(+994) 050 678 37 80
(+994) 070 534 65 52

qaynar xətt

Cavad
Natiq Muxtarlı
Tahir Süleymanov
AFFA rəhbərliyi üçün İslandiya möcüzəsi – I YAZI

AFFA rəhbərliyi üçün İslandiya möcüzəsi – I YAZI

Argentina ilə heç-heçə, Lionel Messinin susdurulması – bu, davam edən DÇ-2018-in hələlik ən böyük sensasiyasıdı. Və onu reallaşdıranlar bir neçə il öncə futbola yalnız hobbi kimi yanaşan ada ölkəsinin sakinləridi.
 
İslandiya futbol dünyasında heç vaxt böyük ad olmayıb. Lakin bu ölkədə elə işlər görülüb ki, ölkənin millisi ən azı Avropanın möhkəm ortababı olmaqdadı. Qitə çempionatındakı möhtəşəm çıxışın ardından mundiala qazanılan vəsiqə və burada uğurlu debüt artıq təsadüf sayıla bilməz. Bü, dünya çempionatları tarixində ən əz əhali rekordunu yeniləyən nağıllar ölkəsinin növbəti nağılıdı.
 
İslandiya zövqlü futbol sərgiləmir. Lakin o qədər sistemli, o qədər özünəəmin şəkildə oynayırlar ki, bu komandadan hər an qol gözləyirsən.  Sanki topla yatıb-dururlar, qarşılarında Messi kimi futbol tarixini yazan superulduz olsa da, həyəcan, təşviş yoxdu. Oyunçular fiziki güclərinin verdiyi üstünlüyə inkişaf etdirdikləri taktiki-texniki bacarığı gəlib, qonşu Rusiyada növbəti möcüzə axtarışındadılar.
 
Bütün bunlar qısamüddətli, amma planlı işin meyvəsidi. Bizim AFFA-da oturanlar dövlətimizin səxavətlə açdığı kisəni dağıdarkən, milyonları havaya sovurarkən, İslandiyada bu işi inkişaf modeli ilə əlamətdar etdilər.
 
Hazırda FİFA-nın reytinq cədvəlində 22-ci pillədə olan İslandiya 6-7 il əvvəl 120-130-cu sıralarda var-gəl edirdi. Cədvəldə millimizdən də geri qalan adalılar UEFA-ya üzv ölkələr arasında yalnız San Marino, Andorra, Malta, Luksemburq və Qazaxıstanı qabalayırdı.
 
Lakin uşaq futboluna, top oyununun mərhələli inkişafına o qədər ciddi yanaşmışdılar ki, nəticə mütləq olmalıydı. 10 il öncə - indiki AFFA rəhbərliyinin hakimiyyətdə olduğu dövrdən də qısa dönəmdə - torpağa atılan toxumlar meyvəsini verməyə başladı. AVRO-2016-ya 5-ci səbətdən qatılan komanda qrupda Hollandiya, Çexiya, Türkiyə kimi komandaları üstələyərək 1-ci pilləni əldə etdi və tarixində ilk dəfə hansısa böyük turnirə vəsiqə qazandı.
 
İslandiya ən romantik şairlərin, yazıçıların və rəssamların belə xəyal gücünü aşaraq, möhtəşəm təbiətə sahib olan, ordusuz ölkədi. Ölkə yanardağlarını örtən dumanın mərkəzindən üsyan edən vulkan lavaları, susmayan şəlalələri, qeyzerləri və özünəməxsus memarlıq üslubu ilə insanı heyrətləndirir.
 
İslandiyanın belə gözəl təbiətinin bədəli də var. Ölkənin 63 faizi qütb bitkiləri olan tundura ilə örtülüb və havanın hərarəti çox aşağıdı, az qala yarısı vulkanik çöllərdən ibarətdi. 15 faizi isə buzluqlardı. Adanın sahillərində yaşayış mövcuddu və orda da iqlim ekstrim idman növləri xaric, açıq havada digər idman növlərini mümkünsüz edir. Ümumiyyətlə, İslandiya kimi soyuq ölkədə futbol oynamaq da ekstrim sayılır.
 
"KR Reykyavik"ə transfer olan ingilis futbolçu Anri Moyesin xatirəsinə baxaq: "Meydança quru idi və xidmətçiyə qazonu sulamalı olduğunu bildirdim. O isə güldü və dedi ki, bura iyuna kimi su verilməyəcək. Yoxsa otlar donar".
 
Məhz buna görə  dünyada ən qısa futbol mövsümü İslandiyadadı. Burada çempionat mayda başlayıb, sentyabrda başa çatır. Tundra iqlimi meydançaların yaşıllaşmasını çətinləşdirir. Ölkənin ən köklü futbol klubu "KR Reykyavik" 2000-ci ildə qazandığı çempionluğu qum meydançasında etdiyi məşqlərlə qazanmışdı. Meydançanın olmaması və iqlim şəraiti səbəbindən futbolçular qışda çox az məşq edə bilirlər. İslandiyanın Təhsil Naziri Arnar Qunnarson deyir: "20 il əvvəl futbol oynadığım vaxtlarda qış vaxtı həftədə 1 dəfə məşq edə bilirdim. Formamı basketbol və ya həndbol oynayaraq, saxlayırdım".
 
