(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Aydın Bağırov
Qriqorçuk: “Qurbanovun eyni anda hər iki işin öhdəsindən gələcəyini düşünürəm”

Qriqorçuk: “Qurbanovun eyni anda hər iki işin öhdəsindən gələcəyini düşünürəm”

“Qəbələ”nin baş məşqçisi Roman Qriqorçuk “Apasport”a müsahibə verib.

Futbolinfo.az sizi həmin müsahibə ilə tanış edir:

- Çempionatda yaranmış fasilə xeyrinizə olacaq, ya ziyanınıza?
- Bu gündən məşqləri bərpa etdik. Biz vəziyyəti olduğu kimi qəbul edirik. Əgər fasilə yaranıbsa, ondan maksimum yararlanmalıyıq. Bunun bizə mənfi təsir göstərəcəyini deyə bilmərəm. Dediyim kimi, vəziyyəti olduğu kimi dəyərləndiririk.

- Premyer Liqada 11 turdan sonra 22 xal toplamısız. Bu nəticə sizi qane edirmi?
- Ümumilikdə normal adlandırmaq olar. Təbii ki, daha çox xal toplamaq istərdik. Amma bütün məqamları nəzərə alsaq, bu nəticə nə pis, nə də yaxşıdı. Yəni, orta səviyyəli sayardım. Topladığımız xal məni qane edə bilməz. Amma digər tərəfdən başa düşürəm ki, daha çox xal qazanmaq üçün komanda həddindən artıq təşkilatlanmış oyun göstərməlidi.

- Baqali Dabo son vaxtlar inamlı təsir bağışlayır. Onu hazırda komandanın lideri adlandırmaq olarmı?
- Dabo son vaxtlar çox inkişaf edib. İndi əvvəlki Dabodan daha güclüdü. Liderliyə gəlincə, onun qollar vurması bizi sevindirir. Çox istərdim ki, komandada qol vuran futbolçu bir nəfər olmasın. Yəni digər oyunçulardan da qol gözləyirəm. Bu, ideal olardı.

- Dabonu cari mövsümdə daha çox cinahda oynadırsız. “Artırmağında” bunun rolu varmı?
- Hücumda çıxış edən futbolçu yalnız mərkəzdə və ya cinahda oynamamalıdı. O, matçın gedişindən asılı olaraq, müxtəlif mövqelərdə yer ala bilər və buna hazır olmalıdı. Dabo həmin futbolçulardandı ki, onda həm mərkəzdə, həm də cinahda oynamaq yaxşı alınır. 

- “Qəbələ” 11 oyunda qapısından 11 top buraxıb. Çempionatın ən az fərqlənən komandası “Səbail” 6 qoldan 2-ni məhz sizinlə görüşdə vurub. Arxa xəttin çıxışından razısızmı?
- Yalnız qapıçı və müdafiəçilərin çıxışı haqda danışmaq düz olmaz. Çünki müdafiə olunmaq komanda şəklində həyata keçirilməlidi. Bu il asan toplar buraxırıq. Sadə səhvlərdən qapımızda qollar görürük. Təbii ki, bu, mənfi məqamdı.

- Komandanızın heç nədən qollar buraxmasının səbəbini nədə görürsüz?
- Daha çox fərdi səhvlərdən qaynaqlanır. Hansısa futbolçumuz müdafiədə gözlənilməz səhv edir və o cür qol alınır.

- Ehtiyatında 1 oyun olan “Qarabağ” sizdən 3 xal öndədi. Komandanızın çempionluq şansı real görünürmü?
- Aramızda çox fərq yoxdu. “Qarabağ” bizdən 15 xal irəlidə deyil ki, çempionluqdan əlimizi üzək. Məni rəqibin nə qədər xal topladığı yox, öz oyunumuz maraqlandırır. Futbolda hər şey mümkündü.

- Qurban Qurbanovun Azərbaycan yığmasının yeni baş məşqçisi təyin edilməsini necə qarşıladız?
- Qurbanı təbrik etdim. Ona millidə də uğur qazanmağı arzulayıram.

- Paralel olaraq, “Qarabağ” və millidə çalışması ona çətin olacaqmı?
- Qurbanın eyni anda hər iki işin öhdəsindən gələcəyini düşünürəm. O, güclü məşqçi və insandı. 

- Bizdə olan məlumata görə, yayda “Yagelloniya”dan təklif almısız. Polşa klubu Avropa Liqasında “Qəbələ”yə uduzduqdan sonra xidmətinizdə maraqlı olub, lakin təklifdən imtina etmisiz...
- Təkliflər haqda suallara heç vaxt şərh vermirəm. Çünki bunu düzgün saymıram. Mənə hansı təkliflərin gəldiyinə həmişə şərhsiz yanaşmışam.


 
tarix: 08-11-2017 21:59


 
Xəbər lenti
21.02.2018

09:39   Messi "Çelsi" tilsimini qırdı

09:27   “TOPAZ”DA BU GÜN

09:00   “Sumqayıt”dakı təxirəsalmanın səbəbi

02:03   Londonda heç-heçə, Münhendə darmadağın - VİDEO

01:43   “Beşiktaş” darmadağın oldu, “erkən final”da qalib müəyyənləşmədi

00:34   Təxirə salınan oyundan qol səsi çıxmadı

00:02   Millimizin sabiq üzvü üçün 76 dəqiqə

20.02.2018

19:17  Bundesliqa klubunda yeni baş məşqçi

18:54  Bombardir fərqi 5-ə yüksəltdi

18:38  EKOL büdrədi, “Araz” yenə qalib gəldi

18:00  Azərbaycan - Makedoniya matçının başlama saatı dəqiqləşdi

17:28  Topaz Premyer Liqasında 17-ci turun oyun cədvəli

17:17  “Bayıl Arena”da bir gündə iki çempionat oyunu

16:11  Birinci Divizionda 15-ci turun oyun cədvəli

16:00  “Səbail” - “Qarabağ” matçında 5 qol - VİDEO

15:28  “Sumqayıt”ın prezidenti bəlli oldu - RƏSMİ

15:19  “Sumqayıt” “Keşlə” ilə oyunun hazırlığına başladı

14:54  Şehiç həftənin rəmzi yığmasında

14:46  Millimizlə qarşılaşma ən az gəlir gətirən oyun oldu

13:55  “Neftçi” “Zirə”yə qarşı: Başlama saatı bilindi

13:47  Droqba Fransa klubunda - FOTO

12:52  PFL Premyer Liqa ilə kubokun təqvimini dəyişdi

12:00  “TOPAZ”DA BU GÜN

11:25  “Qarabağ”ın futbolçusu “Fənərbaxça”da

11:00  “eTopaz”da günün canlı oyunları

10:43  İspaniya futbolunda şok - Danışılmış oyunlara görə 24 nəfər saxlanıldı

10:26  Bundesliqa klubunda baş məşqçi istefası

10:01  “Kəpəz”in “yeyilən” xalı - VİDEOFAKT

09:17  Qarşılıqsız sevgi barədə ATMACA

09:04  Ziya Əzizov PSV-yə qarşı 90 dəqiqə oynadı

09:00  Yiyəsiz “Zirə”

02:42  MS-ni kubokdan qovdular - VİDEO

02:31  “Xetafe”dən darmadağın - VİDEO

02:19  “Latsio”dan inamlı qələbə - VİDEO

01:57  “Ayntraxt” “Leytpsiq”i məğlub yola saldı - VİDEO

01:21  “Beşiktaş” millimizin qapıçısını icarəyə verdi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az