(+994) 050 678 37 80
(+994) 070 534 65 52

qaynar xətt

Tahir Süleymanov
Eltun Yaqublunun idarə etdiyi “Səbail”

Eltun Yaqublunun idarə etdiyi “Səbail”

Topaz Premyer Liqası klublarında 2 baş məşqçi istefası reallaşıb. Mövsüm bitən kimi Samir Abasov “Sumqayıt”dan, Samir Əliyev “Səbail”dən ayrılıb. “S”ların vida səbəbləri müxtəlif olsa da, ortaq cəhətlər də var.
 
Hədəf, məqsəd, büdcə, bacarıq – çox səbəb göstərə bilərik. Lakin bunlardan başqa, həm də sözügedən klublarda uşaqların iş başında olması belə mənzərəyə rəvac verir. Riad Rəfiyev Premyer Liqa klubunun ağırlığını daşıya biləcək gücdə olmadığını 2 aya göstərdi, uğurla irəliləyən klubu tar-mar etdi. “Sumqayıt”da xaos yarandı və Abasov başını götürüb qaçdı.
 
“Səbail”də də eyni vəziyyətdi. Himayədarının oğlunun bekar qalmaması üçün yaratdığı klub ərköyün cavanlara tapşırıldı, onlar isə klubla “bahalı oyuncaq” kimi davranırlar. Ramin Həsənov kimi naşı icraçı direktor öz yerində, klubun əsas idarəçiləri də nə etdiyini bilməyənlər, gündə bir fikrə düşənlərdi.
 
Rəhbərlik yatıb yuxuda nə görübsə, “Səbail”in Avropa Liqasına layiq olduğunu düşünürlər. Düzdü, yaxşı hədəfdi, amma ilk vaxtlar bu klubun elitaya gəlməsində məqsədin gənclərdən ibarət kollektiv formalaşdırmaq, milli komandalara layiqli namizədlər yetişdirmək olduğu deyilirdi. Plana görə, 3 il ərzində komanda formalaşmalı, ardınca yüksək hədəflər müəyyənləşməliydi.
 
Görünür, Premyer Liqa klublarının tən yarısının qitə yarışlarına gedə bilmək perspektivi klub rəhbərliyini həvəsləndirib, onları ağıllı plandan ildırımsürətli inkişaf taktikasına keçməyə sövq edib. Elə bu səbəbdən 3 illik müqavilə bağladıqları Samir Əliyevi yalançı vədlə bunu bacaracağını deyən başqa bir mütəxəssislə əvəzləmək istəyirlər. Halbuki oyunçu kimi Azərbaycan futboluna imzasını qoyan Samirin dürüstlüyünə inanmaq daha faydalı idi. Əliyev də yağlı vəd verə, büdcəni, eyni zamanda öz maaşını yüksəltdirə bilərdi.
 
Uğurun açarı sabitlikdədi. “Qarabağ”, “Qəbələ” nümunəsi göz önündə ikən rəhbərliyin perspektivli məşqçiylə vidalaşması yanlışdı. Həm də çalışqan,daim üzərində işləyən, saxta görünməyən, sözü üzə deyən, sevimli futbolçuları olmayan, zəhmətsevər Əliyevlə uzun yola çıxmaq olardı. Çempionata öz fərqli stili ilə rəng qatan “Səbail”i bu şəkildə dəyişmək yolverilməzdi və komanda bunun acısını mütləq çəkəcək.
 
Ən pisi odur ki, Samir işinə görə vəzifəsindən uzaqlaşdırılmadı. O, doğrunu etdiyi, düzünü danışdığı üçün işindən oldu. Məşqçi hər nə qədər gizlətsə də, onu bir qrup futbolçunun ərköyünlüyü “qurban”a çevirdi. Bacarıqsızları ifşa edən, danlayan, cəzalandıran məşqçi bəzilərinə sərf etmirdi və onlar qruplaşma yaradıb, öz varlıqlarını sübut etdilər.
 
Eltun Yaqublu nəinki “Səbail”də kapitan sarğısına layiq deyil, hətta əksər divizion klublarında da heyətə düşə bilməz. Məhdud bacarığı onun daim kölgədə qalmasını şərtləndirib. Lakin o, daha təcrübəli, daha səviyyəli oyunçuların arasında süni liderə çevrilib, sarğını qoluna keçirib. Çünki daydaylıdı, sinif yoldaşı, dostu, çay evlərində cüt əyləndiyi klubun əsas idarəçisi Tamerlan Abdullayevə güvənir. Klubda münasibətlər bu səviyyədə tənzimlənirsə, hansısa uğurdan, işdən danışmaq olmur.
 
