(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Filmin sonu: Təsisçilərə növbəti saymazyana jest

Filmin sonu: Təsisçilərə növbəti saymazyana jest

 
Növbəti həmlə bir də bu il oldu. İyunun əvvəlində Kaml Quliyevin “Neftçi”yə idman direktoru gönərildiyi aydınlaşdı. Sürpriz idi. Çünki Quliyev də baş katibin komandasına daxil deyildi və onu da təsisçilər göndərmişdi. Təyinatı geri çevirmək mümkün deyildi. Bu zaman Elxan Məmmədov və əlaltıları yeni variant axtarışına çıxdı. Təyinatın rəsmiləşməsi xeyli yubadıldı. Quliyevə elə bir post tapşırılmalıydı ki, əl-ayağa dolaşmasın, sadəcə, SOCAR-dan göndərildiyi üçün işlə təmin olunsun, amma əsas planlara qarışmasın. Buna da nail oldular.
 
Kamal bəy “Neftçi”yə gəldiyi, amma təyinatının hələ rəsmiləşmədiyi ilk günlərdə millidə də çalışan baş məşqçi Elxan Abdullayevi gözlədiyini, onunla məsləhətləşərək komandanı böhrandan çıxarmaq üçün yollar arayacağını deyirdi. Bu müsahibə də göstərirdi ki, Quliyev konkret olaraq vəzifəyə göndərilib.
 
Lakin yenə eyni ssenari oynanıldı. Bu dəfə qazanclı çıxan Eldəniz Yusifov oldu. Klubun aşağı yaş qrupları üzrə komandalarına koordinator kimi gətirilən sabiq həmkarımız birdən-birə əsas komandanın baş meneceri təyin olundu. Halbuki bu vəzifə dolayısı ilə Kamal bəy üçün nəzərdə tutulmuşdu. Və Orxan Hüseynzadə ağasının sözünə uyğun olaraq, Quliyevi Yusifov üçün nəzərdə tutulmuş posta təyin etdi.
 
Əslində, Quliyev təsadüfən seçilməmişdi. Onun təyinatından bir neçə gün öncə verdiyi müsahibədən seçmələrə diqqət edin:
 
- Ölkə kubokunda “Qarabağ”la dünənki oyundan (0:0) sonra “Neftçi”nin baş məşqçisi Elxan Abdullayev onu istefaya səsləyən azarkeşləri xuliqan adlandırıb. Buna münasibətiniz necədi?
- Birincisi, heç kimə səlahiyyət verilməyib ki, öz ölkəsinin vətəndaşına təhqiramiz söz işlətsin. Buna heç kimin ixtiyarı yoxdu. İkincisi, fanatları qruplara bölmək olmaz. Fan-klubların “Forza Neftçi” və ya digər adları ola bilər. Amma fanat fanatdı. Onun hansı qrupda yer almasından asılı olmayaraq, ortada bir “Neftçi” və onun azarkeşləri var. İstər məşqçi, istərsə də futbolçu olsun, fanatlara qarşı belə davranmamalıdı. Bu gün bizim istədiyimiz odu ki, Türkiyə və digər ölkələrdəki kimi, azarkeşləri stadiona yığaq. Buna çalışmaqdansa, onları meydanlardan uzaqlaşdırırıq. O sözləri işlətmək əvəzinə, insanları stadiona cəlb etmək lazımdı. Futbolun gözəlliyi qol və fanatlardı. Heç kimin xətrinə dəymək istəmirəm. Amma bu, şəxsi fikrimdi ki, heç bir halda azarkeşlərə qarşı belə çıxış etmək olmaz. Bu, komandaya biganə yanaşmaq kimi bir şeydi.
 
