(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
İlk dəfə: Premyer Liqa və divizion klublarının hamısı kubok üçün yarışacaq

İlk dəfə: Premyer Liqa və divizion klublarının hamısı kubok üçün yarışacaq

“Qarabağ”ı ölkə kubokunun finalçısı kimi təbrik etmək olar. Bu gün atılan püşkdən sonra ağdamlıların düşdüyü qrafikdə finala kimi çox əziyyət çəkməyəcəyi bəlli oldu.
 
Düzdü, “Kəpəz”, “İnter”, “Sumqayıt” kimi Premyer Liqa klubları da “Qarabağ”ın potensial rəqibləridi. Lakin onların çempiona ciddi müqavimət göstərə bilməyəcəyini etiraf etməliyik.
 
Kubok cədvəlinin digər yarısı daha çəkişməli olacaq. Artıq ¼ finalda “Zirə” – “Neftçi” dueli gözlənilir. Onların qalibi isə “Qəbələ” ilə duellərdə finalçını müəyyənləşdirəcək.
 
Təbii ki, bütün bunlar ehtimaldı. Heç kim favoritlərin mütləq qalib gələcəyini və ya divizion klublarından kiminsə sürpriz etməyəcəyini deyə bilməz. Sadəcə, ilkin təəssürat “Qarabağ”ın finalda digər iddiaçılardan – kubok komandası kimi tanınan “Qəbələ”, özünə gəlmək istəyən “Neftçi” və ya bu il daha yaxşı görünən “Zirə”dən biri ilə qarşılaşacağını göstərir.
 
Püşkatma zamanı təkoyunluq 1/16 və 1/8 final mərhələlərinin ev sahibləri də müəyyənləşdi. Divizion klublarının burada da bəxti gətirmədi. Yalnız “Şüvəlan” rəqibini öz meydanında qəbul edəcək, digərləri isə qonaq olacaq. Bir də “İnter” 1/8-dəki rəqibinə qonaq gedəcək.
 
Peşəkar Futbol Liqasının prezidenti Ramin Musayev püşk atılmamış kiçik nitq də söylədi. Onun dediklərindən anlaşıldı ki, əlavə problemlər çıxmazsa, mayın 28-dəki final Gəncədə baş tutacaq. Hətta “Kəpəz”in finala yüksəlməsi də buna əngəl olmayacaq. Lakin bu, qəti qərar deyil, Gəncə stadionunda bir sıra problemlər aradan qaldırılmalıdı.
 
Tədbirin sonunda isə Musayev mətbuat konfransı keçirmədi. Daha doğrusu, azsaylı media əhli də buna maraq göstərmədi.
 
Son illərdə ilk dəfə olaraq, Premyer Liqa və I divizion komandalarının hamısı kubok yarışına qoşulacaq. Əvvəllər hansısa aşağı dəstə komandası perspektiv görmədiyi bu yarışdan imtina edirdi. Bu dəfə isə bütün komandalar yarışda olacaq. Lakin bu, könüllü olmayacaq. Bildiyimizə görə, divizion komandaları həvəsli olmasalar da, onlara yarışmaları israr edilib. Lakin “Turan Tovuz”, “Zaqatala” və “Mil-Muğan” rəsmiləri tədbirə gəlməməklə kuboka önəm vermədiklərini elə indidən göstərdilər.
 
AĞA

 
tarix: 06-10-2017 15:45


 
Xəbər lenti
17.12.2017

10:06   Araz Abdullayevdən qol ötürməsi - VİDEO

02:19   “Valensiya” uduzdu, “Atletiko” qalib gəldi - VİDEOLAR

02:11   “İnter” ilk məğlubiyyətini aldı, “Napoli” və “Roma” qalib gəldi - VİDEOLAR

01:44   PSJ 3 xalı 4 qolla qazandı - VİDEO

01:26   “Borussiya” və “Bavariya”dan çətin qələbə - VİDEOLAR

00:52   MS “Tottenhem”i böyük hesabla yendi, “Çelsi” və “Arsenal” qalib gəldi - VİDEOLAR

00:30   “Trabzonspor” tək qolla güldü

16.12.2017

23:27  “Real” dünya çempionu oldu - VİDEO

22:55  Dəniz Yılmaz “Bursaspor”a lazım olmadı

21:27  Yunis Hüseynov istədi, “Kəpəz”də yeni məşqçi təyinatları gerçəkləşdi

20:56  Nəsirov ehtiyatda qaldı, komandası qalib gəldi

19:53  Araz Abdullayev oynadı, “Anortosis” qalib gəldi

18:00  Nazarov yenə fərqləndi, komandası qələbəni əldən verdi

16:37  “Neftçi”nin göndərəcəyi oyunçuların siyahısı

16:36  Fransa klubu baş məşqçisini qovdu

15:28  FİFA İspaniyanı DÇ-dən qovmaqla hədələdi

14:36  “Qəbələ”nin qış hazırlıq planı açıqlandı

13:59  “Qəbələ”də yeni müqavilə

13:42  “Kəpəz”də baş məşqçi istefaları

13:39  “Neftçi” legioneri ilə yolları ayırdı

13:16  Yubiley təxirə salındı - qərarı İcraiyyə Komitəsi verəcək

13:02  Adil Şükürov Türkiyə millisi və “Traktorsazi” rəhbərliyi ilə görüşdü

12:01  BOM-da təqdimat - FOTOLAR

11:46  “eTopaz”da günün canlı oyunları

11:22  “TOPAZ”DA BU GÜN

11:08  Nazim Süleymanov yenidən “Alaniya”da

10:05  Ziya Əzizov oynamadı, komandası uduzdu

02:08  “Monako” “Sent-Etyen”i 4 cavabsız qolla yendi - VİDEO

01:56  La Liqada 16-cı tura qolsuz start - VİDEO

01:30  “Borussiya”dan inamlı qələbə - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az