(+994) 050 678 37 80
(+994) 070 534 65 52

qaynar xətt

Tahir Süleymanov
“Meydanda bir-biri ilə yola getmirlər, birinin sözü digərinin boğazından keçmir”

“Meydanda bir-biri ilə yola getmirlər, birinin sözü digərinin boğazından keçmir”

Yüksək Liqanın hesabat turunda turnir cədvəlinin qonşu pillələrində yer alan “İtaldizain Futsal” – “Neftçi” oyunu gərginliyi ilə bərabər, başqa məqamlarla da yadda qaldı. Futbolinfo.az xəbər verir ki, oyundan sonra cari mövsümdə “Neftçi”yə ilk dəfə məğlub olan “İtaldizain Futsal”ın təcrübəli kapitanı Ramil Həsənzadə Futzal Federasiyasının mətbuat xidmətinə müsahibə verib. Qapıçının müsahibəsini təqdim edirik:

- Oyunun gedişi “İtaldizain Futsal”ın qələbə qazanacağını göstərirdi. Ancaq yekunda rəqibin qələbəsi qeydə alındı…
- Hadisələrin axarından özümüz də qələbə qazanacağımıza əmin idik. Birinci hissədə yaxşı oynadıq. Qol epizodlarımız çox oldu. Uşaqlar istifadə edə bilmədilər, digər tərəfdən “Neftçi”nin qapıçısı Elnur Zamanov inamlı oyunu ilə komandasını qollardan xilas etdi. İkinci hissədə fərqli oyun alındı. “Neftçi” oyununu gücləndirdi, biz isə əksinə, sanki dayandıq, rahatlaşdıq.

- Rahatlaşmağa əsas var idi?
- Əsas yox idi. Hesabı açdıqdan sonra dayandıq. Nihadın, Rəcəbin, Elvinin oyunu alınmadı. Bu qarşılaşmada Ağatahir, Elşən, Faiq daha yaxşı oynadı. Bir də futbolda hər dəfə dominantlıq edən tərəf qalib gəlmir. Topa nəzarət bizdə, qol epizodları baxımından fəallıq bizdə, amma qolları buraxan da biz olduq.

- Sanki komandada motivasiya, istək də yox idi.
- Bu haqda paltardəyişmə otağında da danışdıq. Sanki uşaqların gözü “yanmırdı”, qələbə “qığılcımı” yox idi. Halbuki, komandada istər maliyyə, istərsə də digər tərəfdən problem yoxdu. Maaşlarımızı vaxtında alırıq, məşqlərimizi edirik. Niyə belə alındı, bilmirəm. Bunun səbəbini tapmalı, üzərində işləməliyik.

- Komandanızda yaşlı futzalçılar az deyil. Bəlkə onlar oynamaqdan yorulublar?
- Həftədə 1-2 oyun keçirməklə yorğunluq olmaz. Ümumi yorulmaqdan, doymaqdan danışırsınızsa, buna da inanmıram. Bir məqam məni narahat edir ki, meydanda uşaqlar bir-biri ilə yola getmirlər. Birinin sözü digərinin boğazından keçmir. Kimsə kiminsə səhvini deyəndə, qəbul etmək istəmir, qıcıqlanır.

- Bu, nizam-intizamla bağlı ola bilərmi?
- Bizdə klubun daxili nizam-intizam kodeksi var. Ona əməl etməyən oyunçu kimliyindən asılı olmayaraq, maddi cəhətdən cəzalandırılır. Burada yersiz sarı vərəqə almaqdan tutmuş, ciddi səhvlərə qədər hamısı öz əksini tapıb.

- Yeri gəlmişkən, oyunun gedişi zamanı feyr-pley qaydasını pozdunuz. Bunu edərkən, komanda yoldaşınız topu rəqibin zədəli futzalçı olduğuna görə çıxardığını unutmuşdu?
- Oyunu başlayan zaman “Neftçi”nin kapitanı Rüfət Balakişiyev Faiq Əliyevə dedi ki, top sizdədi, başlayın. Bu komanda yoldaşımı yanıltdı. Faiq də Elşənə ötürmə etdi, o da toxunmaqla qol vurdu. Ancaq biz bu səhvi dərhal aradan qaldırdıq. Təbii ki, hər birimiz feyr-pley qaydalarına əməl etməliyik. Şərait yaratdıq, rəqib topu meydanın mərkəzindən oyuna daxil edib, qapımıza qol vurdu. “Neftçi” meydanda rəqibimiz olsa da, orda çoxsaylı dostlarımız çıxış edir. Dostluq, hörmət heç vaxt itmir.

- Qış fasiləsində heyəti gücləndirəcəyiniz gözlənilsə də, ciddi addım atılmadı. Səbəbini izah edə bilərsən?
- Asif Zeynalovu heyətə cəlb etdik. O, cəzalı olduğuna görə, oyunu buraxdı. Planımızda yeni oyunçular da dəvət etmək var idi. Hətta legionerləri də komandamızda görməyi düşünürdük. Sadəcə, fikirləşdik ki, bu transferləri yayda edək, komandanı növbəti mövsüm üçün gücləndirək.