- Cari mövsümün əvvəlində rumıniyalı futbolçu Katalin Tira “Neftçi”nin azarkeşinə qarşı etdiyi hərəkətdən sonra klubdan uzaqlaşdırıldı. Rəhbərlik Elxan Abdullayevlə də bağlı eyni addımı atmalı deyil?
- Elxan Abdullayevin dünənki mətbuat konfransında dediyi sözləri oxudum. Mövsümün birinci yarısında başqa söhbət, müsahibələr olurdu. Amma indi dedikləri onlarla üst-üstə düşmür. “Neftçi” Azərbaycan futbolunun tarixidi. Klubun hazırkı durumuna görə çox təəssüf edirəm. Bu sözləri deməkdənsə, hər kəs öz işini görsə, daha yaxşı olar. Heç bir klubun çalışdırıcısı millidə köməkçi məşqçi vəzifəsində işləməməlidi. Sən Azərbaycanın tarixi klubunun baş məşqçisi ola-ola, yığmada da çalışa bilməzsən. “Neftçi”ni yeni götürüb, milli ilə təlim-məşq toplanışına gedir. Bu, məsuliyyətsizlikdi. Kor-kor, gör-gördü. Nəticəsi də belə olmalıdı da. “Neftçi”nin baş məşqçisi onunla nəfəs almalıdı, komanda ilə yatıb, komanda ilə durmalıdı. Amma baş məşqçi millinin heyətində təlim-məşq toplanışına yollanır. Bəli, hamımız yığma üçün çalışırıq. Ancaq sən klubun nəticəsinə cavabdehsən axı. Elxan Abdullayevin danışığına baxın. Bədbəxtliyimiz odu ki, sözün düzünü deyəndə xətirlərinə dəyir. Ataların məsəli var ki, səni tərifləyəndən qaç, tənqid edəndən yapış. Necə ola bilər ki, “Neftçi” kimi klubun qarşısına çempionluq və avrokuboklara vəsiqə qazanmaq tapşırığı qoyulmasın? “Neftçi” bu dərəcədə aciz oldu ki, Avroliqaya düşmək uğrunda mübarizə aparmasın? Onda bu komanda çempionatda niyə çıxış edir? “Neftçi” bu gün şərait və büdcə baxımından çoxundan üstündü. Klubun hazırkı legionerlərinin hamısını göndərmək lazımdı. Düzdü, mən komandanın içində deyiləm. Amma kənardan hiss edirəm ki, “Neftçi”də əhval-ruhiyyə yaxşı deyil. “Sumqayıt”la matçda “Neftçi”nin mərkəz müdafiəçisi Pavel Dreksanın oyununu gördüm. Vallah, mən özümə ayıb bildim. Onu alçaltmaq istəmirəm, amma formadan çox uzaqdı.
 
- Baş məşqçinin istəyi ilə qış fasiləsində heyətə xeyli sayda yeni futbolçu cəlb edildi. Çempionatın III və IV dövrələrində “Neftçi”nin oyununda hansısa dəyişiklik hiss olundu?
- “Neftçi”nin oyununun düzələcəyinə dair söz verilmişdi. Hanı bəs? Mən “Sumqayıt”ı zəif saymıram, maşallah, özlərini sübut edirlər. Lakin “Neftçi” kimi komanda belə oyunlarda xallar itirməməlidi. Bu gün rəqib qapıçının qaytardığı topu “Neftçi”nin hücumçusu 3 metrlik məsafədən çərçivəyə yönəldə bilmirsə, biz hansı oyundan danışırıq? Elxan müəllimə də, klubun rəhbərliyinə də hörmətim böyükdü. Amma reallıq deyilən bir şey var. Həm qış fasiləsindən öncə, həm də ondan sonra komanda getdikcə daha ağır vəziyyətə düşür, uçuruma yollanır. Bu gün “Neftçi”də qələbə ruhu yoxdu. Elə çıxış edirlər, sanki “Neftçi” sıradan bir komandadı. Gələn oyunçulara klubun tarixini izah etmək lazımdı. Bilirsiz ki, bu komandada işləmək, oynamaq çox çətindi. Çünki daim göz qabağındasan, səndən nəticə tələb edirlər. O nə deməkdi ki, mən komandanı Avroliqaya çıxaracağıma söz verməmişdim? “Neftçi”nin adı elə komandanın məqsədindən xəbər verir də. “Neftçi”nin titulsuz, avrokuboklardan kənarda qalması nə deməkdi? Mən bunu başa düşmürəm. Bir-birimizi aldatmayaq, yalan danışmayaq. Düzü etiraf etmək özü mərdlik tələb edir. İşimizi itirməməyə görə nəyəsə əl atmaq lazım deyil. Komandanın uğursuzluğuna baş məşqçi cavabdehdi. Əgər bu işi görə bilmirsənsə, bəhanə gətirmək yersizdi, qoy, başqası gəlsin. Bəlkə o nəsə edə bildi.
 
