(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Filmin sonu: Kamran Quliyev İcraiyyə Komitəsi ilə ikibaşlı oyun oynayır

Filmin sonu: Kamran Quliyev İcraiyyə Komitəsi ilə ikibaşlı oyun oynayır

 
Əslində, Müşahidə Şurası ideyasının baş tutmaması yenilik deyil. “Qarabağ”, “Qəbələ” və “Zirə”nin bu layihəni dəstəkləməməsindən xəbərdarsız. Bu klublar ağıllı addım atdılar və nəticəsini də qazandıqları uğurlarla, şuralaşmışlardan bir addım öndə olmaqla göstərirlər.
 
“Neftçi”nin prezident idarə üsuluna qayıtması ideyanın tam iflası oldu. Müşahidə Şurasının dağılacağı günə çox qalmayıb – çoxdan dağılıb, lakin rəsmən elan etmirlər.
 
Amma burada bir maraqlı məqam var. AFFA İcraiyyə Komitəsinin 2013-cü il avqustun 14-də qəbul etdiyi qərarlardan biri məhz şuralaşma ilə bağlı idi. Orada qeyd olunurdu ki, “Topaz Premyer Liqasında çıxış edən bütün klublarda minimum 5 nəfərdən ibarət İdarə Heyəti yaradılsın. Bununla əlaqədar klubların yeni strukturu və İdarə Heyətinin üzvləri AFFA rəhbərliyi tərəfindən təsdiq olunması üçün baş katibliyə təqdim edilsin. İdarə Heyətinin tərkibində bir veteran futbolçunun iştirakı ödənişli əsaslarla təmin olunsun”.
 
Bu, həm də prezident üsul-idrəsinin ləğvi demək idi. Amma maraqlıdı ki, qərara əməl edən “Neftçi”, “Sumqayıt”, “Kəpəz” və başqaları da idarəetmədə vahid modeli tətbiq edə bilmədilər. İndi bakılılar prezidentli sistemə qayıtmaqla şurasız işləyəcəklərini göstərirlər. Deməli, baş katibin layihəsi “oturmadı”.
 
Ən əsası odur ki, “Sumqayıt” indiyədək qəribə üsulla idarə olunub – klubda həm Müşahidə Şurası, həm də prezident üsul-idarəsi olub. Deməli, Kamran Quliyev həm İcraiyyə Komitəsinin qərarını qəbul edərək şuranın yaranmasını təşkil edib, həm də öz postunu icraçı direktorluğa dəyişməməklə onu pozub. Və bü gün “Neftçi”nin sabiq icraçı direktoru, indiki prezidenti Orxan Hüseynzadə “Sumqayıt” modelinə keçdiklərini bəyan edir.
 
Hüseynzadə son müsahibəsində, ümumiyyətlə, iflası etiraf etmiş oldu. Onun dedikləri həqiqətdi, amma eyni zamanda himayədarları olan SOCAR-ın sirrlərini faş etməkdi. Deyəsən, hələ də xəbəri yoxdu ki, təyin edildiyi yeni vəzifə onun boynuna keçirilən kəndirdi. Çünki sabah hər şeyə görə o məsuliyyət daşıyacaq.
 
Bununla belə, Orxan bəy həm də şura institutunun bünövrəsini qazır. Kredit götürdüklərin bəyan etməsi az qala bütün ölkənin maliyyəsini təmin edən himayədarlarını zərbə altında qoymaqdısa, bir şapalaq da Müşahidə Şurasına dəyir. Axı, bu qurumun icazəsi/imzası olmadan kredit götürmək mümkün deyildi. Yəqin məsuliyyəti bölüşməyə çalışır.
 
Orxan bəy son açıqlamalarında daha bir neçə yalan danışıb və hər açıqlaması ilə sponsorları zərbə altında qoyub.
 
1-ci açıqlama kredit götürülməsinə hansı zərurətin səbəb olması ilə bağlıdı: “Çıxış yolunu bankdan kredit götürməkdə gördük. Borcları bağladıq və yaxın bir neçə ildə kredit bağlamalı olacağıq”.
2-ci açıqlama PFL prezidenti Ramin Musayevin bütün klubların onlara borclu olmasını deməsinə cavabıdı: “Biz ödənişlərimizi etmişik. Kartlara (oxu: vərəqələrə) görə müəyyən məbləğdə borcumuz qalıb. Yanvarda komandaya cəlb etdiyimiz bütün legionerlərə görə rüsumu ödəmişik. Ancaq bizdən əvvəlki dönəmdə cəlb olunan legionerlərə görə borc var. Sadəcə, indiki vəziyyətdə köhnə borcları bağlamaq imkanımız yoxdu”.
 
