(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Aydın Bağırov
Şübhəli oyunlar: Premyer Liqada da könüllü təslim olanlar var

Şübhəli oyunlar: Premyer Liqada da könüllü təslim olanlar var

 
İndiyəqədərki qeydlərimiz yalnız divizion klubları ilə bağlı olub. Lakin danışılmış oyunlar qalmaqalını aşağı dəstə səviyyəsində müzakirə etmək istəmirik. Ortada “Keşlə” nümunəsi var. Bütün şübhələrin üstü Premyer Liqa klubundakı əməllərə görə açılıbsa, əsas araşdırma da elə burada aparılmalıdı.
 
Maraqlıdı ki, elitada da əksər şübhəli matçlarda könüllü məğlubiyyətlər müzakirə mövzusudu. Klublar danışığa getməyə, birgə iş görməyə həvəsli olmayıb, 7 oyunda öz məğlubiyyətinə pul qoyub, “oynayan” “Keşlə” futbolçuları kimi davranıblar.
 
“Keşlə”nin bu mövsüm üçün əsas şübhəli oyunlarından birincisi “Səbail”lə qarşılaşmadı. Şaiyələrə inansaq, UEFA-dan gələn siqnallarda 9-cu turda baş tutan və debütantın 1:0 hesabıyla qalib gəldiyi görüşdə “Keşlə”nin məğlubiyyətinə fantastik məbləğlər qoyulub. Gürcüstan və Ukraynadakı ofşor hesablar vasitəsi ilə Çin, Malayziya və İndoneziya kontorlarında bu oyuna çox böyük pul qoyuluşları edilib.
 
10-cu turun “Keşlə” – “Kəpəz” (0:2) matçı da belə oyunlardandı. Gəncəlilərin 2 qələbəsi var və hər ikisi şübhəlidi. “Kəpəz” hər 2 matçda səfərdə və eyni hesabla sevinib. Bakılılarla oyunda edilən “stavka”larla bağlı “Keşlə”nin “ilişən” oyunçularının sayəsində bəzi etirafların olduğu deyilir. “Kəpəz”in 7-ci turda “Qəbələ”ni yenib 11.00 əmsalını gətirməsi də möcüzəli nəticə idi. Bildiyimizə görə, “Qəbələ” rəsmiləri bu oyunun araşdırılması üçün təcili olaraq, ölkə xaricinə yollandı, amma hansısa fakt əldə edə bilmədi.
 
“Kəpəz”lə bağlı şübhələr çoxdu. Qalib gəldiyi 2 oyunda (üstəgəl, “Binə”ylə kubok matçı) komandanın hansısa əyri işi olmasa da, bunu məğlubların təşkil etdiyi deyilsə də, digər 2 şübhəli matç fərqlidi. 13-cü turun “Qəbələ”yə qarşı ev oyunu Gəncə futbolu tarixində qara ləkədi. 1:6 hesabının “7+” gətirilməsi üçün bir qrup futbolçu tərəfindən planlaşdırıldığı haqda söz-söhbət gəzir. Təbii ki, yenə faktdan yox, şübhədən danışırıq, qoy, AFFA araşdırsın.
 
14-cü turun “Sumqayıt”la oyunu (0:3) barədə də futbol ictimaiyyətində ciddi şübhələr var. Evdə bütün komandalara dirənən, ən çoxu 2 top buraxan gəncəlilər “Sumqayıt”a asanlıqla yenildilər. Rəqibin “üst”lə qələbəsinin əmsalı yəqin ki, bu oyuna pul qoyanları 3-4 misli qədər varlandırdı. Bu matça yüklənmə o qədər çox olub ki, Gürcüstan kontorlarında oyun 2-ci hissədə proqramdan çıxarılıb. Növbəti qolu da qonaqların vuracağına yüklənmə olduğu üçün…
 
Eyni hadisə “Neftçi” – “Keşlə” oyununda (3:1) da yaşanıb. 13-cü turun bu matçında da hesab 2:1 olduqdan sonra yüklənmə səbəbi ilə bu görüşə pul qoyuluşu dayandırılıb. Oyunun meydan sahiblərinin qələbəsi ilə, eyni zamanda “üst” bitəcəyi ilə bağlı xeyli pul qoyuluşu olub. Canlı “stavka”da isə müxtəlif mənbələrdən böyük məbləğlər 4-cü qolu məhz “Neftçi”nin vuracağına yatırılıb. Bu yüklənmədən narahat olan kontorlar oyunu proqramdan çıxarıb, UEFA-ya anında məlumat verilib.
 
