(+994) 050 626 86 70
(+994) 055 673 68 09
(+994) 070 534 65 52

qaynar xətt

Hakimlər üçün ayrılan vəsait hara getdi?

Hakimlər üçün ayrılan vəsait hara getdi?

AFFA-nın baş katibi Elxan Məmmədov, sponsor SOCAR-ın futbola axıtdığı maliyyənin böyük hissəsini qohum-qardaş, dost-tanış arasında bölməklə kifayətlənmək istəmir. İndi də o, beynəlxalq futbol qurumlarından gələn yardımlara əl gəzdirir.
 
Dünən ölkə mətbuatında gedən xəbərlərdən bəlli oldu ki, Topaz Premyer Liqasında, eləcə də I divizionda və əvəzedici heyətlər arasında keçirilən ölkə çempionatında ədaləti qoruyan hakimlər ölkə xaricində toplanışda olmayacaqlar (futbol11.).
 
İndiyədək hakimlər ildə iki dəfə ölkə xaricində təlim-məşq toplanışında olurdu. Qış toplanışı adətən Antalya, yay toplanışı isə Avropa ölkələrinin birində baş tuturdu. Budəfəki yay toplanışı Bolqarıstanda reallaşmalı idi. Hakimlər artıq iyulun 19-da ölkə xaricinə yollanmalı idilər. Hətta səfərə getməli olan hakimlərin sənədləri də yığılmışdı. Amma son anda səfər baş tutmayıb və pasportlar geri qaytarılıb.
 
Buna maliyyə çatışmazlığının səbəb olduğu deyilir. Belə ki, AFFA baş katib Elxan Məmmədovun istəyi ilə hakimlərin yay toplanışına vəsait ayırmaq istəməyib.  Onlara yeni mövsümə Bakıda hazırlaşmaq məsləhət görülüb.
 
Bunu Peşəkar Futbol Liqasına və qurumun prezidenti Ramin Musayevə növbəti badalaq kimi də qiymətləndirmək olar. Məmmədov AFFA-da ehtiyat etdiyi yeganə şəxsin səlahiyyətlərini uzun müddətdi yavaş-yavaş əlindən alır. Və Musayev susduqca, dalana dirəndikcə “mehriban düşmən”indən zərbələr alır.
 
Yaxınlarda mətbuatda gedən xəbərlərə görə, hazırda PFL-in büdcəsi yarım milyon manata qədər endirilib ki, bu da AFFA-nın ümumi büdcəsinin 2 faizindən də aşağı məbləğdi. Halbuki təkcə uşaq liqalarına illik 3 milyondan çox vəsait sərf olunur. Fərq isə ortadadı: uşaq liqalarında hər mövsüm 100-ə yaxın texniki məğlubiyyət reallaşır, komandaların az qala yarısı mövsümün gedişində dağılır, neçə illərdi heç bir istedad əsas komandalara kimi yüksələ bilmir. Əvəzində PFL-in təşkil etdiyi yarış qitədə yüksək yerlərə irəliləyir, bu yarışdan çıxan komandalar avrokubokda daim arzusunda olduğumuz uğurları sıralayır.
 
Görünür, hakimlik Musayevin kurasiyasında olduğundan buradakı müsbət nəticələr də baş katibi narahat edir. İstedadlı hakimlər nəslinin yetişməsi, Əliyar Ağayev kimi qitə elitasının qapısını döyən referinin üzə çıxması rəhbərlik etdiyi sahələrdə uğura həsrət olan Məmmədovun yuxusuna haram qatıb. Elə buna görə də o, hər imkanda PFL-in planlarını pozmağa çalışır.
 
PFL hazırda baş katibin ölkə futbol təsərrüfatında ala bilmədiyi yeganə “qala”dı. Elə bu səbəbdən o, hər vəchlə bu qalanın sütunlarına külüng vurur. Hakimlərin toplanışa getməməsi onların yeni mövsümdə səhvlərinin artmasına, beləliklə qurumdan narazılıqların artmasına səbəb olacaq. Məmmədova da elə bu lazımdı – belə olduqda PFL- ləğv etmək, alternativ kimi yaratdığı qondarma Klublar Komitəsini önə çəkmək daha asan olacaq. Axı, bu quruma rəhbərlik edən, Elxan bəyin can dostu olan Kamran Quliyevin çoxdan o postda gözü var.
 
