(+994) 050 678 37 80
(+994) 070 534 65 52

qaynar xətt

Tahir Süleymanov
İdman mətbuatı bu gün – III yazı

İdman mətbuatı bu gün – III yazı

 
Mediaya kortəbii şəkildə maliyyə ayırmaq da doğru deyil. Ciddi layihələr müəyyənləşməli, təbliğat aparılmalıdı. Kimisə susdurmaq, neqativ əməlləri tənqid etməmək üçün ayrılan vəsait heç kimə lazım deyil.
 
Öncə klublardan başlayaq. Məsələn, “Səbail” kimi varlığının səbəbi bilinməyən kluba bu il 1,7 milyon manat əlavə vəsait ayrıldı. Ötən mövsüm “Kəpəz”ə verilən pul bütünlüklə AFFA rəhbərliyinin himayəsində olan Bayıl təmsilçisinə çatacaq. Bu komandanın əvvəlki büdcəsi də yerində qaldığından, “gəmiqayıranlar” indi daha güclü olmalıdı.
 
Amma bu işlər yeni məşqçi gətirməklə, bahalı yerli oyunçuları transfer etməklə, 5-6 əcnəbi üçün yüzminlər xərcləməklə bitmir. Bəs, yalnız 2-3 klubdan aldığı ianə ilə dolanan jurnalistlər nəyə görə Bayıla gedib reportaj hazırlamalı, müsahibə almalı, mətbuat konfranslarında iştirak etməlidi? Biz piar etməliyik ki, kimlərsə lüks həyat yaşasın, daha çox büdcə tələb etsin?
 
Hazırladığımız material bizə qazanc gətirsəydi, yazdıqlarımızın qarşılığını oxucudan hansısa şəkildə ala bilsəydik, lap elə onlar mətbuatı çox oxuduğu üçün hansısa şirkət, firma reklam təklifi ilə çıxış etsəydi, buna razı olardıq. Reallıq isə odur ki, jurnalistlərə hamballıq qalır, klub rəhbərləri dövlətin pulunu dağıtmaqla qəhrəmanlıq etdiklərini düşünürlər.
 
“Səbail” ölkə futbolu üçün hansısa iş görsəydi, yeni nəsil yetişdirsəydi, tribunala onminləri yığıb, camaatın asudə vaxtını səmərəli keçirməsinə töhfə versəydi, yenə də mətbuat bu əziyyətə qatlaşardı. Lakin 200-250 qohum-əqrəba üçün oynanılan futbolu biz niyə təbliğ etməliyik?
 
Həm də unutmayaq ki, “Səbail” maraqların toqquşduğu, hərənin maliyyəni bir yana çəkdiyi klubdu. Burada Tamerlan Abdullayevin qeyri-rəsmi hakimiyyətinə AFFA-dan Elxan Məmmədovun göndərdiyi Ramin Həsənov və Firuz Abdulla kimi şəxslər nəzarət edir. Bu insanlar klubu 2 qrupa bölərək öz nüfuz dairələrini müəyyənləşdiriblər. Hamının öz maaşını güddüyü, imkan daxilində daha çox qazanmaq istədiyi bir mühitdə ortaya qoyulması mümkün olmayan futbolu jurnalistlər niyə təbliğ etməlidi?
 
Ümumiyyətlə, “Səbail” mətbuata ən az diqqət ayıran komandadı. Bayıl təmsilçisi özü AFFA rəhbərliyinin şəxsi komandasıdı, son vaxtlara kimi Müşahidə Şurasının sədri assosiasiya prezidentinin oğlu idi. Klubun bazası beynəlxalq futbol təşkilatlarının ianəsi hesbına təmir edilib və AFFA-ya məxsusdu. Bir növ başqaları şərit yaradıb, “Səbail” isə hazırına qonub. Əvəzində mətbuatdan havayı təbliğat gözləyirlər. Jurnalistika onlar üçün o qədər önəmsizdi ki, bugünədək klub saytını istifadəyə verə bilməyiblər. Cüzi məbləğə başa gələn rəsmi sayt 1 ildən çoxdu “dünyaya gələ bilmir”. Klubun mətbuat xidmətinin rəhbəri Törə Əhmədova AFFA-da da işlədiyindən, başı qarışıq olur, klubla bağlı bilgiləri yalnız ona zəng vuranda ala bilirik.
 
