(+994) 050 678 37 80
(+994) 070 534 65 52

qaynar xətt

Tahir Süleymanov
Vaqif Cavadova bircə sual

Vaqif Cavadova bircə sual

Sualı saxlayaq yazının axırına. Hələlik biz gələk böyük Cavadova - Vaqifin əmisi İsgəndər müəllimə.

AFFA İcraiyyə Komitəsinin indiki və əvvəlki bütün üzvləri kimi, futbolumuzla bağlı çıxarılan önəmli və önəmsiz hər bir qərara görə məsuliyyət daşıyan adamlardan biri də İsgəndər Cavadovdu. İK iclaslarında İsgəndər müəllimin futbolumuzun xeyri üçün nə kimi təklif verdiyini bilən yoxdu. Amma bu dəqiq faktdı ki, Rövnəq Abdullayev və komandası Foqtsun AFFA ilə ilk müqaviləsi bitəndə də burda qalıb işləməsinə nail oldular. Bununla bağlı qərara əl qaldırıb dəstək verənlərdən biri elə böyük Cavadov idi.

İsgəndər müəllim o qərarla razılaşanda onun doğma qardaşı oğlu Vaqif Cavadov Foqtsun rəhbərliyi ilə millidə oynayır, Almaniyaya kuryoz bir qol vurur, AFFA şefi isə 1:6 hesablı rəzil məğlubiyyətə görə xəcalət çəkmək əvəzinə "Heç Argentina onlara 1 qol vura bilməmişdi, hi-ha..." deyib şaqqanaq çəkməklə özünü və komandasını futbol qəhrəmanı sayırdı. Bu həm də o dövrlər idi ki, azarkeşlər, ən çox da futbol mediası təkidlə, davamlı olaraq Qurban Qurbanovun milliyə gətirilməsini tələb edirdi. Və onda Vaqif Cavadov da daxil olmaqla millinin bütün üzvləri Foqtsdan dəvət almamağın qorxusundan ağızlarına su alıb sakit otururdu.

Hansından soruşurdun ki, Qurban Qurbanov millidə işləməlidimi? Donquldana-donquldana cavab verirdilər ki, “hmmmmm. Bu rəhbərliyin işidi. Kimi dəsələr, onun rəhbərliyi altında da oynayacağıq, İnşallah...”

Amma arxasınca gizli danışırdılar ki, bu əclafı qovsaydılar, yaman yaxşı olardı.

Foqts gedəndən sonra isə hamısı oldu qardaşımız türklər demiş, aslan parçası. Bir ildi futboldan itən Vaqif Cavadov da dünən üzə çıxan kimi bu mövzuda danışıb və bu zaman həmişə kin saxladığı jurnalistlərə müdrik el ağsaqqalları tərzində öyüd-nəsihət verib, irad bildirib: “Qurbanova dəstək nümayiş etdirin. Prosineçkili, Foqtslu yığma uduzanda tənqidlər olmurdusa, Qurbanovlu yığma üçün də olmasın”. Jurnalistlərdən biri isə Cavadova xatırladıb ki, axı, media Foqtsu az tənqid etməyib. O da cavab verib ki, “düzdü, tənqid edirdiniz, amma o, sonda vəzifəsində qalırdı”.

Elə bil Foqtsu millidə jurnalist Əli Sahib saxlayırmış.

Hə, bizdə futbol adamlarının köhnə adətidi arxası-dayağı olmayan insanlarla iradla, hökmlə danışmaq.  Amma məsələn, Rövnəq Abdullayev, yaxud onun müavini Elşad Nəsirovdan söz düşəndə hamısı quzuya dönürlər.

İndi gəlirəm, o bircə suala.

Vaqif Cavadov, Foqtsu millidə SOCAR-ın və AFFA-nın vitse-prezidenti, hazırda da yekə fiqur olan Elşad Nəsirov və komandası saxlayırdı. İradını ona bildirə bilərsən, yoxsa hələ münasib zaman yetişməyib, o da nə vaxtsa vəzifədən gedəndən sonra danışacaqsan?

