(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Diniyev “Kəpəz”də aranı qarışdıranları nişan verdi

Diniyev “Kəpəz”də aranı qarışdıranları nişan verdi

Son vaxtlar “Kəpəz”lə bağlı söz-söhbətlər səngimək bilmir. Futbolinfo.az xəbər verir ki, əvvəlcə klubun Müşahidə Şurasının üzvü Mikayıl Nərimanoğlu yol verdiyi hüquqi və maliyyə pozuntularına görə AFFA tərəfindən geri çağırıldı. Az sonra isə o, federasiyadakı Mətbuat və İctimaiyyətlə Əlaqələr Departamentinin rəhbəri vəzifəsindən kənarlaşdırıldı. Bundan sonra isə “sarı-göylər”in baş məşqçisi Şahin Diniyevin rəhbərlik tərəfindən istefaya göndəriləcəyi barədə xəbərlər yayıldı. Hətta onu əvəz edəcək məşqçilərin də adları açıqlandı.

Komanda.az məsələni aydınlaşdırmaq üçün Diniyevdən müsahibə alıb. 51 yaşlı mütəxəssis istefa xəbərləri ilə yanaşı, komandanın hazırkı vəziyyəti barədə bir çox mətləblərə aydınlıq gətirdi.

- Son vaxtlar mətbuatda sizin istefaya göndərilməyinizlə bağlı məlumatlar yayılıb...
- Bu barədə danışmışam. Yenə eyni şeyləri təkrarlamaq istəmirəm. Hamısı şayiədi, yalan söhbətlərdi.

- Klub rəhbərliyi mövsümün əvvəlində sizin qarşınıza hansı məqsədi qoymuşdu?
- Rəhbərlik tərəfindən qarşımıza hansısa məqsəd qoyulmamışdı. Ancaq biz özümüz Avropa Liqasına vəsiqəni hədəfləmişdik.

- Transferlər bu məqsədə uyğun edilmişdi?
- Xeyr, büdcəmizə uyğun transferlər etmişik. Özümüz bu məqsəd uğrunda mübarizə aparmağı qarşımıza hədəf kimi qoymuşduq. İndi də eyni məqsəd uğrunda mübarizə aparırıq. Son pillədə qərarlaşmağımıza baxmayaraq, hələ heç nə bitməyib.

- “Kəpəz” son 5 oyunda 6 xal qazanıb ki, bura iddialı “Qəbələ” ilə səfər oyunundakı qələbə də daxildi...
- Ümumiyyətlə, məsələnin kökünə baxsaq, qarşımızda əsas məsələnin yeni komandanın yaradılması olduğunu görərik. Həm də, biz 11 oyunun 9-nu səfərdə keçirmişik ki, bu da, gənclərdən ibarət komanda üzərində böyük bir təzyiq yaradırdı. Həmin 9 matçdan heç olmasa, 2-ni evdə keçirsəydik, daha çox xal toplayaraq, 4-5-ci pillələrdə qərarlaşa bilərdik. Belədə, komandada da özünəinam daha da artardı. Lakin həm yeni - gənc komandanın qurulması, həm də, oyunlarımızın demək olar, hamısını səfərdə keçirməyimiz indiki nəticələrə səbəb oldu. Səfərdə keçirdiyimiz bu 9 oyunda 7 xal toplamışıq. Bundan sonrakı oyunlarımızın çoxu evdə olacaq. Qarşıdakı 10 oyunumuzdan 7-8-ni evdə keçirəcəyik. Bu oyunlarda qazanılacaq bir qələbə çox şeyi dəyişəcək. 

- Rəhbərliklə mövsümün gedişində komandanın vəziyyəti ilə bağlı söhbətiniz olub?
- Əlbəttə, dəfələrlə danışmışıq. Hamı da hazırkı vəziyyəti başa düşür. Artıq ev oyunlarımızı doğma meydanda keçirməyə başladıqdan sonra hər şeyin daha yaxşı olacağını düşünürük. Sadəcə, bir az zamana ehtiyac var. Son qarşılaşmalar da komandanın oyununda yüksəliş olduğunu göstərdi. “Qarabağ”la son matçda da yaxşı çıxış etdik. Məncə, oyun varsa, nəticə də gec-tez özünü göstərəcək.

- Qarşıda 10 günlük fasilə var. Sizcə, bu fasilənin komandaya nə dərəcədə köməyi olacaq?
- Çox. Yeni yaranan komanda üçün hər günün xeyri var. Bu fasilə də futbolçuların bir-biriylə anlaşma səviyyəsinin yüksəlməsinə çox böyük kömək olacaq. Həm “İnter”lə səfər, həm də “Qarabağ”la ev oyunu göstərdi ki, komanda artıq tam oturuşmaq üzrədi. Hətta “Qarabağ”la oyunda ilk qolu biz vursaydıq, daha yaxşı nəticə qazana bilərdik.

- İstər maaşla bağlı, istərsə də istefaya göndəriləcəyinizlə bağlı iddialar olsun - sizcə, bunlar qəsdən yaradılmış söz-söhbətdi?
- Bəli, hətta yerini də deyə bilərəm. Gəncədən gələn məlumatlardı. Saytlar da bu məlumatları yoxlamadan verirlər. Heç olmasa, istefaya yollanandan və ya istefaya yollayandan bu barədə məlumat almaq, xəbəri dəqiqləşdirmək lazım idi. Təəssüf ki, çoxu bunu etmədi. Bu, komandanın içindən yox, kənardan, bəzi insanlar tərəfindən atılmış addımlardı.