Eltunun da öz “kruq”u var və onlar komandada hər hoqqadan çıxır. Onları bağışlamayan, səhvlərinə görə güzəşt etməyən Əliyevlə bağlı mütəmadi olaraq klub rəhbərliyinin qulağı doldurulursa, 3 illik müqaviləyə xitam verilməsi gözləniləndi.
 
İndi yeni baş məşqçi “Səbail”lə müqaviləyə imza atarkən bu amili nəzərə almalıdı. Ya Yaqublu klubdan qovulmalı, ya da yeni gələn onun qılıncının altından keçməlidi. Əks halda, heç kim “Səbail”də uzun müddət işləyə, nəticə verə bilməz. Klub rəhbərliyi uşaqlıq xatirələrini unutmayıb, klubu bu formada idarə etməyə davam edincə qruplaşmanın var olduğu “Səbail”in uğur qazanması mümkünsüzdü.
 
Bu layihəyə milyonlar xərcləyən sponsorlar da ayıq olmalıdı. Hərdəmxəyal cavanlara “bahalı oyuncaq” verərkən ehtiyatlı olun...
 
CAVAD

 
tarix: 23-05-2018 13:44


 
Xəbər lenti
24.01.2019

10:00   Sabiq “Fənərbaxça”lı Braziliya klubunda

09:30   İquayn rəsmən “Çelsi”də

09:00   “Qəbələ” mükafatçılar sırasına düşmək gücündədir”

08:30   “Qəbələ” Rusiya klubuna qarşı - YENİLƏNİR

02:23   “Barselona” “Sevilya”ya ilk oyunda məğlub oldu

02:02   Təxirə salınan oyunda “Nim” sevindi

01:50   “Mançester Siti” finalda

01:01   “Keşlə” qazaxlara belə uduzdu - VİDEO

00:50   “Trabzonspor” və “Göztəpə” 1/4 finalda

23.01.2019

23:26  AFFA-nın milliləşdirdiyi oyunçu haqda: “Azərbaycanla əlaqəsi yoxdu”

23:01  "Qəbələ" günü bir məşqlə başa vurdu

22:50  “Qəbələ” – “Fakel” oyununun vaxtı açıqlandı

22:20  Bordin: "Çatışmazlıqlar üzərində işləyəcəyik"

22:03  "Slovan"ın baş məşqçisi: "Yüksək səviyyəli rəqibə qarşı oynadıq"

21:46  Mamadu Kane: “Məğlubiyyətə layiq deyildik”

21:38  "Oyunların hamısına ciddi yanaşırıq"

21:02  Qurban Qurbanov: “Almeydaya bir az vaxt lazım ola bilər”

19:51  “Qarabağ” heç-heçə oynadı - YENİLƏNİB

18:59  “Keşlə” yenə uduzdu - YENİLƏNİB

18:19  “Neftçi” “Slovan”a uduzdu - YENİLƏNİB

18:00  AFFA-nın Lisenziyalaşdırma qrupu ilə bağlı yoxlamanın nəticələri açıqlandı

17:50  “Sabah”ın da saytı var

17:00  “Atletiko” futbolçusunu geri qaytardı

16:25  Sabiq “Real”lı aşağı liqa klubunda

15:56  “Neftçi” transferini rəsmən açıqladı

15:12  “Sabah” vətənə qayıtdı

14:55  İtkin düşən futbolçunun son mesajı yayıldı

14:33  “Zirə” yenə tək qolla qalib gəldi - VİDEO

14:11  “Sevilya” yeni transferini itirdi

13:45  Bundesliqa klubunda yeni müqavilə

12:56  Tərlan Əhmədov: “Bu mövqeyə daha yaxşı futbolçu seçmək istəyirik”

12:20  Millimizin ruslarla heç-heçəsi - VİDEO

11:55  “Sumqayıt”dan “Vardar” üzərində inamlı qələbə - VİDEO

10:30  Demba Ba yenidən Super Liqa klubunda

09:30  Ronaldo Messiyə çatdı

02:58  “Valensiya” “Xetafe”yə ilk oyunda məğlub oldu

02:11  “Neftçi” yeni transferini rəsmən açıqladı - VİDEO

01:04  Elşad Əhmədov: “Hücum xəttində irəliləyiş olması müsbət məqamdı”

00:31  “Qalatasaray”dan qələbə, “Akhisarspor” 1/4 finalda

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az