(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Tələsmə, Zaur, tələsmə...

Tələsmə, Zaur, tələsmə...

“Oyunumuzdan tam razı qaldım. Komandamız ciddi itkilərə, Rauf Əliyevin futbola, insanlığa layiq olmayan hərəkətinə, komandanı atıb qaçmasına baxmayaraq, gözəl çıxış etdi”.
 
Bu, nə məntiqdi, Zaur Axundov? İnsanlıq, yalnız sənə lazım olandamı, yadına düşdü?
 
***
 
“İnter”in Müşahidə Şurasının sədrinin “Qəbələ”  ilə son oyundan sonrakı açıqlaması diktatorun itaətdən qaçan nökəri haqda dediklərinə bənzəyir. Sanki Rauf xalq düşmənidi, Axundovun pulunu, malını yeyib qaçıb.
 
Əliyev bu komanda üçün nələr etmədi ki? Ən çətin vaxtlarda komandaya dayaq durdu, komandanı atıb qaçan Ağabala Ramazanovdan, Səlahət Ağayevdən fərqli olaraq, fikri daim komandanın yanında oldu. Qarşılığında nə etdiz? Hər gün yeni vədlər, yeni yalanlar… Heç olmasa, onu borclu çıxarma. 3 aydı süründürdüyün futbolçudur, insandır, əsəbləri dözmədi, bezdi, qaçdı. Həm də ölkə çempionatındakı hansısa rəqibini gücləndirməyə yox, legioner karyerası yaşamaq üçün Albaniyaya yollandı.
 
Sabah komandanın vəziyyəti düzələn kimi indi heyətdə oynayan fədakar yerlilərin heç biri yadına düşməyəcək, öz maraqlarını da nəzərə alaraq, ilk olaraq, əcnəbilərə qucaq açacaq, onlarla və onlardan qazanmağa çalışacaqsan. İndi isə quyruq qapı arasında qalıb deyə, yerlilərdən bərk yapışmısan. Sözünə qulaq asanı qul kimi işlədir, qulaq asmayanı şantaj, təhqir edirsən. Belə olmaz, Zaur bəy!
 
***
 
“Raufun 2018-ci ilin iyununadək müqaviləsi var. Bu, tamhüquqlu anlaşmadır. O, çox böyük səhvə yol verdi. Özünə də dedim. Albaniya klubuna da etirazımızı bildirmiş, Əliyevlə müqaviləmizin əslini göndərmişik. Bazar ertəsi ingiliscə tərcüməsini də göndərəcəyik. İnanmıram ki, Rauf "Kukesi" ilə müqavilə imzalasın. O, hansı ağılla gedib - başa düşmürəm”.
 
Haqlısız, sənəd-sübut bəlkə də xeyrinizədi, amma ona 3 ay borclu olduğunuz haqda sənədi də göndərmisizmi? Futbolçunun bu müddət ərzində əməkhaqqını almadıqda hansı addımlar ata biləcəyini də anlayırsızmı? 3 ay maaşın verilməməsi, avtomatik olaraq, müqavilənin qüvvədən düşməsi deməkdi. Həm də sizinlə futbolçu arasında olan müqavilə 1+1 şərti ilədi. Yəni ki, 1 ili şərtidi, futbolçu istəmədən “+” hissəsini artıra bilməzsiz.
 
Deyək ki, hansısa vasitələrlə Əliyevi komandaya qaytardız, bəs, sonra? O, hansı həvəslə sizə yardım edəcək? Həm aldadırsız, həm geri dönməyə məcbur edirsiz. Qanun yalnız sizə lazım olandamı yada düşür? Bəs, maaşları yubatmağınız, futbolçuların ailə problemləri önəmli deyilmi?
 
***
 
Açıqlamanızın davamında deyirsiz: “Müqavilə bir tərəfə qalsın, komandanı belə bir vəziyyətdə, transfer edə bilmədiyimiz, ağır itkilərlə üzləşdiyimiz vaxt yarı yolda atıb qaçdı. "Kukesi" heç bir məbləğ ödəməyib. Albaniya klubundan bizə rəsmi heç nə gəlməyib. Kim hansı oyunçu ilə nə qədər istəyirsə, danışsın. Amma rəsmi məktub yoxdur”.
 
Komanda pis vəziyyətdədisə, buna görə futbolçu niyə əziyyət çəkməli, məhrumiyyətlərə dözməlidi? Onsuz da ötən mövsüm yarıac-yarıtox, kişi kimi mübarizə aparıb və Avropa Liqasına vəsiqəni təmin edib, orada da bir mərhələ keçib, büdcəyə önəmli vəsait cəlb ediblər. Bu oyunçuların qanını da soracaqsızmı?
 
Komanda transfer edə bilmirsə, bunun günahı Raufdadımı? Siz və sizin kimi işbilməzlərin ucbatından komanda bu vəziyyətə düşüb. Əcnəbilər almadıqları pula görə şikayət edib klubu cəzaya məruz qoydu, Rauf kimi yerlillər isə FIFA-ya şikayət etmir, sadəcə, öz canlarını götürüb qaçırlar. Klub çətin vəziyyətdədisə, vəzifə xəstəsi olduğunuz üçün gəldiyiniz klubda normal iş görün, vəziyyətdən çıxış yolu tapın. Bacarmırsınızsa, gedin milyonlar qatladığınız futzalla məşğul olun.
 
