(+994) 050 626 86 70
(+994) 055 673 68 09
(+994) 070 534 65 52

qaynar xətt

Vüsal Mahmudov
Aydın Bağırov
Məşqçi dəyişikliyi ilə sistem qurmaq olmaz: işlək komanda lazımdı

Məşqçi dəyişikliyi ilə sistem qurmaq olmaz: işlək komanda lazımdı

Milli komandalardakı məlum dəyişikliklər, yenilənmələr müsbət effektini vermir. Belə davam etsə, “Qarabağ”la tarixə düşən, hamının ölkə futbolunun xilaskarı kimi baxdığı Qurban Qurbanov da “xərclənəcək”.
 
Qurbanovun millinin baş məşqçi postuna təyinatı ən yüksək səviyyədə istənmişdi, azarkeşlər, futbol ictimaiyyəti də bu məsələdə yekdil idi. Lakin AFFA-da kök salan işbazlar, yığma komandalar sayəsində qaz vurub, qazan dolduranlara bu seşim sərf etmir. Çünki Qurbanov rüşvətsiz, tapşırıqsız və ən əsası, qara işlərdən kənar olan sistem qurmaq istəyir. Bu sistem futbol üçün vacibdi, amma bəzi məmurlar üçün yox. Və onlar indi Qurban bəyi hər addımda büdrətməyə, süni əngəllərlə bezdirməyə, nüfuzdan salmağa cəhd edirlər.
 
Bütün milli komandalara nəzarəti ələ alan mütəxəssis iş metodu ilə bir çox problemləri həll etsə, bu, sabiqlərin ifşa edilməsi olacaq. Deməli, 10-15 ildi futbola rəhbərlik edənlər, onun vasitəsi ilə cibini dolduranlar zamanı boşa verib, milyonları havaya sovurub. Məhz bu səbəbdən həmin adamlar özlərinin bacarmadığına Qurbanovun nail olmasına da imkan vermək istəmir. Hər yerdə süni əngəllər, təzyiqlər...
 
Əslində, Qurbanov yolun əvvəlində ikən səhvlər edir - AFFA hər şeyə nəzarət edə bildiyi “Qarabağ” deyil. Klubdakı kimi işinin ağası olmaq üçün Qurban bəy mütləq öz komandasını yaratmalıdı. Və bu komanda müxtəlif millilərə təyin edilən məşqçilərdən, onların seçdiyi futbolçulardan ibarət olmamalıdı.
 
İndiki halda, milli ilə bağlı bütün məsələlərin mərkəzində baş məşqçinin adı var. Qurbanov rəqib seçimindən tutmuş ən xırda detala kimi, bütün məsələlərdə cavabdeh adamdı. Belə gərgin qrafikdə, iş rejimində səhvlər, yanlış addımlar qaçılmazdı. Üstəlik, “Qarabağ”ın da problemləri var və Qurban bəy çəkə biləcəyindən artıq yük götürüb. Bəlkə də öhdəsindən gəlmək olar, lakin AFFA-nın daxilində bu qədər badalaqvuran varkən, çox çətindi.
 
Qurbanov işə məşqçi təyinatları ilə yox, komandasını formalaşdırmaqla başlamalı idi. Və hələ də gec deyil. Yığmaları AFFA-dan qismən ayırmaq, muxtar tipli bir qurum yaradılmasına nail olmaq mütləqdi: Peşəkar Futbol Liqası kimi. Deyək ki, Milli Komandalar Departamenti... Və ora nüfuzlu biri rəhbər qoyulmalıdı. Elə bir rəhbər ki, yığmaların problemlərinin vaxtında həllinə nail olsun, təşkilati məsələlərdə məşqçilərdə hansısa sual yaradacaq boşluğa imkan verməsin və təzyiqləri Qurbanovdan öncə qarşılasın. Bu sistemin içində Qurban bəy bir qədər əlçatmaz olmalı, fikrini yalnız sistemin oturdulmasına, yaşıl meydana yönəltməlidi.
 
Bu departament təkcə rəhbərdən ibarət olmamalı, milli ilə bağlı bütün sahələri əhatə etməlidi. Seleksiyaçılar, menecerlər, məşqçilər, həkimlər qrupu olmalıdı. Qurbanov milli komandaya mətbuat katibi gətirib, amma hələ də onun fəaliyyət göstərməsi üçün şərait yoxdu. Halbuki milli komandayla bağlı hətta sayt açmaq, sosial şəbəkədə iş qurmaq da lazımdı. Qurbanovun tələb etdiyi baza problemi həllini tapmayıb, süründürməçilik davam edir. Və bütün bu süni əngəllər yeni sistemin yaradılmasını axsadan, bəlkə də təməldən uğursuz edəcək faktorlardı.
 
