(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Filmin sonu: Eyvazovun üçgünlük təyinatı

Filmin sonu: Eyvazovun üçgünlük təyinatı

 
 
Əslində, baş katib ilk kiçik məğlubiyyətini hələ 2 il öncə almışdı. “Sumqayıt” kimi kiçik klubları qanadı altına alan Məmmədov “Neftçi”yə girişərkən daş qayaya rast gəlmişdi. O, ölkənin ən böyük klubunu bir uduma həzm edə bilmədi, loxma böyük oldu. Klubun idarəçiliyini ona versələr də, maliyyəylə bağlı vəziyyət fərqli idi. Digər klublara maliyyə birbaşa AFFA vasitəsi ilə ödənilirsə, “Neftçi” istisnadı. Klub maliyyəni İK İB-in idarəetmə aparatını rəhbəri Sadıq Sadıqovun adına yazılan məktubdan sonra əldə edir. Bir sözlə, klub pulu AFFA yox, ictimai birlik xətti ilə alır.
 
Məmmədov çox çalışsa da, məhz maliyyə nəzarətinə nail ola bilməmiş və ilk məğlubiyyətini o zaman almışdı. Budəfəki qərar isə sonun başlanğıcıdı. Baş katib tamamilə gözdən düşüb və havadarları da artıq onu qorumaq iqtidarında deyillər.
 
“Neftçi”də prezident üsul-idarəsi həm də o deməkdi ki, yeni gələnlər birbaşa kubun sahibi olacaqlar. Orxan Hüseynzadənin müsahibəsində qeyd etdiyi kimi, prezident klubda əsas söz sahibi sayılacaq. İndiki halda bu, Orxan bəydisə, gələcəkdə daha ciddi fiqur gələcək və həqiqətən söz yiyəsi olacaq. O zaman artıq Müşahidə Şurası da mövcudluğunu tamamilə itirəcək. Nə zaman? Hə, bu, çətin sualdı. Daha doğrusu, zamana ehtiyac var.
 
Təsisçilərin son addımları göstərdi ki, onlar qərarlarını səbrlə verir və baş katibin sistemi üzərində təmiz qələbəyə hesablayıblar. Ona görə də yeni mövsümün startındakı mümkün uğursuzluqdan sonra Hüseynzadənin əşyalarını qoltuğuna verdiklərini görsəniz, təəccüblənməyin.
 
Əcəba, təsisçilər, “Neftçi”nin sponsorları, Elxan Məmmədovun havadarları eyni adamlar deyilmi? Axı, onlar hamısı bir şirkətdədi. Hadisələr göstərir ki, fərqli güclərdi. Sadəcə, daxili çəkişmələr, qruplaşmalar var və indiyədək Məmmədovun olduğu dəstə üstün idisə, hazırda onları sıradan çıxaranlar var. Nüfuz müharibəsindəki qələbə və məğlubiyyətləri də məhz işdəki uğur müəyyənləşdirir. Müşahidə Şurası ideyası baş katibin dəstəsinin fiaskosu olduğundan indi digər qüvvələr fəallaşıb.
 
Təsisçilərin indiki rəhbərlikdən, onların ideya müəlliflərindən narazılığı bugünün söhbəti deyil. Sadəcə, hadisələr üst-üstə gəldi və indikilərə etimad limiti tükəndi. “Neftçi”nin ardıcıl uğursuzluqları, ötən mövsümü 7-ci pillədə başa vurması, qışda götürülən kreditin düzgün xərclənməməsi, indi həmin borcların qaytarılması üzündən heyətin gücləndirilməsinə imkan olmaması qalaqlanmış problemlərdi. Təsisçilər zaman-zaman olaylara müdaxilə etmək istəyib, lakin hər dəfə də indiki idarəçilər hadisələrin gedişini öz mənafelərinə xidmət edən məcraya döndəriblər. İndi isə son həddi və həmin “fırlatmalar”ın əvəzi çıxılır.
 
1 il öncəni xatırlayaq. “Neftçi”də ara qarışdı və Elxan Məmmədovun dəstəsi bərbad günə qoyduqları “Neftçi”ni əldən buraxmamaq üçün öz kadrlarını “vurmağa” məcbur oldular. Sadıq Sadıqovun göndərilməsindən sonra kluba gələn icraçı direktor Elnur Məmmədov baş məşqçi Vəli Qasımovla birlikdə yola salındı. Piyadaları şahı qorumaq üçün qurban verdilər. Lakin...
 
