(+994) 050 678 37 80
(+994) 070 534 65 52

qaynar xətt

Tahir Süleymanov
“Kəpəz” “yenilməz armada” adını özünə qaytaracaq”

“Kəpəz” “yenilməz armada” adını özünə qaytaracaq”

Bu gün “Kəpəz”in icraçı direktoru Elnur Camalxanovun 40 yaşı tamam olur. Futbolinfo.az xəbər verir ki, bu münasibətlə o, klub saytına müsahibə verib:

- Elnur müəllim, belə bir söz var ki, 40 yaşı qeyd etməzlər...
- Doğum tarixini qeyd etmək, nisbi anlayışdı. Qeyd etdin-etmədin fərqi yoxdu, yaş gəlir səni haqlayır. Ümumiyyətlə, ad gününü təmtəraqla keçirmək xasiyyətim də yoxdu. Simvolik olaraq ailə ilə yığışıb fərqli şəkildə stol açırsan. Bu da doğum günü üçün normal bir şeydi.

- Beynəlxalq Qocalma İnstitutunun araşdırmasına görə insan məhz 40 yaşından sonra qocalmağa başlayır. Amma aktiv şəkildə idmanla məşğul olmaqla bunun qarşısını qismən almaq olar. Siz formada qalmaq üçün idman edirsiz?
- Düzünü desəm, gənclik dövründə idmanla məşğul olmuşam. İndi tam peşəkar səviyyədə olmasa da, əzələləri formada saxlamaq üçün müəyyən prosedurları yerinə yetirirəm. Qocalıq deyəndə ki, insan özü özünü necə qəbul edirsə, odu. Yaş önəm daşımır, insan gərək ruhən qocalmasın, cavan qalsın. İnsanın cəmiyyətlə bir yerdə olması, ətrafı ilə xoş münasibətdə, ünsiyyətdə olması əsasdı. Bax, bunun özü cavanlaşma deməkdi.

- Ayrı-ayrı dövrlərdə cüdo və karate federasiyalarında çalışmısız. İndi də futbol sahəsindəsiz. İdmanın hansı növü ilə işləmək sizin üçün rahatdı?
- Harada çalışmağından asılı olmayaraq, işə can yandırmalısan. İşin içində olmalısan, işlə yaşamalısan. Mən hansı sahədə olmuşamsa, bacardığım qədər bütün gücümü ortaya qoymuşam. O cümlədən futbolda da belədi. Heç bir idman növünün arasında ayrı-seçkilik salmıram, nə potensialım var, hər yerdə istifadə etmişəm. Kənardan necə görünüb, hansı qiymət verilib, bunu deyə bilmərəm.

- Fərdi idman növlərində kifayət qədər uğurlarımız var. Olimpiya, dünya və Avropa çempionatlarında çoxlu medallar qazanmışıq. Amma bizim üçün kollektiv idman növlərində nailiyyət əldə etmək çətindi. Sizcə niyə?
- Doğrudan da Azərbaycana kollektiv idman növlərində uğur qazanmaq çətin olub. Fərdi olaraq bu sualın cavabını araşdırmamışam. Görünür ki, fərdi idman növlərində aktivliyimiz daha çoxdu, nəinki kollektiv növlərdə. Amma voleybolda, basketbolda və həndbolda nailiyyətlərimiz olub. Xüsusən də voleybolda klub və yığma səviyyəsində diqqət çəkən uğurlar qazanmışıq. Son olaraq “Qarabağ”ın UEFA Çempionlar Liqasının qrup mərhələsində çıxış etməsini qeyd edə bilərik. Kollektiv idman növlərində uğur qazanmaq üçün müəyyən bir vaxt lazım idi və indi o dövr yetişib. Tədricən tendensiya dəyişib, uğurların sayı artır və bu silsiləyə çevrilir. Sadəcə, gözləmək lazımdı.