Qurban bəy bu məsələlərə ciddi yanaşmalı, seçmə mərhələnin startınadək problemləri yoluna qoymalı, daha sonra rahatca işləməlidi. Sonra gec olacaq, Millətlər Liqasındakı mümkün uğursuzluq, 1-2 yoxlama matçında məğlubiyyət onun uğurunu istəməyənlərə şans verəcək. Millidə alacağı maaşla bağlı söz-söhbət, ardınca avtomobili ilə bağlı müzakirələr boşuna deyildi, qarşıda hələ onun ictimai nüfuzuna zərbə vurmağa hesablanmış yeni hoqqalar da olacaq – fitnəkarlar yatmayıb.
 
Yuxarıda sadaladıqlarımızı təmin etmək heç də çətin iş deyil. Berti Foqts üçün havaya sovrulan milyonları demirik, təkcə Robert Prosineçkinin maaşının 1/3 hissəsi ilə kompleks iş görmək olar. Xorvat məşqçiyə verilən 1,2 milyon avronun boşuna getdiyini zaman sübut etdi. İndi Prosineçki Bosniya və Herseqovinada ilinə 180 min avro alacaq – Azərbaycanda ayyarıma qazandığı qədər. Robertə yeni müqavilə üçün 1,5 milyon təklif edənlər indi həmin məbləğin kiçik bir hissəsi ilə ölkə futbolunun taleyini dəyişəcək sistemin qurulmasına razı olmalıdı.
 
Qurbanovun da xərclənməsinə imkan vermək olmaz. Nüfuzu, bacarığı, vətənpərvərliyi, dürüstlüyü ilə tanınan, zəhməti hesabına zirvədə olan bu məşqçiyə badalaq vurmaq yox, ona dəstək olmaq lazımdı. AFFA buna istəyirmi? Son xəbərlər sevindirici deyil...
 
CAVAD

 
tarix: 08-01-2018 12:18


 
Xəbər lenti
17.01.2018

03:00   “Lester”lə “Vest Hem” də növbəti mərhələyə vəsiqə qazandı

02:46   Çempion yenə xal itirdi - VİDEOLAR

02:16   “Sürix”lə matç öncəsi son məşq

01:12   “Fənərbaxça” 1/4 finalda, “Bursaspor”la “Trabzonspor” dayandı

00:24   Divizion təmsilçilərinin duelində 3 qol - VİDEO

16.01.2018

23:32  Mustafa Dənizli Azərbaycan klubu ilə razılığa gəldi

22:31  “Sürix”lə ikinci sınaq - VİDEO

20:36  “Qarabağ” “Kuban”la oyuna hazırdı

19:20  Rəşad Sadıqovdan uğurlu debüt

18:54  “Qarabağ” dünyanın 100 ən güclü klubu sırasında

18:33  “Kəpəz” daha 3 transferi rəsmən açıqladı - FOTO

18:11  “Çempionatın startına kimi tam hazır olmağa çalışacağıq” - VİDEO

17:50  “Neftçi” futbolçusu ilə müqaviləyə xitam verdi

17:31  “Sabah” “Binə”yə qalib gəldi

17:11  “Qəbələ” - “Sürix” matçının başlama saatı açıqlandı

16:47  Prosineçkidən Şehiç açıqlaması

16:23  Millimizdən 6 qolluq qələbə

16:00  Sergey Litovçenko “Kəpəz”i seçməsinin səbəbini açıqladı

15:45  Türkiyə klubu Mahirə olan borcunu ödəmədiyi üçün cəzalana bilər

15:17  “Kəpəz” iki legionerlə müqavilə imzaladı

14:27  Fransa millimizlə oyuna 14 futzaçı ilə hazırlaşacaq

14:07  “Neftçi” 2 dövrənin antirekordçusudu

13:54  Rəqib baş məşqçi yekun heyəti açıqladı

13:08  Stadionda faciənin qarşısı alındı - FOTO

12:19  “Azərbaycan millisinə qiymət vermək çətindi”

11:55  UEFA Superkuboku üçün 9 namizəd

11:41  “Sumqayıt” Divizionun liderinə belə qalib gəldi - VİDEO

11:20  “Zirə” - “Keşlə” matçının məkanı bəlli oldu

11:00  “eTopaz”da günün canlı oyunları

10:27  Futbolçunu vuran hakim cəzalandı, qərarı ləğv olundu

10:00  “TOPAZ”DA BU GÜN

09:36  Büdcəni aşan komitəyə “qulaqburma”

09:28  AFFA-nın yalanı: hollandlar razılıq verməyibmiş

09:24  Erməni məşqçiyə ömürlük cəza

09:12  Aleksandr İaşvili: “Razılaşmamız rəsmi xarakterli deyildi”

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az