Eyni sözləri “Sumqayıt”a da şamil etmək olar. Hələ də futbolçu satışıyla, oyunçu transferlərindən aldığı faizlərlə cibini dolduran Riad Rəfiyevin gəlişi də vəziyyəti dəyişməyib. Klub prezidenti “obyekt”inə yalnız özünü və yaxınlarını dolandırmaq fürsəti kimi baxır. Dolayısı ilə dövlət büdcəsindən çıxan vəsait yalnız mətbuata çox görülür.
 
“Sabah” hələ debütantdı, onların media siyasətinin necə olacağı bəlli deyil. Ümid edirik, Azərbaycan futboluna yeni nəfəs gətirərlər. Bu klubda 3 həmkarımız çalışır və onlar təbliğatın gücünü də, faydasını da bilirlər. Yəqin ki, şinelindən çıxdıqları mətbuatın durumunu da.
 
“Zirə”, “Keşlə” kimi klubların rəhbərliyi də eyni cür düşünür. Ona görə də hətta nəticələrin yaxşı olması da heç vaxt bu klublar haqda müsbət rəy formalaşmasına səbəb ola bilməz. Təbliğatı düşünmürsənsə, ortaya hansısa layihə qoymursansa, deməli, məqsədin yalnız dövlətdən qaynaqlanan büdcəni hansısa formada həzm-rabedən keçirməkdi.
 
Bir daha təkrarlayırıq ki, mətbuat dilənçi deyil. Kimsə jurnalistlərin susması naminə pul ayırmaq lazım olduğunu düşünürsə, demək təfəkkürü o qədər “inkişaf edib”. Mediadan təbliğat maşını kimi yararlanmaq lazımdı. Bu şansdan istifadə etmirsənsə, deməli, ya təbliğ edilməli məhsulun, ya da bu reallığı qəbul edəcək beynin yoxdu.
 
Bu sözlərin məcmusunu Peşəkar Futbol Liqasına da aid etməliyik. Əvvəllər müxtəlif tədbirlər keçirən, ayın oyunçusunu seçən və s. işlər görən qurum indi sanki yalnız püşk atmaq, bir də mükafatlandırma mərasimi keçirməklə məşğuldu. Arabir təşkil edilən rayon səfərləri təqdirəlayiq olsa da, kifayət etmir. Çünki çempionatın işıqlandırılması, azarkeşlərin stadiona cəlb edilməsi klublar kimi PFL üçün də prioritet məqsəd olmalıdı. Bəs, bu qurum nə edir? Faktiki heç nə!
 
Hazırda mətbuatla əməkdaşlıq edən 3 klub var. “Qarabağ” və “Qəbələ” idman jurnalistikasının ayaqda qalmasının əsas səbəbkarlarıdı və zənnimizcə, bunun faydasını da görürlər. Bu klubların imici digərləri ilə müqayisədə daha yaxşıdı və qarşılıqlı hörmət görürlər. “Neftçi” az büdcə ayırsa da, əhatə dairəsi geniş olmasa da, müəyyən seçimləri var.
 
Lakin təəssüf ki, bu klublar da əməkdaşlıq müqaviləsi çərçivəsində ödədikləri vəsaiti mətbuata kömək kimi gözdən çıxarır. Halbuki onlar da reklam pullarını müxtəlif layihələrə yönəltməli, iş görməli, təbliğata çalışmalıdılar.
 
