(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Aydın Bağırov
“Səbail”dəki dəyişikliyin pərdəarxası: baş katib kadrlarını yerbəyer edir

“Səbail”dəki dəyişikliyin pərdəarxası: baş katib kadrlarını yerbəyer edir

Dünən “Səbail” klubunda növbəti dəfə rəhbər dəyişikliyi reallaşdı. Yarandığı 1 il ərzində 2 sədr görən, Müşahidə Şurasının tərkibi bir neçə dəfə yenilənən paytaxt klubu növbəti dəfə islahata ehtiyac duydu.
 
Beləliklə, bundan sonra şuranın sədri postuna sabiq futbolçu Əbdülqəni Nurməmmədov əyləşəcək. Onun formal rəhbər olacağı indidən bəllidi – çünki indiyədək nə idarəçi kimi özünü sübut etməyib, nə də veteran kimi hər hansı fəaliyyətini görmüşük. Sadəcə, indi sədr postuna kimisə əyləşdirmək lazım idi və bunu etdilər.
 
Klubda əsas söz sahibi İxtiyar Asyabi olacaq. Klubun əsas sponsor olan Bakı Gəmiqayırma Zavodunun nümayəndəsi sıravi üzv seçilsə də, bu, gözdən pərdə asmaq üçündü. Vasif Məmmədov Təhsil Nazirliyində şöbə müdiri işləyir və şuraya düşməsi kluba süni çoxşaxəlilik qazandırmaq məqsədlidi. AFFA-nın baş katibi Elxan Məmmədov həm də kluba təsir qüvvəsini saxlamaq üçün bu adamın təyinatını lazım bilib. Cahangir Həsənzadə burada heç də yalnız veteran futbolçu deyil, o, həm də AFFA-nın mənasız layihələrindən olan və ölkə futbolunun inkişafında heç bir rolu görünməyən “Mançester Yunayted” akademiyasının nümayəndəsidi. Həsənzadə şuraya gətirilməklə həm Məmmədov dəstəsinin gücünü artıracaq, həm “Mançester Yunayted” layihəsinin davam etməsinə vəsilə olacaq, həm də guya klublarda futbol adamlarının təmsil olunası haqda fon yaradılacaq. Firuz Abdullaya gəlincə, o da AFFA-nın baş mütəxəssisi kimi şurada təmsil olunacaq və bəlkə də real iş görə biləcək yeganə adamdı.
 
Kubun icraçı direktoru postu yenə Ramin Həsənova tapşırılıb. İndiyədək ictimai əsaslarla “klubun xəbərçisi” olan Firuz bəyin şuraya seçilməsindən sonra, mətbuat xidmətinin rəhbəri vəzifəsində dəyişiklik var. Debütant Premyer Liqaya xanım mətbuat katibi ilə gəlir. Maraqlıdı ki, AFFA burada da öz əməkdaşlarını bir neçə işlə təmin etmək prinsipini prioritet seçib. Çünki bu post AFFA mətbuat xidmətinin baş mütəxəssisi Törə Əhmədovaya tapşırılıb. AFFA-nın mətbuat katibinin rəhbəri Mikayıl Nərimanoğlunun da “Kəpəz”in Müşahidə Şurasında üzv olduğunu nəzərə alsaq, faktiki bu qurumun işçilərinin əksəriyyəti müxtəlif klublara səpələnib. Sanki ölkədə bu işləri görə biləcək başqa kimlərsə yoxdu.
 
İndiyədək az qala ayaqüstü söhbətlərindən, təsadüfi toplaşmalarından da fotolar paylaşılan “Səbail”də budəfəki dəyişikliklə bağlı hər hansı fotogörüntü gözə dəymir. Bu isə onu göstərir ki, yeni tərkib kabinetlərdə müəyyənləşib, hər hansı yığıncaq reallaşmayıb. Sadəcə, Elxan Məmmədov öz planlarını kimlərləsə razılaşdıraraq yeni xəbər formasında mətbuata ötürüb.
 
