(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Qurbanovun ilk addımı: milli komandaların mətbuat xidməti yaradılmalıdı!

Qurbanovun ilk addımı: milli komandaların mətbuat xidməti yaradılmalıdı!

Milli komandamız növbəti 6 il üçün Qurban Qurbanova əmanət edildi. Hələlik rəsmi müqavilə yoxdu, amma belə olacağı dəqiqdi. AFFA İcraiyyə Komitəsi yığışdı, qərar verdi və rəsmən açıqlandı.
 
Dekabrın 6-da Qurbanov fəaliyyətə başlayacaq. Məhz həmin gün yeni müqaviləylə Robert Prosineçkinin qoyub getdiyi milli komandada yerli məşqçinin dövranı start götürəcək.
 
Qurban bəyin işi çətindi, böyük məsuliyyətin altına girib. Təsadüfi deyil, atıb getmədiyi “Qarabağ” bir yana, o, təkcə əsas milliyə yox, həm də aşağı yaş qruplarından olan yığmalara, dolayısı ilə uşaq futboluna da nəzarət edəcək. Baş məşqçiləri də o müəyyənləşdirəcək, bu komandaların oyun üslubunu da, hətta inzibati heyəti də.
 
Amma meydandakı işə start verməzdən öncə Qurban bəy işçi komandasını seçməlidi. O, bacarığına, dürüstlüyünə əmin olduğu əsl peşəkarlar qrupu formalaşdırmalı, yola sağlam qüvvələrlə çıxmalıdı. Futbolumuzu indiki bataqlıqdan çıxarmaq üçün başqa çarə də yoxdu.
 
Qurbanov standart dəyişikliklərə getməyəcək, təbii ki, yeni postlar da təsis olunacaq, bir sıra lazımsız vəzifələr də ləğv ediləcək. Əsas işi görəcək icra aparatının təşkili gələcək uğurların bünövrəsi olacaq.
 
Məşqçinin seçimlərinə qarışmaq niyyətimiz yoxdu. Zaman gələcək, müəyyən adlar açıqlanacaq və Qurbanov erasının perspektivləri haqda mülahizələrimizi yazacağıq. Ancaq mətbuatla bağlı sahəyə indidən diqqət yetirməyə dəyər. Birbaşa işimiz olduğundan mətbuatla bağlı məsələlərdə gözləntilərimiz var. Əvvəlki dönəmlərdə bir çox baryerlərlə üzləşdiyimizdən Qurbanovun dönəmində eyni halların təkrarlanmamasının marağındayıq.
 
Zənnimizcə, milli komandaların ayrıca mətbuat xidmətinin yaradılması vacibdi. İndiyədək bu işlərə AFFA-nın Mətbuat və İctimaiyyətlə Əlaqələr Departamenti nəzarət edib və bir sıra problemlərlə üzləşmişik. Bir sıra informasiyaların əldə edilməsində, dəqiqləşdirilməsində ləngimələr olub, dolğun məlumat ala bilməmişik və s. Bu departamentin rəhbəri Mikayıl Nərimanoğlu bütün assosiasiyanın yükünü daşıdığından, eyni zamanda “Kəpəz”də Müşahidə Şurasının üzvü kimi vaxtının böyük hissəsini Gəncə klubuna sərf etdiyindən, müəyyən kommunikasiya problemləri ortaya çıxırdı.
 
Həm də milli komandanın ayrıca mətbuat xidmətinin olması yeni bir şey deyil, əksinə, zamanın tələbidi. Əksər futbol ölkələrində bu praktikadan istifadə olunur və onlarda da assosiasiyanın və milli komandaların sözçüləri fərqli insanlardı. Ümid edirik ki, Qurbanov da bu təcrübəyə biganə qalmayacaq.
 
Qurban bəyin bu baxımdan kadr seçmək problem də olmamalıdı. Daim mətbuatla isti münasibətləri olan məşqçi bu sahədə də etibarlı tərəfdaşlar, yol yoldaşları tapa bilər. Qurbanovun işinə qarışmaq olmasın, elə biz də bəzi təkliflər verə bilərik. Məsələn, “Qarabağ”da Qurbanovla birgə iş təcrübəsi olan Emin Abbasov, “Neftçi”də mətbuatla uğurla çalışmış Gündüz Abbaszadə, elə indi də Ağdam klubunda bu işi layiqincə görən Nurlan İbrahimov yeni iş üçün uyğun adlardı, həm yetərincə təcrübələri var, həm də “mətbəx”ə bələd insanlardılar. Vaxtilə AFFA-da da çalışmış, futbol təsərrüfatımızı əlinin içi kimi bilən Erkin İbrahimov da belə həmkarlarımızdandı. Artıq mətbuatda sözünü çoxdan deyən, indi isə yeni mərhələ üçün hazır olan təcrübəli jurnalistlər – Natiq Muxtarlı, Aydın Bağırov və Mahir Rüstəmli də bu işin öhdəsindən gələ biləcək simalardı.
 
