(+994) 050 678 37 80
(+994) 070 534 65 52

qaynar xətt

Tahir Süleymanov
Rəşad Sadıqovla peşəkarlıq müzakirəsi

Rəşad Sadıqovla peşəkarlıq müzakirəsi

Azərbaycanın U-21 millisinin baş məşqçisi Rəşad Sadıqov Gürcüstanla 1:1 bitən yoxlama oyunundan sonra jurnalistlərin suallarını cavablandırıb. O, oyunu şərh edib, eyni zamanda bizim qapıya “papaq atıb”.
 
“Futbolinfo”da gedən, U-21 millimizin Albaniya U-20-ə uduzması haqda yazıya işarə edən Rəşad bunları deyib: “Bunu fikirləşmədim. Bu dəqiqə elə şeylər mənə maraqlı deyil. Kim hansı heyəti buraxır, kim neçə yaşlılarla oynayır – bunların mənim üçün əhəmiyyəti yoxdu. Bəzi qeyri-peşəkar söhbətlərlə qarşılaşdım ki, guya bizə qarşı Albaniyanın 20 yaşlıları oynayıb. 7 nəfər oynayıb 1998-99-cu illər, bizdə də “Alanyaspor”a qarşı 6 nəfər - 1997/98-ci il təvəllüdlü uşaqlar meydanda idi. Onda biz də U-20 ilə oynamışıq. Belə bir məntiq yoxdu. Məlumat olaraq deyim ki, əgər bir nəfər 1997-ci il oynayırsa, bu, artıq U-20 deyil. Hamısı 98/99 olsaydı, başqa məsələ. Onların heyətində 4 nəfər daha yaşlı oynayırdısa, bu, artıq U-20 deyil. Digər tərəfdən, məşqçinin öz seçimidi  və istənilən yaşda olanı oynada bilər. Mənim heç ağlıma gəlmir ki, U-20-ni, ya U-21-i buraxıram. Yoldaşlıq oyunudu, daha cavanlara şans vermək, heyətdə rotasiyalar etmək normaldı. Belə şeyləri qabartmaq qeyri-peşəkarlıqdı. Səhv eləmirəmsə, Albaniya mətbuatında yazılmışdı. Bu məsələ mənim üçün önəmli deyil, sadəcə, görürəm, yanlış informasiyalar yayılır. Ona görə də bu açıqlamanı verməyi lazım bildim”.
 
Sadıqovun manevri xoşuma gəldi – mətbuata (əsasən də bizə - müəl.) iradını çatdırır, “ağıl öyrədir” və sonda Albaniya mətbuatını hədəf göstərirmiş kimi davranır. Əhsən, əla taktiki gedişdi. Lakin...
 
...Sadıqov unutmasın ki, bu xəbəri alban mətbuatı yox, Albaniya Futbol Federasiyasının rəsmi saytı yazmışdı. Bu məqamda rəqibin deyil, Rəşadın dedikləri bizim üçün daha vacibdi. Sadıqovun peşəkarlığına, dürüstlüyünə, vətənpərvərliyinə, bacarığına qətiyyən şübhə etmirik. Bununla belə, ortada doğru olmayan nəsə var və bunu dəqiqləşdirmək üçün havaya danışmaq lazım deyil, 25-də növbəti dəfə üz-üzə gələcəyiniz albanlardan hesab sormaq lazımdı.
 
U-21-in Antalyada təlim-məşq toplanışını davam edir. Sadıqov ilk sınaq matçlarındaca bir canlanmaya nail olub, iddialıdır, yeni sistem gətirir, üzərində çalışır. Qısa müddətdə bunu etmək mümkün deyil, zamana ehtiyac var. İşin daha çətin tərəfi isə 10 ildə məhv edilmiş bir komandanı qəbul etməsidi. Özü də etiraf edir ki, istedadlar var, qalır doğru işləmək.
 
Sadıqovun mətbuata diqqət ayırmasını, hər nüansa peşəkar yanaşmaq istəməsini, səmimiyyətini, mətbuata açıq olmasını alqışlayırıq. Gələcəkdə də belə olacağına şübhə etmirik. Amma “qeyri-peşəkarlıq” məsələsinə gəlincə, daha ağıllı davranmalıdı. Millilərlə bağlı peşəkarlığı ilk növbədə AFFA rəsmiləri etməlidi. Mətbuatın yalan yazdığını sübut etmək üçün oyunun protokolunu üzə çıxarmaq və ya AFFA-nın beynəlxalq yoldaşlıq oyunu üçün bağladığı müqaviləni təqdim etmək kifayətdi. Bunu edə bilmirsizsə, deməli, qeyri-peşəkarları Nobel prospektində, bir də öz düşərgənizdə axtarmalısız.
 