Tezliklə İK İB-in razılığı ilə SOCAR-dan Elnur Eyvazovu kluba icraçı direktor təyin etdilər. 2016-cı il sentyabrın 14-dəki bu təyinat 3 gün qüvvədə qaldı. Elxan Məmmədovun dəstəsinə qətiyyən aidiyyatı olmayan bu cavanı sıradan çıxarıb, yerinə öz adamlarını qoymaq üçün əməliyyat başladı. Eyvazov haqda məşhur “söyüş videosu” mətbuata çıxarıldı, ardınca bir neçə yazı və onun təyinatı beşikdəcə boğuldu. Baş katib bu materialları SOCAR-a çatdırdı və bildirdi ki, imicinə zərbə dəyən adamı kluba əsas söz sahibi qoymaq olmaz.
 
Plan ağlabatan oldu və Elxan Məmmədov öz adamı olan Orxan Hüseynzadəni icraçı direktor təyin etdirə bildi. Belədə gözlənilmədən icraçı direktorun müavini postu yaradıldı və Eyvazov ora yerləşdirildi. Çünki SOCAR-ın göndərdiyi bu adamı geri qaytarmaq olmazdı – o, maliyyənin əsas nəzarətçisi olmalıydı. Elnur bəyi idman direktoru postuna da qoymadılar və bu vəzifə ləğv edildi.
 
Təsəvvür edirsizmi, klub strukturunda müxtəlif vəzifələr ləğv edilir və ya yaradılır, amma heç birinə qərarı təsisçilər, ya da Müşahidə Şurası vermir? O zaman prezident üsul-idarəsi haqda qərarı, Əfsərlinin dediyi kimi, təsisçilərin verməsi qəribə deyilmi? Görəsən, o vaxt bunu edən indiki idarəçilər bu dəfə nəyə görə vəzifə bölgüsünə korrektəni özləri etmədi?
 
Eyvazovu göndərənlər bu prosesdə kiçik məğlubiyyət aldı, lakin açıq savaşa girmədilər, əsəblərini “seyfə qoyub”, növbəti uyğun zamanı gözlədilər.
 
(davamı olacaq)
 
CAVAD

 
tarix: 09-07-2017 18:02


 
Xəbər lenti
24.06.2018

01:40   Almaniya - İsveç matçının ən yaxşısı

01:21   “Neftçi” dumana düşdü - VİDEO

00:50   Xorvatiyalı yarımmüdafiəçi rəsmən “Neftçi”də

00:10   Almaniya millisi 90+5-də sevindi - VİDEO

23.06.2018

23:55  Belçika və Meksikadan asan, Almaniyadan dramatik qələbə

23:29  Sənan Qurbanov: “Kukesi” ilə matçdan istədiklərimi ala bildim”

22:52  Millimizin Bakı toplanışı üçün heyəti açıqlandı

22:11  Çiçarito ən yaxşı seçildi

22:00  Qurbanov: “Səhvlərimiz oldu, amma…”

21:49  “Qəbələ” də heç-heçə ilə başladı

21:14  “Qarabağ” ilk sınağından heç-heçə ilə ayrıldı

21:03  Meksikadan ardıcıl 2-ci qələbə - VİDEO

20:58  “Qaçırdığımız penalti oyunda dönüş nöqtəsi oldu”

20:38  Millimiz Belarusa məğlub oldu

18:46  “Neftçi”nin ilk rəqibi bəlli oldu

18:20  Belçika - Tunis matçında 7 qol - VİDEO

18:09  Dubl etdi, ən yaxşı oldu

17:36  Şotland da “Qarabağ”ın təklifini qəbul etmədi

16:53  Hacıyev üçün üç yerli, bir əcnəbi köməkçi

16:11  “Neftçi” Türkiyə toplanışına start verdi

15:28  Medvedev: “İstəmədiyimiz bir rəqib düşdü”

15:07  VAR sistemi, varam deyir...

14:30  Salah Çeçenistanın fəxri vətəndaşı oldu - FOTO

14:18  İtaliyalı futbolçudan “Qarabağ”a təşəkkür və “yox”

13:21  “Sumqayıt”ın yay hazırlıq planı məlum oldu

13:04  “Keşlə”nin rəqibi yoxlama oyununda uduzdu

12:42  “Neftçi” Türkiyədə - VİDEO

12:27  Millimiz Belarusa qarşı

12:11  Paytaxt klubunda qapıçı dəyişikliyi

11:22  Ukraynalı qapıçı rəsmən “Real”da

11:00  “eTopaz”da günün canlı oyunları

10:31  Kluyvert rəsmən “Roma”da

10:00  “TOPAZ”DA BU GÜN

09:30  DÇ-2018: Daha 3 oyuna hakim təyinatları bəlli oldu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az