(davamı olacaq)
 
FƏRİD

 
tarix: 04-07-2018 09:00


 
Xəbər lenti
19.11.2018

18:03   Azərbaycan Bosniya və Herseqovinaya uduzdu

17:59   “Bu oyunu “döyüşə” bənzədirəm” - Valon Berişa

17:46   Premyer Liqada 12-ci turun hakimləri bəlli oldu

17:09   Topaz Premyer Liqasında 12-ci turun oyun cədvəli məlum oldu

16:15   Birinci Divizionda 11-ci turun oyun cədvəli açıqlandı

15:51   “0:0-lıq heç-heçə olacağını düşünmürəm” - Amir Rrahmani

15:41   “Topaz": Almanlar Fransanı xilas edəcəkmi?

15:33   “Sabah”ın hücumçusu məşqçi lisenziyası aldı

15:03   UEFA düzəliş etdi: Yeni bombardir Nazarov oldu

14:54   Adeniyi het-trik etdi, “Qəbələ” darmadağına sevindi

14:46   Baş katibin niyyəti, İsgəndərin buynuzu...

14:24   Dadaşov: “Bizim üçün bu oyunda uğurlu nəticə çox vacibdi”

12:54   Kosovo - Azərbaycan: Mətbuat konfranslarının vaxtı bilindi

12:23   İspaniyaya 1 qol bəs etdi - VİDEO

12:00   Renat Dadaşov üçün 17 dəqiqə, “sarı” və 3 xal

11:40   Eratın komandasına 1 qol bəs etdi

11:30   Əzizovun komandası ev oyununda xal itirdi

11:00   Eddi İsrafilov üçün 90 dəqiqə və 3 xal

10:20   İsveçrə Belçikanı belə şoka saldı - VİDEO

10:00   “eTopaz”da günün canlı oyunları

09:40   İngiltərə - Xorvatiya 2:1 - VİDEO

09:20   “Zirə”nin futbolçusu Lüksemburqa qarşı oynadı, “Səbail”li izlədi

09:00   Bernard Şalland: “Bizdə Berişa varsa, sizdə də Almeyda var”

08:30   Almaniya Hollandiyaya qarşı - YENİLƏNİR

01:42   İngiltərə Xorvatiyaya qalib gəldi, Belçika İsveçrəyə uduzdu

00:05   “Qəbələ”nin futbolçusu Toqo yığması ilə darmadağına üzüldü

18.11.2018

21:18  “Keşlə” Divizion klubuna 5 qol vurdu

19:06  “Keşlə”nin futbolçusu Qabon üzərində qələbəyə sevindi

18:15  Gəncə derbisində 14 qol

16:28  Kamran Ağayev millinin düşərgəsindən kənarlaşdırıldı

16:25  “Sumqayıt” “Qarabağ”ı məğlub etdi

16:03  Qarayevlə Almeyda yenə ən yaxşılar arasında

14:26  “Qarabağ”ın futbolçusu qovuldu

14:06  İtaliyadan antirekord

12:40  Maksim Medvedev: “Kosovo ilə oynaya bilərik”

12:20  “Yeganə çıxış yolumuz Priştinada qalib gəlməkdi”

12:00  Mirabdulla Abbasov: “Həyəcanlı deyildim”

11:40  Azərbaycan millisindən tarixi nəticə

11:20  Türkiyə İsveçə belə məğlub oldu - VİDEO

11:00  Kosovodan Maltaya 5 cavabsız qol - VİDEO

10:30  “Qəbələ”nin futbolçusu darmadağını kənardan izlədi - VİDEO

10:00  “eTopaz”da günün canlı oyunları

09:30  “Keşlə”nin futbolçusu Rumıniyada darmadağına üzüldü - VİDEO

09:00  İtaliyanın Portuqaliya ilə heç-heçəsi - VİDEO

01:41  Türkiyə İsveçə uduzdu, İtaliya Portuqaliya ilə bacarmadı

00:44  UEFA Nazarovun qolunu hesaba almadı

00:23  Millimizdən iki cavabsız qol - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az