(+994) 050 678 37 80
(+994) 070 534 65 52

qaynar xətt

Tahir Süleymanov
Ramin Musayev: “PFL-in nailiyyətləri bəzi insanların xoşuna gəlmir”

Ramin Musayev: “PFL-in nailiyyətləri bəzi insanların xoşuna gəlmir”

Peşəkar Futbol Liqasının (PFL) prezidenti Ramin Musayev “Apasport”a müsahibə verib.

Futbolinfo.az həmin müsahibəni təqdim edir: 

- Bu gün PFL-in 10 ili tamam olur. Bu münasibətlə sizi təbrik edirik. 10 illik fəaliyyətinizi necə dəyərləndirərdiniz?
- Təşəkkür edirəm. Bu gün sizin də bayramınızdı, bu münasibətlə təbrik edirəm. Mənim üçün üçqat bayramdı. Həm Azərbaycan Polisi Günü, həm PFL-in yaranma günü, həm də özümə yaxın dost bildiyim idman jurnalistlərinin günüdü.

O ki qaldı fəaliyyətimizə, uzun-uzadı danışmaq özündənrazılıq hesab oluna bilər. Amma reytinq cədvəlindəki irəliləyiş göz qabağındadı. Peşəkar Futbol Liqası AFFA prezidenti Rövnəq Abdullayevin təşəbbüsü ilə yaradılmış bir idarədi. Bu qurum məhz onun futbola olan diqqəti nəticəsində yaradıldı. İlk dəfə də mənə həvalə olundu. AFFA prezidentinə söz verdim ki, burda olduğum müddətdə keçirdiyim çempionatın ədalətli olmasına çalışacam. Şükürlər olsun ki, verdiyim sözün üstündə dura bilirəm. Bəlkə də, bunu deməli deyiləm, ancaq söyləyənlər də çox azdı. Bizim nailiyyətlərimiz bəzi insanların xoşuna gəlmir. Yəqin ki, bu, paxıllıq əlamətidi. Bura bizim şəxsi qurumumuz deyil, hər şey Azərbaycan futbolu naminədi. Heç bir diqqətsizlik bizi ruhdan salmır. Növbəti seçkilərə qədər öz bacarığımızı ortaya qoymalıyıq. Gördüyümüz işlər, xüsusən də, reytinq cədvəlində özünü doğrultdu. Çalışacağıq ki, həmin səviyyəni daha da artıraq.

- Çempionatımız PFL-in təşkilatçılığı ilə keçirildikdən sonra UEFA reytinqində yüksəliş yarandı, klublarımız avrokubokların qrup mərhələlərində iştirak etdi. Bütün bunlarda sizin əməyiniz nə qədərdi?
- İlk dəfə “Neftçi” avrokuboklarda qrup mərhələsində vəsiqə qazandı. Ardından “Qarabağ” bunu təkrarladı, “Qəbələ” rekorda imza atdı. Bütün bunlar bizim keçirdiyimiz çempionatın vaxtına düşüb. Deyə bilərlər ki, bunda PFL-in əziyyəti yoxdu. Mən də sual verirəm ki, əgər PFL-in əziyyəti yoxdusa, bizdən əvvəl bunlar niyə olmurdu? Klublarımız bir mərhələ keçəndə hamımız bayram edirdik, ikinci mərhələni keçəndə isə deyirdik ki, rekorda imza atdıq. Ancaq indi pley-off mərhələsini uğur saymırıq, düşünürük ki, bu da azdı. Ən vacibi odu ki, bizim dönəmimizdə Çempionlar Liqasının himni Azərbaycan stadionunda səsləndi. Bu, böyük hadisədi. Bundan sonra da çempionatımızın ədalətli keçirilməsinə və yaddaqalan yeniliklər ortaya çıxarmağa xüsusi önəm verəcəyik.

- PFL-siz çempionatla PFL-li çempionatı necə müqayisə edə bilərsiniz?
- PFL yaradıldıqdan sonra SSRİ dönəmində olan əvəzedicilərin çempionatını bərpa etdik. Bəzən klublarımızdan narazılıq olur ki, əvəzedici heyət nəyə lazımdı? Amma heç nə yaddan çıxmır. Əvəzedicilərin çempionatının yaradılması bizə nə verdi? Kifayət qədər gənc futbolçular üzə çıxdı. Bu gün Azərbaycan millisində çıxış edən futbolçuların 60-70%-i əvəzedicilərdən çıxıb və bu səviyyəyə yüksəlib. Əgər əvəzedici heyət olmasaydı, Premyer Liqada zədələnən futbolçu bərpa dövründən sonranı, həmçinin cəzalı duruma düşən oyunçu həmin dönəmi boş keçirəcəkdi. Futbolçu oynamasa, “artıra” bilməz. Əvəzedici heyət Premyer Liqada çalışan məşqçilərə kömək üçün yaradıldı. Bu da özünü doğrultdu

- 10 il ərzində ən böyük qazancınız nə oldu?
- Bəzi qonşu ölkələrdən fərqli, Azərbaycanda Çempionlar Liqasının himni səslənildi. Əliyar Ağayev heç kimin ağlına gəlməyən səviyyəyə, I kateqoriyaya yüksəldi. Əliyar da çempionatımızda “bişmiş” hakimdi. AFFA və PFL tərəfindən hakimlərə olan diqqət-qayğının nəticəsi göz önündədi.