- “Facebook” sosial şəbəkəsində paylaşdığınız statuslardan biri diqqətimi daha çox çəkdi. “Sevinc göz yaşları” başlıqlı statusu cüdoçu Elxan Məmmədovun 2013-cü ildə Braziliyada dünya çempionu olması münasibətilə paylaşmısız. Şəxsi həyatınızda necə, sevinc göz yaşınız olub?
- Düzü, özümün hər hansı bir uğurum olubsa belə, o şəkildə reaksiya verdiyim, ağladığım olmayıb, sakit qarşılamışam. Nailiyyətim bəlkə də mənim üçün böyük uğur sayılsa da, ağlamamışam, bu, xasiyyətimdə yoxdu. Elxan Məmmədovun çempion olması Azərbaycanın tarixinə yazılan uğurdu. 45 illik cüdo tariximizdə dünya çempionu olmamışdı. Sevincimi başqa cür də ifadə edə bilməzdim.

- Neapol – Bakı Assosiasiyasının vitse-prezidentisiz. Neapola sevginizin olduğu şübhə doğurmur. Maraqlıdı, “Napoli”yə də qarşı eyni hissləri keçirirsiz?
- Bilirsiz, əvvəllər konkret olaraq pərəstiş etdiyim futbol klubu olmayıb. Neapolla iqtisadi, mədəni əlaqələrin inkişafı istiqamətində işlər gördüyümə görə sonradan “Napoli” azarkeşlik etdiyim komanda oldu. Klubun bütün oyunlarını izlədiyimi deyə bilməsəm də, “Napoli”yə sevgim var. Milyonların sevimlisi Maradonanın vaxtilə bu komandada çıxış etdiyini hamı yaxşı bilir.

- “Kəpəz”ə gəlməmişdən öncə də sizin Gəncəyə bağlılığınızın olduğunu bilirəm. Burada təhsilinizi davam etdirirsiz. Fikrimcə, Nizami yurdu sizin üçün yad yer hesab olunmamalıdı.
- Mən Azərbaycan Dövlət Aqrar Universitetində doktoranturada təhsil alıram. Bundan əlavə, hərbi xidmətim də Gəncədə olub. “Kəpəz” o vaxtdan mənim üçün doğmalaşıb. Ruhumda belə bu şəhərlə bağlılıq var. Gəncədə olanda tam fərqli hisslər keçirirəm, çox rahat oluram. Çoxlu dostlarım var, onlarla görüşürəm. Mənim üçün doğma, əziz yerdi. “Kəpəz” tarixi, titulları olan böyük komandadır. Klubun inkişafı istiqamətində nə bacarıramsa, əlimdən gələni edəcəm. Heç şübhə etmirəm ki, “Kəpəz” uğurları sıralamaqla əvvəlki əzəmətini, “yenilməz armada” adını özünə qaytaracaq. Futbolda uğur kollektiv əməyin nəticəsidi, biz birlikdə buna nail olacağıq. Bu işdə azarkeşlər bizim əsas dəstəkverici qüvvəmizdi.

- Üç oğlunuz var, onlardan hansının idmana marağı var?
- Son beşiyimiz çox balacadı, amma idmana yönləndirmişəm. Ortancıl futbolla çox maraqlanır, oynamaq üçün səy göstərir. Futbola kimi karate və cüdo ilə məşğul olub. Elə böyük oğlum da karate ilə məşğuldu.

- Uzun illər televiziyada ölkə idmanının uğurlarını tamaşaçılara çatdırmısız, mavi ekran sizi ictimaiyyətə tanıdıb. Televiziyanı karyeranızda irəliyə doğru böyük pillə hesab edirsiz?
- Əlbəttə, sizinlə tam razıyam, televiziya böyük qüvvə və təcrübədi. Bizim inkişafımızda o vaxtlar “Space” tv-nin İdman departametinin rəhbəri olan Aydın Əliyevin xüsusi zəhmətini vurğulamaq istərdim. O, həmişə işinə olduqca peşəkar yanaşıb və televiziya əməkdaşlarının da peşəkarlaşması yönündə fədakar fəaliyyəti ilə seçilib. Dəyərli məshələtlər, tövsiyyələr verib.  Şadam ki, Aydın müəllimdən çox şey öyrənmişəm. Onun istər mənim, istərsə də vaxtilə birgə çalışdığımız həmkarlarım Elnur Kələntərov və Tural Xudiyevin üzərində böyük zəhməti olub. Aydın Əliyev mənim baxış bucağımı dəyişib, həyatda möhkəmlənməyim üçün çox önəmli təsir göstərib. Buna görə müəllimimizə təşəkkür edirəm. O, Azərbaycan idman jurnalistikasının canlı əfsanəsidi. Gənclərimiz inkişaf etmək üçün ondan çox şey öyrənməlidilər. Bu prizmadan baxaraq televiziya hər hansı bir simanın tanıdılmasında, onun cəmiyyətdə qəbul olmasında böyük rol oynayır. Odu ki, “Space” televiziyasına da minnətdaram.