- Kimlər olduğunu bilirsiz?
- Bəli, əlimin içi kimi bilirəm. Hətta bundan sonra hansı addımı atacaqlarını da bilirəm. Bu dəst-xətt, iş üslubuna baxanda, bəlli olur hardan gəlir.

- Bundan təxminən 12 il öncə, “Gəncə”də çalışdığınız zaman da belə hallar olmuşdu...
- Gəncədə belə şeylər həmişə olur. Burda həmişə təzyiq altında çalışmağa məcbur olursan. Bizim etməli olduğumuz əsas şey bu təzyiqlər qarşısında bərk dayanıb, nəticə göstərməkdi.

- Bu, eyni qüvvələrdi?
- Belə deyək, oxşar hadisələrdi.

- Komandada qış fasiləsi ilə bağlı planlar indidən qurulmağa başlanıb?
- Komandaya bu yaxınlarda iki yeni futbolçu daxil etdik. Hər ikisi hazırda ideal formasından uzaqdı. Bunlar Məhəmməd Qurbanov və Mansur Badı. Hər ikisi yaxşı futbolçulardı. İlyas Səfərzadə, İlkin Sadıqov, Tural Rzayev, Kamran Abdullazadə, Azər Məmmədov kimi oyunçular komandanın əsas üzvlərinə çevriliblər. Son vaxtlar bu futbolçuların oyununda irəliləyiş hiss olunur. Son oyunlar da sübut etdi ki, komandada yüksəliş var. Qarşıdakı oyunlarda daha yaxşı nəticələr qazanaraq, daha yüksək yerlərə qalxacağımıza inam var.


 
tarix: 07-11-2017 18:21


 
Xəbər lenti
21.06.2018

12:01   Baqali Dabo: “Avroliqada uğurlu ola bilərik”

11:43   Super Liqa klubunda yeni baş məşqçi

11:22   Premyer Liqa klubundan 25 milyonluq transfer

11:00   “eTopaz”da günün canlı oyunları

10:46   FİFA DÇ iştirakçısını 10 min dollar cərimələdi

10:30   Daha bir futbolçu üçün mundial erkən bitdi

10:15   Bordin kimi hədəfə gətirir?

10:00   “TOPAZ”DA BU GÜN

09:30   “Kəpəz” fəaliyyətini dayandıra bilər

09:00   Hədəfləri kiçiltmək olmaz: hamı mərhələ keçməlidi

09:00   Argentina Xorvatiya ilə üz-üzə - YENİLƏNİR

01:08   İran - İspaniya matçının ən yaxşı oyunçusu bəlli oldu

00:26   “Qəbələ” Sloveniya toplanışına start verdi

00:06   İspaniya İranı çətinliklə yendi - VİDEO

20.06.2018

23:54  Portuqaliya, İspaniya və Uruqvaydan 1 qolla 3 xal

23:01  Ronaldo 62 illik rekordu qırdı

21:47  Tomas Giqlemann: “Qəbələ” favoritdi”

21:42  Qələbə qolunu vurdu, ən yaxşı seçildi

21:39  Maksimov ehtiyatlanır

21:20  Uruqvayla Rusiya 1/8-də, 3 komanda mundialla erkən vidalaşdı

20:58  Uruqvay tək qolla qalib gəldi - VİDEO

20:32  Abışov: “Belə bir komanda zəif ola bilməz”

20:17  DÇ-2018-lə vidalaşan ilk komanda bəlli oldu

19:47  “Səbail” də başladı

18:35  Ronaldo ikinci dəfə ən yaxşı seçildi

18:06  Portuqaliyanı Ronaldo sevindirdi - VİDEO

17:56  “Qəbələ”nin Avropada cəmi 1 qələbəsi olan 99 yaşlı rəqibi

17:48  Avroliqada 2-ci təsnifat mərhələsinin bütün cütləri

17:12  “Neftçi” üçün “Sevilya”: Potensial rəqiblərimiz də bilindi

16:46  Sənan Qurbanov: “Proqres” kifayət qədər ciddi rəqibdi”

16:24  Rəqiblər 131-ə çatdı, “Baltsan” 22-cidi

16:18  UEFA “Qarabağ”ın ÇL-də ilk oyununun vaxtını dəyişdirdi 

15:59  “Baltsan” rəsmisi: “Keşlə” cütün favoritidi”

15:45  “Neftçi” üçün “Qəbələ” nümunəsi

15:37  Yeni ənənə və evdə quru hesablı qələbə

15:29  “Keşlə” üçün “asan yem”

15:16  Bordin: “Çalışacağıq ki, bu dueldən qalib çıxaq”

15:00  Avroliqada ilk təsnifat mərhələsinin bütün cütləri

14:30  İlkə imza atmaq istəyən Bordin: “Hədəf çempionluqdu” - EKSKLÜZİV

14:14  “Qəbələ”, “Neftçi” və “Keşlə”nin rəqibləri bəlli oldu

14:00  Super Liqa klubu Sərgən Yalçını göndərib, Rza Çalımbayı gətirdi

13:46  Premyer Liqa klubundan rekord transfer

13:11  Dünya çempionatlarının rekorduna şərik oldular

13:00  Topaz Premyer Liqasında yay bazarlığı - YENİLƏNİR

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az