(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
AFFA-nın danışılmış oyunlara görə şübhələndiyi klublar bilindi - VİDEO

AFFA-nın danışılmış oyunlara görə şübhələndiyi klublar bilindi - VİDEO

AFFA-nın Azərbaycan çempionatının I Divizionunda danışılmış oyunlarda iştiraklarından şübhələndiyi klublar müəyyənşləşib. Futbolinfo.az xəbər verir ki, söhbət "Turan Tovuz” və "Ağsu” komandalarında gedir.

Peşəkar Futbol Liqasının prezidenti Ramin Musayev konkret adlar açıqlamasa da, bu iki klubdan şübhələnməyə əsas verən kifayət qədər məqam tapmaq olar. 
 
Tovuz təmsilçisi müəmmalı nəticəyə görə "ilişib”. Əsgər Abdullayevin rəhbərlik etdiyi kollektivi ələ verən konkret oyun da var. Bu, noyabrın 17-də IX tur çərçivəsində keçirilmiş "Zaqatala” ilə səfər matçıdır. "Sabah”ı evdə (4:0), "Binə”ni səfərdə (1:0) üstələyən, ardınca doğma meydanda lider "Qaradağ Lökbatan”la 1:1-lik bərabərə qalan tovuzluların cari mövsümdə qələbə üzü görməyən zaqatalalılara 1:3 hesabı ilə məğlub olması təəccüb doğurub.
 
Qarşılaşmanın videoicmalından da görünür ki, "Turan Tovuz” ilk dəqiqələrdən topu meydan sahiblərinə verərək, öz cərimə meydançasına "oturur”. Qonaqlar yalnız 5-ci və 15-ci dəqiqələrdə buraxdıqları qollardan sonra irəli atılmağı lazım bilirlər. Lakin hesabı 1:2 etdikdən sonra yenə geri çəkilirlər. Üstəlik, 45+1-ci dəqiqədə süni oyundankənar vəziyyət yaratmaq istəkləri baş tutmur. Cərimə meydançasını tərk edən Mehman Hacıyev isə rəqibi aşkar qoldan məhrum etdiyi üçün "qırmızı” alır.
 
Özünə bənzəməyən "Zaqatala” fasilədən sonra da hücumlarını davam etdirir. Burada qonaqların azlıqda qalmalarının da payı var. Ancaq tovuzluların buraxdıqları 3-cü qola da diqqət yetirməkdə fayda var. Tagim Novruzov 78-ci dəqiqədə Rəhman Şabanovun qapıya yolladığı topu çıxarmağa cəhd belə göstərmir. Halbuki topun ardınca qaçsa, qola əngəl olar.

 
"Ağsu”nun "qara siyahı”ya düşməsinin səbəbi isə beş qollu matçlarla bağlıdır. Bu komandanın iştirakı ilə baş tutan 13 matçdan 5-də 5 qol qeydə alınıb. Əsas şübhəli məqam 4 oyunun 3:2 hesabı ilə başa çatmasıdır. Əlbəttə, bir komandanın keçirdiyi 13 görüşdən 4-də anoloji hesabın qeydə alınması normaldır. Lakin onlardan bəzilərinin videoicmalını izləyərkən, şübhəli məqamlar diqqət çəkir.
 
Məsələn, sözgedən 4 oyundan 2-si məhz "Turan Tovuz”la olub. Hər iki halda meydan sahibi 3:2 hesabı ilə qalib gəlib. Oktyabrın 20-də IV tur çərçivəsində Tovuz şəhər stadionunda baş tutmuş matçda bütün qolları meydan sahibləri vurublar. Eltay Tağıyevlə Ayxan Əsədov öz qapılarını, Tuqay Alhüseynli, Elnur Səmədov (2 qol) rəqib qapısını nişan alıb. Xüsusən də Əsədov 56-cı dəqiqədə topu öz qapısına yollamaqla, "baxımlı qol"a imza atıb.

 
Dekabrın 8-də XIII tur çərçivəsində Ağsu şəhər stadionunda oynanılmış qarşılaşma da maraqlı keçib. Artıq 1-ci dəqiqədə məğlub duruma düşən meydan sahibləri 14-cü dəqiqədə tarazılığı bərpa etsələr də, fasiləyə məğlub yollanıblar – 1:2.
 
"Ağsu” 72-ci dəqiqədə hesabı bərabərləşdirsə də, 3 dəqiqə sonra Əlimərdan Əlimərdanlının "qırmızı” almasından sonra azlıqda qalıb. Buna rəğmən, Rüfət Quliyevin baş məşqçisi olduğu komanda 81-ci dəqiqədə qələbə topunu vurub.
 
