(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Kanibolotski: “Qarabağ” Ukrayna çempionatında oynasaydı..."

Kanibolotski: “Qarabağ” Ukrayna çempionatında oynasaydı..."

“Qarabağ”ın ukraynalı qapıçısı Anton Kanibolotski ölkəsinin mətbuatına müsahibə verib. Futbolinfo.az xəbər verir ki, təcrübəli qolkiper Ağdam klubuna keçidi, sabiq komandası “Şaxtyor” və digər məqamlar haqda danışıb.

- Azərbaycana getmək qərarınız Ukraynada çoxunu təəccübləndirdi. Seçiminizdə nə rol oynadı?
- Hər şey sadədi: “Qarabağ”ın təklifi bütün variantların içində ən ciddisi idi. Azərbaycan klubu mənimlə real şəkildə maraqlandı. Fikirləşdim ki, rəhbərlik və məşqçilər korpusu məni heyətdə görmək istəyirsə, niyə də özümü sınamayım?
 
- Digər klublardan da təklif almışdınız? Ukraynada qalmaq variantınız var idi?
- Başdan deyim ki, karyeramı Ukraynada davam etdirmək variantına, ümumiyyətlə, baxmadım. “Şaxtyor” kimi komandadan ayrılıb, ölkənin digər klubuna keçmək məntiqlidimi? Özünüz də başa düşürsüz ki, sabiq komandamda olan şərtlər “Dinamo” istisna olmaqla, Ukraynanın heç bir klubunda yoxdu. Buna görə də, çempionatımızın digər təmsilçisinə keçid karyeramda geriyə atılmış addım olardı.
 
- “Şaxtyor”da heç cür əsas qapıçı ola, “11-lik”dən Andrey Pyatovu çıxara bilmədiniz. Komandanızı bir qədər tez dəyişməli deyildiniz?
- Müqaviləm var idi, buna görə də, təkcə öz istəyimlə hərəkət edə bilməzdim. “Şaxtyor”da keçirdiyim vaxta görə təəssüflənmirəm. Donetsk klubu ilə 3 dəfə Ukrayna çempionatı, 3 dəfə ölkə kuboku və Ukrayna Superkubokunun qalibi adını qazandım. Hər ukraynalı futbolçu bu qədər mükafat əldə etmir.
 
- “Qarabağ”a keçidinizlə bağlı nə deyə bilərsiz?
- Karyeramda yeni mərhələdi. Dəyişiklik etmək istədim. Ukraynada qalmaqda məna görmədim. Vəziyyəti dəyişməyə, yeni bir şey öyrənməyə can atırdım. Deyərdim ki, təkcə karyeramda yox, həm də həyatımda yeni mərhələ başladı. Bu vaxta qədər ölkəmdən kənarda yaşamamışdım.
 
- “Şaxtyor”dan Azərbaycan klubuna keçid irəliyə, ya geriyə atılmış addımdı?
- Hələ bu suala cavab verə bilmərəm. Seçimimin doğru olub-olmadığını zaman göstərəcək.
 
- Yeni komandanıza uyğunlaşa bilmisizmi? “Qarabağ” haqda ümumi fikirləriniz necədi?
- Hər şey yaxşıdı. Komanda yoldaşlarım məni çox isti qarşıladılar. Məişət problemim yoxdu. Deyə bilərəm ki, “Qarabağ” qarşısına maksimum hədəflər qoyan, çox ciddi klubdu.
 
- “Qarabağ” Ukrayna Premyer Liqasında çıxış etsəydi, hansı pilləni tutardı?
- “Şaxtyor”la ayaqlaşmaq çətin olar. Amma “üçlüy”ə düşmək uğrunda mütləq mübarizə apara bilərdik. “Şaxtyor” və”Dinamo”dan başqa Ukraynanın bütün komandaları ilə eyni səviyyədə oynamaq, onları məğlub etmək gücündəyik.
 