İndi bu adam Elxan Abdullayevə nəzarət etməyə göndərilmişdi, amma rəhbərlik onu kənarda saxlamağı bacardı. Və təsisçilər onlara atılan silləni yenə sinəyə çəkib, səbr etdilər. Quliyevin klubda olması özü ciddi fakt idi və o, buzqıran rolunu oynamalıydı .
 
(davamı olacaq)
 
CAVAD

 
tarix: 09-07-2017 23:17


 
Xəbər lenti
23.11.2017

02:35   ÇL-də gecənin bütün qolları - VİDEOLAR

02:18   Maksim Medvedev: “Məni futboldan küsdürdülər”

01:55   “Atletiko” “Qarabağ” üçün şans yeri qoymadı

01:32   Şenol Günəşdən "Qarabağ"a dəstək, Qurban Qurbanova hədiyyə - FOTO

01:26   “Hakimdən “Qarabağ”a qarşı ağılsız qərar” – “The Sun”

01:04   Rövnəq Abdullayev: “Bu qərarın məqsədli olduğunu deməzdim”

00:45   Rəşad Sadıqov: “Hakimlər bizə qarşı çox sərt mövqe tuturlar”

00:21   Qurban Qurbanov: “Çelsi”nin belə köməyə ehtiyacı yox idi”

00:05   Antonio Konte: “Hakim heç bir halda tərəf tutmamalıdı”

22.11.2017

23:10  “Qarabağ” “Çelsi”yə belə uduzdu - VİDEO

22:49  “Qarabağ” "Çelsi" ilə evdə də bacarmadı

21:14  Bu da “Qarabağ” – “Çelsi” matçında gözlənilən xoreoqrafiya

19:24  “Qarabağ”ın rəqiblərinin oyununda 3 qol

18:25  “Qarabağ” “Çelsi”yə evdə də uduzdu - FOTOLAR

17:57  “Çelsi” fanatı olan Ndlovu: 0:6-dan sonra forma dəyişə bilməzdim

17:10  Şenol Günəş Bakıya gəlir - BOS-dakı dəstəyə görə

16:50  “Qarabağ”ın gəncləri "Çelsi" ilə yenə bacarmadı

16:34  Daha bir milli komanda baş məşqçisiz qaldı

16:11  “Hakimlər hadisəni bəzən düzgün qiymətləndirmirlər”

15:56  Miçel: “Çelsi” ilə oyunda xal qazanmalıyıq”

15:38  Xərçəng xəstəsi olduğunu matçın fasiləsində dedi

15:17  Növbəti turu kim buraxacaq?

14:56  “Zaqatala” “Ağsu”ya doğma meydanda uduzdu - VİDEO

14:40  “Payız turniri” başladı: 3 oyuna 26 qol

14:25  “Mil-Muğan” “Xəzər”i belə məğlub etdi - VİDEO

14:16  AFFA İsgəndər Cavadovun komandalarına texniki məğlubiyyət verdi

13:58  13-cü turun oyun cədvəli bəlli oldu

13:44  Yaşar Seyidovun tövsiyə planı və reallıq

13:38  Topaz Premyer Liqasında 13-cü turun oyun cədvəli

13:24  “Zirə”nin futbolçusuna 1, “Kəpəz”liyə 2 oyunluq cəza

13:15  Divizion klublarının cəzası açıqlandı

13:07  İbrahim Şehiçlə Dedimar Fereyraya 3 oyunluq cəza

12:55  9-cu turun hakim təyinatları açıqlandı

12:42  “eTopaz”da günün canlı oyunları

12:32  “TOPAZ”DA BU GÜN

12:27  “Neftçi” rəhbərliyi Konte ilə görüşdü - FOTO

11:56  Bakıda FIFA-nın sammiti keçirildi - FOTOLAR

11:35  Koke: “Qarabağ”ın uğur qazanmasına ümid etməliyik”

11:26  “Real” və Ronaldodan rekordlar

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az