(+994) 050 678 37 80
(+994) 070 534 65 52

qaynar xətt

Tahir Süleymanov
“Keşlə” matç başlamadan uduzmuşdu

“Keşlə” matç başlamadan uduzmuşdu

“Keşlə” “Neftçi”yə bu gün uduzmadı. Məğlubiyyətin bünövrəsi hələ matçın yeri dəyişdirildiyi zaman qoyulmuşdu.
 
Sanki Bakıda başqa stadion, deputatların oynaması üçün başqa vaxt yoxdu. Cümhuriyyətin 100 illiyi münasibəti ilə yoldaşlıq oyunları məhz Topaz Premyer Liqasının növbəti turuna salınmalıydı. Özü də “İnter Arena”ya. Respublika stadionu, Bakı Olimpiya Stadionu qala-qala...
 
“Keşlə” rəhbərliyi özü bilər, amma bu məğlubiyyət birbaşa onların passivinə yazılmalıdı. Zirədəki qələbənin ardından təqvimin dəyişməsinə razılaşıb, qonaq getmək böyük səhv idi. Futbolçuların qalib əhval-ruhiyyəsini korlamağı ancaq belə bacarmaq olardı. Süni örtükdəki qələbədən sonra eyni şəraitə sahib “İnter Arena”dan imtina etmək rəqibin əlinə oynamaq idi. Çünki “Neftçi” də Qəbələdəki zəfərdən sonra seriyanı davam etdirmək üçün alışıb-yanırdı.
 
Bu oyunla bağlı müəyyən söz-söhbətlər də var idi. Guya ki, “Neftçi”nin 4-cü yeri ələ keçirməsi üçün pərdəarxası oyunlar gedir, “Sumqayıt”ı ardıcıl zərbələr gözləyir. Lakin bunlar, sadəcə, şaiyələrdi. Çünki Tərlan Əhmədovun yetirmələri bu gün mövsümdə bəlkə də ən yaxşı oyununu göstərərək qələbə qazandı. Hətta oyun 0:0 ikən “Keşlə”nin qapısına yüzfaizli penalti təyin edilmədi. Slavik Alxasovun açıq əllə zərbənin qarşısını aldığı AFFA-nın yerləşdiyi Nobel prospektindən görünürdü, laysman isə “görmədi”.
 
Hər iki komandanın müdafiə xəttinin bərbadlığı matçda 5 qolun vurulması ilə nəticələndi. İlk səhvi “Keşlə” buraxdı, hesab açıldı. Ardınca “Neftçi”nin mərkəz müdafiəçiləri yuxuya getdi və tabloda 1-lər qoşalaşdı.
 
Oyunun ən yaxşısı olan İqnasio Errera verilməyən penaltidən başqa, hesab açılarkən məhsuldar ötürmə müəllifi olmuşdu. İkinci hissənin əvvəlində o, Slaviki növbəti dəfə barmağına dolayıb toru silkələdi. Gəl ki, bu dəfə də meydan sahiblərinin sevinci uzun çəkmədi – Pərdiz-Fərcad Azad yenə hesabı bərabərləşdirdi.
 
İstənilən halda, “Neftçi” layiq olduğu qələbəni qazandı. 90-cı dəqiqədə Ruslan Abışov hücuma qoşulub, dəqiq zərbə endirdi – 3:2. Ardıcıl 2 qələbə həm yeni rəhbərliyi, həm də postu laxlayan Əhmədovu sakitləşdirməlidi.
 
Qaliblər mühakimə olunmur, “Keşlə” isə günahı özündə axtarsın. Təkcə qəfil stadion dəyişikliyində yox, həm də klubdaxili ab-havada. İki gündən bir istefa verən Yuri Maksimovla uzağa getmək olmayacaq.
 
FƏRİD

 
tarix: 09-03-2018 23:21


 
Xəbər lenti
16.12.2018

02:12   “Real” evdə, “Atletiko” səfərdə qələbə qazandı

01:40   “İnter”lə “Yuventus” 3 xalı tək qolla qazandı

00:55   “Reyms” “Strasburq”a qalib gəldi

00:31   “Mançester Siti” də evdə sevindi, “Tottenhem” də

00:02   “Bavariya”dan darmadağın, “Borussiya”dan qələbə

15.12.2018

23:26  “Qalatasaray” liderlə heç-heçəyə razılaşdı

22:21  “Sumqayıt” “Neftçi”ni belə şoka saldı - VİDEO

21:50  “Zirə”yə ilk oyunda 1 qol bəs etdi - VİDEO

21:40  “Arxayınlaşsaq, cəzalana bilərik”

21:36  Roberto Bordin: “Bizim üçün mərhələ adlamaq çətin olacaq”

20:58  “Neftçi” “Sumqayıt”a uduzdu, “Zirə” “Səbail”ə qalib gəldi

19:58  Samir Abasov: “Qalib gəlsək də, vəziyyətimiz ürəkaçan deyil”

19:43  Aftandil Hacıyev: “Onun bu qədər vərəqə alması təsadüf ola bilməz”

16:27  Finalda uduzdular, baş məşqçi ilə vidalaşdılar

15:35  Millimiz yoxlama matçında uduzdu

15:00  AFFA Ceyhun Sultanovla bağlı qərarını dəyişdirdi

14:27  Ziya Əzizov oynamadı, komandası məğlub oldu

13:35  UEFA-dan “Milan”a sərt cəza

13:04  “Arsenal”dan “Qarabağ”la oyundakı insidentlə bağlı açıqlama

12:32  “Fənərbaxça”ya görə AFFA-nın təklifindən imtina etdi

12:00  Turin derbisi, "Liverpul"un lider kimi ilk sınağı və daha nələr həftəsonu "Topaz"da

11:30  UEFA erməniləri cərimə etdi

11:00  Afrikada ilin ən yaxşı futbolçusu açıqlandı

10:30  UEFA “Arsenal” - “Qarabağ” oyunu ilə bağlı iş açdı

10:00  “eTopaz”da günün canlı oyunları

09:30  “Traktorsazi” Təbrizdə uduzdu

02:15  “Selta” “Leqanes”lə “sülh bağladı”

01:47  “Volfsburq”dan “Nürnberq” üzərində inamlı qələbə

00:37  “Bursaspor”la "Göztəpə"dən heç-heçə

00:04  Avroliqada son turun ən yaxşı oyunçusu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az