- Çempionlar Liqasında (ÇL) “Şerif”lə matçlarda “Qarabağ”ın qapısını niyə İbrahim Şehiç qorudu? İndiki məqamda komandanın əsas qolkiperi odu?
- İbrahim 2013-cü ildən klubdadı. Bu müddət ərzində 4 dəfə çempion adını qazanıb, 3 dəfə isə Avropa Liqasının qrup mərhələsində iştirak edib. Amma inanıram ki, mənə də etibar edəcəklər, oynayacağam. Əks halda, məni komandaya dəvət etməyin nə mənası var idi?

- “Qarabağ” qarşısına Çempionlar Liqasının qrup mərhələsinə vəsiqə qazanmaq tapşırığı qoyub?
- Avrokuboklarda bacardığımız qədər irəliləmək niyyətindəyik. Təbii ki, ÇL-in qrup mərhələsinə düşməyi çox istərdik. Axı bu, Avropada çıxış edən hər futbolçu üçün yüksək göstəricidi. (Apasport)


 
tarix: 07-08-2017 15:09


 
Xəbər lenti
18.12.2017

12:32   “eTopaz”da günün canlı oyunları

12:12   “TOPAZ”DA BU GÜN

11:54   Region Liqasına start verildi: ilk turun nəticələri

11:32   Prezident Tahir Gözəllə Elxan Məmmədovu mükafatlandırdı

11:12   “Səbail” legioneri ilə rəsmən vidalaşdı

10:53   “Bakı”nın bazası da əlindən alındı

10:27   “Beşiktaş” Mahir Mədətovu transfer edir

10:02   Ufuk oynamadı, komandası qələbə qazandı

09:21   Axundovun məşqçi eksperimenti

09:11   Elşən Abdullayev “Səbail”i yox, “Zirə”ni seçdi

09:03   “Kukesi” Rauf Əliyevsiz qalib gəldi

09:01   “Neftçi”nin İlkin transferi

02:22   “Olimpik”lərin duelində Lion təmsilçisi sevindi - VİDEOLAR

02:06   “Barselona” 3 xalı 4 qolla qazandı - VİDEOLAR

01:51   “Milan” darmadağın oldu, “Yuventus” qalib gəldi - VİDEOLAR

00:28   İsrafilovlu “Ximnastik” səfərdə uduzdu

00:20   “Liverpul”dan darmadağın, MY-dən qələbə - VİDEO

00:02   8 qolluq oyunda qalib müəyyənləşmədi - VİDEO

17.12.2017

23:51  “Qalatasaray” məğlub oldu, "Beşiktaş"dan darmadağın - VİDEOLAR

19:27  Erat oynamadı, “Duysburq” qalib gəldi

17:50  Millimizin hücumçusu “Bursaspor”dan göndərilir

15:54  "Qarabağ"ın futbolçusu subaylığın daşını atdı

14:08  12-ci turun oyun cədvəli açıqlandı

12:45  Cari mövsümdə ilk baş məşqçi dəyişikliyi

12:22  “eTopaz”da günün canlı oyunları

11:57  “TOPAZ”DA BU GÜN

11:38  “Araz”dan inamlı qələbə

10:06  Araz Abdullayevdən qol ötürməsi - VİDEO

02:19  “Valensiya” uduzdu, “Atletiko” qalib gəldi - VİDEOLAR

02:11  “İnter” ilk məğlubiyyətini aldı, “Napoli” və “Roma” qalib gəldi - VİDEOLAR

01:44  PSJ 3 xalı 4 qolla qazandı - VİDEO

01:26  “Borussiya” və “Bavariya”dan çətin qələbə - VİDEOLAR

00:52  MS “Tottenhem”i böyük hesabla yendi, “Çelsi” və “Arsenal” qalib gəldi - VİDEOLAR

00:30  “Trabzonspor” tək qolla güldü

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az