- Deməli, yeni mövsümdə fərqli “İtaldizain Futsal” görəcəyik?
- Fikrimiz belədi. Tam fərqli “İtaldizain Futsal” görəcəksiniz.

- İddianız dəyişəcəkmi?
- Artıq tələblər də dəyişəcək. Rəhbərliyin futzalçılardan tələbi fərqli olacaq. İddiamız böyüyəcək.

- Transfer üçün göz altıladığınız futzalçılar varmı?
- Xidmətində maraqlı olduğumuz oyunçular var. Bəziləri ilə aramızda danışıq olub. Ancaq indidən ad çəkmək istəmirəm. Transferlər reallaşdırqdan sonra açıqlayacağıq.


 
tarix: 16-04-2018 13:26


 
Xəbər lenti
12.12.2018

16:24   Premyer Liqada ilin son turunun rəmzi komandası

16:00   Con Delarj: “Qarabağ”da qalmaq haqqında düşünmürəm”

15:17   “Sumqayıt”ın bu mövsüm vurduğu qollar - VİDEO

14:51   “Sumqayıt”ın 5 əvəzedilməzi

14:34   AFFA daha 4 komandaya texniki məğlubiyyət verdi

14:18   “Oyunlarımızın çoxunu uşaq səhvlərindən uduzmuşuq”

13:50   Birinci Divizionda ilin son cəzaları açıqlandı

13:38   AFFA “Qəbələ”ni 1800 manat cərimə etdi

13:15   “Qarabağ” bu gün “Arsenal”la oyuna hazırlığı tamamlayacaq

12:54   Buskets də 100-ə çatdı

12:26   “Barselona” rekorda şərik oldu

12:00   ÇL-də qrup mərhələsinə yekun vurulur - YENİLƏNİR

11:47   “Qaradağ Lökbatan”ın qapıçısı milliyə çağırıldı

11:22   Çempionlar Liqasının son oyunları “Topaz”da

11:00   “Monako” “Borussiya”ya da uduzdu - VİDEO

10:45   “İnter” pley-off şansını belə əldən verdi - VİDEO

10:30   Milli komanda Məşqçilər Komitəsinə tapşırılsın!

10:15   “Barselona” “Tottenhem”lə “sülh bağladı” - VİDEO

10:00   “eTopaz”da günün canlı oyunları

09:40   “Liverpul” “Napoli”ni tək qolla üstələdi - VİDEO

09:20   “Qalatasaray” “Portu”ya uduzsa da… - VİDEO

09:00   Elxan Məmmədov AFFA rəhbərliyinə qarşı

02:03   “Liverpul”la “Tottenhem” 1/8 finalda, “Qalatasaray” Avroliqada

11.12.2018

22:52  “Qəbələ” “Sabah”la ev oyununa Bakıda hazırlaşır

22:34  “Qəbələ”dən 5 cavabsız qol

21:08  “Qarabağ” Londona yola düşdü - VİDEO

18:52  Danışılmış oyunlara qarşı forum

17:52  AFFA “Səbail”lə bağlı qərarını qüvvədə saxladı

17:31  “Neftçi” kubok oyununa da Abışovsuz hazırlaşır

17:05  “Mançester Siti”də yeni müqavilə

16:48  37 yaşlı forvard Messiyə çatdı

16:23  U-21-in oyunlarının təqvimi də açıqlandı

15:53  Qurbanovun istefasıyla bağlı yeni sensasiyalar - Müqaviləsi 6 illik deyilmiş, təzminat məbləği...

15:01  Millimizin oyunlarının təqvimi açıqlandı

14:42  “Onlarla yaxın günlərdə müqavilə imzalayacağıq”

14:23  Azərbaycan Kuboku: 1/4 finalın hakimləri bəlli oldu

14:15  “Azərbaycan çempionatı daha populyardı”

13:42  “Aktobe” açıqladı: Reynaldo “Qarabağ”a qayıdır

13:23  Mövsümün 5-ci avtoqolu

13:00  Millimiz Fransa, İsveçrə və Slovakiya ilə bir qrupa düşdü

12:44  “Topaz”: Liverpulda həlledici “döyüş”

12:25  Azərbaycan kuboku: Oyunların başlama saatı açıqlandı

12:06  “Neftçi”nin seriyası qırıldı 

11:43  “Qarabağ”ın rekordu

11:22  Xorvatiya - Azərbaycan matçının məkanı bəlli oldu

11:05  Azərbaycan millisinə 22 futbolçu dəvət olundu

10:30  Ramil Şeydayev BƏƏ və Türkiyədə hazırlıq keçəcək

10:00  “eTopaz”da günün canlı oyunları

09:45  Ozan Canın komandası səfərdə 1 xal qazandı

09:17  De Byazi “Futbolinfo”ya danışdı: “Təklif almışam, sadəcə, gözləməliyəm”

09:12  İlin rəmzi komandası üçün 50 namizəd - UEFA açıqladı

09:01  La Liqa klubunda yeni baş məşqçi

08:45  Reynaldo təkzib etmədi: “Bir şey olacaq”

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az