(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Aydın Bağırov
Eyvazovun yalan avazı

Eyvazovun yalan avazı

389 gündü “Neftçi”də vitse-prezident işləyən, GÜNLÜK gəliri 500-700 manat arasında olduğu deyilən (rəsmi deyil – red.), burada olduğu müddətdə rəhbərlik etdiyi komanda 8 iştirakçı arasında 7-ci pillədən yuxarı qalxmayan Elnur Eyvazov müsahibə verib. “Qəbələ”ylə paytaxtdakı sınaq matçından (1:2) sonra ilk dəfə jurnalistlər arasına çıxan cavan oğlan bəzi maraqlı açıqlamalar verib.
 
SİTAT: “Biz gələndən çox adam deyir ki, "Neftçi" "qara zolağ"a düşüb. Nədənsə, bu zolaq çox enli və ya dərin olub. Hələ ki, ordayıq, çıxa bilmirik. Amma ümid işığı var ki, bir ildə çəkdiyimiz əziyyət öz bəhrəsini verəcək. Artıq vəziyyətimiz düzəlir. Son bir neçə matç göstərdi ki, oyunumuz alınmağa başlayıb. Bir qələbə vəziyyətin düzəlməsi demək deyil. Öncəki qarşılaşmalarda buraxdğımız qollardan sonra sərgidiyimiz futbol nəyəsə ümid etməyə əsas verir. Baş məşqçi postuna Tərlan Əhmədov gəlib, ümidimiz onadır. Peşəkar mütəxəssisdir. Daha əvvəl "Neftçi"də işləyib. Eyni zamanda vəziyyəti yaxşı olmayan AZAL-da çalışıb və nəyəsə nail ola bilib. İnanırıq ki, çox şey edəcək. Biz də rəhbərlik olaraq dəstəyimizi əsirgəmirik. Hər zaman onun yanındayıq. Nə lazımdırsa, edəcəyik”.
 
Eyvazov bilmədən özü də eitarf edir ki, hələ çıxmadıqları, amma çıxmağa ümid etdikləri çuxurdan onları bir ildə çəkdikləri əziyyətlər yox, Tərlan Əhmədov çıxarır. Bu, həmin baş məşqçidir ki, onun təyinatını PFL prezidenti Ramin Musayev reallaşdırıb, indiki rəhbərlik yox. Yəni, kənardan müdaxilə olmasaydı, “Neftçi” o zolaqda hələ çox irəli-geri gedəcəkdi.
 
SİTAT: “Tərlan müəllim komanda ilə çox sayda məşqlər keçir. Elə günlər olur ki, iki məşqə çıxırlar. Bu da komanda ilə daha yaxından tanış olmaq üçün yetərlidir. Heyətə düşə bilməyən futbolçular bugünkü oyunda özlərini təsdiqləmək istəyirdilər. Hazırda bizim fiziki hazırlıq üzrə məşqçimiz yoxdur. Tərlan müəllim bu sahədə də komandaya köməklik edir. Fiziki məşqçi gözləyirik. Yəqin ki, gələn ay komandaya qoşulacaq. Fasilədə komandanı yığa bilərik. Yəni, müsbət yöndə köməyi dəyəcək”.
 
Elnur bəyə biri başa salsın ki, danışdıqca öz eyiblərini açır. Əhmədovun 2 məşq keçməsi yenilik deyil, toplanış vaxtı belə də olmalıdı. Sadəcə, siz dünyadan bixəbərlər bilməmisiz ki, məşq prosesi necə olmalıdı? Bilsəydiz, bəlkə də Elxan Abdullayevin Avstriya toplanışında xurmalamasının səbəbini soruşardız. Hələ də gec deyil, öyrənin, onsuz da day-daylı adamlarsız, sizi postunuzdan tərpədən kimdi? Dayınız Cəbrayıl Cəbrayılov nə qədər ki, SOCAR-da vitse-prezidentdi, siz də burada kölgələnəcəksiz.
 
SİTAT: “Müşahidə Şurası mətbuat və azarkeşlər tərəfindən müzakirə predmeti idi. Deyirdilər ki, kluba futbolu bilməyənlər rəhbərlik edir. Əslində, "Neftçi" bir xalq komandası olduğu üçün Müşahidə Şurasının üzvləri də xalqdan seçilmiş intelligent, müəyyən təbəqənin üzvləridir. Onlar xalq komandasının yanında idilər. Sadəcə, elə fikir formalaşmışdı ki, məsələn, şuranın sədri Çingiz Abdullayev icra orqanıdır. Əslində isə elə deyil. Prezidentlik sistemini qaytarmaqla göstərmək istədik ki, məsuliyyət bizdədir. Müşahidə Şurası bizdən hesabat alır. İldə bir neçə dəfə toplaşıb, onlara hesabat veririk. Durum nədir, planlar hansıdır və s.”
 