Bildiyimizə görə, daha öncə eyni ssenari 11-ci turun “Sumqayıt” – “Keşlə” (3:1) matçında da yaşanıb. Ardıcıl bir neçə oyunda “Keşlə”nin “101”-ə töhfə verməsi (rəqibin “üst”lə qalibiyyəti) həm kontorların, həm də UEFA-nın diqqətini çəkib, AFFA-ya xəbərdarlıq gəlib. Digər yandan “Keşlə” rəhbərliyinin də paralel apardığı araşdırma beynəlxalq qurumların siqnalları ilə üst-üstə düşüb və nəticədə saxtakarlığın üstü açılıb. Nizami Hacıyev, Mirhüseyn Seyidov və Ağakişi Mehdiyevin etiraflarından sonra isə prosesin davam etdirilməsi zərurəti yaranıb.
 
Göründüyü kimi, 10 komandalı I divizion və 8 komandalı Premyer Liqada saysız-hesabsız problem var. Ölkə futbolu bir növ qumar meydanına çevrilib. Buna görə ilk növbədə AFFA-nın baş katibi Elxan Məmmədov və Peşəkar Futbol Liqasının prezidenti Ramin Musayev cavab verməlidi.
 
Musayev çempionatların təşkilinə cavabdeh şəxs kimi məsuliyyət daşıyır. Deməli, haradasa boşluq var və ya nəzarət istənilən səviyyədə deyil. Sabiq polisin bu biabırçılıqların qarşısını almaq, onları üzə çıxarmaq, şübhələrini çatdırıb, araşdırma başlatmaq həm də vəzifə borcudu.
 
Məmmədovun məsuliyyəti isə daha çoxdu. Əvvəla, ona görə ki, futbol təsərrüfatının idarəçiliyi birbaşa Elxan bəyin əlindədi. Onun müvafiq komitə və komissiyaları UEFA-dan siqnal gəlməmiş bir çox nöqsanların üstünü açmalıydı. Və ən önəmli fakt - şübhəli bilinən klubların əksərinin Müşahidə Şuraları tərəfindən idarə olunması və AFFA-dan maliyyələşməsidi. “Turan Tovuz”, “Mil Muğan”, “Kəpəz”, “Keşlə”...
 
Bəlkə elə bu işdə AFFA özü maraqlıdı? Bütün klubların bir əldə cəmləşməsi, həm də lazım gələndə onların istənilən nəticə üçün “proqramlaşdırılması” üçün…
 
FƏRİD

 
tarix: 11-12-2017 18:33


 
Xəbər lenti
17.01.2018

03:00   “Lester”lə “Vest Hem” də növbəti mərhələyə vəsiqə qazandı

02:46   Çempion yenə xal itirdi - VİDEOLAR

02:16   “Sürix”lə matç öncəsi son məşq

01:12   “Fənərbaxça” 1/4 finalda, “Bursaspor”la “Trabzonspor” dayandı

00:24   Divizion təmsilçilərinin duelində 3 qol - VİDEO

16.01.2018

23:32  Mustafa Dənizli Azərbaycan klubu ilə razılığa gəldi

22:31  “Sürix”lə ikinci sınaq - VİDEO

20:36  “Qarabağ” “Kuban”la oyuna hazırdı

19:20  Rəşad Sadıqovdan uğurlu debüt

18:54  “Qarabağ” dünyanın 100 ən güclü klubu sırasında

18:33  “Kəpəz” daha 3 transferi rəsmən açıqladı - FOTO

18:11  “Çempionatın startına kimi tam hazır olmağa çalışacağıq” - VİDEO

17:50  “Neftçi” futbolçusu ilə müqaviləyə xitam verdi

17:31  “Sabah” “Binə”yə qalib gəldi

17:11  “Qəbələ” - “Sürix” matçının başlama saatı açıqlandı

16:47  Prosineçkidən Şehiç açıqlaması

16:23  Millimizdən 6 qolluq qələbə

16:00  Sergey Litovçenko “Kəpəz”i seçməsinin səbəbini açıqladı

15:45  Türkiyə klubu Mahirə olan borcunu ödəmədiyi üçün cəzalana bilər

15:17  “Kəpəz” iki legionerlə müqavilə imzaladı

14:27  Fransa millimizlə oyuna 14 futzaçı ilə hazırlaşacaq

14:07  “Neftçi” 2 dövrənin antirekordçusudu

13:54  Rəqib baş məşqçi yekun heyəti açıqladı

13:08  Stadionda faciənin qarşısı alındı - FOTO

12:19  “Azərbaycan millisinə qiymət vermək çətindi”

11:55  UEFA Superkuboku üçün 9 namizəd

11:41  “Sumqayıt” Divizionun liderinə belə qalib gəldi - VİDEO

11:20  “Zirə” - “Keşlə” matçının məkanı bəlli oldu

11:00  “eTopaz”da günün canlı oyunları

10:27  Futbolçunu vuran hakim cəzalandı, qərarı ləğv olundu

10:00  “TOPAZ”DA BU GÜN

09:36  Büdcəni aşan komitəyə “qulaqburma”

09:28  AFFA-nın yalanı: hollandlar razılıq verməyibmiş

09:24  Erməni məşqçiyə ömürlük cəza

09:12  Aleksandr İaşvili: “Razılaşmamız rəsmi xarakterli deyildi”

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az