Musayev isə hələlik susur, dözür, açıq mübarizəyə girişmir. Təbii ki, bu şəkildə divara sıxmalar onun ürəyincə deyil, ancaq hələlik səsini çıxarmır. Onu posta gətirən AFFA prezidenti Rövnəq Abdullayevə görə susur, futboldakı bütün uğurlarını birlikdə qazandıqları rəhbərinə görə baş katibin hər həmləsini sinəyə çəkir. Ancaq budəfəki həmlə həm də AFFA prezidentinin özünə qarşıdı. Çünki Elxan bəy hakimlərin mümkün səhvlərini “hazırlamaqla” klubların səsini çıxarmasını istəyir. Və bu etirazlar sabah təkcə PFL-ə yox, həm də AFFA prezidentinə olacaq. Bu da çoxdandır himayədarının sifarişi ilə xəyanət planları cızan baş katibin işinə yarayır.
 
Bəs, hakimlərin toplanışı üçün vəsait həqiqətən yoxdurmu? Ola bilər, SOCAR-da, AFFA-da müəyyən çətinliklər olsun, lakin bu, hakimlərin toplanışının təxitə salınması ilə nəticələnməməlidi. Əvvəla, ölkədə benzinin qiymətinin ceyran belinə qalxmasından sonra bundan yeganə faydalanan qurum məhz SOCAR-dı. Digər tərəfdən hakimlərin hazırlığı üçün pulu heç də AFFA-nın himayədarı ayırmır.
 
AFFA-nın illik hesabatlarında da qeyd olunduğu ki, UEFA 2016-cı ildə milli assosiasiyamızın hesabına 3,198,514 manat vəsait köçürüb. Və orada qeyd olunan təyinat istiqamətlərindən biri kimi hakimlik standartlarının inkişaf etdirilməsi, onların hazırlığının yaxşılaşdırılmasıdı. Bilidyimizə görə, 300 min manat təkcə hakimlərin daha yaxşı hazırlaşması üçün ayrılır. Belədə AFFA-nın UEFA-nın ayırdığı pulu təyiantı üçün niyə xərcləmədiyi çox maraqlıdı. Deyəsən, baş katib qitə futbol qurumunun ayırdığı vəsaiti öz planlarının reallaşdırılması üçün ayırır, hakimləri isə minimum xərclə yola verməyə çalışır.
 
Görəsən, AFFA-nın büdcəsini stadionların qazonuna qulluq edən şəxsi şirkətlərinə, xanım dostunun/şərikinin keytrinq xidməti göstərən firmasına və s. bu kimi şəxsi məqsədli layihələrə xərcləyən Məmmədovun hakimlər üçün ayrılan UEFA vəsaitinəmi ehtiyacı var? Axı, bu, həm də öz rəhbərinə qarşı gözlənilən etiraz dalğasına səbəb ola bilər. Bəlkə elə əsas plan budur?
 
FƏRİD
 
P.S.: AFFA-nın son konfransından sonrakı brifinqdə AFFA prezidenti hakimlər üçün ölkə xaricində toplanış təşkil ediləcəyini bildirmişdi. İndi isə Məmmədov onu yalançı çıxarmağa çalışır.
P.P.S.: AFFA-nın həqiqətən maliyyə problem varsa, görəsən, niyə bu yalnız hakimlərin toplanışında özünü büruzə verir? Assosiasiyanın/SOCAR-ın maliyyələşdirdiyi “İnter”, “Kəpəz”, “Səbail”, “Sumqayıt”, “Neftçi” xaricdə toplanış keçirmək üçün pulu haradan tapıb?

 
tarix: 18-07-2017 09:44


 
Xəbər lenti
26.09.2017

18:32   “Səbail” yeni transferini təqdim etdi - FOTO

18:01   Pedro Enrike: “Qarabağ”la ÇL-də oynamaqdan qürur hissi duyuram”

17:33   Qurban Qurbanov: "Roma"nı çox tərifləmək istəmirəm"

17:00   BOS “Qarabağ” - “Roma” matçına hazırdı - FOTOLAR

16:35   Karel Yarolim: “Azərbaycana qalib gələ bilsək...”