“Səbail”lə bağlı bu xəbər həm də ona görə ortaya atılıb ki, Müşahidə Şurası ideyasının iflasa uğradığı haqda deyilənlər yalanlansın. “Neftçi”də baş verən proseslər göstərdi ki,idarəetmənin bu variantı fiaskoya uğradı. İndi baş katib digər klublardakı şuralarda canlanma yaradılmasına çalışır ki, təəssüratları dəyişsin.
 
Bir neçə gün öncə “Sumqayıt”da da guya şuranın toplaşıb, baş məşqçi Samir Abasovla görüşməsi haqda xəbərlər təsadüfi deyildi. Halbuki həmin informasiyanın özü də qəribə idi – mətndə görüşdə konkret kimlərin iştirak etməsi barədə heç nə yox idi.
 
Yaxın günlərdə “Kəpəz”də Müşahidə Şurasının guya toplanması barədə xəbərlər mətbuata çıxsa, ona da təəccüblənməyin.
 
FƏRİD

 
tarix: 09-08-2017 09:41


 
Xəbər lenti
22.02.2018

10:31   “Roma”nın türkü ÇL-in tarixinə düşdü

10:01   Sultanovun perspektivi: o, hələ də seleksiyaçı menecer kimi danışır

09:44   “TOPAZ”DA BU GÜN

09:21   Nicat Muxtarov yenə oynayacaq

09:00   59 texniki məğlubiyyət, 4 qovulma

02:04   İspaniyada heç-heçə, Donetskdə 3 qol - VİDEO

01:39   “Roma” “Şaxtyor”a uduzdu, MY “Sevilya” ilə heç-heçəyə razılaşdı

00:08   “Real”dan səfər qələbəsi - VİDEO

21.02.2018

23:32  Yüksək Liqada 17-ci turun oyun cədvəli açıqlandı

23:05  ÇSKA serbləri məğlub yola saldı - VİDEO

22:52  Avroliqada 1/8 finala ilk vəsiqə ÇSKA-ya qismət oldu

22:00  “Neftçi”dən öncə təqdimat, sonra məşq - VİDEO

21:12  “Qəbələ”dən “Kəpəz”ə 4 cavabsız qol

20:10  “Qarabağ” “Kəpəz” üçün hazırlığa başladı

19:51  Ali Məhkəmə Maşallah Əhmədovla bağlı şikayəti təmin etmədi

19:40  Birinci Divizionda sabah keçiriləcək oyunlara təyinatlar açıqlandı

19:32  Elnur Eyvazovdan baza açıqlaması

19:27  Ceyhun Sultanov: “Sumqayıt”dan “Neftçi”yə futbolçular cəlb edəcəyik”

19:18  Böyükağa Hacıyevin son durumu: Vəziyyət daha da ağırlaşır

17:45  Kamran Quliyev 1 həftə vaxt istədi: “…maaşı reallıqdan çox uzaqdı”

16:15  Dieqo Souza: “Sadəcə, qol vura bilməməyimiz narahatlıq doğurur”

15:55  Ceyhun Sultanov “Neftçi”nin üzvlərinə təqdim olundu

14:46  AFFA bir kluba texniki məğlubiyyət verdi, daha birini yarışdan kənarlaşdırdı

14:01  Rəqibi təhqir edən futbolçuya 3 oyunluq cəza

13:50  “Qəbələ” - “Zirə” matçı ilə bağlı AFFA-dan sərt cəzalar

13:11  “Hər gün məşq etsək, üçüncü yeri tuta bilərik”

12:21  Ceyhun Sultanov rəsmən “Neftçi”də

11:59  “Kəpəz” “Qarabağ”la oyuna itkisiz hazırlaşır

11:45  “Neftçi”dən “Şaxtyor”a

11:12  “Neftçi” legioneri ilə vidalaşdı

11:00  “Latsio”dan “İnter”ə

10:47  İngilissiz İngiltərə klubu

10:32  Konfransı kim çağırıb?

09:58  “eTopaz”da günün canlı oyunları

09:39  Messi "Çelsi" tilsimini qırdı

09:27  “TOPAZ”DA BU GÜN

09:00  “Sumqayıt”dakı təxirəsalmanın səbəbi

02:03  Londonda heç-heçə, Münhendə darmadağın - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az