Qunnarsonun dediyi vaxtlarda İslandiyada cəmi 2 süni meydança var idi. Onlar da 1985 və 1992-ci illərdə salınmışdı. Üstəlik, istifadə olunan texnologiya da 1988-ci ildə İngiltərədə qadağan olunmuşdu. Nə oyunçu yetişdirə biləcək, nə də futbol oynanılacaq ab-hava.
 
İslandiya Futbol Federasiyası ilk iş olaraq, 7-8 ay davam edən mövsümün faydalı olması üçün bazalar hazırlamağa başladı. Yekunda 7-8 aylıq qış mövsümündə əvvələr peşəkar futbolçuların həftədə 1-2 məşq edə bildiyi İslandiyada artıq 6-10 yaşlı gənclər həftədə 3, 10-14 yaşlılar 4, 14-18 yaşlılar 5, peşəkarlar isə 6 dəfə məşq edə bilirdi. Həmçinin, bütün məktəblərdə həftəlik 2 saat idman və 1 saat da üzmə dərsləri məcburi şəkildə tədris edilməyə başladı.
 
330 min əhalisi ilə bu mənada AÇ-lərdə iştirak edəcək ən balaca dövlət olan İslandiyada 21508 futbolçu vardı. Bu da ölkə əhalisinin 7 faizidi. Yeri gəlmişkən, AFFA ölkəmizdə futbol ailəsinin 140 min üzvü olduğunu iddia edir. Maraqlıdı ki, bu qədər futbolçudan milli komanda üçün normal bacarığı olan 20 nəfər tapa bilmir, Riçard Almeyda, Dmitri Nazarov kimi milliləşənlərə möhtac qalırıq. Hətta cəmi 8 komandanın mübarizə apardığı Premyer Liqada da klublar yerli oyunçu qıtlığından əziyyət çəkir.
 
(davamı olacaq)
 
AĞA

 
tarix: 17-06-2018 12:16


 
Xəbər lenti
25.05.2019

13:11   Bundesliqada mövsümün rəmzi komandası - FOTO

12:14   “Qızıl buts” mükafatının qalibi bəlli olu

11:35   “Zirə” Bilal Həmdini heyətdə saxlaya bilmir

11:07   Premyer Liqa klubunun azarkeşinə irqçilik cəzası

10:57   “Qəbələ”də son qərar gözləntisi

10:31   PSV-dən Super Liqa klubuna

10:00   “Trabzonspor”da ayrılıq

09:33   Əmrə “Fənərbaxça”ya qayıdır: Klub prezidenti açıqladı

09:00   Şenol Günəş “Beşiktaş”dan getdi

01:07   PSJ-dən mövsümün son matçında məğlubiyyət

00:01   “Beşiktaş” mövsümü qələbə, “Qalatasaray” məğlubiyyətlə başa vurdu

24.05.2019

22:01  “Qəbələ” ilk kubokunun təqdimatını edəcək

20:15  İspaniya klubundan Azərbaycan millisinin üzvü ilə yeni anlaşma

19:47  Françesko Toldo ilə Maykl Ouen Bakıda

18:06  “Sabah”da yeni məşqçi təyinatları

17:40  Şenol Günəş Türkiyə millisinin heyətini açıqladı

17:12  Premyer Liqa klbunda 3 illik müqavilə

16:47  “Arsenal” Bakı finalından sonra onunla yolları ayıracaq

16:24  PSJ-nin futbolçusu əməliyyat olundu

15:51  “Liverpul” UEFA-dan narazıdı

15:32  Venger də Bakı finalından danışdı

15:17  Elşad Əhmədov: “Onun taleyinə rəhbərlik qərar verəcək”

14:53  “Ayaks”da 3 illik müqavilə

14:32  “Sumqayıt”ın son mövsümdə vurduğu bütün qollar - VİDEO

14:15  “Azarkeşlər Bakıdakı finaldan zövq alacaqlar”

13:54  “Qəbələ” Qriqorçukun bütün kadrlarını göndərdi

13:36  “Sevilya”da italiyalı baş məşqçi

13:07  “Sumqayıt” geridə qalan mövsümdə - STATİSTİKA

12:49  Emil Balayev ən yaxşılar arasında

12:24  Bakı finalına doğru: Azarkeşlər üçün VİDEObələdçi

12:00  Azərbaycanlı hakimlərə beynəlxalq təyinat

11:47  Marçello Lippi yenidən milli komandada

11:31  Bakı finalına doğru: “Görüşə Premyer Liqa oyunu kimi hazırlaşırıq”

11:22  PSJ-də Neymar - Mbappe gərginliyi: İkisindən biri gedir

11:11  Meneceri Petrovu Kiyev “Dinamo”suna layiq bilir

11:00  Braziliya millisinin sabiq forvardı karyerasını başa vurdu

10:33  “Bavariya” finala ciddi itkilərlə çıxacaq

10:00  Almaniyalı futbolçu İtaliya klubunda

09:30  “Ştutqart”dan ilk oyunda heç-heçə

09:00  Serbiya kubokunun qalibi bəlli oldu

00:25  Premyer Liqada yay bazarlığı - YENİLƏNİR

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az