- Doğru və yanlış hesab etdiyiniz qərarlar hansılar oldu?
- Yanlış hesab etdiyim keçən il əvəzedici heyətin əsas komandadan bir gün sonra oynaması qərarıdı. Mən bununla razılaşmadım. Ancaq səs çoxluğu ilə belə addıma əl atdıq. Bu, səhv qərar oldu. Yaxşı oldu ki, bu il iclasda görüşdük və etiraf etdilər ki, əvəzedicilər əsas komandadan bir gün əvvəl oynasa yaxşıdı.

Yadda qalan çox şey var. Mən PFL-dən əvvəl klubda çalışırdım. Hər klub da ürəyi istəyən topla oynayırdı. Bu da peşəkar futbolçuları öz oyununu göstərmək imkanından məhrum edirdi. Ancaq PFL yaranandan sonra qərara aldıq ki, bütün çempionat eyni topla oynanılmalıdı. Vaxt var idi ki, klublara şar kimi top verirdilər. Futbolçular da deyirdilər ki, zərbə vururduq, top havada beş yerə qatlanır, istədiyimiz oyunu göstərə bilmirik. Bununla bağlı qərarımız da peşəkarlığa doğru atılmış növbəti addım idi.

- Mübarizə və rəqabət baxımından hansı mövsümü xüsusi fərqləndirərdiniz?
- Açığı, fərqləndirmək çox çətindi. Hər mövsümün öz şirinliyi və çətinliyi var. Buna görə də, ayıra bilmirəm. Hələ yola davam edirik.


 
tarix: 02-07-2018 15:45


 
Xəbər lenti
21.11.2018

10:00   “eTopaz”da günün canlı oyunları

09:30   Braziliya, İtaliya və Fransaya 1 qol bəs etdi

09:00   Boş ümidlər, gözlənilən sonluq

02:54   Bernar Şalland: “Himnin fitə basılması yaxşı hal deyil”

02:18   Qurban Qurbanov: “Erkən qol ağır zərbə oldu”

01:57   Millətlər Liqasında qrup mərhələsinə yekun vuruldu

01:35   Millimiz Millətlər Liqası ilə bağlı ümidləri Kosovoda “basdırdı”

20.11.2018

20:50  Vüqar Məmməd: “Yekun istədiyimiz kimi oldu”

19:02  “Sumqayıt” “Zirə” ilə oyun üçün hazırlığa start verdi

18:55  Yığmamız Lixtenşteyni darmadağın edib, elit-raunda yüksəldi

17:56  Ruslan Abışov məşqlərə başladı

15:50  “Beşiktaş”ın futbolçusu sıradan çıxdı

15:31  Mərakeş avropalılarla bir yerdə?

15:25  “Azərbaycandan güclü idik”

14:59  PSJ-də ayrılıq

14:32  Çeferinin ideyası var

14:26  İbrahimoviç “Milan”a bir az da yaxınlaşdı

14:17  “Dembele ciddi olmalıdır”

14:07  Müller 100-ə çatdı

13:34  Mbappe və Asensio

13:22  “Topaz": Priştina, Qlazqo və Stokholmda final matçları

13:15  Millimizin pley-offdakı potensial rəqibi bilindi

13:10  UEFA-dan yeni siqnallar: “Səbail” də qumara qurşanıb?

12:46  "Neftçi" qvineyalını yola saldı

12:27  Yığmamıza qol vurdu, qələbəni şərh etdi

12:08  Gürcüstan – Avropanın 40-cı komandası

12:01  Almaniya - Hollandiya matçında 4 qol - VİDEO

11:44  Gürcüstan Qazaxıstanı da məğlub etdi - VİDEO

11:29  Birinci Divizionda 11-ci turun hakim təyinatları

11:19  Əliyar Ağayev Millətlər Liqasında oyun idarə etdi

11:00  “Bu oyunda 2:1 hesabı ilə qalib gələcəyik” – Kosovolu futbolçu proqnoz verdi

10:30  “eTopaz”da günün canlı oyunları

10:00  İslandiya Qətərlə “sülh bağladı”, Halldorsson...

09:30  Slavçevli Bolqarıstan da Millətlər Liqasında mübarizəni dayandırdı

09:00  Priştina gözləntisi

01:44  Hollandiya, Norveç və Makedoniya da növbəti mərhələdə!

00:01  Super Liqa klubunda yeni baş məşqçi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az