Təbii ki, qərarı Qurbanov verəcək, ixtiyar ondadı, uyğun bildiyi kadrı seçmək onun işidi, amma daha öncə onun bi sistemi yaratmaq istəməsi lazımdı. Çünki indi tənqid/təbliğ hədəfi yalnız “Qarabağ” kimi bir Premyer Liqa klubu olmayacaq. Bütün milli komandalar haqda ictimaiyyəti vaxtında məlumatlandırmaq, mətbuatın suallarına operativ cavab vermək lazımdı.
 
AĞA

 
tarix: 07-11-2017 23:02


 
Xəbər lenti
20.07.2018

10:32   “eTopaz”da günün canlı oyunları

10:27   Dəhşətli cümə axşamı

10:12   Elvin Yunuszadə “Keşlə”də

10:01   Kamran Ağayev üzr istədi: “Onlar qələbə qazanmadı, biz uduzduq”

09:49   “TOPAZ”DA BU GÜN

09:35   Kintana “Kukesi” ilə oyunu buraxacaq

09:28   Suallardan yayınan İsmayılov - Baş məşqçi olmağa can atır

09:18   “Neftçi”nin taktikanı dəyişməsi macarların xeyrinə olub

09:12   Azərbaycan yenidən 22-ci pillədə - UEFA reytinqi

09:00   Miçoviçin əmisi oğlu: “Belə davranmağa məcbur idilər”

02:01   Roberto Bordin: “Bu, bizim üçün çox ağır nəticədi”

01:53   “Neftçi” 4 cavabsız qola üzüldü - VİDEO

01:46   “Keşlə”nin işə yaramayan qələbəsi - VİDEO

01:38   “Sumqayıt”ın Qətər klubu ilə heç-heçəsi - VİDEO

01:21   Avroliqada gecənin bütün nəticələri

00:48   “Neftçi” də mübarizəni erkən dayandırdı

00:05   Sənan Qurbanov qovuldu

19.07.2018

23:25  “Qəbələ” də Avroliqanı qələbə ilə tərk etdi

21:57  “Keşlə” qalib gəlsə də, Avroliqa ilə vidalaşdı

20:49  “Sumqayıt” “Əl-Şəhaniyə” ilə heç-heçəyə razılaşdı

19:56  “Səbail” Super Liqa klubuna məğlub oldu

19:21  “Zirə”nin hazırlıq planında dəyişiklik

18:46  “Sabah” daha 3 oyunçu ilə müqavilə bağladı - FOTO

18:04  İspaniya yığmasının yeni baş məşqçisi rəsmən təqdim olundu - FOTO

17:14  "Sabah"a niyə AFFA-dan pul ayrılır?

16:08  “Sumqayıt” yeni mövsüm üçün formalarını təqdim etdi - FOTOLAR

15:55  Bayıl stadionunun süni örtüyünə FİFA sertifikatı verildi

14:35  Rauf Əliyev: “Qarabağ” “Kukesi” ilə oyunların favoritidi”

14:01  Premyer Liqa klubundan 20 milyonluq transfer

13:12  İlk yoxlama matçında 5 cavabsız qol

13:07  “Sumqayıt” ilk yoxlama oyununa çıxır

12:33  “Qarabağ”ın “Kukesi” ilə oyunlarının vaxtı açıqlandı

12:11  “Sabah”ı da AFFA maliyyələşdirəcək

12:05  Venesuela yığmasının forvardı İtaliya klubunda

11:54  Elxan Məmmədovun cəh-cəhi, bəh-bəhi

11:35  Portuqaliyalı futbolçu Super Liqa klubunda

11:07  Millimizin baş məşqçisi: “Qəbələ” bizim üçün çox güclü rəqib oldu”

11:03  Həminki “Qarabağ”

10:22  “eTopaz”da günün canlı oyunları

10:17  Azərbaycan 1 pillə gerilədi - UEFA reytinqi

10:11  “Qarabağ”ın potensial rəqibləri

10:06  Millimizin üzvünün debütü

10:00  “TOPAZ”DA BU GÜN

09:53  Cavid revanşa köklənib: “Qəbələ”nin bu komandaya uduzmağa haqqı yox idi”

09:31  Vaqner da Silva: “Bu, məni narahat etmir”

03:14  “Neftçi” Budapeştdə - VİDEO

02:31  Rəşad Sadıqov: “Belə davam etsə, onu da itirə bilərik"

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az