(+994) 050 678 37 80
(+994) 070 534 65 52

qaynar xətt

Tahir Süleymanov
Şübhəli oyunlar: AFFA-nın xəlvəti cəzalandırdığı futbolçu

Şübhəli oyunlar: AFFA-nın xəlvəti cəzalandırdığı futbolçu

 
Tovuz klubu ilə bağlı növbəti xoşagəlməzlik 5-ci turda yaşandı. Hələ matç başlamamış qonaqların MOİK-ə bol qollu oyunda uduzacağı deyilirdi. Nəticə fərqli olmadı: “Turan Tovuz” hesabı açıb, sonra 2 top buraxdı. 2:1 olunca bütün “variantlar” işləyirdi – matç 1 gəlirdi, “üst” oynanılırdı, eyni zamanda “Topaz”da “101” deyilən kombinasiya reallaşmışdı. Bu zaman Əliyar Ağayev meydan sahiblərinin qapısına penalti təyin etdi. Oyunun 2:2 olması riskli idi, bu zaman meydan sahibləri yenidən qol vurmaya bilərdi və ya bunun təmin edilməsi üçün yaradılacaq fürsət daha ifşaedici olardı. Buna görə penalti nöqtəsinə yaxınlaşan Əziz Hüseynov onu nümayişkaranə surətdə kənara vurdu (videodan da görünür).
 
Bəlkə də səhv edirik. Ola bilsin, bu komandaların bacardığı, futbolçuların ustalıq səviyyəsi elə budur. Amma AFFA üçün araşdırma mövzusudu. Müvafiq  qurumlar, hüquq-mühafizə orqanları bu oyuna diqqət edəndə onu da unutmasın ki, tovuzluların “ştatlı” penaltivuranı komandanın bombardiri Elnur Səmədovdu. Mövsüm ərzində 2 belə zərbəni o yerinə yetirib, amma nədənsə “hərbçilər”lə görüşdə “nöqtə”yə başqası yaxınlaşıb.
 
Bu məsələdən AFFA-nın da xəbərdar olduğunu düşünürük. Çünki Əziz Hüseynov həmin oyuna kimi tovuzluların vazkeçilməz əsas heyət üzvü olub, hətta 6-cı turda da forma geyib. Amma ondan sonra onun adı hətta matçların protokollarına da daxil edilməyib. Penalti etibar ediləcək qədər əhəmiyyətli oyunçunu heyətdən uzaqlaşdırmaq təsadüf ola bilməz. Deməli, AFFA məsələdən xəbərdar olub, futbolçunun gizli cəzalandırılmasını təmin edib, lakin söz-söhbət olmasın, ictimai müzakirəyə çıxarılmasın deyə bu olaya rəsmi don geyindirməyib.
 
9-cu turda daha bir “klassika” – yenə eyni xətt, eyni koordinatlar. Bu dəfə də “Turan Tovuz” matçın “101” gəlməsi üçün hər şey edib. “Zaqatala”yla səfər görüşündə 3:1 hesablı məğlubiyyəti qonaqların özünün istədiyindən şübhələnməyə dəyər. Böyük əmsalın gəlməsi həm də ona görə şübhəlidi ki, bu, zaqatalalıların mövsümdə ilk, 13 tur ərzində yeganə qələbəsidi.
 
“Turan Tovuz”la “Mil Muğan”ın bu mövsüm baş tutan hər iki oyunu şübhəlidi. Rəqiblərin həm İmişlidə, həm də Tovuzda 1:1 hesabına razılaşması mümkün sövdələşmədə hər iki tərəfin iştirakından şübhələnməyə əsas verir. Çünki burada söhbət rəqibin qələbəsini təmin edəcək könüllü məğlubiyyətdən yox, konkret hesabdan gedir.
 
Oyunların ssenarisi də onların qumara qoyulmasından şübhələnməyə əsas verir. 3-cü turda baş tutan matçda qollar 4 və 14-cü dəqiqədə vurulmuşdu. Qalan vaxt üçün “qol olmayacağ”ına yatırılan pullar böyük qazanc gətirə bilər, çünki bu, təmin edilib.
 
12-ci turda İmişlidəki oyun isə fərqli ssenariylə keçib. İkinci hissənin əvvəlində meydan sahibləri hesabı açıb, son saniyələrdə qonaqlar 1:1-I təmin edib. Həmin vaxt bərabərliyin təmin edilməsinin əmsalı minimum 14-15 olub.
 
Təbii ki, futbolda son dəqiqə qolları çox olur və hamısından şübhələnmək doğru deyil, təsadüf də ola bilər. Lakin söhbət “məşhur” klubdan gedirsə, adamın dalağı sancır.
 
(davamı olacaq)
 
FƏRİD

 
tarix: 11-12-2017 12:13


 
Xəbər lenti
16.12.2018

00:55   “Reyms” “Strasburq”a qalib gəldi

00:31   “Mançester Siti” də evdə sevindi, “Tottenhem” də

00:02   “Bavariya”dan darmadağın, “Borussiya”dan qələbə

15.12.2018

23:26  “Qalatasaray” liderlə heç-heçəyə razılaşdı

22:21  “Sumqayıt” “Neftçi”ni belə şoka saldı - VİDEO

21:50  “Zirə”yə ilk oyunda 1 qol bəs etdi - VİDEO

21:40  “Arxayınlaşsaq, cəzalana bilərik”

21:36  Roberto Bordin: “Bizim üçün mərhələ adlamaq çətin olacaq”

20:58  “Neftçi” “Sumqayıt”a uduzdu, “Zirə” “Səbail”ə qalib gəldi

19:58  Samir Abasov: “Qalib gəlsək də, vəziyyətimiz ürəkaçan deyil”

19:43  Aftandil Hacıyev: “Onun bu qədər vərəqə alması təsadüf ola bilməz”

16:27  Finalda uduzdular, baş məşqçi ilə vidalaşdılar

15:35  Millimiz yoxlama matçında uduzdu

15:00  AFFA Ceyhun Sultanovla bağlı qərarını dəyişdirdi

14:27  Ziya Əzizov oynamadı, komandası məğlub oldu

13:35  UEFA-dan “Milan”a sərt cəza

13:04  “Arsenal”dan “Qarabağ”la oyundakı insidentlə bağlı açıqlama

12:32  “Fənərbaxça”ya görə AFFA-nın təklifindən imtina etdi

12:00  Turin derbisi, "Liverpul"un lider kimi ilk sınağı və daha nələr həftəsonu "Topaz"da

11:30  UEFA erməniləri cərimə etdi

11:00  Afrikada ilin ən yaxşı futbolçusu açıqlandı

10:30  UEFA “Arsenal” - “Qarabağ” oyunu ilə bağlı iş açdı

10:00  “eTopaz”da günün canlı oyunları

09:30  “Traktorsazi” Təbrizdə uduzdu

02:15  “Selta” “Leqanes”lə “sülh bağladı”

01:47  “Volfsburq”dan “Nürnberq” üzərində inamlı qələbə

00:37  “Bursaspor”la "Göztəpə"dən heç-heçə

00:04  Avroliqada son turun ən yaxşı oyunçusu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az