(+994) 050 626 86 70
(+994) 055 673 68 09
(+994) 070 534 65 52

qaynar xətt

“Zirə”də olan rəhbər vəzifələr nəyə lazımdır?!

“Zirə”də olan rəhbər vəzifələr nəyə lazımdır?!

"Zirə" son mövsümlərin ən stabil komandalarından biridi. İddialı klubların dağılması, zəifləməsindən maksimum yararlanan yeni yaradılmış "Zirə" qış fasiləsindən sonra geriləməkdə davam edir.
 
Düzdü, 3-cü yeri hələ ki, qoruyurlar, ancaq xal fərqi kritik həddə çatıb. Belə davam etsələr, nəinki 3-cülük əldən çıxacaq, 4-dən aşağı enə bilərlər...
 
"Zirə" klub rəhbərliyi olaraq heç vaxt önə çıxmayıb. Baş məşqçi(lər), futbolçular istər meydanda, istərsə meydandan kənarda gündəmdə olub, komanda ilə yanaşı, klubun da yükünü daşıyıblar...
 
Bir-iki mövsüm "Zirə"nin ciddi rəqib kimi qəbul olunmaması işlərinə yarayırdı. "Kölgə"də qalaraq komandanı formalaşdırıb Avropaya da daşıya bildilər. Hətta yeni klub olduqları üçün ilk mövsüm qazandıqları uğuru başqalarına hədiyyə də etdilər. Artıq "Zirə"nin "gizlənmək" şansı yoxdur. Rəqibləri onları ciddi qəbul edir, hesablaşırlar...
 
Nə baş verdisə, Qəbələ səfərindən sonra baş verdi. "Zirə" klub olaraq tək meydanda deyil, kənarda da ciddi psixoloji zərbə aldı. Hiss olunur ki, bu "zədə"dən hələ sağalmayıblar.
 
Baş məşqçi komandanı arxasınca apara bilər, aparmalıdır. Klubun tam yükünü öz üzərinə davamlı götürə bilməz. Buna zaman, güc yetməz. Müəyyən müddətdən sonra fəsadları görünəcək. Necə ki, artıq büruzə verməyə başlayıb...
 
Sanki "Zirə"nin prezidenti, vitse-prezidenti, icraçı, idman direktorları yoxdur. İctimaiyyətdə klubu təmsil edən, məsuliyyəti üzərlərinə götürən baş məşqçi və mətbuat xidmətidir. Baş məşqçinin əsas fikiri, düşüncəsi futbolçulara, onların hazırlığına, oyunların təhlilinə, nəticə qazanmağa yönəlməlidir.
 
Komanda ilə birlikdə isə klubu qorumaq birbaşa rəhbərliyin üzərinə düşür, məsuliyyət daşıyırlar. Beyin yükləndiyi anda baş məşqçi təzyiq altında olur, bütün bacarığını komandaya ayıra bilmir. Əgər klubun tam yükünü baş məşqçi daşıyacaqsa, onda klubda olan rəhbər vəzifələr nəyə lazımdır?!
 
Bu, tək "Zirə"yə aid deyil, istənilən peşəkar klubda belə olmalıdır. Söhbət günlərlə mətbuatın diqqətində, gündəmdə olmaqdan getmir. Lazımı anda klubu, komandanı qorumaq, məşqçi və futbolçulara dəstəkdən gedir. Əks halda, baş məşqçi və futbolçular özlərini kimsəsiz hiss edir və sonda meydandakı nəticələrdə özünü göstərir...
 
Müasir futbolun 4-5 ən mühüm faktorlarından biri də psixologiyadır. Psixoloji rahatlığı olmayan klub/komanda istədiyi uğuru qazana bilməz. "Zirə" tez bir zamanda dönüş yaratmağı bacarmalıdır...
 
Futbolda heç kim uğursuz nəticələrdən sığortalanmayıb. Əsas amillərdən biri çətin durumda vəziyyətdən çıxmaq bacarığının olmasıdır. Ayxan Abbasov və futbolçular son turları ciddi təhlil edib dönüş yaratmalıdırlar. Onlarda bu potensial var və bunu dəfələrlə göstəriblər. Təbii, klub rəhbərliyinin onları qoruması, dəstək verməsi, "Zirə"nin komanda yox, klub olmasını ötən mövsümlər olduğu kimi sübut etməkləri şərtilə...
 
TAHİR SÜLEYMANOV

 
tarix: 12-03-2018 08:47


 
Xəbər lenti
19.08.2018

02:10   “Barselona” qələbə ilə başladı

01:45   “Monako” büdrədi, PSJ qalib gəldi

01:30   “Neftçi”nin zədəlilərindən biri sıraya döndü

01:14   London derbisində “Çelsi” sevindi

01:00   İtaliya çempionatı da başladı

00:43   “Fənərbaxça” uduzdu

00:25   Dadaşov Portuqaliyada qol hesabını açdı, qovuldu

18.08.2018

23:55  Ayxan Abbasov: “Bir səhvi böyütmək olmaz”

23:46  Mladen Milinkoviç: “Bəzi məcburi dəyişikliklər etməli oldum”

23:30  Paytaxt derbisində 4 qol - VİDEO

23:15  Arif Əsədov: “Ən gözəl hədiyyə elə budu”

22:25  “Qarabağ” qələbə, “Zirə” heç-heçə ilə başladı

21:30  “Səbail” “Qarabağ”a da uduzdu - VİDEO

21:15  “Səbail”in baş məşqçisi: “Təqvim bizim üçün uğursuzdu”

21:04  Qurban Qurbanov: “Rəşad Sadıqovun nə gücü tükənib, nə də zəifləyib”

19:36  Futbolçularımızın klubu 3 xalı 3 qolla qazandı

18:55  Rüfət Dadaşov üçün 17 dəqiqə və 3 xal

18:01  “Zirə”nin Premyer Liqada 4-cü startı

17:34  Mbia yenidən Fransa klubunda

17:01  Fransada klub dəyişdi

16:35  “Torino”dan son gündə 3 rəsmi transfer - FOTO

16:03  Kamerun yığmasının üzvü La Liqa klubunda

15:34  Bundesliqa klubu milli üzvü ilə gücləndi

15:05  “Şerif” - “Qarabağ” oyunu avstriyalı hakimlərə həvalə olundu

14:31  “Napoli”nin futbolçusu “Sampdoriya”da

14:00  Rəhbərliyi tənqid edən baş məşqçiyə şok cəza

13:30  “Liverpul”un futbolçusu A Seriyası klubunda

13:11  David Ospina rəsmən “Napoli”də

13:00  Topaz Premyer Liqasında yay bazarlığı - YENİLƏNİR

12:43  Litva yığmasının üzvü “Keşlə”də - RƏSMİ

12:25  Donald Gerrye: “Yaxşı start “Qarabağ” üçün çox vacibdi”

12:04  Bordin: “Neftçi”ni layiq olduğu yerə qaytarmalıyıq” - VİDEO

11:23  Millimizin üzvü ilk oyunda şans qazanmadı

11:00  “eTopaz”da günün canlı oyunları

10:47  “Keşlə” yenə qarışıb

10:32  “Traktorsazi”dən ilk qələbə

10:21  İtaliya klubu Salih Uçanı təqdim etdi - FOTO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az