(+994) 050 678 37 80
(+994) 070 534 65 52

qaynar xətt

Tahir Süleymanov
Hakim səhvi Premyer Liqada intriqanı geri qaytardı

Hakim səhvi Premyer Liqada intriqanı geri qaytardı

Topaz  Premyer Liqasının 9-cu turu yarışa yeni rəng gətirdi. “Qarabağ” və “Zirə”nin mövsümdə ilk məğlubiyyətini alması ilə liderlər qrupunda fərq aradan qalxdı. Artıq “Qəbələ” də çempionluq mübarizəsinə qayıdıb və ağdamlılar qızıl medal yarışında rəqibsiz deyil.
 
Turun mərkəzi görüşünə diqqət gözlənildiyindən də çox idi. Son vaxtlar yarıboş olan Qəbələ şəhər stadionunun tribunaları dünən liderin gəlişinin də təsiri ilə dolmuşdu. İdeal hava şəraiti, əla qazon, 2 iddialı komanda – qalırdı mükəmməl futbol sərgiləmək.
 
“Qəbələ” oyuna döyüşkən heyətlə çıxmışdı. Roman Qriqorçuk əlinin altında olan bütün sağlam futbolçuları meydana buraxmışdı. Düzdü, komanda hətta yarıəvəzedici heyətə güvənən “Qarabağ”la müqayisədə zəif görünürdü. Bununla belə, Qriqorçukun vacib oyunlarda futbolçulardan maksimumu almaq bacarığını çox görmüşük.
 
“Qarabağ”ın hətta ikinci heyəti də indiki çempionatda zirvə mübarizəsi apara bilər. Qurban Qurbanov 5 zədəli oyunçunu səfərə aparmasa da, bu, problem yaratmırdı. Start heyəti bir yana, ehtiyatdakıların hər biri təkbaşına matçın taleyini həll edə biləcək futbolçulardı. Lakin 2 cəbhədə oynamaq ciddi problem yaradır. Çempionlar Liqası oyununa görə əl atılan rotasiya özü də ortaya əngəllər çıxarır. Hər dəfə yeni heyət, uyğunlaşma problemi, bəzi futbolçuların ansambldan geri qalması nəticəyə təsir edir.
 
Qəbələdə start verilən kimi irəli atılan meydan sahibləri də bundan faydalandı. Yakub Jezniçakın müdafiənin sağında Maksim Medvedev kimi etibarlı olmadığını qəbələlilər tez hiss etdi və hücumları əsasən buradan qurdu. Nəticədə erkən qol, ardınca daha bir yüzfaizli imkan. Elvin Yunuszadə də Bədavi Hüseynov qədər etibarlı olmayınca İbrahim Şehiç çox əziyyət çəkməli oldu.
 
Amma “Qarabağ” şoka düşəcək qədər təcrübəsiz komanda deyil. Tez toparlandılar, qüsurları ört-basdır edib, oyuna ağırlıqlarını qoydular. Fasiləyə kimi qarşılıqlı hücumlar, ikinci hissədə isə birmənalı olaraq qonaqların diqtəsi var idi. Qriqorçukun qol vurulduqdan sonra topu rəqibə verib müdafiə olunmaq taktikası yenə bəhrə verdi. Düzdü, “Qarabağ” aparıcı oyunçuları meydana daxil olduqdan sonra daha üstün oynamağa, rəqibi öz cərimə meydançasına sıxmağa nail oldu. Amma nəticə dəyişmədi – 1:0 hesabı komandaların xallarının bərabərləşməsi ilə nəticələndi.
 
“Qarabağ” məğlub olsa da, istisnasız olaraq, mövsümün əsas favoritidi. Əla və geniş heyətlə çempionluq titulunu qorumaq çətin olmayacaq. Lakin bu qələbə “Qəbələ”yə də yeni ruh verdi. “Qırmızı-qaralar” sabitliyi tapa bilsələr, əsas rəqibinə ciddi başağrı olacaqlar. Amma heyət yetərsizliyi aşkar görünür. Zədədən əziyyət çəkən Filip Ozobiçin yoxluğu komandanı hücum planında yarıbayarı zəiflədib. Daha 3 həftə zədəsini müalicə etdirəcək xorvatın qayıdışınacan komanda çox geri düşməsə, qışdan sonra daha gərgin mübarizə görəcəyik.
 
Nəticəyə hakim səhvi də təsir etdi. Qol aşkar ofsayddan vuruldu. Mərkəzdə topu rəqibindən oğurlayan Elvin Camalov bir anda hücumda çoxluq yaratdı. Kombinasiyanın sonunda oyunu mükəmməl keçirən Camalovun ötürməsi zamanı həlledici zərbəni vuran Asif Məmmədov oyundankənar vəziyyətdə idi. Lakin yan xətt hakiminin bayrağı qalxmadı və “Qəbələ” hakim səhvi nəticəsində hesabı açdı.
 
