(+994) 050 678 37 80
(+994) 070 534 65 52

qaynar xətt

Tahir Süleymanov
AFFA-da münaqişə: Həvəskarlar Federasiyası Region Liqasından niyə kənarda saxlanılır?

AFFA-da münaqişə: Həvəskarlar Federasiyası Region Liqasından niyə kənarda saxlanılır?

AFFA-da yeni münaqişə ocağı yaranıb. Region Liqasının hələ start götürməməsinin, bu yarışa marağın az olmasının səbəbi də budur.
 
İş ondadır ki, Region Liqasının əsasnaməsi hazırlanarkən orada yalnız həvəskar komandaların oynayacağı qeyd olunub. Yarışın təşkili isə Həvəskarlar Federasiyasına deyil, Məşqçilər Komitəsinə, AFFA-nın Kütləvi Futbol Departamentinə, Uşaq və Gənclər üzrə Yarışlarların təşkili şöbəsinə, Regional Futbol Federasiyalarına tapşrılıb. Nonsesdi – həvəskarların yarışında Həvəskarlar Federasiyası yoxdu.
 
AFFA indi Region Liqasına komanda tapa bilmir. Problemin həlli üçün peşəkar statusu olan “Şahdağ”, “Energetik”, “Göyəzən”kimi komandaları həvəskara çevirirlər. Bu, uzun prosesdi, həmin klublar Ədliyyə Nazirliyinə müraciət edib, statusunu dəyişməlidi. Birinci diviziona yüksəlmək lazım gələndə isə yenidən peşəkar klub statusu almaq üçün növbəti dəfə müraciət etməli, qeydiyyatdan keçməli olacaqlar. AFFA mükafat fondu təşkil edib, həmin klubları şirnikləndirmək, Region Liqasına yığmaq istəyir.
 
Maraqlıdı, AFFA niyə Həvəskarlar Federasiyasını görməzdən gəlir, bu quruma güvənmir? Cavabı bilmək maraqlı olar! Assosiasiyanın mətbuat xidmətinə müraciət etmişik – bu gün dolğun cavab verəcəklərini bildiriblər.
 
O da maraqlıdı ki, Həvəskarlar Federasiyası da öz işindədi. Bu qurum artıq Bakı zonasında yeni mövsümü başladıb və 3 tur arxada qalıb. Reallıq budur ki, 2 eyni statuslu yarış nəzərdə tutulub: birini AFFA təşkil etmək istəyir, digəri isə artıq başlayıb. Həvəskarlar Federasiyasının prezidenti Kamil Rəhimov da bu yarışı öz inhisarına almaq istəyən baş katib Elxan Məmmədovdan küsüb və səlahiyyətlərinin imkan verdiyi kimi davranır. Banklardan birində filial rəhbəri olan bu şəxs ayrıca yarış keçirir.
 
Bəs, UEFA Regionlar Kubokunda bu yarışlardan hansının qalibi iştirak edəcək? Bu sualı elə Kamil Rəhimova verdik. Vaxtilə Oğuz rayonunun icra başçısı olan, indisə bankirlik edən həmsöhbətimiz qəti cavab verdi:
 
- Əlbəttə ki, bizim keçirdiyimiz yarışın qalibi. Əsasnaməmizdə də belə yazılıb və onu baş katib Elxan Məmmədov imzası ilə təsdiqləyib. Belədə başqa hansısa yarışın qalibi bu hüquqa yiyələnə bilməz.
 
- Kamil bəy, bəs, bir qurumun bayrağı altında eyni statuslu 2 yarış nəyə lazımdı?
- Bu suala Region Liqasını yaradanlar cavab verməlidi. Əlbəttə, bir yarış keçirilməlidi.
 
- Region Liqası yarananda sizinlə məsləhətləşmədilər?
- İşçi Qrupunda olan Ağasəlim Mircavadov, Vaqif Sadıqov, İsgəndər Cavadovla çox yaxşı münasibətlərimiz var. Amma AFFA-dan bizimlə maraqlanmayıblar. Deyərdilər, bəlkə elə bu yarışı ləğv edib, Region Liqasının daha yaxşı təşkilinə biz də yardım edəcəkdik. Amma istəməyiblərsə, özləri bilər. İstənilən halda, həvəskarlar arasında yarışı bizim federasiya keçirir. Həm də AFFA-nın bayrağı altında.
 