Rəşad jurnalistlər üçün əlçatan simadı. Bernard Lipperti tapmaq üçün bir həftə AFFA-nın qapısında gözləməlisən, açıqlama almaq üçünsə hətta baş katib Elxan Məmmədovdan icazə almalısan. Sadıqov isə hətta telefon vasitəsi ilə də müsahibə verəcək birisidi. Lippertin vəzifəsi millilərdə sistem qurmaq olmayıb, dəstəkçilərinin buyruqlarını yerinə yetirib. İndi də Sadıqov xarizması qarşısında qeyri-peşəkarlıqları üzə çıxmağa başlayır...
 
Təşkilatı işləri AFFA görür. Danışıqlar, müqavilələr, yaradılan şərait elə olmalıdır ki, baş məşqçinin biliyi ancaq qeyd etdiyi yeni sistemin oturuşmasına sərf edilsin. Albaniya FF-nin rəsmi saytı məlumatı yayan kimi, federasiya məmurları dərhal buna reaksiya göstərməliydi. Əks tərəfə rəsmi məktubla, mətbuata açıqlama ilə dərhal məsələlərə aydınlıq gələcəkdi. Peşəkarlıq budur, jurnalistə mətbuatla cavab vermək yox.
 
Belə məsələlərə baş məşqçinin başı qatılmamalıdır. Yoxsa gətirəcəyi yeni sistemə vaxt yetməz. Bu tipli qeyri-peşəkarlığın yükünü Sadıqov öz üzərinə götürəcəksə, federasiya məmurlarına nə ehtiyac var? Heç şübhəmiz yoxdu ki, Rəşad daxildə öz iradlarını bildirib, belə halların baş verməməsini tələb edib. Qeyri-peşəkarlıq istənilmirsə, belə də olmalıdır.
 
Millilərdə məşqçilər korpusu dəyişib, amma millilərlə məşğul olan, cavabdehlik daşıyan AFFA məmurlarının beyinləri dəyişməyib. Qeyri-peşəkarlığın davam etməməsi üçün ya onlar peşəkarlaşmalıdı, ya da yeni sistem ilk növbədə idarəçilkdə tətbiqini tapmalıdı. Əksi olacaqsa, qeyri-peşəkarlıqlara hələ çox rastlaşılacaq.
 
Meydanda yeni sistemin yaradılması üçün ilk növbədə yeni tələblərə cavab verən idarəçilik sisteminin yaradılması mütləqdir. Təklif vermişik, bir daha xatırladırıq: milli komandalarla bağlı, yeni gələn məşqçilərin ruhuna, xarizmasına, tələbkarlığına uyğun departament yaradılmalıdır. Sadıqov kimi iddialı, xarizması olan peşəkarlar meydandan kənar işləri peşəkarcasına yoluna qoymalıdır. Baş məşqçilər belə qeyri-peşəkarlıqla yüklənib mətbuat önünə çıxmamalıdır. Millilər Antalyada məşq, yoxlama oyunları keçirdiyi vaxtda AFFA rəsmiləri nə iş görür?
 
Milli komandaların meneceri Riad Rəfiyev oyunçu transferi ilə, Namiq Ələsgərovu “Jilina”ya aparıb, pul qazanmaqla məşğuldu. Qeyri-peşəkarlıq budur. Millilərdə futbolçulardan pul tutan rəsmilər deyil, Sadıqov kimi Azərbaycan futbolunu düşünənlər olmalıdır. Belə olmasa, qeyri-peşəkarlıqlar hələ çox davam edəcək.
 
Azərbaycan mətbuatı nə etməlidi ki? Albaniya FF-in rəsmi saytı ilə AFFA-nın rəsmi saytının yazdığı fərqlidi – bunu qabartmışıq. Albanların səhv yazdığını sübut etməyiniz üçün rəsmi müqaviləni, heç olmasa, oyunun protokolunu mətbuata açıqlamağınız kifayət idi. Bunu istəmişiksə, təmin edə bilməmisizsə, qeyri-peşəkar kimdi?
 
