(+994) 050 678 37 80
(+994) 070 534 65 52

qaynar xətt

Tahir Süleymanov
Sənan Qurbanov: “Adımıza yaraşmayan futbol oynadıq”

Sənan Qurbanov: “Adımıza yaraşmayan futbol oynadıq”

“Qəbələ"nin baş məşqçisi Sənan Qurbanov Avropa Liqasının I təsnifat mərhələsində Lüksemburqun "Proqres" klubuna evdə 0:2 hesabı ilə uduzduqları ilk matçdan sonra mətbuat konfransı keçirib.

Futbolinfo.az xəbər verir ki, gənc mütəxəssis öncə matçı şərh edib:

- İlk öncə azarkeşlərimizdən üzr istəyirəm - həm öz adımdan, həm də komandam. Adımıza yaraşmayan futbol oynadıq. İkinci matçda daha hazırlıqlı olacağıq. Bu, bizim üçün çox ağır siqnal oldu. Düzəlməyən bir şey yoxdur, komanda şəklində bu yükün altından çıxa biləcəyik.

- Səfərdə necə taktika seçəcəksiniz?
- Evimizdə 2 top vurublarsa, biz də bunu etməliyik. İndi isti-isti taktika haqda bir şey deyə bilmərəm. İntizamlı futbol oynamaq şərtilə qol və ya qollar vurmaqla çalışacağıq.

- Bu gün "Qəbələ" ağır təsir bağışladı, temp yox idi. Komandanız sanki qorxaq oynadı. Meydan sahibi kimi irəli getmədiniz...
- Rəqibin qapanacağını bilirdik. Oyunçularımıza sürətli futbol tapşırmışdım. Bu, hər zaman alınmır. Bəli, bu gün meydanda sürət yox idi. Futbolçularımız rahat top itkilərinə yol verdilər.

- İlk 45 dəqiqədə rəqibin necə oynadığını gördünüz. Fasilədə dərhal niyə oyununuzda dəyişikliklər, əvəzləmələr etmədiniz?
- Fasilədə oyunumuzda düzəlişlər etməyə çalışdım. Bilirdik ki, rəqibdə xətlərarası sıxlıq olacaq və orda top almalı idik. Sonradan məcburən cinahlardan hücum qurmağa çalışdıq. Təmkin Xəlilzadə oyuna pis girmədi.

- Yeni transferlərdən ümidlərinizi doğrultmayanlar oldumu?
- Onların potensiallarına bələdik və bunu görərək komandaya götürmüşük. Bilirdik ki, qısa müddətdə fontan olmayacaq. Top qəbulundakı səhvlərdən narazı qaldım. Bu, vaxt ərzində yoluna düşəcək.

- Raif Əliyev hücumda oynamalı idi. Onun bu qədər geri çəkilməyi yarımmüdafiənin zəif oynamağının nəticəsi idi, yoxsa belə tapşırıq vermişdiniz?
- Rauf tək hücumçumuz idi. Onun arxasında Asif Məmmədov idi, ikinci hücumçu kimi oynayırdı. Rauf geri çəkilmişdisə, digər ön xətdə oynayanlar o zonaya getməli idi. Videotəkrardan sonra hər şeyi analiz edəcəyik.

- İkinci hissədə sol cinahdan hücumlar gördük. Rəqib də bunu bildi. Buna uyğun taktikanız olmalı idi ki, oyunu çevirə biləsiniz...
- Hər bir rəqibin boş zonaları vardı və ordan hücumlar qurmaq istəyiridk. Sadə top itkiləri varsa, heç bir futboldan danışmaq olmaz. Bu zaman daha çox müdafiə olunmalısan. Rəqib bizim səhvlərdən qol vurdu. Bunlar isə elementar xətalar idi. İkinci oyunda daha yaxşı "Qəbələ" görə biləcəksiniz. Bunu indidən sizə söz verə bilərəm. (Report)


 
tarix: 12-07-2018 23:12


 
Xəbər lenti
21.11.2018

10:00   “eTopaz”da günün canlı oyunları

09:30   Braziliya, İtaliya və Fransaya 1 qol bəs etdi

09:00   Boş ümidlər, gözlənilən sonluq

02:54   Bernar Şalland: “Himnin fitə basılması yaxşı hal deyil”

02:18   Qurban Qurbanov: “Erkən qol ağır zərbə oldu”

01:57   Millətlər Liqasında qrup mərhələsinə yekun vuruldu

01:35   Millimiz Millətlər Liqası ilə bağlı ümidləri Kosovoda “basdırdı”

20.11.2018

20:50  Vüqar Məmməd: “Yekun istədiyimiz kimi oldu”

19:02  “Sumqayıt” “Zirə” ilə oyun üçün hazırlığa start verdi

18:55  Yığmamız Lixtenşteyni darmadağın edib, elit-raunda yüksəldi

17:56  Ruslan Abışov məşqlərə başladı

15:50  “Beşiktaş”ın futbolçusu sıradan çıxdı

15:31  Mərakeş avropalılarla bir yerdə?

15:25  “Azərbaycandan güclü idik”

14:59  PSJ-də ayrılıq

14:32  Çeferinin ideyası var

14:26  İbrahimoviç “Milan”a bir az da yaxınlaşdı

14:17  “Dembele ciddi olmalıdır”

14:07  Müller 100-ə çatdı

13:34  Mbappe və Asensio

13:22  “Topaz": Priştina, Qlazqo və Stokholmda final matçları

13:15  Millimizin pley-offdakı potensial rəqibi bilindi

13:10  UEFA-dan yeni siqnallar: “Səbail” də qumara qurşanıb?

12:46  "Neftçi" qvineyalını yola saldı

12:27  Yığmamıza qol vurdu, qələbəni şərh etdi

12:08  Gürcüstan – Avropanın 40-cı komandası

12:01  Almaniya - Hollandiya matçında 4 qol - VİDEO

11:44  Gürcüstan Qazaxıstanı da məğlub etdi - VİDEO

11:29  Birinci Divizionda 11-ci turun hakim təyinatları

11:19  Əliyar Ağayev Millətlər Liqasında oyun idarə etdi

11:00  “Bu oyunda 2:1 hesabı ilə qalib gələcəyik” – Kosovolu futbolçu proqnoz verdi

10:30  “eTopaz”da günün canlı oyunları

10:00  İslandiya Qətərlə “sülh bağladı”, Halldorsson...

09:30  Slavçevli Bolqarıstan da Millətlər Liqasında mübarizəni dayandırdı

09:00  Priştina gözləntisi

01:44  Hollandiya, Norveç və Makedoniya da növbəti mərhələdə!

00:01  Super Liqa klubunda yeni baş məşqçi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az