(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Ban

Ban

Cavad email: futbolinfo@mail.ru

Var xoruz banı, var evin banı, bir də var “Neftçi”nin banı.

Rayon - şəhərli mübahisələrin qızğın vaxtında kənddən danışmaq qorxulu olsa da, yazım ki, səhərləri xoruz banıyla açardıq. Ban bizim üçün yeni günün başlandığını bildirən canlı saat zəngi olardı.

Evin banı cənub bölgəsində çox işlənən sözdü. Çox yerdə “çardaq” deyilir. Evi örtən damın altıdı. Orada qışa azuqə saxlayar, yay vaxtı hərdən çıxıb sərinlənərlər də.

“Neftçi”nin banı isə təzə məsələdi.

Öncə məlum açıqlamanı xatırlayaq: “Müxtəlif vaxtlarda və müxtəlif səbəblərdən “Neftçi” klubunun rəsmi Feysbuk səhifəsində ban olunan bütün istifadəçilər blokdan çıxarıldı. İstənilən məsələ ilə bağlı istənilən fikri yazmaqda müstəqilsiniz. Sadəcə, bunu etik qaydalar çərçivəsində - söyüş və təhqirə keçmədən etməyiniz xahiş olunur”.

***

“Neftçi”nin "Feysbuk" səhifəsində kilidlənən üzvlərinin oradan çıxırılması yaxşı xəbərdi. Barışıq jestidi. Klub çətin vaxtlarında dəstək istəyir və bunu ilk növbədə azarkeşlərindən gözləyir. Yersiz banlayıb, acıladıqları, özlərindən uzaqlaşdırdıqları azarkeşlərdən…

Fanatlar da sağ olsun, klubun onlarla görüşüb, münasibətləri qaydaya salmaq təklifinə arxa çevirməyib. Barışıblar.

***

Qəribə olan azarkeşlərə sanki minnət qoyarcasına davranılmasıdı. Əslində, klub barışıq üçün daha ciddi addım atmalıydı. Ban etmələri bir ayıb, bandan çıxarmaları da bir. Bəli, təhqirlər olurdu, amma bunun səbəbi fanatların səviyyəsizliyi deyildi, işi yarıtmayanların, klubu yaman günə qoyanların günahı idi.

Klub artıq anlayıb ki, azarkeşsiz komanda heç kimə lazım deyil. Və yeni mövsümdə gözlənilən təzyiqlərdən qaçmaq üçün bu addımı atıblar. Bunu azarkeşləri sevdiklərindən yox, özlərindən, sabahlarından qorxduqları üçün ediblər. Çünki azarkeşləri ban edənlərin əvvəlcə özləri “Neftçi”dən ban edilməli, azarkeşləri “xuliqan”, “bandit” sayan məşqçiyə qapı göstərilməlidi.

“Neftçi” nə “Bandırmaspor”du, nə də hansısa Banqladeş klubu. Bu komanda xalqındı, Banişevskinin əmanətidi, Müşahidə Şuraları, prezidentlər gəldi-gedərdi, “Neftçi” həmişə dövlətdən dəstək alan milli dəyərdi. Azarkeşləri bandan çıxarmaqla ələ alacağını düşünənlər yanılır, Elxan Abdullayev dediyi qeyri-etik ifadələrə görə rəzmən üzr istəməyincə, hətta klubdan getməyincə ulduzlar barışmayacaq. Görüntü xatirinə bu gün birlik jestləri edilə bilər. Lakin bir gün “Bakcell Arena”da elə bannerlər açılacaq ki, “Qarabağ” azarkeşlərinin gətirdiyi “vaqon” yalan olacaq.

***

Klub rəhbərliyi bu gün azarkeşlərin ayağına getməyə, dabanlarından öpməyə məcburdu və bu, fanatların qələbəsidi. Lakin klubu da bu şəkildə - gülə-gülə ələ keçirib, dağıtdılar, məhv etdilər. İstəklərinə çatan kimi yenə azarkeşə arxa çevirəcəklər.

AFFA-dan göndərilən “banda”nın, eləcə də Kamil Məmmədovla Riad Rəfiyevin şərikli yağmaladığı “Neftçi”nin bu jestinin banan sevdası olduğunu tezliklə hamı görəcək.


 
tarix: 05-07-2017 00:55


 
Xəbər lenti
24.06.2018

01:40   Almaniya - İsveç matçının ən yaxşısı

01:21   “Neftçi” dumana düşdü - VİDEO

00:50   Xorvatiyalı yarımmüdafiəçi rəsmən “Neftçi”də

00:10   Almaniya millisi 90+5-də sevindi - VİDEO

23.06.2018

23:55  Belçika və Meksikadan asan, Almaniyadan dramatik qələbə

23:29  Sənan Qurbanov: “Kukesi” ilə matçdan istədiklərimi ala bildim”

22:52  Millimizin Bakı toplanışı üçün heyəti açıqlandı

22:11  Çiçarito ən yaxşı seçildi

22:00  Qurbanov: “Səhvlərimiz oldu, amma…”

21:49  “Qəbələ” də heç-heçə ilə başladı

21:14  “Qarabağ” ilk sınağından heç-heçə ilə ayrıldı

21:03  Meksikadan ardıcıl 2-ci qələbə - VİDEO

20:58  “Qaçırdığımız penalti oyunda dönüş nöqtəsi oldu”

20:38  Millimiz Belarusa məğlub oldu

18:46  “Neftçi”nin ilk rəqibi bəlli oldu

18:20  Belçika - Tunis matçında 7 qol - VİDEO

18:09  Dubl etdi, ən yaxşı oldu

17:36  Şotland da “Qarabağ”ın təklifini qəbul etmədi

16:53  Hacıyev üçün üç yerli, bir əcnəbi köməkçi

16:11  “Neftçi” Türkiyə toplanışına start verdi

15:28  Medvedev: “İstəmədiyimiz bir rəqib düşdü”

15:07  VAR sistemi, varam deyir...

14:30  Salah Çeçenistanın fəxri vətəndaşı oldu - FOTO

14:18  İtaliyalı futbolçudan “Qarabağ”a təşəkkür və “yox”

13:21  “Sumqayıt”ın yay hazırlıq planı məlum oldu

13:04  “Keşlə”nin rəqibi yoxlama oyununda uduzdu

12:42  “Neftçi” Türkiyədə - VİDEO

12:27  Millimiz Belarusa qarşı

12:11  Paytaxt klubunda qapıçı dəyişikliyi

11:22  Ukraynalı qapıçı rəsmən “Real”da

11:00  “eTopaz”da günün canlı oyunları

10:31  Kluyvert rəsmən “Roma”da

10:00  “TOPAZ”DA BU GÜN

09:30  DÇ-2018: Daha 3 oyuna hakim təyinatları bəlli oldu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az