(+994) 050 678 37 80
(+994) 070 534 65 52

qaynar xətt

Tahir Süleymanov
Çempionun hüzurunda

Çempionun hüzurunda

Hər iki final Qəbələdə olmalıydı. Lakin Peşəkar Futbol Liqası eyniadlı klubun rəhbərliyinin saqqızını oğurlayıb, həm özlərinin, həm də komandaların rahatlığını təmin etmək üçün çempionatın son matçını Bakıda təşkil etdi. Paytaxtda məskunlaşan “Qarabağ”, oyundan-oyuna doğma rayona gedən “Qəbələ” və əsl yerli “Neftçi” paytaxtda bir araya gəldi.
 
Topaz Premyer Liqasının son matçı olan “Qəbələ” – “Qarabağ” görüşünün “Azərsun Arena”da təşkilinə hamı razılıq vermişdi. Çempionluğu xeyli əvvəldən bəlli olan “Qarabağ” da, gümüş medalçı olduğu erkən aydınlaşan “Qəbələ” də. Qalırdı bürünc medalçının kimliyi, o da bir gün öncə Gəncədə müəyyənləşmişdi. Və hamı medal almaq üçün Suraxanıya – çempionun hüzuruna gəlmişdi.
 
Oyunla bağlı nəsə yazmaq mənasızdı. İstirahətə yollanmaq üçün gün sayan futbolçular açıq-aşkar vaxt öldürür, zədəylə üzləşməmək üçün mübarizələrdən qaçır, 90 dəqiqənin problemsiz bitməsini gözləyirdi. Bəlkə də Elvin Camalovun o səhvi olmasaydı, heç hesab da açılmayacaqdı. Lakin dayaq yarımmüdafiəçisi öncə təhlükəli bölgədə topu itirdi, sonra isə səhvini düzəltmək üçün Dani Kintananı qovub... penaltiyə səbəb oldu. İspan ağ nöqtədən dəqiq zərbə vurdu. Elvinin səhvləri sıralaması isə erkən əvəzlənməsi ilə nəticələndi.
 
Qalan vaxtda topa sahiblik edən “Qarabağ” matçın ritmini tutdu, rəqibi meydan boyu qaçırıb, vaxt öldürdü. Əslində, qonaq olan meydan sahiblərinin bir hissə azlıqda oynaması da burada vacib rol oynadı. Kubokun finalını düşünən Roman Qriqorçuk bəzi futbolçuları qorumağı, az oynatmağı lazım bilsə də, hesabı bərabərləşdirmək şansı var idi. Amma İbrahim Şehiçin səhvindən sonra Stiven Monroz boş qapını nişan ala bilmədi. Kone də dirəyi nişan aldı.
 
“Qəbələ”nin azlıqda qalmasının səbəbkarı olan Cavid Hüseynova deyəsən, başına gələnlər dərs olmayıb. Tez-tez olay çıxaran yarımmüdafiəçi bu dəfə Kintananı vurmaqla diqqət mərkəzinə düşdü və qırmızı vərəqə aldı. Futbolçular arasında adi mübahisəni o yumruq zərbəsi ilə yoluna qoyunca bu aqibət qaçılmaz idi. Hüseynovun bu hərəkətinə hirslənən Rəşad Sadıqovun onu sinəsindən itələməsinin cəzası da sarı vərəqə olmalıydı, amma...
 
Rəşadla Cavidin kəllə-kəlləyə gəlməsi xoş mənzərə deyildi – kapitanlar nümunə olmalıydı. Yaxşı ki, sonradan bütün bunlar unuduldu, mükafatlandıra mərasimində onlar həmin epizodla bağlı zarafatlaşıb barışdılar, qucaqlaşdılar. Yəni, bu hadisə kinə çevrilmədi.
 
PFL maraqlı tədbir təşkil etmişdi. Mükafatlandırma, atəşfəşanlıq, hamının bir araya gəlməsi. Lakin bütün bunlar yarıboş tribunlar önündə reallaşdı. Hətta 3 komandanın bir araya gəlməsi də azarkeşlərdə maraq oyatmamışdı.
 
Bəlkə də bu kimi tədbirləri arxivə atmaq zamanıdı. Planlaşdırmayla bayram olmur. Spartakiadalar zamanı olduğu kimi, fərqli eşelonlara düzülən komandaların bir-bir səhnəyə çıxması sovet dönəmini xatırladırdı. Halbuki indi gümüş, bürünc medalçılar dünya futbolunda önəmsiz şeylərdi. Çempion kubokuna qovuşmalıdı, vəssalam. Güləş yarışlarında olduğu kimi, hamını tribunaya qaldırmaq mənasız vaxt itkisidi. Bu oyuna dəxli olmayan “Neftçi”ni arenaya gətirib, rəqib azarkeşlər tərəfindən söydürmək də xoş deyildi.
 