Maraqlıdı ki, bu epizoda qonaqlar narazılıq bildirmədi. Nə matçın gedişində, nə sonra heç kim bu amili əlində bayraq etmədi. Hətta Qurban Qurbanov “hakim də insandı, səhv edə bilər” deməklə soyuqqanlılığını qorudu. Ötən mövsüm hakimlər “Qəbələ”nin əleyhinə səhv edəndə bu məşqçi necə davranmışdısa, dünən əks situasiyada da təmkinini pozmadı və hamıya görk olacaq nümunəyə çevrildi. Bəlkə komandasına əminliyindən, bəlkə də təmiz niyyətindən belə etdi – hər halda, bütün olanlara qərəz yox, sadəcə, səhv kimi yanaşdı, hətta bu amili qabartmadı da.
 
İstənilən halda, mövsüm erkən bitmədi, yarışa rəng gəldi və bu komandalar hələ uzun müddət bir-birinə əsas rəqib olacaq. “Zirə”nin də bu mübarizədə var olması yarışı daha maraqlı edəcək.
 
CAVAD, Qəbələ

 
tarix: 23-10-2017 11:37


 
Xəbər lenti
18.12.2018

22:59   “Qızıl buts” yenə Messinin oldu - 5-ci dəfə!

21:51   “Qarabağ”dan Reynaldo ilə bağlı maraqlı VİDEO

18:10   “Neftçi” “Sumqayıt”la cavab matçına hazırlığı başa vurdu

17:24   Super Liqa klubunda ciddi itki

17:08   Prosineçki yığmamıza qayıdır? - Özü açıqladı

16:27   Türkiyədə ilin ən yaxşıları bəlli oldu

15:58   Messi Xavini geridə qoydu

15:33   “Neftçi” Mezzotero ilə yeni müqavilə bağladı

14:50   İdman Araşdırmalar Mərkəzi “İlin qalibləri"ni açıqladı - SİYAHI

14:33   MY Mourinyonu qovdu - RƏSMİ

14:02   AFFA daha 2 komandaya texniki məğlubiyyət verdi

13:47   AFFA rəsmiləri Belarusda səfərdə olub

13:22   Azərbaycanlı məşqçilər Pro lisenziyasına qovuşdu

12:59   Kamran Ağayev və Zaur Axundova görə pul cəzası

12:36   AFFA bütün millilərə əcnəbi axtarır

12:27   1/4 finalın cavab oyunlarına hakim təyinatları açıqlandı

12:05   “Topaz”: İnzaqi ilə Qattuzo rəqib kimi, “Ştutqart”ın 13 illik “tilsimi”

11:42   “Keşlə”nin kubokda 25-ci məğlubiyyəti

11:24   “Neftçi” 75-ci oyunda “50”yə çatmadı 

11:01   Quliyevin dublu millimizə qələbə qazandırdı

10:32   Çempionlar Liqasında 1/8 finalın TƏQVİMİ

10:00   “eTopaz”da günün canlı oyunları

09:30   Pepe “Beşiktaş”dan getdi - RƏSMİ

09:00   Kamran Ağayevin vərdişi

02:12   “Alaves”lə “Atletik”dən heç-heçə

01:39   “Latsio” “Atalanta”ya uduzdu

00:05   Ufuk Budak oynamadı, “Boluspor” xal itirdi

17.12.2018

22:55  Ozan Canın komandası darmadağın oldu

22:55  “Fənərbaxça” qələbəni əldən verdi

21:47  Əfran qayıtdı, Şəhriyar məşqə qatılmadı

19:00  37 yaşlı futbolçu La Liqanın tarixinə düşdü

18:33  Qurban Qurbanov: “Bu kluba hörmətsizlik etmək istəmirəm”

17:38  Avroliqa ilə bağlı tələbələrlə daha bir görüş

16:51  Qurbanov: “Reynaldo qayıdır, amma qarşısına şərt qoyulacaq”

16:46  Yığmamızın “sükan”ı arxasına keçsə… multi-milyoner olacaq!

16:29  Avroliqada 1/16 finalın püşkü atıldı

15:54  Kolumbiyalı forvard La Liqada tarix yazdı

15:19  ÇL-də 1/8 finalın püşkü atıldı

14:38  MY-dən son 28 ilin ən pis nəticəsi

14:05  Avropanın ən yaxşı futbolçusu bəlli oldu

13:42  Bölgə futbolu əlcəksiz qapıçıyla inkişaf edir?

13:37  Messi daha bir ilkə imza atdı

13:11  “Keşlə” üçün “malalama kampaniyası”

13:04  İngiltərədə Sautqeyti seçdilər

12:56  “Yəqin ki, “Keşlə”dən ayrılacam” - Bahodır Nasimov

12:20  2 futbolçu millimizdən ayrıldı

12:00  Hakim-inspektorlar və hakimlər üçün seminar keçirildi

11:45  "Topaz": Ərzurum klubu ilk dəfə “Fənərbaxça”ya qarşı

11:26  AFFA rəsmiləri milli komandanın üzvləriylə görüşdü

11:05  “Keşlə”dən Kamran Ağayevlə bağlı bəyanat

10:41  Eddi İsrafilov qol vurdu, “Alkorkon” məğlub oldu

10:20  Dmitri Nazarov üçün 34 dəqiqə və 1 xal

10:00  “eTopaz”da günün canlı oyunları

09:30  Renat Dadaşov qol vurdu, komandası qalib gəldi

09:00  Kamranın şousu və sayılmayan Axundov

02:20  “Monako” Lionda böyük hesabla uduzdu

02:04  “Sevilya”dan inamlı qələbə, “Barselona”dan darmadağın

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az