 
tarix: 14-02-2018 14:15


 
Xəbər lenti
15.10.2018

18:33   “Neftçi” məşqləri bərpa etdi

18:24   “Qəbələ” “Neftçi” ilə oyuna Bakıda hazırlaşır

18:02   Qvineya yığmasının üzvü “Neftçi”də - FOTO

17:25   5 liqada 3584 futbolçu

17:12   Bakıda AÇ-2020-nin oyunlarına hazırlıqla bağlı tədbir keçirildi

16:39   Əsgərov dubl etdi, komandası 6 qola sevindi

16:28   “Vorskla” da ermənini Bakıya gətirməyəcək

15:35   Sabiq “Xəzər Lənkəran”lı “Dinamo”nun baş məşqçisi oldu

14:55   Topaz Premyer Liqasında 8-ci turun oyun cədvəli

14:46   “Qarabağ”ın rəqibinin futbolçusu milli karyerasını bitirdi

14:12   Tovuzda uşaq istismarı: gec gələn tribunada soyunur

14:05   Riçard Almeyda yenidən zirvədə

13:25   Birinci Divizionda 7-ci tur: Oyunların vaxtı açıqlandı

13:15   İspaniya İngiltərəyə qarşı - YENİLƏNİR

13:04   Yığma komandada baş məşqçi istefası

12:55   “Azərbaycan millisi qocadır” - “Qarabağ”a rəqib olan futbolçu

12:28   “Topaz”: İspaniyaya yarımfinal üçün bir xal lazım

12:25   Hoqq Kosovonu daha şanslı sayır

12:19   "Mənə o yaşda Mahirdən güclü azərbaycanlı futbolçu adı çəkin!"

12:14   Mahmudov millidən ayrıldı

12:07   Ruslar millimizin bəxtsizliyindən yazır

11:50   Qurbanlıq Mahir

11:21   Türkiyə Rusiyaya belə məğlub oldu - VİDEO

11:00   Şotlandiya - Portuqaliya matçında 4 qol - VİDEO

10:30   “eTopaz”da günün canlı oyunları

10:00   İtaliya Polşaya belə qalib gəldi - VİDEO

09:30   Millimizin rəqiblərindən hərəyə 1 qol, 1 xal - VİDEO

09:00   “Qəbələ”nin futbolçusu İsrailə məğlubiyyətə üzüldü - VİDEO

00:44   Türkiyə Rusiyaya uduzdu, İtaliyadan ilk qələbə

14.10.2018

23:45  Azərbaycan - Malta 1:1 - FOTOLAR

23:28  Millimiz Malta ilə yenə 1:1-ə razılaşdı - VİDEO

23:10  “Sizi əmin edirəm ki, bu futbolçular hər iki oyunda canlarını qoydular”

22:38  “Komandamın oyunundan çox razı qaldım”

21:55  Millimiz Maltaya Bakıda da qalib gələ bilmədi

17:17  Dadaşov oynadı, “Eştoril” xal itirdi

15:41  “Qarabağ” - “Vorskla” matçına nə qədər bilet satılıb?

15:00  Moldovalı Riçard Almeydanı qabaqladı - UML

14:40  Qurban Qurbanov üçün yubiley

14:31  Millimizin oyununa nə qədər bilet satılıb?

13:02  Norveç - Azərbaycan matçının hakimləri bəlli oldu

11:47  Topaz: Millimizin oyunu həm “təkli”, həm də canlı

11:00  Gürcüstan millisindən darmadağın - VİDEO

10:30  “eTopaz”da günün canlı oyunları

10:00  Cəbəllütariqin tarixi qələbəsi - VİDEO

09:30  Hollandiya Almaniya yığmasını belə biabır etdi - VİDEO

09:00  Slavçevli Bolqarıstan yığmasından ardıcıl 3-cü qələbə - VİDEO

00:39  Cəbəllütariqdən tarixi qələbə, Almaniya Hollandiyaya uduzdu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az