(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
“Bobo” təkzib edir: “Xəbərçi deyiləm, sadəcə, səhvim olub”

“Bobo” təkzib edir: “Xəbərçi deyiləm, sadəcə, səhvim olub”

AFFA-nın futboldan ömürlük diskvalifikasiya etdiyi Ağakişi Mehdizadə bu gün redaksiyamıza müciət etdi. O, “Futbolinfo”da oxuduğunuz yazıya görə narahat idi.

O, saytımızda gedən “Bobo”nun siyahısı: “Səbail” və məşhur veteranımız da “zibildədi” sərlövhəli yazıdan narazı idi. Ağakişi əsasən də onun AFFA-ya danışılmış oyunlarda iştirak edənlərlə bağlı siyahı verməsiylə bağlı qeydlərlə razılaşmır.

Qarşı tərəfin fikrinə hörmət bəslədiyimizdən “Bobo” ləqəbli məşqçi-metodistə tribuna verdik: “Cəzanı veriblər, səbəbini AFFA-dan öyrənin. Mənə məsləhət veriblər ki, bu barədə danışma. O zaman futbola qayıtmaq şansın daha çox olar. Özləri araşdırır. Mən bu məsələlərdə birbaşa iştirak etməmişəm. Heç bir bukmeker kontoru ilə əlaqəm yoxdu və olmayıb da. Kimsə mənə sübut gətirsə, özümü asaram”.

Bəs, sübut yoxdursa, ehdiyev niyə cəzalanıb: “Mənə deyiblər ki, niyə filankəslərin bu işlə məşğul olduğunu deməmisən. Bəli, kimlərinsə, qara işlərlə məşğul olduğunu bilmişəm, xəbərim olub, deməmişəm. Və yalnız bir oyunla bağlı belə bir şey olub – o da “İnter”də işləyəndə. Bir oyunda nələrinsə olacağını bilmişəm, heç kimə deməmişəm. Bilə-bilə deməməyim cinayəti gizlətmək sayılıb. İndi də onun cəzasını çəkirəm. Kaş mənə 1 illik həbs verərdilər, amma futboldan ömürlük cəzalandırmazdılar. Yeganə qazanc yerim olan sahədən kənarda qalmışam”.

“Bobo”nun dediyinə görə, “Neftçi”də onu hər şey qane edirmiş: “Normal işimi görüb, məvacibimi alırdım. Problem əvvəlki klubum “İnter”lə bağlıdı. Hadisələrdə iştirakım olmayıb, sadəcə, bilmişəm. Buna görə də səhv etdiyimi boynuma alıram, cəzalanmalıydım. Mən qorxmuram, qoy, AFFA açıqlasın ki, niyə cəzalanmışam. O səhvə görə ömürlük diskvalifikasiya olmamalıdı”.

Mehdiyev araşdırmanın gedişində hansısa siyahı vermədiyini deyir: “Məni hüquq-mühafizə orqanlarına çağırmayıblar. Sadəcə, AFFA-da olmuşam və bildiyimi izahatda yazmışam, heç bir siyahı verməmişəm. Hər şeyi bilsəydim, nə vardı ki? Hamısı dedi-qodudu. Mətbuatda anamın yunan əsilli gürcü olduğu yazılır. Cəfəngiyyatdı. Ağdamlı nəvaxtdan yunan olub? Atam ağdamlıdı, anamı yunan əsilli kimi təqdim edirlər, halbuki azərbaycanlıdı – Sevda Mehdiyeva. Atam maşın işinə baxır, indi işləri yoxdu, anam, yoldaşım işləmir, balaca qızım var. Evə pulu bircə mən gətirirəm. Kontorlarla əlaqəm olsaydı, nə vardı ki, indi hər şeyim olardı. Siyahıya gəlincə, mən xəbərçi deyiləm, heç bir siyahı da verməmişəm. Zərərçəkənəm, səhvim olub, amma ömürlük diskvalfikasiya ediləcək qədər günahkar deyiləm. AFFA-da 3 dəfə olmuşam - çağırıblar, izahat yazmışam, sonra qərar açıqlananda, bir də apellyasiya şikayəti verəndə. Apellyasiya ərizəsi üçün də özləri çağırıb. Nə siyahı? Siyahı verən olsam, elə “İnter”də bildiyimi deyib, indi bu cəzayla üzləşməzdim. Əsgərlikdə də belə məsələlərə pis baxmışam, heç vaxt xəbərçatdıran olmamışam”.

“Bobo” günahını etiraf edir, lakin futbolçular kimi ömürlük cəzalanmasıyla barışmır. O, “İnter”dəki məlum səhvindən başqa, hər hansı məlumatı olmadığını deyir. Mehdiyev ümid edir ki, AFFA bunu nəzərə alaraq, onun cəzasını azaldacaq.


 
tarix: 14-12-2017 17:54


 
Xəbər lenti
22.04.2018
21.04.2018

23:47  “Borussiya” və “Bavariya” darmadağınla qalib gəldi - VİDEOLAR

23:04  “Valensiya” səfərdə büdrədi - VİDEOLAR

22:51  “Liverpul” səfərdə xal itirdi - VİDEOLAR

22:35  MY finalda - VİDEO

22:27  “Qalatasaray”dan çətin qələbə

22:10  Millimizin hücumçusu oynamadı, komandası uduzdu

22:03  “Zirə”dəki vəziyyəti Joze Mourinyo da düzəldə bilməz”

21:53  “Zirə”nin futbolçusu: “Keşlə” bizdən üstün oynamadı"

21:47  “Zirə” “10”a çatdı

20:58  “Qızıl orta” dağılanda

19:38  “Keşlə”dən əzmkar qələbə - FOTOLAR

19:03  Ölkə kubokunun püşkü atıldı

18:43  “Keşlə” - “Zirə” matçında 3 qol - VİDEO

18:19  Yuri Maksimov: “Bu, taktika ilə bağlı olan məsələ idi”

18:09  “Zirə”nin məşqçisi: “Heç nədən 2 qol buraxdıq”

17:48  “Keşlə” “Zirə”ni məğlub yola saldı

17:04  Tilsim qırıldı: “Neftçi” cari mövsümdə ilk dəfə…

16:45  Manjqaladze: “Sonuncu yerə layiq deyilik”

16:33  “Sabah” çempionu səfərdə darmadağın etdi - VİDEO

16:15  “Qəbələ”nin “Neftçi” ilə 45-ci dueli

15:35  400 min avro qazanacaqlar - Dünya çempionu olsalar

12:55  Balotelli Fransa klubunu tərk edir: “Beş oyunum qalıb”

11:49  “Beşiktaş”ın prezidenti Bakıya gəlir

11:00  “eTopaz”da günün canlı oyunları

10:32  Millimizin üzvü oynadı, komandası qalib gəldi

10:00  “TOPAZ”DA BU GÜN

09:31  La Liqa klubu baş məşqçisini qovdu

01:29  Lion “Olimpik”i 3 xalı 5 qolla qazandı - VİDEOLAR

01:18  İlk oyunda heç-heçə - VİDEO

00:38  “Başakşəhər”dən inamlı qələbə

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az