- Yəqin razılaşarsız ki, qəribə vəziyyətdi: AFFA komanda axtarır, siz isə onları gözləmədən Bakı zonasında yarışlara start vermisiz...
- Biz işimizi davam etdiririk. Hər il yarış təşkil edirik və bu il də gözləyə bilməzdik. Məsləhətləşsəydilər, bəlkə də hansısa yardımımız dəyərdi. Lakin bizi heç İşçi Qrupa salmayıblar. Deməli, məqsəd başqadı. Sakitcə işimizi görürük. Region Liqasında şərtlər başqadı, klublara diviziona vəsiqə vəd edirlər. Biz isə yalnız qalibi həvəskarlar arasında qitəmiyaslı yarışa göndəririk.
 
- Sizin yarışdan da diviziona az komanda yüksəlməyib...
- Elədi. “Qaradağ Lökbatan”, “Ağsu”, “Binə”... Onlarca belə komanda var. Amma onlar bizim yarışda təcrübə toplayandan, formalaşandan sonra peşəkar status alıblar.
 
-  Rəsmi açıqlama olmasa da, yeni liqanın təşkilatçıları sizi səviyyəli yarış keçirməməkdə, bölgələrə diqqət ayırmamaqda günahlandırır. Belə ki, yarışlar əsasən paytaxtda olur və az sayda rayon komandası mübarizəyə qoşulur.
- Mən elə deməzdim. Kifayət qədər bölgə komandamız olub. İndi də belə komandalarımız çoxdu. Region Liqası yaranandan sonra necə olacağını bilmirəm, amma bu baxımdan problemlə üzləşməmişik. Peşəkar futbolda da eyni problem var. Maliyyə çətinliyi çox şeyə təsir edir.
 
İndi AFFA-nın, Region Liqası ideyasının təşəbbüskarlarının cavabını gözləyirik. Görəsən, Həvəskarlar Federasiyası həvəskarların oynayacağı yarışda niyə təşkilatçılar sırasında yoxdu?
 
FƏRİD

 
tarix: 15-11-2017 09:00


 
Xəbər lenti
19.10.2018
18.10.2018

21:00  GÜNÜN NİDASI: Stuxlikin sağ əli Məmmədov olacaq!

19:46  Türkiyənin daha iki klubundan Azərbaycana təbrik - FOTO

18:33  Dabo “Qəbələ”yə qarşı oynamaya bilər

18:01  Paytaxt klublarının 14-cü dueli

17:54  İbrət götürməli qonşu və marketoloq səriştəsizliyi

17:42  “Fənərbaxça” da Azərbaycan xalqını təbrik etdi - FOTO

17:00  Liderdən ardıcıl 7-ci qələbə

16:31  “Qarabağ” - “Vorskla”: Statistika nə deyir?

16:13  Müstəqillikdə Süleymanov izi: İlk qolun müəllifi, ilk kapitan... 

15:52  “Qarabağ”ın rəqibi futbolçusunu cəzalandırdı

15:30  “Beşiktaş” Azərbaycan xalqını təbrik etdi - FOTO

15:17  Sumqayıtda uşaq futboluna “möhtəşəm dəstək"

15:11  BOS-da UEFA seminarı

15:00  GÜNÜN XATIRLATMASI: Əliyar Ağayev özünü oyunlara təyin edirsə...

14:51  Şəkil Xəyal Nəcəfovundu, amma onu “oğru” yayıb

14:36  Baş məşqçisi: “Şehiçi asanlıqla verməyəcəyik”

14:21  Qurban Qurbanovdan millinin oyunçularına qadağa

13:57  UEFA Rusiya klubunu avrokuboklardan kənarlaşdırdı

13:31  “Azərbaycanla futbol yox, sanki həndbol oynayırdıq”

13:09  Kərim Diniyev: “İlk dövrədəki məğlubiyyəti unutmamışıq”

12:51  “Neftçi”nin legionerlərindən müstəqillik günü təbriki - VİDEO

12:29  Nazarov: “90 dəqiqə meydanda olduğum oyunu xatırlamıram”

12:00  PFL-dən möhtəşəm poster: Əbədiyyətin 27-ci ili

11:48  “Topaz”da bu gün: 16 canlı oyun

11:27  “Vorskla” erməni futbolçunu Bakıya gətirməyəcək - RƏSMİ

11:11  Topaz Premyer Liqasında 8-ci tur: tarixə səyahət

10:30  “eTopaz”da günün canlı oyunları

10:14  İsrafilovun komandası İspaniya Kuboku ilə vidalaşdı

10:01  Abbasovun gözünü açan 10 gün: “Biz bünövrəni düşünmürük”

09:48  “Sumqayıt”ın futbolçusu “tüstülətdi”

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az