(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
“Kəpəz” rəsmən açıqladı: Baş məşqçi ilə bağlı qərar sabah veriləcək

“Kəpəz” rəsmən açıqladı: Baş məşqçi ilə bağlı qərar sabah veriləcək

Noyabrın 18-də “Kəpəz” Peşəkar Futbol Klubunun Müşahidə Şurasının (MŞ) iclası keçirilib.

Futbolinfo.az xəbər verir ki, tədbirdə MŞ-nın sədri Elmir Vəliyev, üzvlər Müzəffər Qasımov, Sərxan Babayev, İbrahim Cəfərov, Yusib Yusibov, Müşfiq Cəfərov və AFFA tərəfindən kluba təyin olunan yeni nümayəndə İslam Abbasov iştirak edib.  

Tədbiri giriş sözü ilə açan Elmir Vəliyev İslam Abbasovun şuraya üzv, eyni zamanda sədr müavini təyin olunması ilə bağlı fikirlərini bölüşərək, onu təbrik edib və gələcək fəaliyyətində uğurlar arzulayıb. Tədbirdə həmçinin, Elnur Camalxanov yeni icraçı direktor kimi MŞ-nın üzvlərinə təqdim olunub. Həm İslam Abbasov, həm də Elnur Camalxanov çıxışlarında “Kəpəz” kimi tarixi böyük olan klubda fəaliyyət göstərəcəkləri üçün qürur duyduqlarını və klubun inkişafı yolunda yorulmadan çalışacaqlarını əlavə ediblər.

Tədbirin davam edən bölümündə “Kəpəz”in çıxışı və gələcək planlar müzakirə olunub. Müşahidə Şurasının sədri Elmir Vəliyev klubun titullarından bəhs etməklə komandanın hazırkı nəticələrinin xoş olmadığını və məyusluq doğurduğunu açıqlayıb. O, gələcək planlardan da danışaraq uşaq futbolunun inkişafı üçün arenanın ərazisində yardımçı meydançanın yenilənməsi istiqamətində görülən işlərə nəzər salıb. Bildirib ki, yer hazır olan kimi süni örtük əraziyə döşənəcək və ideal durumu ilə seçiləcək meydan aşağı yaş qrupları da daxil olmaqla komandaların ixtiyarına veriləcək. Elmir Vəliyev əlavə daha bir məşq meydançasının salınmasının nəzərdə tutulduğunu və bununla da futbolçuların məşq etməsi üçün şəraitin yaxşılaşacağını söyləyib. Planların geniş olduğunu vurğulayan MŞ-nın sədri Gəncə şəhər stadionuna plastik oturacaqların qoyulması prosesinin bu mövsüm də davam etdiriləcəyini əlavə edib. “Kəpəz”in əsas komandasının daimi Gəncədə məskunlaşmasının gələn ilə planlaşdırıldığını deyən Elmir Vəliyev bazada da əsaslı şəkildə təmir işlərinin aparılacağını və hər cür şəraitin yaradılacağını vurğulayıb. Şuranın sədri bütün işlərin 2018-ci ildə başa çatmasının nəzərdə tutulduğunu qeyd edib.

Vəziyyətlə bağlı danışan İslam Abbasov qısa vaxtda yerli şəraitlə tanış olduğunu bildirib və çatışmazlıqlardan danışıb. O, Gəncənin həmişə istedadlı yetirmələri ilə seçildiyini önə çəkib, əsas işlərin uşaq futbolunun inkişafı istiqamətində aparılmalı olduğunu vurğulayıb. “Kəpəz”in turnir cədvəlində tutduğu yerin Gəncəyə layiq olmadığını və birgə, səmərəli fəaliyyət nəticəsində vəziyyətin düzələcəyinə ümid etdiyini bildirib.

Tədbirdə həmçinin, “Səbail” ilə doğma meydanda alınan məğlubiyyətdən sonra klub rəhbərliyinə istefa ərizəsini təqdim edən Şahin Diniyevin fəaliyyəti də müzakirə olunub. Komandanın əvvəlki uğurlarına görə məşqçiyə təşəkkürünü bildirən Müşahidə Şurasının üzvləri yekdilliklə istefanı qəbul ediblər. Komandanın yeni baş məşqçiyə tapşırılması üçün iki gün ərzində məsləhətləşmələr aparılacağı və bu haqda qərarın noyabrın 20-də veriləcəyi nəzərə çatdırılıb.


 
tarix: 19-11-2017 15:48


 
Xəbər lenti
17.12.2017

11:57   “TOPAZ”DA BU GÜN

11:38   “Araz”dan inamlı qələbə

10:06   Araz Abdullayevdən qol ötürməsi - VİDEO

02:19   “Valensiya” uduzdu, “Atletiko” qalib gəldi - VİDEOLAR

02:11   “İnter” ilk məğlubiyyətini aldı, “Napoli” və “Roma” qalib gəldi - VİDEOLAR

01:44   PSJ 3 xalı 4 qolla qazandı - VİDEO

01:26   “Borussiya” və “Bavariya”dan çətin qələbə - VİDEOLAR

00:52   MS “Tottenhem”i böyük hesabla yendi, “Çelsi” və “Arsenal” qalib gəldi - VİDEOLAR

00:30   “Trabzonspor” tək qolla güldü

16.12.2017

23:27  “Real” dünya çempionu oldu - VİDEO

22:55  Dəniz Yılmaz “Bursaspor”a lazım olmadı

21:27  Yunis Hüseynov istədi, “Kəpəz”də yeni məşqçi təyinatları gerçəkləşdi

20:56  Nəsirov ehtiyatda qaldı, komandası qalib gəldi

19:53  Araz Abdullayev oynadı, “Anortosis” qalib gəldi

18:00  Nazarov yenə fərqləndi, komandası qələbəni əldən verdi

16:37  “Neftçi”nin göndərəcəyi oyunçuların siyahısı

16:36  Fransa klubu baş məşqçisini qovdu

15:28  FİFA İspaniyanı DÇ-dən qovmaqla hədələdi

14:36  “Qəbələ”nin qış hazırlıq planı açıqlandı

13:59  “Qəbələ”də yeni müqavilə

13:42  “Kəpəz”də baş məşqçi istefaları

13:39  “Neftçi” legioneri ilə yolları ayırdı

13:16  Yubiley təxirə salındı - qərarı İcraiyyə Komitəsi verəcək

13:02  Adil Şükürov Türkiyə millisi və “Traktorsazi” rəhbərliyi ilə görüşdü

12:01  BOM-da təqdimat - FOTOLAR

11:46  “eTopaz”da günün canlı oyunları

11:22  “TOPAZ”DA BU GÜN

11:08  Nazim Süleymanov yenidən “Alaniya”da

10:05  Ziya Əzizov oynamadı, komandası uduzdu

02:08  “Monako” “Sent-Etyen”i 4 cavabsız qolla yendi - VİDEO

01:56  La Liqada 16-cı tura qolsuz start - VİDEO

01:30  “Borussiya”dan inamlı qələbə - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az