(+994) 050 626 86 70
(+994) 055 673 68 09
(+994) 070 534 65 52

qaynar xətt

Şahin Diniyev: “Kəpəz”in tutduğu yer Gəncəyə yaraşmır”

Şahin Diniyev: “Kəpəz”in tutduğu yer Gəncəyə yaraşmır”

“Kəpəz”in əsas komandasının baş məşqçisi Şahin Diniyev klub saytına müsahibə verib.

Futbolinfo.az sizi həmin müsahibə ilə tanış edir: 

- Şahin müəllim, ilk dövrənin yekunları haqda nə demək olar? 
- Hər şey göz qabağındadır, ilk dövrə bizim üçün yaxşı başlamasa da, yaxşı bitdi. Son oyunu çıxmaq şərti ilə digər matçlarda stabil çıxış edə bilmədik. Stabil heyətin olmaması stabil oyunun olmamasına gətirib çıxardı. Bilirsiz ki, heyət 70-75 faiz dəyişib. Ərzurumdakı təlim-məşq toplanışından sonra komandanın tez formaya düşəcəyini, futbolçular arasında anlaşmanın yüksək olacağını düşünmüşdüm amma yanıldım. Bu proses uzandı. Bunda psixoloji amilin də rolu oldu. Səbəblərdən danışırıqsa, bunu da qeyd etməliyik. Bizim Gəncədə oynamamağımız, bütün görüşləri səfərdə keçirməyimiz futbolçuların üzərində psixoloji gərginlik yaratdı. Oyunçulara özünə inamı qaytara bilmədik.
 
- Sizcə, ən pis oyunumuz hansı oldu?
- Ən pis oyunumuzu “Səbail” ilə oynadıq. “Sumqayıt” və “Zirə” ilə matçlarda da bərbad çıxış etdik. Ən yaxşı matçımız isə “Qəbələ”yə qarşı oldu. Yaxşı görüşlərdən “İnter”dən 3 top buraxdıqdan sonra göstərdiyimiz oyunu, eləcə də “Qarabağ”a qarşı ikinci hissədə apardığımız mübarizəni deyə bilərəm. Azarkeşsiz oynamaq təsirsiz ötüşmədi. Sizi inandırıram, əgər hansısa bir qarşılaşmanı evdə oynayıb qələbə qazansaydıq, nəticələr başqa cür olacaqdı. Bir sözlə, komandanın ilk dövrədəki nəticəsindən narazıyam. “Kəpəz”in tutduğu yer Gəncəyə yaraşmır. Səbəbləri özümüzdə axtarmalıyıq, çatışmayan cəhətlərin üzərində işləməliyik. İtirməyə bir şeyimiz qalmayıb. Əldən buraxdığımız xalları geri qaytarmalıyıq. Bundan sonra xal itkilərinə az yol verməliyik. İnanıram ki, Gəncəyə qayıtdıqdan sonra daha yaxşı futbol nümayiş etdirib uğurlar qazanacağıq. Komanda oyundan-oyuna artırır və yəqin ki, növbəti dövrələrdə öz sözümüzü deyəcəyik.     
 
- “Kəpəz” əvvəlki iki mövsümdən fərqli bu il çempionata uğursuz start verdi. Ötən mövsümün III dövrəsini də komanda pis keçirmişdi. Yenə vəziyyət eynidir. Statistika nəyi deyir?
- Statistika göstəricidir. Bundan qaçmaq olmaz. Hər 3 ildə yeni komanda yığmağımız bizə mane oldu. Son mövsüm bəzi futbolçular vardı ki, heyətdə saxlamağı çox istəyirdik. Amma mümkün olmadı. Futbol həyatı belədir, ona görə oyunçuları anlayırıq. Stabil komanda yarada bilməyəndə oyunu tutmaq üçün avtomatik olaraq zamana ehtiyac duyulur. Zamanın da uzanması məsələsi var, bizdə vaxt çox çəkdi. Ağıllı oynayıb heç-heçə edə biləcəyimiz və ya qazanacağımız matçlar ola bilərdi. Az öncə sadaladığım amillər hamısı üst-üstə gəlib bu nəticələrə yol açdı. Statistika olmasa belə turnir cədvəlində tutduğumuz yer hər şeyi deyir. Bu nəticələr nə komandanın adına, nə də ki, oyununa yaraşmır.
 
- Komandanın oyununu mövqelər üzrə bölsək, narazı qaldığınız hansı olar?
- Komanda bu yerdədirsə, bütün mövqelərdən narazılığın olması başa düşüləndir. Məşqçilər ilk növbədə vurulan və buraxılan toplara baxıb hücum və müdafiəni analiz edirlər. Vəziyyətimiz acınacaqlıdır. İlk dövrədə 7 oyuna hamıdan çox top buraxmışıq. Rəqiblər 11 qola seviniblər. Bu, olduqca çoxdur. Elə cəmi 5 qol vurmağımız da çox az rəqəmdir. Amma tutduğumuz yerə uyğundur. Demək, istər hücumda, istərsə də müdafiədə komandanın göstərdiyi oyun qənaətbəxş deyil. Sonuncu matçı çıxmaq şərti ilə. İlk oyunlarda daha çox top buraxdıq, sonradan müdafiədə oyunumuz stabilləşməyə başladı. Hücumda da artıq yaxşı çıxış etməyimizin vaxtıdır. Bu gün əgər “qapıçı inamlı oynayır” deyirlərsə və qolkiper qoruduğu çərçivədən 11 top buraxıbsa, deməli, onun da səhvi var. Mən hər iki mövqedən, həm müdafiə, həm də hücumdan narazıyam. Lakin “Qəbələ” ilə oyunda mən başqa şey gördüm və bu, məndə sabaha ümid oyadır. Səfərdə top buraxmadan 2 qol vurmağımız məni razı salır. Gələcəyə nikbin baxıram, indiki heyətlə sonuncu yerdən qalxacağımıza və uğur qazanacağımıza ümid bəsləyirəm.
 