 
"Ağsu”nun oktyabrın 26-da V tur çərçivəsində "Mil-Muğan”a qarşı keçirdiyi oyunda da "qəribə” məqamlar var. Meydan sahiblərinin ilk dəqiqələrdən üstünlüyü qonaqlara verməsi, bunun müqabilində 18-ci dəqiqədə Bayram Əliyevin "Mil Muğan”ı önə keçirməsi diqqət çəkir.
Artıq 55-ci dəqiqədə meydan sahibləri penalti qolu ilə önə çıxsalar da, "5 qol planı”nı son dəqiqələrdə doldurmaq mümkün olur. Qarşılaşmanın 84-cü dəqiqəsində meydan sahiblərinin qapıçısı Şamo Həsənov oyun epizodunda nəinki qapını, hətta 4 komanda yoldaşını geridə qoyaraq cərimə meydançasından kənara çıxır. Bu çıxış isə "Ağsu”nun qapısına penalti təyin edilməsi ilə nəticələnir. "Mil-Muğan”ın futbolçusu Samir Babayev penaltinin yerinə yetirdiyi məqamda Həsənovun davranışı da maraq doğurur. Qonaqların futbolçusu topa çatmadan qapıçının sağa "uzanacağını” rahat görür. Matçda son nöqtəni isə 90+1-ci dəqiqədə Ramil Əliyev qoyur – 3:2.

 
Qeyd edək ki, Peşəkar Futbol Liqasının prezidenti Ramin Musayev "CBC Sport"da yayımlanan "Üçüncü hissə" verilişində I Divizionda çıxış edən 2 klubun danışılmış oyunlarda iştirakından şübhələndiklərini açıqlayıb. O, şübhələrin təsdiqlənəcəyi halda, həmin komandaların dərhal çempionatdan xaric olunacaqlarını vurğulayıb. (Sportnet.az)

 
tarix: 29-12-2017 14:35


 
Xəbər lenti
23.07.2018

11:15   “Zirə” Türkiyə klubuna qarşı - YENİLƏNİR

11:11   Anri “Aston Villa”nı çalışdıracaq

11:05   “Qarabağ”ın potensial rəqibi bəlli olur - YENİLƏNİR

10:47   “eTopaz”da günün canlı oyunları

10:27   Ruslan Abışova əvəzedici axtarışı: daha bir transfer olacaq

10:19   “Neftçi” “Keşlə”yə qarşı

10:13   PFL püşk atır

10:00   “TOPAZ”DA BU GÜN

09:36   Braziliyalı qapıçı İtaliyada klubunu dəyişdi

09:29   “Qəbələ” Qurbanovla davam edəcək

09:22   Axundov vədini unutdu: yeni baş məşqçi bəllidi

09:17   Məsut Özildən şok qərar - Almaniya yığmasından getdi

09:11   Pərdis özünə klub tapdı

09:00   AFFA-da mühüm görüş: əvəzedicilər diviziona göndərilir

22.07.2018

23:43  “Neftçi” “Səbail”ə qalib gəldi

22:37  Millimizin Bakıda toplanışı olacaq

22:29  Millimizdən son oyunda qələbə

21:17  “Qarabağ” Delarjla neçə illik anlaşıb?

20:20  “Səbail” daha bir Türkiyə klubuna məğlub oldu

19:27  Super Liqa klubu “Sumqayıt”ı biabır etdi

17:34  Rafael Markes karyerasını başa vurdu

15:05  “Qarabağ”la ilk görüşdə qol buraxmamaq çox vacibdi”

13:55  “Sabah” daha 2 oyunçu ilə müqavilə bağladı

12:43  Asim Xudiyev Ermənistan klubunun oyununa təyinat aldı

12:22  Əliyar Ağayev Avroliqa matçına təyinat aldı

11:59  “Sumqayıt” “Alanyaspor”a qarşı

11:32  Şevçenko yenidən Ukrayna millisində

11:25  Millimizin sabiq forvardı Latviyada yenə dubl etdi

11:19  Kiyev “Dinamo”su mövsümə kubokla başladı

11:01  "Qarabağ" 200 min dollara hücumçu alır

11:00  “eTopaz”da günün canlı oyunları

10:31  Eminsiz “Kalmar” doğma meydanda uduzdu

10:00  “TOPAZ”DA BU GÜN

09:32  Şeydayevin klubundan 2 yeni transfer

01:29  “Sumqayıt”ın futbolçuları Bolu toplanışını dəyərləndirdi - VİDEO

00:55  “Sabah”da daha 3 imza

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az