(+994) 050 626 86 70
(+994) 055 673 68 09
(+994) 070 534 65 52

qaynar xətt

Vətəndaşlıqdan imtina edib: Sərkan Baloğlu millimizə çağırıla bilməz

Vətəndaşlıqdan imtina edib: Sərkan Baloğlu millimizə çağırıla bilməz

AFFA ölkəmizə kifayət qədər müvəqqəti Azərbaycan vətəndaşları qazandırıb. Milliləşdirilmiş əksər futbolçular yalnız yığmalarımızda oynayarkən bizim şəxsiyyət vəsiqələrini daşıyır.
 
Hazırda milli komandamızın üzvü olan bir çox futbolçu var ki, xaricdə fərqli vətəndaşlıq daşıyır, lakin yenə də komandalarımıza cəlb olunurlar. Halbuki bu, qanunla qadağandı.
 
Azərbaycan Respublikasının vətəndaşlığı haqqında qanuna görə, bizdə ikili vətəndaşlıq yolverilməzdi. Qanununun 10-cu maddəsində yazılır:
Azərbaycan Respublikasının vətəndaşı olan şəxsin ikili vətəndaşlığı olduqda (Azərbaycan Respublikası vətəndaşlığı ilə yanaşı, digər dövlətin (dövlətlərin) vətəndaşı olduqda) həmin şəxsin xarici dövlətin vətəndaşlığına mənsubiyyəti, Azərbaycan Respublikasının beynəlxalq müqavilələrində nəzərdə tutulmuş və ya Azərbaycan Respublikası Konstitusiyasının 109-cu maddəsinin 32-ci bəndinə müvafiq surətdə həll edilmiş hallar istisna olmaqla tanınmır.
Xarici dövlətin vətəndaşlığını qəbul etmiş Azərbaycan Respublikasının vətəndaşı bir ay müddətində bu barədə AR-in səlahiyyətli orqanlarına yazılı məlumat verməlidir. Belə məlumatı verməyən şəxslər Azərbaycan Respublikasının Cinayət Məcəlləsi ilə nəzərdə tutulmuş qaydada məsuliyyət daşıyırlar. (10-cu maddə, ikinci hissə)
Azərbaycan Respublikası vətəndaşının digər dövlətin vətəndaşlığını könüllü əldə etməsi Azərbaycan Respublikası vətəndaşlığının itirilməsi üçün əsas hesab edilir. (18-ci maddə)
 
Xarici dövlətin vətəndaşlığını qəbul etmiş vətəndaşımız yalnız iki halda paralel olaraq Azərbaycan vətəndaşı kimi də qala bilər - beynəlxalq müqaviləyə və ya dövlət başçısının qərarına əsasən. Belə ki, ”Azərbaycan Respublikasının vətəndaşlığı haqqında" Qanunun 10-cu maddəsinə əsasən, şəxsin ikili vətəndaşlığı olduqda həmin şəxsin xarici dövlətin vətəndaşlığına mənsubiyyəti, Azərbaycanın beynəlxalq müqavilələrində nəzərdə tutulmuş və ya prezidentin icra qaydasında həll etdiyi hallar istisna olmaqla, tanınmır.
 
Beləliklə, ikili vətəndaşlıq Azərbaycanda ümumən qadağandır, amma istisnalar ola bilər. Bununla belə, təbii, xarici dövlətin vətəndaşlığını qəbul etdiyinə görə Azərbaycan vətəndaşlığını itirmiş şəxs sonradan xarici vətəndaşlıqdan imtina edib yenidən bizim vətəndaşlığı əldə etmək üçün ümumi qaydada müraciət edə və dövlət başçısının qərarı ilə onun vətəndaşlığı bərpa oluna bilər.
 
Azərbaycan Respublikasının vətəndaşlığından çıxma bu qanunla müəyyənləşdirilmiş qaydada şəxsin vəsatəti üzrə həyata keçirilir. Lakin aşağıda yazacağımız faktlarda bu qaydalara əməl olunubmu?
 
Türkiyə qaynaqlarında milliləşdirilmiş futbolçularımızın məlumat hesablarına baxırıq. Məsələn, Ufuk Budak çoxdandı yığmamıza çağırılmır. Onun vətəndaşlığını bildirən qrafada “Türkiyə Cümhuriyyəti” yazılması anlaşılandı. Ola bilsin, o, millimizə qayıtmayacağını bildiyindən bu addımı atıb. Onun kimi Uğur Pamuk da Azərbaycan vətəndaşlığından imtina edib.
 
Bu futbolçular, eləcə də digər əcnəbilər legioner limitindən azad olmaq üçün eyni addımı atırlar. Hazırda milli komandamıza namizəd olan Dəniz Yılmazın da oxşar problemi yaranıb. Hücumçu yenicə anlaşdığı “Gənclərbirliyi”ndə bu baxımdan əziyyət çəkir. Bildiyimizə görə, o, AFFA-dan milliyə yenidən dəvət alıb-almayacağı ilə bağlı xəbər gözləyir. Millimizin baş məşqçisi Qurban Qurbanov onun xidmətindən imtina etsə, Dəniz Azərbaycan vətəndaşlığından çıxacaq. Hələ ki, sənədlərdə o, bizlərdən biri kimi qeyd olunur.
 
