, mətbuatda Mübariz Mənsimovla bağlı xəbərlər çoxalıb. Ermənilərlə bağlı ürəyəyatan bir-iki cümlə, ardınca hansısa yardımla bağlı yazılanlar, “Beşiktaş”a oyunçu transferi ilə bağlı gündəm yaradan xəbərlər. Təsadüf deyil - əvvəlcə Mənsimov haqda müsbət məqamlarla zəngin informasiyalar yayılır, ardınca Mübariz bəy "SOCAR-la heç zaman iş görmərəm" deyir. Və Tuyqun bəyin məlum müsahibəsi...
 
Bu, həmin Mənsimovdu ki, "Rövnəq Abdullayev AFFA prezidenti olandan sonra futbolumuzun inkişafını görməyənlər kar və kordu" deyirdi. Çünki neftdaşımada 10 illik müqavilə var idi və Mənsimov Azərbaycan sayəsində böyük pullar qazanır, onun bir qismini “Xəzər Lənkəran” vasitəsi ilə futbola yönəldirdi. Anlaşma bitdi və bitdiyi an da klub fəaliyyətini dayandırdı. İndi “mən olduğum müddətdə “Xəzər Lənkəran” yaşayacaq” deyənlər nağıl danışmağa başlayıb, 10 il sayəsində milyonlar qazandığı SOCAR-la təklif edilməyən, amma umulan işbirliyindən imtina edir.
 
Hə, növbəti mərhələdi və Nadirov danışdırılır, imic formalaşdırır ki, ya AFFA rəhbərliyi yenidən onlara qucaq açsın, neft daşınması ilə bağlı yeni layihələrdə onlara yer versin, ya da belə şantajlara hazır olsunlar.
 
***
 
“Danışan kuklalar” adətən uşaqlar üçün yararlı olur, onları əyləndirir, yatırır. Uşaqlar bəzən onlara qapaz vurur, xoşagəlməyən musiqi səsləndirəndə bir küncə də tullayır. Ümumiyyətlə, belə oyuncaqlar qısamüddətli istifadə üçün nəzərdə tutulur, tezliklə zibilə atılır. Bəzən də söndürülür, bir kənara qoyulur, kimisə əyləndirmək zamanı gələndə “batareya”sı dəyişdirilib yenə sevimli oyuncaq kimi uşaqların qabağına atılır.
 
CAVAD

 
tarix: 17-05-2017 09:00


 
Xəbər lenti
23.08.2017

14:01   Topaz Premyer Liqasında 3-cü turun oyun cədvəli

13:55   3-cü turun oyun cədvəli bəlli oldu

13:48   “Qarabağ” “Kopenhagen” ilə duelə hazırdı - FOTO

13:33   “Barselona” hakerlərin hücumu qarşısında aciz qaldı - FOTO

13:26   “Marka” yenə “Qarabağ”dan yazdı

13:17   “Bunu “Qarabağ”la oyunda da təkrarlaya bilərik”

13:05   Qazaxıstan yığması Bakıya gələcək

12:59   Axundovla Malıyevin məğlubiyyəti: Rauf Əliyev problemi bitdi

12:51   İspaniyalı futbolçu “Qəbələ”dən ayrılmasının səbəbini açıqladı

12:37   Tahir Gözəl Kopenhagendə batalyon komandiri ilə görüşdü

12:18   Çempionlar Liqasında daha bir ilk gerçəkləşdi

12:06   "Beşiktaş" Bakıya gəlir?

11:43   “TOPAZ”DA BU GÜN

11:34   "Astana" və "Başakşəhər" ÇL-dən getdi, "Napoli" yenə qalib gəldi - VİDEO

11:22   "eTopaz"da günün canlı oyunları

11:00   ÇL-də səbətlər açıqlandı - “Qarabağ” mərhələ adlasa...

10:36   UEFA klub reytinqində bir pillə gerilədik

10:20   ÇL-də qrup mərhələsinə yekun vurulur - YENİLƏNİR

10:10   "Qarabağ" "Kopenhagen" ilə tarixi matça çıxır - YENİLƏNİR

10:01   Millimiz Belarusa məğlub oldu

09:35   "Latsio"dan Premyer Liqa klubuna

09:02   "Barselona"dan Neymara 8,5 milyon avroluq iddia

00:45   "Başakşəhər" sürpriz edə bilmədi

00:07   "Traktorsazi"dən növbəti qələbə

22.08.2017

22:41  "Neftçi” Elşad Əhmədovun rəhbərliyi altında ilk məşqə çıxdı

22:36  "Valensiya"nın oyunçusu rəsmən "İnter"də - FOTO

22:20  Tahir Gözəl: "İnanırıq ki, zəfər bizim yanımızda olacaq"

22:12  Miçel: "Sərfəli nəticə ilə mərhələ keçəcəyimizə inanırıq"

22:00  Qurbanov: "Şansımız var və bundan maksimum istifadə etməyə çalışacağıq"

21:17  "Kopenhagen" "Qarabağ" ilə oyun üçün 18 oyunçu seçdi

20:24  Stole Solbakken: "Qrup mərhələsinə vəsiqə qazanmaq üçün hər şeyi edəcəyik"

20:12  “Qəbələ”dən ayrıldı, Polşa klubu ilə müqavilə imzaladı

18:57  Ramil Şeydayev "Jilina"dan ayrılır

18:33  "eTopaz"da günün canlı oyunları

18:21  “TOPAZ”DA BU GÜN

18:16  "İnter" - "Səbail" matçının da başlama saatı bilindi

18:05  "Zirə" - "Sumqayıt" matçının başlama saatı açıqlandı

17:58  Qurban Qurbanovla 70-ci sınaq

17:28  Millimiz Belarusa qarşı bu heyətlə oynayacaq

17:16  "Kopenhagen" "Qarabağ" ilə oyun öncəsi cəzalandı

16:53  Super Liqa klubunun prezidenti istefa verdi

16:32  “Kəpəz” tarixi derbinin hazırlığına başladı

16:26  Kapitan hələ də fərdi məşq edir

16:18  Bundesliqa klubundan daha bir transfer

15:53  "Milan" yeni "Şevçenko"suna qovuşdu - FOTO

15:45  "Səbail” “Qəbələ”ni də Mərdəkana aparacaq

15:23  "Bursaspor" heyətinə yeni hücumçu cəlb etdi - FOTO

15:02  “Rubin”dən "Hannover"ə - FOTO

14:51  Elxan Abdullayev "Neftçi"ni ifşa etdi: Futbolçulara yemək qənaətlə verilir!

14:38  Lagerbek: "Azərbaycan millisi son 2 ildə 60 pillə irəliləyib"

14:29  “Qarabağ” ÇL-in qrup mərhələsinin bir addımlığındadı”

14:15  Norveç yığması Bakıya bu heyətlə gələcək

14:01  Vitse-prezidentin dayısı Cəbrayıl Cəbrayılov nəyə nəzarət edir?

13:54  "Qarabağ" üçün qələbəsiz gündə daha bir ilk imkanı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az