Aydın BAĞIROV


 
tarix: 12-01-2018 22:03


 
Xəbər lenti
20.11.2018

13:22   “Topaz": Priştina, Qlazqo və Stokholmda final matçları

13:15   Millimizin pley-offdakı potensial rəqibi bilindi

13:10   UEFA-dan yeni siqnallar: “Səbail” də qumara qurşanıb?

12:46   "Neftçi" qvineyalını yola saldı

12:27   Yığmamıza qol vurdu, qələbəni şərh etdi

12:08   Gürcüstan – Avropanın 40-cı komandası

12:01   Almaniya - Hollandiya matçında 4 qol - VİDEO

11:44   Gürcüstan Qazaxıstanı da məğlub etdi - VİDEO

11:29   Birinci Divizionda 11-ci turun hakim təyinatları

11:19   Əliyar Ağayev Millətlər Liqasında oyun idarə etdi

11:00   “Bu oyunda 2:1 hesabı ilə qalib gələcəyik” – Kosovolu futbolçu proqnoz verdi

10:30   “eTopaz”da günün canlı oyunları

10:00   İslandiya Qətərlə “sülh bağladı”, Halldorsson...

09:30   Slavçevli Bolqarıstan da Millətlər Liqasında mübarizəni dayandırdı

09:00   Priştina gözləntisi

01:44   Hollandiya, Norveç və Makedoniya da növbəti mərhələdə!

00:01   Super Liqa klubunda yeni baş məşqçi

19.11.2018

23:47  Millimizin Priştina hazırlığı - FOTOLAR

23:37  Rəşad Sadıqov: “Daha yaxşı oynaya biləcəyimizi düşünürəm”

22:23  Maksim Medvedev: “Azərbaycanın üstünlüyü birlikdədi”

21:51  Qurbanov: “Nəticə üçün nə lazımdırsa, onu edəcəyik”

21:15  Bernar Şalland: “Azərbaycan millisi favoritdi”

20:57  “Azərbaycanla oyuna psixoloji cəhətdən yaxşı hazırlaşmışıq”

18:03  Azərbaycan Bosniya və Herseqovinaya uduzdu

17:59  “Bu oyunu “döyüşə” bənzədirəm” - Valon Berişa

17:46  Premyer Liqada 12-ci turun hakimləri bəlli oldu

17:09  Topaz Premyer Liqasında 12-ci turun oyun cədvəli məlum oldu

16:15  Birinci Divizionda 11-ci turun oyun cədvəli açıqlandı

15:51  “0:0-lıq heç-heçə olacağını düşünmürəm” - Amir Rrahmani

15:41  “Topaz": Almanlar Fransanı xilas edəcəkmi?

15:33  “Sabah”ın hücumçusu məşqçi lisenziyası aldı

15:03  UEFA düzəliş etdi: Yeni bombardir Nazarov oldu

14:54  Adeniyi het-trik etdi, “Qəbələ” darmadağına sevindi

14:46  Baş katibin niyyəti, İsgəndərin buynuzu...

14:24  Dadaşov: “Bizim üçün bu oyunda uğurlu nəticə çox vacibdi”

12:54  Kosovo - Azərbaycan: Mətbuat konfranslarının vaxtı bilindi

12:23  İspaniyaya 1 qol bəs etdi - VİDEO

12:00  Renat Dadaşov üçün 17 dəqiqə, “sarı” və 3 xal

11:40  Eratın komandasına 1 qol bəs etdi

11:30  Əzizovun komandası ev oyununda xal itirdi

11:00  Eddi İsrafilov üçün 90 dəqiqə və 3 xal

10:20  İsveçrə Belçikanı belə şoka saldı - VİDEO

10:00  “eTopaz”da günün canlı oyunları

09:40  İngiltərə - Xorvatiya 2:1 - VİDEO

09:20  “Zirə”nin futbolçusu Lüksemburqa qarşı oynadı, “Səbail”li izlədi

09:00  Bernard Şalland: “Bizdə Berişa varsa, sizdə də Almeyda var”

01:42  İngiltərə Xorvatiyaya qalib gəldi, Belçika İsveçrəyə uduzdu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az