Əzizim Rəşad, bəli, bizdə də qeyri-peşəkarlıqlar olur. Amma bu, özünü albanların xəbərini istinadla paylaşanda büruzə vermir. Azərbaycan naminə, milli komanda naminə, xidmətlərə hörmət naminə “Qarabağ”ın kapitanının səhər U-21-in məşqində, axşam klubunun oyununda meydana çıxmasına göz yumanda qeyri-peşəkar oluruq...
 
FƏRİD

 
tarix: 24-01-2018 14:04


 
Xəbər lenti
15.10.2018

18:24   “Qəbələ” “Neftçi” ilə oyuna Bakıda hazırlaşır

18:02   Qvineya yığmasının üzvü “Neftçi”də - FOTO

17:25   5 liqada 3584 futbolçu

17:12   Bakıda AÇ-2020-nin oyunlarına hazırlıqla bağlı tədbir keçirildi

16:39   Əsgərov dubl etdi, komandası 6 qola sevindi

16:28   “Vorskla” da ermənini Bakıya gətirməyəcək

15:35   Sabiq “Xəzər Lənkəran”lı “Dinamo”nun baş məşqçisi oldu

14:55   Topaz Premyer Liqasında 8-ci turun oyun cədvəli

14:46   “Qarabağ”ın rəqibinin futbolçusu milli karyerasını bitirdi

14:12   Tovuzda uşaq istismarı: gec gələn tribunada soyunur

14:05   Riçard Almeyda yenidən zirvədə

13:25   Birinci Divizionda 7-ci tur: Oyunların vaxtı açıqlandı

13:15   İspaniya İngiltərəyə qarşı - YENİLƏNİR

13:04   Yığma komandada baş məşqçi istefası

12:55   “Azərbaycan millisi qocadır” - “Qarabağ”a rəqib olan futbolçu

12:28   “Topaz”: İspaniyaya yarımfinal üçün bir xal lazım

12:25   Hoqq Kosovonu daha şanslı sayır

12:19   "Mənə o yaşda Mahirdən güclü azərbaycanlı futbolçu adı çəkin!"

12:14   Mahmudov millidən ayrıldı

12:07   Ruslar millimizin bəxtsizliyindən yazır

11:50   Qurbanlıq Mahir

11:21   Türkiyə Rusiyaya belə məğlub oldu - VİDEO

11:00   Şotlandiya - Portuqaliya matçında 4 qol - VİDEO

10:30   “eTopaz”da günün canlı oyunları

10:00   İtaliya Polşaya belə qalib gəldi - VİDEO

09:30   Millimizin rəqiblərindən hərəyə 1 qol, 1 xal - VİDEO

09:00   “Qəbələ”nin futbolçusu İsrailə məğlubiyyətə üzüldü - VİDEO

00:44   Türkiyə Rusiyaya uduzdu, İtaliyadan ilk qələbə

14.10.2018

23:45  Azərbaycan - Malta 1:1 - FOTOLAR

23:28  Millimiz Malta ilə yenə 1:1-ə razılaşdı - VİDEO

23:10  “Sizi əmin edirəm ki, bu futbolçular hər iki oyunda canlarını qoydular”

22:38  “Komandamın oyunundan çox razı qaldım”

21:55  Millimiz Maltaya Bakıda da qalib gələ bilmədi

17:17  Dadaşov oynadı, “Eştoril” xal itirdi

15:41  “Qarabağ” - “Vorskla” matçına nə qədər bilet satılıb?

15:00  Moldovalı Riçard Almeydanı qabaqladı - UML

14:40  Qurban Qurbanov üçün yubiley

14:31  Millimizin oyununa nə qədər bilet satılıb?

13:02  Norveç - Azərbaycan matçının hakimləri bəlli oldu

11:47  Topaz: Millimizin oyunu həm “təkli”, həm də canlı

11:00  Gürcüstan millisindən darmadağın - VİDEO

10:30  “eTopaz”da günün canlı oyunları

10:00  Cəbəllütariqin tarixi qələbəsi - VİDEO

09:30  Hollandiya Almaniya yığmasını belə biabır etdi - VİDEO

09:00  Slavçevli Bolqarıstan yığmasından ardıcıl 3-cü qələbə - VİDEO

00:39  Cəbəllütariqdən tarixi qələbə, Almaniya Hollandiyaya uduzdu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az