16:07   “Qarabağ”ın futbolçusu Norveç yığmasına çağırıldı

15:48   La Liqada növbəti baş məşqçi istefası

15:25   “Roma” Bakıya gəlir - FOTOLAR

15:01   "Qarabağ" "Roma"nı məğlub etsə...

14:20   Çexiya millisi Bakıya 23 futbolçu ilə gəlir

13:39   Millimizin rəqibi heyətini açıqladı

13:04   AFFA-dan qapıçı məşqçiləri üçün A kursu

12:27   “Beşiktaş”ın prezidenti: “Superkubok Azərbaycanda keçirilsin”

11:50   Totti Bakıya gələsi olmadı

11:25   “eTopaz”da günün canlı oyunları

11:04   “TOPAZ”DA BU GÜN

10:31   Fərid Nəbiyev oynadı, “Slaviya” uduzdu

10:10   “Beşiktaş” “Leypsiq”ə, “Real” “Borussiya”ya qarşı - YENİLƏNİR

10:03   Yığmamız Gürcüstana 5 qolla uduzdu

09:36   Super Liqa klubunda Leonardo dönəmi

01:27   La Liqada 6-cı tura darmadağınla yekun vuruldu - VİDEO

01:20   “Arsenal”dan inamlı qələbə - VİDEO

00:37   “Sumqayıt” “Səbail” üçün hazırlığa Cavidsiz başladı

00:10   Super Liqada 6-cı tura yekun vuruldu

25.09.2017

22:34  Araz Abdullayevin klubu liderliyini qorudu

21:35  “Yuventus”un prezidenti 1 illik futboldan uzaqlaşdırıldı

21:06  La Liqa klubunda yeni baş məşqçi

20:37  “Qəbələ” “Neftçi”yə 7 qolla qalib gəldi

19:36  “Qarabağ”dan azarkeşlərə müraciət

19:05  “Qarabağ” - “Roma” oyunu ilə bağlı polisdən xəbərdarlıq

18:30  “Qarabağ” – “Roma” matçı üçün pulsuz nəqliyyat

18:14  “Roma” Bakıya bu heyətlə gəlir

16:55  “Roma”: nə vaxt gəlir, nə vaxt gedir?

16:46  15 faizlik büdcə, lazımsız İcraiyyə Komitəsi və susdurulan Əbilov

16:38  “Qarabağ”la oyunlarda maksimum nəticə əldə etməliyik"

16:15  BOS-da “Qarabağ” - “Roma” matçı öncəsi festival

16:06  "Qəbələ" də olmasa...

15:55  “Prosineçki məni yığmada görmək istəmir” - Dadaşov

15:38  Birinci Divizionda yeni mövsümün püşkatması - FOTOLAR

15:26  “Roma”ya Monika Beluççi, “Qarabağ”a...

15:18  La Liqa klubunun baş məşqçisi qovuldu

15:07  Millimizlə oyun öncəsi Almaniya yığmasında daha bir itki

14:53  UEFA Gəncləq Liqası: “Qarabağ” - “Roma” matçı üçün Fesniç

14:41  UEFA-dan Könül Mehtiyevaya növbəti təyinat

14:26  Öncə Qurbanov, sonra Di Françesko

14:19  Ramin Musayev: “Premyer Liqada 12 komanda iştirak edəcək”

14:04  Birinci Divizionun püşkü atıldı

13:56  Yenə Azərbaycan - İtaliya dueli, yenə Dias

13:45  “Qarabağ” - “Roma” matçında bu topla oynayacaqlar

13:24  Maşallah Əhmədov Əfv Komissiyasına müracət edib

13:16  “Qarabağ” - “Roma” matçının hakimləri açıqlandı

13:06  Konte "Qarabağ"a şans vermədi: Favorit bizik...

12:46  Azərbaycanlı futbolçu üçün yeni baş məşqçi

12:35  Üçüncü səfər sindromu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az