(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
“Neftçi”nin baş məşqçisi: “Çempionata hazır deyildik”

“Neftçi”nin baş məşqçisi: “Çempionata hazır deyildik”

Futzal üzrə Yüksək Liqanın birinci dövrəsinin son oyununda “Marafon Futsal” üzərində qələbə qazanan “Neftçi”nin baş məşqçisi İlqar Aslanov Azərbaycan Futzal Federasiyasının mətbuat xidmətinə müsahibə verib.

Futbolinfo.az həmin müsahibəni təqdim edir:

- Son iki oyunda turnir cədvəlinin zirvəsində qərarlaşan komandalara qarşı oynadız və 4 xal qazandız. Xüsusilə də, “Marafon Futsal”la oyunun bu qədər gərgin keçəcəyinə hazır idiniz? 
- Onların bu cür oynayacaqlarını gözləyirdik. Çünki “Marafon Futsal” Yüksək Liqada “Araz”dan başqa bütün rəqiblərini udmuşdu. Bizdən 5 xal artıq toplamaları oyunun əhəmiyyətini bir qədər də artırmışdı. Hətta matçdan əvvəl uşaqlara dedim ki, bu görüş bizim üçün “6 xallıq” oyundu. Udsaq, fərqi bir oyunda aradan qaldırılacaq qədər azaldacaq, uduzsaq, onları çox irəli buraxmış olacağıq. Bütün bunlar gərginlik yaratmaya bilməzdi.

- EKOL-a yenilgi sanki “Neftçi”ni ayıltdı. Həmin qarşılaşmada nə baş vermişdi ki, əzəli rəqibinizə yenildiz? 
- Yayda üç əsas oyunçumuz komandanı tərk etdi. Biz də boşluğu doldurmaq üçün iranlı legionerləri dəvət etdik. Onlar da dilimizi tam bilmirlər, müəyyən sözləri anlayırlar. Bu da anlaşmada problem yaradır. Xətlərarası əlaqə də hələ zəifdi. Bu da yenə ünsiyyət qura bilməməyin nəticəsidi.

- Deməli, komandanız çempionata hazır deyildi? 
- Bəli, çempionata hazır deyildik. Çünki legionerlərimiz komandaya mövsümün startına 1 aydan da az vaxt qalmış qoşuldular. Komandada qalıb-qalmayacaqlarını bilmirdik. Bəziləri cəmi bir həftə qalmış düşərgəmizə qoşuldu. Yəni, komandanın vaxtında komplektləşməməsi təsirini göstərir.

- Əslində, “Neftçi” yenilərlə müqayisədə daha təcrübəli hesab edilir. Amma debütantlar deyəsən planları pozub? 
- “Araz” istina olmaqla, qalan komandalar bir-birindən xal ala, sürpriz nəticə qeydə alına bilər.

- Bəs ustalıq səviyyəsi? 
- Yenə “Araz”ın üzvlərini fərqləndirərdim. Millinin bazası hesab edilən bu komandadan başqa, qalanları bir-birinə yaxındı. EKOL-un da üstün cəhəti var, bu komanda neçə illərdi eyni heyətlə çıxış edir. Bu məqam meydanda bir-birini başa düşmək baxımından onlara çox kömək edir.

- “Neftçi”dəki dəyişikliklər nədən irəli gəlirdi: gedən futzalçıları saxlamaq mümükün olmadı, yoxsa özünüz yeni nəfəsə ehtiyac duydunuz? 
- Açığı, maddi durumumuz həmin oyunçuları komandada saxlamağa imkan vermədi.

- Çempionatla bağlı hədəflər, planlar necədi? 
- Mükafatlar uğrunda mübarizə aparacağıq. Amma reallıq göstərir ki, heyətimizi gücləndirməliyik. Qış fasiləsi zamanı bunun üzərində işləyəcəyik. Zəif çıxış edən futzalçını güclüsü ilə əvəzləyəcəyik.

- Bəs millinin oyunu ilə bağlı yaranacaq fasilədən necə istifadə etməyi düşünürsüz? 
- Adi qaydada məşqlərimizi davam etdirəcəyik. Səhvlərimiz üzərində işləyəcəyik. Fasilədən sonrakı oyunlara daha yaxşı hazırlaşmaq üçün maksimum istifadə edəcəyik.

- Demək olar, bütün komandaların çıxışını izləmisiniz. Yaxşı mənada xüsusi qeyd etmək istədiyiniz oyunçu və ya komanda varmı? 
- “FK.İD.Futsal” xoş təsir bağışlayır. Çünki bu komandanın heyətində Rəcəb Fərəczadə kimi təcrübəli, ustalıq səviyyəsi yüksək olan futzalçı var. O, komandasına çox kömək edir. Bizimlə oyunda da qarşılaşmanın taleyini həll edən futzalçı Rəcəb oldu.


 
tarix: 17-11-2017 12:47


 
Xəbər lenti
17.12.2017

11:57   “TOPAZ”DA BU GÜN

11:38   “Araz”dan inamlı qələbə

10:06   Araz Abdullayevdən qol ötürməsi - VİDEO

02:19   “Valensiya” uduzdu, “Atletiko” qalib gəldi - VİDEOLAR

02:11   “İnter” ilk məğlubiyyətini aldı, “Napoli” və “Roma” qalib gəldi - VİDEOLAR

01:44   PSJ 3 xalı 4 qolla qazandı - VİDEO

01:26   “Borussiya” və “Bavariya”dan çətin qələbə - VİDEOLAR

00:52   MS “Tottenhem”i böyük hesabla yendi, “Çelsi” və “Arsenal” qalib gəldi - VİDEOLAR

00:30   “Trabzonspor” tək qolla güldü

16.12.2017

23:27  “Real” dünya çempionu oldu - VİDEO

22:55  Dəniz Yılmaz “Bursaspor”a lazım olmadı

21:27  Yunis Hüseynov istədi, “Kəpəz”də yeni məşqçi təyinatları gerçəkləşdi

20:56  Nəsirov ehtiyatda qaldı, komandası qalib gəldi

19:53  Araz Abdullayev oynadı, “Anortosis” qalib gəldi

18:00  Nazarov yenə fərqləndi, komandası qələbəni əldən verdi

16:37  “Neftçi”nin göndərəcəyi oyunçuların siyahısı

16:36  Fransa klubu baş məşqçisini qovdu

15:28  FİFA İspaniyanı DÇ-dən qovmaqla hədələdi

14:36  “Qəbələ”nin qış hazırlıq planı açıqlandı

13:59  “Qəbələ”də yeni müqavilə

13:42  “Kəpəz”də baş məşqçi istefaları

13:39  “Neftçi” legioneri ilə yolları ayırdı

13:16  Yubiley təxirə salındı - qərarı İcraiyyə Komitəsi verəcək

13:02  Adil Şükürov Türkiyə millisi və “Traktorsazi” rəhbərliyi ilə görüşdü

12:01  BOM-da təqdimat - FOTOLAR

11:46  “eTopaz”da günün canlı oyunları

11:22  “TOPAZ”DA BU GÜN

11:08  Nazim Süleymanov yenidən “Alaniya”da

10:05  Ziya Əzizov oynamadı, komandası uduzdu

02:08  “Monako” “Sent-Etyen”i 4 cavabsız qolla yendi - VİDEO

01:56  La Liqada 16-cı tura qolsuz start - VİDEO

01:30  “Borussiya”dan inamlı qələbə - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az