Eyvazov cənabları, elədisə, zəhmət olmasa, deyin: Müşahidə Şurası axırıncı dəfə nə vaxt yığışıb, nə vaxt hesabat vermisiz? Rəsmi məlumatlarınıza inansaq, 2017-də cəmi bir dəfə hansısa yığıncaq olub, onun üstündən isə 8 ay keçib. 7-ci yerin hesabatından sonra sizə bir irad bildirən olmayıbsa, ya onların futboldan anladığı bir şey yoxdu, ya da siz Allahın bacısı oğlu.
 
SİTAT: “Fərqli sahələrdə Müşahidə Şurasının funksiyası tam başqadır. Məsələn, bank sistemində qərarverici, strategiyanı quran orqandır. Rusiyada və Türkiyədə futbol klublarında yer alan Müşahidə Şurasının üzvləri konkret, komandaya kömək göstərmək üçün fəaliyyət göstərirlər. Məsələn, üzvlərdən biri tikiş fabrikinin rəhbəri olur. Həmin şəxs komandaya bu yöndə dəstək olur. Rusiyada klublardan birinin Müşahidə Şurasında vilayət qubernatorunun müavini yer alıb. O, klubu bu istiqamətdə kömək edir. Başqa bir misal, logistinkanı göstərə bilərəm. Kluba nəqliyyatla bağlı kömək edə bilər. Əslində, Müşahidə Şurası pis sistem deyil. Deməzdim ki, səhv idi, özünü doğrultmadı. Sadəcə, bu qurum komandaya dəstək, xalqla klubu birləşdirən körpü rolu oynayır”.
 
Zəhmət olmasa, Azərbaycandan da misal gətirin. Görəsən, “Neftçi”dəki şuranın funksiyası nədir? Klub büdcəsindən maaş alıb, vaxt öldürənlər, sizin əməllərinizi ört-basdır edənlər yığını?
 
SİTAT: “Mən gələndən "Neftçi"nin maliyyə durumunda problem yoxdur. Stabil büdcəsi var. Futbolçular və digər işçilər maaşlarını vaxtında alırlar. Bəli, biz gələndə böyük borclar var idi. Məcbur olub kredit götürdük və həmin borcların əksəriyyətini bağladıq. Hardasa 20-30 faiz xarici futbolçulara borclar qalmışdı. Əksəriyyətinin də işi UEFA-da idi. Yəni, bu məsələləri həll etmək məcburiyyətində idik. Saşa Stamenkoviç, Emil Mpenza, Nikolas Kanales kimi futbolçulara borclar vardı. Böyük vəsaitlər idi. Hazırda büdcəmizin müəyyən hissəsini kreditin ödənilməsinə yönəltmişik. Bildiyiniz kimi, ilk vəzifəm icraçı direktorun maliyyə üzrə müavini idi. Vəzifəm ondan ibarət idi ki, bütün xərclərimizi maksimum optimallaşdıraq və A komandasına yönəldək. Hər bir quruma hesabat verməyə tam hazırıq. Çünki şəffaf sistemimiz var. Klubda nəğd pul ödənişləri yoxdur. Hamısı köçürmə üsulu ilədir. Görürəm, yazırlar, hansısa söz-söhbətlər gəzir. Bizdə paket maaş almaq gülməli söhbətdir. Maaşlar şəffaf formada kartlara köçürülür. Bu cür yazılara əhəmiyyət verməmək lazımdır”.
 
Məsləhətiniz üçün sağ olun. Təbii ki, “konvert”lərlə bağlı deyilənlər sadəcə, təsdiq edilməsi çətin olan söz-söhbətdi. Amma zamanı gələndə bunların da hesabatını sizdən istəyəcəklər. Futbolçulara qalan borclarla bağlı qeydləriniz doğrudu. Bildiyimiz qədəri ilə borclar heç 2 milyon manatı keçməyib. Köhnə rəhbərlik sizə bu borclarla yanaşı, büdcədən kənar gələn vəsaitlər də qoyub getmişdi. Bu məbləğin yarısından çoxu avrokuboklarda iştiraka görə gələn puldan ödənildi. Qalanı üçün 4-5 milyonluq kreditə girməyə nə lüzum vardı? Aya 100 min manat ödəyirsizsə, bu, ilə 1,2 milyon deməkdi və 5 illik kredit götürdüyünüzü nəzərə alsaq, deməli, 5 qat artıq kreditə girmisiz. Əcəba, niyə? Bir də axı, Elnur Məmmədovun dövründə bu borclar bağlanmışdı, siz təmiz komandaya gəlmişdiz, niyə yalan danışırsız?
 