Bu iki açıqlama bir-birini döyür. Krediti borcları bağlamağa görə götürmüsüzsə və onları “bağlamısızsa”, PFL-ə borc hardandı? Borcları ödəməmisizsə, həmin pul hara xərclənib?
 
Bir məqam da maraqlıdı və bu suala Peşəkar Futbol Liqasının rəsmiləri də cavab verməlidi. “Neftçi”nin əvvəlki dövrdən borcu qala-qala klub niyə cəzalandırılmayıb, sanksiya tətbiq olunmayıb? Və ümumiyyətlə, köhnə borcları “dondurub”, sonrakı rüsumların ödənilməsi hansı məntiqə sığır? Axı, Hüseynzadə klubu təhvil alanda onun köhnə borclarını da qəbul edib. Hər kəs öz dövründəki işi aşıracaqsa, bəs, yığılıb qalan problemləri kim həll edəcək?
 
Bax, Müşahidə Şuraları olan klublar belə idarə olunur. Hamısı bir maliyyə mənbəyinə bağlanır, SOCAR-ın pulu dağıdılır, nəticələrsə ildən-ilə pisləşir. Ayrılan pullar kimlərisə zənginləşdirir, qohum-əqrəbanın varlanmasını təmin edir, klublar isə 4-5 illik kredit borclarına məhkum edilir. Elxan Məmmədovun futbolumuza gətirdiyi şura ideyasının mahiyyəti elə budur.
 
Lakin artıq hər şey bitdi – filmin sonudu…
 
CAVAD

 
tarix: 10-07-2017 13:47


 
Xəbər lenti
18.12.2017

13:05   “Qarabağ”dan Mahir Mədətov açıqlaması

12:59   “Qalatasaray” Tudoru qovdu

12:49   "Keşlə"də baş məşqçi dəyişikliyi: Məmmədovu Maksimov əvəzlədi

12:32   “eTopaz”da günün canlı oyunları

12:12   “TOPAZ”DA BU GÜN

11:54   Region Liqasına start verildi: ilk turun nəticələri

11:32   Prezident Tahir Gözəllə Elxan Məmmədovu mükafatlandırdı

11:12   “Səbail” legioneri ilə rəsmən vidalaşdı

10:53   “Bakı”nın bazası da əlindən alındı

10:27   “Beşiktaş” Mahir Mədətovu transfer edir

10:02   Ufuk oynamadı, komandası qələbə qazandı

09:21   Axundovun məşqçi eksperimenti

09:11   Elşən Abdullayev “Səbail”i yox, “Zirə”ni seçdi

09:03   “Kukesi” Rauf Əliyevsiz qalib gəldi

09:01   “Neftçi”nin İlkin transferi

02:22   “Olimpik”lərin duelində Lion təmsilçisi sevindi - VİDEOLAR

02:06   “Barselona” 3 xalı 4 qolla qazandı - VİDEOLAR

01:51   “Milan” darmadağın oldu, “Yuventus” qalib gəldi - VİDEOLAR

00:28   İsrafilovlu “Ximnastik” səfərdə uduzdu

00:20   “Liverpul”dan darmadağın, MY-dən qələbə - VİDEO

00:02   8 qolluq oyunda qalib müəyyənləşmədi - VİDEO

17.12.2017

23:51  “Qalatasaray” məğlub oldu, "Beşiktaş"dan darmadağın - VİDEOLAR

19:27  Erat oynamadı, “Duysburq” qalib gəldi

17:50  Millimizin hücumçusu “Bursaspor”dan göndərilir

15:54  "Qarabağ"ın futbolçusu subaylığın daşını atdı

14:08  12-ci turun oyun cədvəli açıqlandı

12:45  Cari mövsümdə ilk baş məşqçi dəyişikliyi

12:22  “eTopaz”da günün canlı oyunları

11:57  “TOPAZ”DA BU GÜN

11:38  “Araz”dan inamlı qələbə

10:06  Araz Abdullayevdən qol ötürməsi - VİDEO

02:19  “Valensiya” uduzdu, “Atletiko” qalib gəldi - VİDEOLAR

02:11  “İnter” ilk məğlubiyyətini aldı, “Napoli” və “Roma” qalib gəldi - VİDEOLAR

01:44  PSJ 3 xalı 4 qolla qazandı - VİDEO

01:26  “Borussiya” və “Bavariya”dan çətin qələbə - VİDEOLAR

00:52  MS “Tottenhem”i böyük hesabla yendi, “Çelsi” və “Arsenal” qalib gəldi - VİDEOLAR

00:30  “Trabzonspor” tək qolla güldü

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az