- Yəqin ki, “Qəbələ” ilə oyunda qazanılan qələbə komandada əhval-ruhiyyəni qaldırıb və bu, fasilə dövründə “Kəpəz”ə güc verəcək. Siz nə düşünürsüz?
- Əlbəttə, qələbənin və fasilənin bizə xeyrli olacağını mən də düşünürəm. Fasilədən daha faydalı yararlanmağa çalışacağıq. Hazırlıq müddətini 2 mini tsiklə bölmüşük. I məşq dövründə daha çox funksional hazırlığın üzərində işləyəcəyik. Qoy futbolçular məndən inciməsinlər, əgər bu gün bizim oyunçuların ustalıq səviyyəsi yüksək deyil söyləyiriksə, deməli, daha çox gücü funksional hazırlığa verməliyik. Mənə elə gəlir ki, uşaqlar bunu anlayırlar. Futbolçuların məşqlərdə göstərdikləri performansdan razıyam. Heyəti yenilənən komanda üçün bütün görüşləri səfərdə oynamaq çətindir. Amma formalaşmış komanda üçün bu problem olmamalıdır.


 
tarix: 07-10-2017 17:39


 
Xəbər lenti
22.10.2017

09:57   Samir oynadı, “Fakel” yenə uduzdu

09:48   "Neftçi" rəhbərliyini əsəbləşdirən 90 faiz

09:36   Əsgərov Latviyada yenə dubla imza atdı

09:30   Təbrikə it də gəldi

09:23   Məhv edilmiş sabah: Təbriz Həsənov qəbirqazan rolunda

09:17   "Kəpəz" rəhbərliyi üçün "yadasaldı pankartı"

09:12   "Kəpəz" yenə Gəncədə oynamayacaq

08:57   Xaqani Məmmədov təhqir edildi, Tahir Süleymanov yada düşdü

01:35   "Monako"dan 2 qolla 3 xal - VİDEO

01:06   “Barselona”dan qələbə, "Valensiya"dan darmadağın - VİDEOLAR

00:58   “İnter”lə “Napoli”dən qolsuz heç-heçə - VİDEOLAR

00:40   Debütantlardan inamlı qələbə

00:20   “Bavariya” qalib gəldi, “Borussiya” yenə xal itirdi - VİDEOLAR

21.10.2017

23:51  Araz Abdullayev oynadı, "Anortosis" qalib gəldi

23:44  "Trabzonspor" yenə uduzdu

23:32  Pillələri sayan "Neftçi", zirzəmidə "möhkəmlənən" "Kəpəz"

23:05  MY uduzdu, MS 3 qolla qalib gəldi - VİDEOLAR

22:43  Vurğunla Amildən “Zirə” üzərindəki qələbəyə şərh - VİDEO 

22:22  Millimizin üzvü oynadı, komandası xal itirdi

21:50  “Qarabağ”dan möhtəşəm qələbə və liderlik

21:23  Rauf Əliyevdən daha bir qol, “Kukesi”dən növbəti qələbə

21:03  "Qarabağ" fanatlarını təhqir etməyim üçün dəli olmağım lazımdı”

20:16  Samir Abasov: “Bu qatardan geri qalsaq, çətinlik çəkəcəyik”

20:10  “Zirə”ni də məğlub edən tapıldı - FOTOLAR

19:46  “Sumqayıt” “Zirə”yə belə qalib gəldi - VİDEO

19:19  Turun son matçında heç-heçə - VİDEO

19:09  “İnter” “Səbail”ə məğlub oldu

18:55  “Zirə”dən ilk məğlubiyyət, “Neftçi”dən ardıcıl 3-cü qələbə!

18:36  “Neftçi”dən növbəti qələbə - FOTOLAR

18:25  “Qarabağ”ın rəqibi 3 xalı 4 qolla qazandı - VİDEO

18:16  Emin Mahmudov: “Seçimimdə yanılmamışam”

17:55  Şahin Diniyev: “Bizim də küçəmizdə bayram olacaq”

17:45  Tərlan Əhmədov: “Neftçi”də qruplaşma hələ tam aradan götürülməyib”

17:42  Məhv edilmiş sabah: 330 minlə 120 minin fərqi

17:32  “Kəpəz” yeni qazondakı ilk matçında “Neftçi”yə uduzdu - VİDEO

17:20  Birinci Divizionda 3-cü tur heç-heçə ilə yekunlaşdı

17:07  Nəsirovlu “Sportinq” 4 qola üzüldü

16:25  İmişlidə 6 qolluq duel - VİDEO

15:21  “Zaqatala” “Binə”yə də məğlub oldu - VİDEO

15:17  UEFA “Kəpəz” – “Neftçi” görüşünə görə dəyişiklik etdi

15:06  Donald Gerrye: “Atletiko”ya qarşı qızım üçün oynadım”

15:00  "Neftçi" rəhbərliyi azarkeşlər arasında

14:55  “eTopaz”da günün canlı oyunları

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az