FƏRİD
 
Yeri gəlmişkən, 3 futbolçuya qalan borcla təhvil aldığınız klubun əvvəlki rəhbərliyi də 4,5 milyon dollarlıq kəsiri bağlamışdı. Amma onlar səslərini çıxarmadan, kimisə ifşa etmədən o borcları ödəmişdi. Təkcə AFFA-nın baş katibi Elxan Məmmədovun şəxsən komandaya təqdim etdiyi baş məşqçi Hans-Yürgen Gedeyə 800 min dollara yaxın təzminat ödənilmişdi. Bildiyimiz qədər, o vaxt da təsisçilərlə klub arasında maliyyə məsələlərini tənzimləyən, indi Müşahidə Şurasının üzvü olan, "Neftçi"də 4 prezident görmüş Cəbrayılov idi. İnanmırsızsa, görəndə özündən soruşun.

 
tarix: 08-10-2017 17:06


 
Xəbər lenti
25.02.2018

16:00   “Keşlə” “Sumqayıt”a cavab verdi - YENİLƏNİR

15:04   “İnter Arena”da 1 dəqiqəlik sükut

14:49   Müəllimləri istismar edən icra başçısının öz qohumları haradadı?

12:54   Aqibəti Antalyada müəyyənləşən “Neftçi”

11:33   “Duysburq” Eratsız qalib gəldi

11:09   “eTopaz”da günün canlı oyunları

10:50   Millimizin sabiq üzvü üçün 90 dəqiqə

10:26   Nəsirovsuz “Sportinq” yenə xal itirdi

10:00   “TOPAZ”DA BU GÜN

09:24   Pavel Paşayev üçün 90 dəqiqə və 3 xal

03:30   “Səbail”dən “Qəbələ”yə ağır zərbə - FOTOLAR

02:29   Çempion 3 qol vurub, 1 xal qazandı - VİDEO

02:08   “İnter”dən inamlı qələbə - VİDEOLAR

01:53   “Barselona” 6, “Real” 4 qolla qalib gəldi - VİDEOLAR

01:27   “Liverpul”dan darmadağın - VİDEOLAR

00:59   “Bavariya” xal itirdi - VİDEOLAR

00:17   “Trabzonspor”dan səfər qələbəsi

24.02.2018

23:50  Dmitri Nazarov üçün 79 dəqiqə və 3 xal

22:25  “Neftçi”nin “Zirə” ilə heç-heçəsi - FOTOLAR

22:18  Bombardirlərin yarışında fərq azaldı

21:36  “Zirə”nin məşqçisi: “Heç-heçə bizim üçün yaxşı nəticədi”

21:26  Tərlan Əhmədov: “Gələcəyə ümid var”

20:45  Paytaxt derbisində hərəyə 1 qol, 1 xal - VİDEO

19:58  “Qəbələ” “Səbail”ə uduzdu, paytaxt derbisi “sülh”lə bitdi

18:59  “Səbail” “Qəbələ”ni belə məğlub etdi - VİDEO

18:41  “Qarabağ”dan xal itkisi, “Keşlə”dən qələbə

18:32  Samir Əliyev: “Qəbələ”yə qarşı 5 oyun sərgiləsək, hamısını uduzarıq”

18:19  Roman Qriqorçuk: “Bunu gözləmirdim”

17:18  “Yasamal”la “Marafon Futsal”dan inamlı qələbə

16:16  “Qarabağ”ın zədəli futbolçusu sıraya döndü

14:49  AFFA-nın sabiq prezidentinin bacısı qətlə yetirildi

13:03  “Neftçi”nin sabiq forvardı milliyə məşqçi təyin olundu

12:16  “Rostov”a qələbə qazandıran Quliyev: “Özümü burada əla hiss edirəm”

11:40  Xidməti müqavilələr, şəxsiyyət vəsiqəsi olmadan alınan xarici pasportlar…

11:04  “eTopaz”da günün canlı oyunları

10:07  3,6 milyonu yeyən adamın yalanları

09:47  “TOPAZ”DA BU GÜN

09:34  Hollandiyada Azərbaycan derbisi qolsuz bitdi

02:04  Autsayderlərin duelində heç-heçə - VİDEO

01:56  Qolsuz başlanğıc - VİDEO

01:49  “Maynts”la “Volfsburq”dan heç-heçə - VİDEO

00:52  Təbriz klubu darmadağına üzüldü

00:01  Anatoli Banişevskinin xatirəsi belə yad olundu - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az