7 aylıq fasilədən sonra sıraya qayıdan Bədavi Hüseynov 4-5 dəqiqəlik meydana girərkən alqışlandı. Ağır zədədən sonra buna layiq olan müdafiəçini komanda yoldaşları da isti qarşıladı. Ən gözəl jest isə Riçard Almeydaya edildi. “Qarabağ”dan ayrılacağı dəqiqləşən braziliyalı oynamasa da, kapitan Rəşad Sadıqov çempionluq kubokunu qaldırmağı ona həvalə etdi və bu, braziliyalını kövrəltdi.
 
Bütün bunları “Qəbələ” rəhbərliyi görmədi. Klub prezidenti Abdulbari Gözəlin də çempionluq kubokunu qaldırdağı tədbirdə “Neftçi” tam heyətlə idi. Hətta fəsildən fəsilə görünən Müaşhidə Çurasının sədri Çingiz Abdullayev medal asmaq üçün boynunu baş katib Elxan Məmmədov və PFL prezidenti Ramin Musayevin qarşısında əydi. “Qəbələ”nin ən üst səviyyəli rəhbərliyinin medallarını isə klub inzibatçıları aparmalı oldu – onlar bu tədbiri lazımsız bilib, gəlməmişdilər.
 
Matçdan sonra mətbuat konfransı təşkil olunmadı. PFL-in özünün buna ehtiyac duymadığını, yoxsa əsasnamənin pozulmasına görə komandaları cəzalandıracağını zamanı gəlincə biləcəyik. Hər halda, nə əvvəlcədən bu barədə məlumat verilmişdi, nə də tədbirdən sonra bir söz deyən oldu.
 
Çempionat bitdi, son final isə Qəbələdə olacaq. Kubok uğrunda “Keşlə”ylə oyun bu dəfə həqiqi meydan sahibi olacaq Qriqorçukun yetirmələri üçün həyati əhəmiyyətlidi. İlk titul bu qədər yaxın ikən...
 
AĞA

 
tarix: 22-05-2018 09:00


 
Xəbər lenti
24.01.2019

10:00   Sabiq “Fənərbaxça”lı Braziliya klubunda

09:30   İquayn rəsmən “Çelsi”də

09:00   “Qəbələ” mükafatçılar sırasına düşmək gücündədir”

08:30   “Qəbələ” Rusiya klubuna qarşı - YENİLƏNİR

02:23   “Barselona” “Sevilya”ya ilk oyunda məğlub oldu

02:02   Təxirə salınan oyunda “Nim” sevindi

01:50   “Mançester Siti” finalda

01:01   “Keşlə” qazaxlara belə uduzdu - VİDEO

00:50   “Trabzonspor” və “Göztəpə” 1/4 finalda

23.01.2019

23:26  AFFA-nın milliləşdirdiyi oyunçu haqda: “Azərbaycanla əlaqəsi yoxdu”

23:01  "Qəbələ" günü bir məşqlə başa vurdu

22:50  “Qəbələ” – “Fakel” oyununun vaxtı açıqlandı

22:20  Bordin: "Çatışmazlıqlar üzərində işləyəcəyik"

22:03  "Slovan"ın baş məşqçisi: "Yüksək səviyyəli rəqibə qarşı oynadıq"

21:46  Mamadu Kane: “Məğlubiyyətə layiq deyildik”

21:38  "Oyunların hamısına ciddi yanaşırıq"

21:02  Qurban Qurbanov: “Almeydaya bir az vaxt lazım ola bilər”

19:51  “Qarabağ” heç-heçə oynadı - YENİLƏNİB

18:59  “Keşlə” yenə uduzdu - YENİLƏNİB

18:19  “Neftçi” “Slovan”a uduzdu - YENİLƏNİB

18:00  AFFA-nın Lisenziyalaşdırma qrupu ilə bağlı yoxlamanın nəticələri açıqlandı

17:50  “Sabah”ın da saytı var

17:00  “Atletiko” futbolçusunu geri qaytardı

16:25  Sabiq “Real”lı aşağı liqa klubunda

15:56  “Neftçi” transferini rəsmən açıqladı

15:12  “Sabah” vətənə qayıtdı

14:55  İtkin düşən futbolçunun son mesajı yayıldı

14:33  “Zirə” yenə tək qolla qalib gəldi - VİDEO

14:11  “Sevilya” yeni transferini itirdi

13:45  Bundesliqa klubunda yeni müqavilə

12:56  Tərlan Əhmədov: “Bu mövqeyə daha yaxşı futbolçu seçmək istəyirik”

12:20  Millimizin ruslarla heç-heçəsi - VİDEO

11:55  “Sumqayıt”dan “Vardar” üzərində inamlı qələbə - VİDEO

10:30  Demba Ba yenidən Super Liqa klubunda

09:30  Ronaldo Messiyə çatdı

02:58  “Valensiya” “Xetafe”yə ilk oyunda məğlub oldu

02:11  “Neftçi” yeni transferini rəsmən açıqladı - VİDEO

01:04  Elşad Əhmədov: “Hücum xəttində irəliləyiş olması müsbət məqamdı”

00:31  “Qalatasaray”dan qələbə, “Akhisarspor” 1/4 finalda

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az