Maraqlı olan Sərkan Baloğlunun məlumat toplusudu. 21 yaşlı futbolçu “Eyupspor”da Türkiyə vətəndaşı kimi qeydiyyatdadı. Halbuki o, ötən il noyabrın 14-də millimizin heyətində Kosovoya qarşı rəsmi görüşə çıxıb. Deyək ki, o, həqiqətən də bu matçdan sonra Türkiyə vətəndaşlığını qəbul edib. Lakin bu, həm də o deməkdi ki, Sərkanın, eləcə də onun kimi addım atan digərlərinin millilərimizə yolu bağlanıb. Ölkəmizdə ikili vətəndaşlıq yolverilməzdi, Baloğlu da o qədər böyük fitri istedada malik deyil ki, ölkə başçısı onun hər növbəti müraciətini müsbət cavablandırsın.
 
Deməli, AFFA-nın kütləvi milliləşdirdiyi futbolçu ordusu (onların sayı onlarladı – müəl.) bir də millilərimizə çağırıla bilməz. Qanunun 18-ci maddəsində yazıldığı kimi, “Azərbaycan Respublikası vətəndaşının digər dövlətin vətəndaşlığını könüllü əldə etməsi Azərbaycan Respublikası vətəndaşlığının itirilməsi üçün əsas hesab edilir”.
 
Futbol qurumumuz qanunları ayaqlasa, ifşa olunacaq. Hələliksə assosiasiyanın xəttiylə müvəqqəti Azərbaycan vətəndaşı olanların əsl niyyətlərini görürük. Qazanmaq imkanı olarkən bizim vətəndaşlardılar, əslində isə onları Azərbaycanla heç nə bağlamır.
 
 
 
 
FƏRİD

 
tarix: 23-01-2018 09:15


 
Xəbər lenti
27.05.2018

15:35   Əsgərovun komandasından ilk xal itkisi

15:23   “Səbail”dən daha bir təkzib bəyanatı

14:54   Azərbaycan mövsümü 23-cü pillədə başa vurdu

11:30   Millimizin Makedoniya ilə ikinci sınağı - YENİLƏNİR

11:25   Salahsız dünya çempionatı

11:18   Ronaldo ÇL-in tarixinə düşdü

11:12   “Zirə” qabıq dəyişir

11:00   “eTopaz”da günün canlı oyunları

10:49   Ronaldo "Real"dan ayrılır?

10:42   Zidan qələbədən həzz almağı məsləhət bilir

10:32   Premyer Liqaya sonuncu vəsiqə də sahibini tapdı

10:29   Beyl məyus imiş

10:00   “TOPAZ”DA BU GÜN

09:31   “Real” və Zidandan yeni rekord - ÇL-də

09:01   “Zirə” Ayxan Abbasova güvənir

09:00   Finalın ən yaxşısı bəlli oldu

01:08   ÇL-in finalında 4 qol - VİDEO

00:39   “Real” ardıcıl 3-cü dəfə ÇL-in qalibi oldu

26.05.2018

23:54  ÇL-in finalında daha bir şok

23:45  “Liverpul”da Salah şoku

22:06  ÇL-in finalından öncə bomba həyəcanı

21:28  Milli komanda “Zirə” ilə bacarmadı

19:30  Topaz Premyer Liqasında yay bazarlığı - YENİLƏNİR

19:25  Eyni rəqib, eyni hesab

18:02  Ramazanov da “Səbail”də!

17:50  “Sumqayıt” son mövsümdə - STATİSTİKA

17:23  Azərbaycan Kuboku: Finalın hakimləri bəlli oldu

17:09  “Sumqayıt”ın son mövsümdə vurduğu qollar - VİDEO

16:26  Rahid Əmirquliyev “Səbail”də

16:21  Premyer Liqa klubundan baş məşqçiyə yeni müqavilə

15:44  Almeyda millidən ayrıldı

14:36  Misir yığması Salahın yoxluğunda Küveytlə bacarmadı

12:39  “Səbail”dən gedənlərin sayı 12-yə çatdı

11:27  Sarri “Çelsi” ilə razılığa gəldi - İlinə 6 milyon avro

11:00  “eTopaz”da günün canlı oyunları

10:24  Zinəddin Zidan: "Özümüzü favorit görmürük"

10:17  Klopp şansa da ümid edir

10:12  Görüş vaxtı dəyişdi

10:00  “TOPAZ”DA BU GÜN

09:54  İsgəndər Cavadov Elxan Məmmədovu ifşa etdi!

09:47  “Beşiktaş”dan bu yayın ilk transferi

09:31  Vyana “Qarabağ”ı mövsümü qələbə ilə başa vurdu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az