Stadion, baza probleminizi, maliyyə çətinliyinizi və s. hamısını SOCAR rəhbərliyi həll edirsə, siz nəyə lazımsız? Ailə şirkətinizin reklamını komandanın formalarına yapışdırmaq bəs etmədimi? Qolçomaqlıq edib, gücünüzü yetim-yesirə göstərirsiz?
 
***
 
İstəsəz də, istəməsəz də, Rauf Əliyev dəftəri bağlanıb. Ola bilər ki, onun “Kukesi”yə keçidinə hansısa yolla əngəl olacaqsız, amma o, “İnter”ə heç bir fayda verməyəcək. Ondansa işinizi düzgün qurun, dostluq, tanışlıq imkanlarından istifadə edərək, komandanı maliyyə cəhətdən təmi edin, yeni inciklərin ortaya çıxmasına şərait yaratmayın. Sizin kimi yekə-yekə danışan çox futbol məmuru görmüşük. Şəxsiyyətinizə hörmətimiz var, haqqınızda daha çox müsbət şeylər eşidirik, bircə boğazdan yuxarı danışmağınız, diktatoruq həvəsiniz olmaya. Böyük futbol sizin üçün futzal çempionatı deyil ki, məşqçinin əvəzinə taktika müəyyənləşdirə, futbolçuları söyə, hakimləri döyəsiz. Bir az alicənab olmağa çalışın.
 
Rauf müqaviləsinin bitdiyini, siz isə davam etdiyini deyirsiz. 2 müqavilə sistemindən hələ də imtina etməmisiz? Belə qarışıq məsələlərdə beynəlxalq futbol qurumları adətən oyunçunun tərəfini tutur. Özünüz bilmirsizsə, işçiizdən, hörmətli hüquqşünas Rəmiş Malıyevdən soruşun. Tələsmə, Zaur, tələsmə...
 
AĞA

 
tarix: 13-08-2017 15:16


 
Xəbər lenti
25.06.2018

11:00   “eTopaz”da günün canlı oyunları

10:40   DÇ-2018: 6 komanda pley-offda, 8 erkən vida

10:22   İşlər tərs gedən kimi... “Səbail” baş məşqçi postunu ona tapşıracaq

10:00   FOTOXATİRƏ: “Jiquli” kimi unudulan Respublika stadionu

09:30   “TOPAZ”DA BU GÜN

09:17   DÇ-2018: Daha 4 oyunun hakimləri bəllidi

09:10   Rusiya Uruqvaya qarşı - YENİLƏNİR

09:00   Türk Hava Yolları “Neftçi”nin titul sponsoru olmayacaq

01:05   Polşa - Kolumbiya matçının ən yaxşı oyunçusu

00:41   “Səbail” “Sabah”la yoxlama oyunu keçirəcək

00:23   Kolumbiya Polşanı evə yolladı - VİDEO

00:11   Mirabdulla Abbasov: “Əsas odu ki, Avroliqaya hazır olaq”

00:01   “Neftçi” “Şkupi”ni belə məğlub etdi - VİDEO

24.06.2018

23:54  DÇ-də 2-ci tur başa çatdı: İngiltərə və Kolumbiyadan darmadağın 

23:11  “Qəbələ” də günü bir məşqlə başa vurdu

22:50  Asif Məmmədov: “Bu, komandanın uğuru olacaq”

22:33  Rəhman Hacıyev: “Vahid komanda kimi oynadıq”

22:18  Qoran Paratski: “Neftçi” mənim üçün düzgün seçimdi - VİDEO

21:33  Millimizin baş məşqçisindən 0:6-ya şərh

21:21  “Neftçi”dən Kampas və Qomes qərarı - RƏSMİ

21:12  Mane ən yaxşı seçildi

21:02  Yaponiya - Seneqal matçında 4 qol - VİDEO

20:39  Millimizə 6 cavabsız qol vurub, çempion oldular

20:17  “Qarabağ” günü tək məşqlə başa vurdu

19:46  “Neftçi”dən inamlı qələbə

18:26  Het-trik etdi, ikinci dəfə ən yaxşı seçildi

18:06  İngiltərədən Panamaya 6 qol - VİDEO

16:16  Meksika qalib gəldi, 11 azarkeş oyunu izləyərkən qətlə yetirildi

15:12  Ozobiç: “İlk dəfəydi hücumçu kimi oynayırdım”

14:58  “Zenit”in yarımmüdafiəçisi “Qəbələ”də

14:42  Səlahət Ağayev: “Püşkün nəticəsi bizim üçün daha ağır oldu”

13:51  Millimiz Portuqaliyaya qarşı

12:20  Anyete: “Neftçi”nin “Sevilya” ilə oyunlarda şansı yoxdu”

11:36  Almanlara məğlubiyyətin səbəbkarına ölüm təhdidi

11:10  Topaz Premyer Liqasında yay bazarlığı - YENİLƏNİR

11:00  “eTopaz”da günün canlı oyunları

10:30  Maradonadan sonra ilk dəfə - Lukakudan rekord

10:00  “TOPAZ”DA BU GÜN

09:30  DÇ-2018: Daha 4 oyunun hakimləri bəllidi

01:40  Almaniya - İsveç matçının ən yaxşısı

01:21  “Neftçi” dumana düşdü - VİDEO

00:50  Xorvatiyalı yarımmüdafiəçi rəsmən “Neftçi”də

00:10  Almaniya millisi 90+5-də sevindi - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az